Published:Updated:

பங்குகள்... வாங்கலாம்... விற்கலாம்!

பங்குகள்... வாங்கலாம்... விற்கலாம்!
பிரீமியம் ஸ்டோரி
பங்குகள்... வாங்கலாம்... விற்கலாம்!

டாக்டர் சி.கே.நாராயண் நிர்வாக இயக்குநர், குரோத் அவென்யூஸ் (GROWTH AVENUES), மும்பை. SEBI Registration (Research Analyst) INH000001964

பங்குகள்... வாங்கலாம்... விற்கலாம்!

டாக்டர் சி.கே.நாராயண் நிர்வாக இயக்குநர், குரோத் அவென்யூஸ் (GROWTH AVENUES), மும்பை. SEBI Registration (Research Analyst) INH000001964

Published:Updated:
பங்குகள்... வாங்கலாம்... விற்கலாம்!
பிரீமியம் ஸ்டோரி
பங்குகள்... வாங்கலாம்... விற்கலாம்!

இண்டெக்ஸ்

கடந்த வாரம் பங்குச் சந்தை வர்த்தகத்தில் ஈடுபாடு குறைவாக இருந்ததையடுத்து, இனி சந்தை இப்படியே தொடருமோ என்ற  பயம் எல்லோருக்கும் இருந்தது. சந்தையின் போக்கை ஏற்றத்தை நோக்கி நகர்த்து வதற்கான முயற்சிகள் இருந்தபோதிலும், சந்தை ஏற்றமடைவதற்கான அறிகுறிகளே தெரியவில்லை. எனினும், விலை இறக்கத்தில் பங்குகளை வாங்கும் ஆர்வம் தொடர்ந்து காணப்பட்டதால் சந்தை, ஏற்றத்தின் போக்கில் மீண்டும் தன்னை நிலைநிறுத்திக் கொண்டதோடு, காளையின் போக்கில் உச்ச நிலைகளை நோக்கி நகர ஆரம்பித்தது.  

பங்குகள்... வாங்கலாம்... விற்கலாம்!

அடுத்த சில நாள்களில் சந்தையை நகர்த்தும் அளவுக்கு எந்தக் காரணிகளும் இல்லாததால், குறிப்பிட்ட பங்குகளின் அடிப்படையில்தான் நகர்வுகள் இருக்கும். ஏற்ற இறக்கமானது ஜனவரி மாதத்தின் இடையில், நிறுவனங்களின் நிதிநிலை முடிவுகள் வெளிவர ஆரம்பிக்கும் சமயத்தில் உருவாகலாம் என்று எதிர்பார்க்கப்படுகிறது. டிசம்பர் மாத ஏற்ற இறக்கம் எக்ஸ்பைரியுடன் முடிவுக்கு வந்த நிலையில், வரும் புத்தாண்டின் முதல் மாதத்தில் நம்முடைய சந்தை செயல்பாடுகளைக் கலவையாகத் தொடரலாம்.

நீண்ட கால அடிப்படையிலான சார்ட் பேட்டர்ன்களைப் பார்க்கும்போது, சந்தை ஏற்றத்துக்கான வாய்ப்பு பிரகாசமாகவே இருக்கின்றன. சந்தைக் குறியீடுகளும் தொடர்ந்து ஏற்றத்தில் இருந்து சந்தைக்கு ஆதரவாக இருக்கின்றன என்பதை  சார்ட்டைப் பார்த்தாலே தெரியும். அதில் சந்தையின் போக்கு பாசிட்டிவாக இருப்பதோடு, இறக்க நிலையிலிருந்து மீண்டு வரும் நகர்வுகள், 2018 வருடத்துக்கான பாசிட்டிவ் தொடக்கமாக இருக்கின்றன. சந்தை தொடர்ந்து காளையின் சென்டி மென்டில் தொடர்வதற்கு முக்கியமான காரணம், சந்தைக் குறியீடுகளின் சப்போர்ட் வலுவாகவும் நிலையாகவும் இருந்து வருவதுதான்.  

ஒட்டுமொத்த விகடனுக்கும் ஒரே ஷார்ட்கட்!

பங்குகள்... வாங்கலாம்... விற்கலாம்!

நிஃப்டி 10000 புள்ளிகளிலும், பேங்க் நிஃப்டி 24000 புள்ளிகளிலும் வலுவான சப்போர்ட்டுடன் சந்தையின் ஏற்றத்துக்கான போக்கைத் தக்கவைத்துக் கொண்டிருக்கின்றன. குறுகிய கால அடிப்படையில் பார்த்தால், நிஃப்டியின் முந்தைய உச்சமான 10530 என்பது, முன்பு சவாலுக்குரிய ஒன்றாக இருந்தது. ஆனால், தற்போது புதிய சப்போர்ட்  நிலையை உருவாக்கும் வகையில் இருக்கிறது.

வரும் வாரத்தில், இந்த நிலைகள் எந்த அளவுக்குத் தக்கவைத்துக்கொள்ளப்படுகிறது என்பதைப் பார்க்க வேண்டும். அதுவரை  சந்தையில் பெரிய அளவில் வாங்கும் ஆர்வம் வருகிறதா என்பதைப் பார்த்து, அதன்பிறகு தற்போதைய நிலையிலும், 10300 வரை இறக்கத்திலும் லாங் பொசிஷன்களை எடுக்கலாம். இது, 10750 வரை உயரும் வாய்ப்புள்ளது.  

பங்குகள்... வாங்கலாம்... விற்கலாம்!



பேங்க் நிஃப்டியில் கடந்த சில வாரங்களாகவே பாசிட்டிவான நிலைப்பாடு இருந்து வருகிறது. டிசம்பரின் ஆரம்பத்தில் இதில் ஏற்பட்ட இறக்கம், அதன் சப்போர்ட் நிலையை உடைத்துச் சென்றது மீண்டும் அந்த நிலையிலிருந்து ஏற்றமடைவதற்குத்தான் என்பதை உறுதிசெய்துள்ளது. தொடர்ந்து அந்த நிலையில் சில வாரங்களை நிறைவு செய்திருப்பதால், மேலும் ஏற்றமடைவதற்கான வாய்ப்புகளையும் கொண்டிருக்கிறது.

பேங்க் நிஃப்டியில் இருக்கும் பாசிட்டிவ் போக்கு, ஆட்டோ, ரியால்ட்டி மற்றும் நிதித்துறை நிறுவனங்களுக்கும் பரவியிருக்கிறது. அவற்றிலும் பங்குகளை வாங்கும் ஆர்வத்தைப் பார்க்க முடிகிறது. நிறுவனங்களின் காலாண்டு முடிவுகள் வெளிவரும் சமயம் நெருங்குவதால், பொதுத்துறை வங்கிகள் பிரிவிலும் நகர்வுகள் மீண்டும் வருவதற்கான முயற்சிகளை எடுக்கின்றன. வரும் நாள்களில் சந்தையின் நகர்வுகளுக்கு வங்கித்துறையின் செயல்பாடு முக்கியப் பங்கு வகிக்கலாம்.  
இந்த வருடத்தை உச்சகட்ட நிலைகளில் நிறைவு செய்திருப்பதால், நாம் நம்முடைய அணுகுமுறையைச் சற்று சமநிலையில் வைத்திருப்பது அவசியம்.  தற்போது சந்தையின் போக்கு மேஜிக் ரன் போல இருப்பதோடு, இதுவரை ரிவர்சல் நகர்வுகளுக்கான அறிகுறியே இல்லாமல் இருக்கிறது. எனவே, விலை இறக்கத்திலிருந்து மீண்டு வரும்போது யார் வாங்குகிறார்களோ, அவர்களுக்கு நல்ல வருமானம் கிடைக்கும்.   

பங்குகள்... வாங்கலாம்... விற்கலாம்!

ஹேவல்ஸ் இந்தியா (HAVELLS)

தற்போதைய விலை: ரூ. 562.45

வாங்கலாம்

ஹேவல்ஸ் இந்தியா நிறுவனம், தன்னை ஸ்விட்ச்கியர் பிசினஸிலிருந்து நுகர்வோர் எலெக்ட்ரிக்கல் சாதனங்கள் உற்பத்தி செய்யும் நிறுவனமாக மாற்றிக்கொண்டிருக்கிறது. தன்னை இளைய சமுதாயத்தின் விரும்பும் நிறுவனமாக முன்னிறுத்தி வருகிறது. மேலும், டயர் 2 முதல் 5 வரையிலான பகுதிகளின் சந்தையை இலக்காக வைத்து, சந்தைப்படுத்தி வருகிறது.

இதன் சார்ட் பேட்டர்னைப் பார்க்கும்போது, இந்த வருடத்தில் அடைந்த வலுவான ஏற்றத்துக்குப்பிறகு, அதன் உச்சநிலைகளில் தன்னை நிலைப்படுத்தி வைத்திருக்கிறது. கடந்த வெள்ளிக்கிழமை, இதில் மீண்டும் ஒரு வலுவான ஏற்றத்தைப் பார்க்க முடிந்தது. இதனால், புதிய ஏற்றத்துக்கான மொமென்டம் உருவாகியுள்ளது. எனவே, இந்தப் பங்கை ரூ.570-க்குமேல், இறக்கத்தில் 555 வரையிலும் வாங்கலாம். ஸ்டாப்லாஸ் ரூ.548-க்குக்கீழ் வைத்துக்கொள்ளவும். ரூ.590 வரை உயரலாம்.  

பங்குகள்... வாங்கலாம்... விற்கலாம்!

இன்ஃபோசிஸ் (INFY)

தற்போதைய விலை: ரூ. 1042.05

வாங்கலாம்


இந்தப் பங்கின் நகர்வு ஏற்றத்தின் போக்கில் தொடரும் என்று நம்பலாம். அதை உறுதிசெய்யும் வகையில், கடந்த சில வாரங்களில் இந்தப் பங்கின் நகர்வுகளில் இருந்த ஏற்றம், அதன் சமீபத்திய ரெசிஸ்டன்ஸ் நிலைகளைத் தாண்டி வர்த்தகமாகியுள்ளது. இதன் தினசரி சார்ட்டுகளில் இந்தப் பங்கின் விலை நகர்வு, நீண்டகாலத்துக்கு நிலையாகவும், ஏற்றத்தின் போக்கிலும் இருப்பதைப் பார்க்க முடிகிறது. லாங் பாடி கேண்டில் பேட்டர்ன்கள் இந்தப் பங்கு போக்கு பாசிட்டிவாக இருப்பதை குறிக்கிறது. இதனால்,  மீண்டு வரும் மொமென்டம் நிலையாக இருக்கிறது. இந்தப் பங்கில் காளையின் போக்கு நீடிக்கும் வாய்ப்பு இருக்கிறது. ரூ.1,047-க்கு மேல் மற்றும் இறக்கத்தில் 1020-1025 வரையிலும் வாங்கலாம். ஸ்டாப்லாஸ் ரூ.1,005-க்குக் கீ்ழ் வைத்துக்கொள்ளவும். ரூ.1,080 வரை உயர வாய்ப்புள்ளது.  

பங்குகள்... வாங்கலாம்... விற்கலாம்!

அமரராஜா பேட்டரீஸ் (AMARAJABAT)

தற்போதைய விலை: ரூ.840.20


வாங்கலாம்


கடந்த சில வாரங்களில் இந்தப் பங்கில் ஏற்பட்டுள்ள ரெக்கவரி நிலையாக இருந்ததால், பங்கை வாங்குபவர்களின் ஆர்வம் அதிகரித்துள்ளது. இதனால், இதன் விலை ஏற்றத்தை நோக்கி நகர ஆரம்பித்துள்ளது. தற்போது இந்தப் பங்கின் ரெசிஸ்டன்ஸாக  இருக்கும் ரூ.840 என்ற நிலையைத் தாண்டி ஏற்றமடைய தொடங்கியிருக்கிறது. இந்தப் பங்கில் வாங்குவோரின் ஆர்வம் தொடர்ந்து அதிகரித்து, இந்தப் பாசிட்டிவ் மொமென்டம் வரும் வாரத்திலும் தொடருமானால், இந்தப் பங்கை வாங்கலாம். எனவே ரூ.850-க்கு மேல் இந்தப் பங்கை வாங்கலாம். ஸ்டாப்லாஸ் ரூ.833-க்குக் கீழ் வைத்துக்கொள்ளவும். குறுகிய காலத்தில் ரூ.880 வரை உயர வாய்ப்புள்ளது.

தொகுப்பு: ஜெ.சரவணன்

டிஸ்க்ளெய்மர் : இங்கு பரிந்துரைக்கப்பட்ட பங்குகள் பரிந்துரை செய்த ஆசிரியர் வசம் இருக்கக்கூடும். முதலீட்டாளர்கள் பங்குச் சந்தையின் ரிஸ்க் அறிந்து நிபுணர்களின் ஆலோசனைப்படி முதலீட்டை மேற்கொள்ளவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism