Published:Updated:

ஸ்டார்ட்அப்களைக் கலவரப்படுத்தும் ஏஞ்சல் டாக்ஸ்!

ஸ்டார்ட்அப்களைக் கலவரப்படுத்தும் ஏஞ்சல் டாக்ஸ்!
பிரீமியம் ஸ்டோரி
ஸ்டார்ட்அப்களைக் கலவரப்படுத்தும் ஏஞ்சல் டாக்ஸ்!

வாசு கார்த்தி

ஸ்டார்ட்அப்களைக் கலவரப்படுத்தும் ஏஞ்சல் டாக்ஸ்!

வாசு கார்த்தி

Published:Updated:
ஸ்டார்ட்அப்களைக் கலவரப்படுத்தும் ஏஞ்சல் டாக்ஸ்!
பிரீமியம் ஸ்டோரி
ஸ்டார்ட்அப்களைக் கலவரப்படுத்தும் ஏஞ்சல் டாக்ஸ்!

புனேவைச் சேர்ந்த ட்ரூ எலிமென்ட்ஸ் நிறுவனம் கடந்த 2015-ம் ஆண்டு ரூ.1.5 கோடி நிதியை முதலீடாகத் திரட்டியது. ஸ்டார்ட் அப் நிறுவனங்களுக்கு அப்போது சந்தோஷமாக இருந்த இந்த விஷயம், தற்போது சிக்கலாக மாறியிருக்கிறது. இந்த முதலீட்டை வருமானமாக எடுத்துக் கொண்டு, ரூ.40 லட்சம் வரி (ஏஞ்சல் டாக்ஸ்) செலுத்த வேண்டும் என வருமான வரித் துறை நோட்டீஸ் அனுப்பியிருக்கிறது. பல நிறுவனங்களுக்கும் பிரிவு 56(2) கீழ் ஏஞ்சல் டாக்ஸ் செலுத்த வேண்டும் என வருமான வரித்துறை நோட்டீஸ் அனுப்பியிருக்கிறது. இதனால் இந்திய ஸ்டார்ட் அப் நிறுவனங்கள் கலவரத்தில் உள்ளன.

   ஏஞ்சல் வரி என்றால்?

ஸ்டார்ட்அப் நிறுவனங்கள் ஐடியாவை  முதன்மையாக வைத்தே தொடங்கப்படுகின்றன. முதலீட்டு நிறுவனங்கள் இந்த ஐடியாவை நம்பி  முதலீடு செய்கின்றன. ஸ்டார்ட்அப் நிறுவனங் களின் வருமானம் ஆரம்பத்தில் குறைவாக இருந்தாலும், எதிர்காலத்தில் அது எவ்வளவு சம்பாதிக்கும் என்பதன் அடிப்படையில் அதன் சந்தை மதிப்பு நிர்ணயம் செய்யப்படுகிறது. இதனை அடிப்படையாகக் கொண்டுதான் முதலீட்டாளர்கள் முதலீடு செய்கின்றனர்.

ஆனால், இந்த மதிப்பீட்டு முறையின் அடிப்படையில் செய்யப்படும் முதலீட்டை  வருமான வரித்துறை வருமானமாகக் கருதத் தொடங்கியிருக்கிறது. அதாவது, சந்தை மதிப்பை விட அதிகமான நிதி திரட்டினால், அந்தத் தொகையை வருமானமாகக் கணக்கீட்டு அதற்கு 30% வரி செலுத்துமாறு நோட்டீஸ் அனுப்பத் தொடங்கியிருக்கிறது.

உதாரணத்துக்கு, ஒரு ஸ்டார்ட்அப் நிறுவனத்தின் ஒரு பங்கின் விலை ரூ.100 எனில், அந்தப் பங்குகளை ரூ.120-க்கு முதலீட்டாளரிடம் விற்கும்போது இந்தத் தொகையை முதலீடாகக் கருதாமல் வருமானமாகக் கருதப்பட்டு, ரூ.20-க்கு வரிச் செலுத்த வேண்டும் என நோட்டீஸ் அனுப்பப்படுகிறது. ஏப்ரல் 2018-க்குமுன்பாக நிதி திரட்டிய நிறுவனங்களுக்கு இந்த நோட்டீஸ் செல்லும் எனத் தெரிகிறது.

ஸ்டார்ட்அப்களைக் கலவரப்படுத்தும் ஏஞ்சல் டாக்ஸ்!

   ஏன் வந்தது ஏஞ்சல் டாக்ஸ்?

2012-ம் ஆண்டு ஏஞ்சல் டாக்ஸ் கொண்டு வரப்பட்டது. பல பெரிய முதலீட்டாளர்கள் ஸ்டார்ட் அப் நிறுவனங்களைப் போலியாக உருவாக்கி அதில் பணத்தை முதலீடு செய்வதாகப் புகார் எழுந்ததை அடுத்து இந்தச் சட்டம் உருவாக்கப்பட்டது. ஆனால்,  இந்தச் சட்டம் தவறாகப் பயன்படுத்தப்படுவ தாகவும், தொழில்புரிவதற்கான சூழல் பாதிக்கப் படுவதாகவும் கூறுகின்றனர்.

ஸ்டார்ட்அப் நிறுவனங்களுக்கென சில  அளவீடுகளை டி.ஐ.பி.பி (Department of Industrial Policy & Promotion) வைத்திருக்கிறது. இந்த அளவீடுகளைப் பூர்த்தி செய்யாத நிறுவனங்களுக்கு மட்டுமே நோட்டீஸ் அனுப்பப்பட்டிருப்பதாக கர்நாடக வருமான வரித் துறை ஆணையர் தெரிவித்திருக்கிறார். அதேபோல, முறையாக அங்கீகரிக்கப்பட்ட வென்ச்சர் கேப்பிட்டல் நிறுவனங்கள், முதலீட்டாளர்களுக்கு இந்த விதி பொருந்தாது என்றும் அவர் சொல்லியிருக்கிறார்.

ஆணையரின் இந்த விளக்கத்துக்குப்பின்,  இந்தப் பிரச்னை இப்போதைக்குத் தற்காலிகமாகத் தீர்க்கப்பட்டிருக்கிறது. இந்த வரி குறித்து ஆராய வல்லுநர் குழுவை நியமனம் செய்ய அரசு முடிவெடுத்திருக்கிறது.  இந்தப் பிரச்னை முடியும் வரை கட்டாய நடவடிக்கைகள் இருக்காது என்றும் அறிவிக்கப்பட்டிருக்கிறது.

   நீக்க வேண்டும்

டி.ஐ.பி.பி-யின் அங்கீகாரம் பெற்ற நிறுவனங்கள் மட்டுமே இந்த ஏஞ்சல் டாக்ஸ் வரியிலிருந்து தப்பிக்க முடியும். கடந்த ஏப்ரலிலிருந்து இதுவரை இரண்டு நிறுவனங்கள் மட்டுமே ஏஞ்சல் டாக்ஸ் வரி செலுத்துவதிலிருந்து விலக்கு  பெற்றிருக்கின்றன. இந்த நிலைமை நீடித்தால், ஸ்டார்ட்அப் நிறுவனங்கள் நிதி திரட்ட தயங்கும். இதனால் தொழில்முனைவுக்கான சூழல் பாதிப்படையும் என்கிறார்கள் ஸ்டார்ட்அப் நிறுவன ஆதரவாளர்கள்.

மேலும், டி.ஐ.பி.பி-யிடம் பல ஸ்டார்ட்அப் நிறுவனங்கள் அங்கீகாரம் கேட்டு விண்ணப்பித் தாலும், பல காரணங்களுக்காக அனுமதி கிடைக்காமல் நிராகரிக்கப்படுகின்றன. எனவே, இந்த வரியை உடனடியாக ரத்து செய்ய வேண்டும் என்று கோரிக்கை எழத் தொடங்கியிருக்கிறது. வரும் பட்ஜெட்டிலாவது இந்த அறிவிப்பு வரும் என்று எதிர்பார்க்கின்றன பல ஸ்டார்ட்அப் நிறுவனங்கள். இந்த வரி திரும்பப் பெறப்பட வில்லை எனில், இந்தியாவில் தொழில் தொடங்கு வதைவிட, சிங்கப்பூர் உள்ளிட்ட நாடுகளில் நிறுவனங்களைப் பதிவு செய்யும் நிலை உருவாகலாம்.

`ஸ்டார்ட்அப் இந்தியா’ என்கிற கோஷத்தை முன்வைக்கும் மத்திய அரசாங்கம், ஸ்டார்ட்அப் நிறுவனங்களுக்கு எதிராக இருக்கும் இந்த வரியை ரத்து செய்யுமா?

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism