Published:Updated:

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!
பிரீமியம் ஸ்டோரி
கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

Published:Updated:
கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!
பிரீமியம் ஸ்டோரி
கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

கோவையிலிருந்து பங்குச் சந்தையில் பட்டியல் இடப்பட்ட நிறுவனங் களில் ஸ்பெஷலானது, பெரியநாயக்கன் பாளையத்தில் உள்ள சால்சர் எலெக்ட்ரானிக்ஸ் நிறுவனம். காரணம், இந்த நிறுவனத்தின் சேர்மன் துரைசாமி மூன்று நிறுவனங்களை வெற்றிகரமாக ஐ.பி.ஓ வெளியிட்டு சாதனை படைத்திருக் கிறார். ஐ.பி.ஓ மூலம் பங்குகளை வெளியிட இன்னும்கூட பல நிறுவனங்கள் யோசித்து வரும் நிலையில், துரைசாமி மட்டும் எப்படி மூன்று முறை ஐ.பி.ஓ வந்தார் என்பதைத் தெரிந்துகொள்ள அவரைச் சந்தித்தோம்.

சுவிட்சர்லாந்துக்கு அனுப்பிய எல்.எம்.டபிள்யூ

‘‘எனது தந்தையார் கே.அரங்கசாமி நாயுடு மக்களுக்கும் கோயில்களுக்கும் பலவிதமான சேவைகளைச் செய்தவர். 1962-ம் ஆண்டு பெண்களுக்காக உயர்நிலைப் பள்ளி ஒன்றையும் அவர் தொடங்கினார். நான் பி.எஸ்.ஜி கல்லூரியில் 1965-ம் ஆண்டு எலெக்ட்ரிக்கல் இன்ஜினீயரிங் படித்தேன். படித்து முடித்தவுடன் எல்.எம்.டபிள்யூ (LMW) நிறுவனத்தில் ரூ.500 சம்பளத்தில் வேலைக்குச் சேர்ந்தேன்.

எல்.எம்.டபிள்யூ நிறுவனத்தின் நிறுவனரான தேவராஜூலு, பொருள்களைத் தரமாக உற்பத்தி செய்வதில் மிகவும் கவனமாக இருந்தார். நாம் தரமாகப் பொருள்களை உற்பத்தி செய்ய வேண்டுமெனில், எல்.எம்.டபிள்யூ நிறுவன ஊழியர்கள் வெளிநாடுகளுக்குச் சென்று பயிற்சி பெறவேண்டும் என்று விரும்பினார். அதன்படி, வெளிநாடுகளுக்கு அனுப்பப் பட்டவர்களில் நானும் ஒருவன்.

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

1967-68 ஆகிய இரு ஆண்டுகளில் சுவிட்சர்லாந்தில் உள்ள மூன்று முக்கியமான நிறுவனங்களில் தொழில் பயிற்சி பெற்றேன். ஜெர்மனி, பிரான்ஸ், இத்தாலி ஆகிய நாடுகளில் உள்ள எலெக்ட் ரிக்கல் மற்றும் எலெக்ட்ரானிக்ஸ் நிறுவனங்களையும் பார்வையிட வாய்ப்புக் கிடைத்தது. வெளிநாட் டில் பயிற்சி பெற்றபோது தான் நம்மூரில் பொருள்களைத் தயாரிப் பதற்கும், வெளிநாடுகளில் பொருள்களைத் தயாரிப்பதற்கும் இருக்கும் வித்தியாசத்தைத் தெளி வாகப் புரிந்துகொள்ள முடிந்தது. இந்தப் பயிற்சி முடிந்தபிறகு மீண்டும் கோவைக்கு வந்து எல்.எம்.டபிள்யூ நிறுவனத்தில் 14 ஆண்டுகள் வேலை பார்த்தேன்.

சொந்தத் தொழில் தொடங்கினேன்

நான் எல்.எம்.டபிள்யூ-வில் இருந்து வெளியேறியபோது எனது மூத்த சகோதரர்கள் தாமோதரசாமியும், பாலசுந்தரமும் ஜப்பான் தொழில்நுட்பத்தில் போல்டு, நட்டுகளைத் தயாரித்து தமிழகத்தின் அரசு நிறுவனங்களில் விற்பனை செய்துவந்தனர். நான் எலெக்ட்ரிக்கல் மற்றும் எலெக்ட்ரானிக்ஸ் படித்திருப்பதால், அது சம்பந்தமாக தொழில் தொடங்கும்படி என்னை ஊக்கப்படுத்தினார் என் சகோதரர் பாலசுந்தரம்.
 
அந்த சமயத்தில், நம் நாட்டில் உள்ள தொழிற்சாலைக்குத் தேவையான சுவிட்சுகள் வெளிநாடுகளிலிருந்தே இறக்குமதி ஆகின. பலமடங்கு விலை அதிகம் தந்து தான் நாம் அந்த சுவிட்சுகளை வாங்கவேண்டியிருந்தது. அதிக விலை தந்து இந்த சுவிட்சுகளை வாங்கியும், அவற்றை நம் நாட்டில் உள்ள அணுமின் நிலையங்களில் பயன்படுத்த முடியாத நிலை இருந்தது. இவ்வளவு பணம் தந்து வெளிநாடுகளிலிருந்து சுவிட்சுகளை வாங்குவதைவிட, உள்நாட்டில் குறைந்த செலவில் சுவிட்சுகளை உற்பத்தி செய்ய முடியும் என்று நினைத்தேன். உடனே சுவிட்சுகளைத் தயாரிக்கும் தொழில் நிறுவனத்தை 1985-ம் ஆண்டில் தொடங்கினேன்.

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

இந்த சுவிட்சுகளைத் தயாரிக்கும் தொழில் நுட்பத்தை நான் வேலை பார்த்த வெளிநாட்டு நிறுவனங்களிடம் கேட்டேன். ஜெர்மனியில் உள்ள சால்சர் நிறுவனம் சுவிட்ச் தயாரிக்கும் தொழில்நுட்பத்தைப் பகிர்ந்துகொள்ள ஒப்புதல் தெரிவித்தது. அந்த நிறுவனம்கூட உடனடியாக ஒப்புதல் தந்துவிடவில்லை. ‘இந்தியாவில் இருந்து தரமாக உற்பத்தி செய்வார்களா’ என்று முதலில் சந்தேகப்பட்டது. தரமாக உற்பத்தி செய்ய நான் உத்தரவாதம் தந்தபிறகே ஒப்புக்கொண்டார்கள். அவர்கள் தொழில்நுட்பம் தந்து, அவர்களுடைய நிறுவனத்தின் பெயரிலேயே இந்த சுவிட்சுகளைத் தயாரிக்க அனுமதி தந்தார்கள். 

கைகொடுத்த சிப்காட்...

தொழிற்சாலை ஆரம்பிக்க ரூ.1 கோடிக்குமேல் முதலீடு தேவைப்பட்டது. என்னிடம் இருந்ததோ ரூ.25 லட்சம் மட்டும்தான். ஆனால், எல்.சி (line of credit) ஆரம்பிக்க குறைந்தது ரூ.1 கோடி வேண்டும் என்றார்கள். அவ்வளவு பணத்துக்கு நான் எங்கே போவது என்று தவித்தபோது, சிப்காட் நிறுவனம் எனக்கு ரூ.90 லட்சமும்,      ஐ.டி.பி.ஐ வங்கி ரூ.10 லட்சமும் கடன் தரமுன் வந்தது. இதனைக் கொண்டு தொழில்  தொடங்கினேன்.

கலங்கவைத்த முதல் முயற்சி

அந்தச் சமயத்தில், நம் நாட்டில் தயாரிக்கப்படும் சுவிட்சுக்கும் வெளிநாடுகளில் தயாரிக்கப்படும் சுவிட்சுக்கும் நிறைய வித்தியாசம் இருந்தது. வெளிநாட்டில் தயாரிக்கப்படும் சுவிட்சுகள் கைக்கு அடக்கமாக, சிறிய அளவில் இருக்கும். நம் நாட்டில் தயாரிக்கப்படும் சுவிட்சுகளோ கரடுமுரடாக, பெரிய அளவில் இருக்கும். நான் வெளிநாட்டுத் தரத்தில் சுவிட்சுகளைத் தயார் செய்திருந்ததால், அதை வாங்குவதற்குப் பல பெரிய நிறுவனங்கள் மறுத்துவிட்டன. சிறிய அளவிலான சுவிட்சுகள் எத்தனை நாளைக்கு வருமோ என்று சந்தேகப்பட்டனர்.

பல லட்சம் ரூபாய்க்கு சுவிட்சுகளைத் தயார் செய்து, அவை விற்கவில்லை என்றால் எப்படி யிருக்கும்? நான் கலங்கிப் போய்விட்டேன். அந்தச் சமயத்தில், இந்தத் துறையில் மிகப்பெரிய நிறுவனமான எல்&டி நிறுவனம் எங்களுடைய சுவிட்சுகளை விற்பனை செய்வதற்கு முன்வந்தது.  அந்த நிறுவனத்துக்கு இந்தியா முழுக்க அலுவலகங்கள் இருந்ததால், எங்கள் உற்பத்தியும் வேகமெடுக்க ஆரம்பித்தது.

வெற்றிகரமாக வெளியான முதல் ஐ.பி.ஓ

எனது சகோதரர் தாமோதரசாமி நாயுடு, வங்கி அதிகாரிகளுடன் கலந்தாலோசித்து, சால்சர் எலெக்டரானிக்ஸ் நிறுவனத்தின் முதலீட்டுக்காகப் பங்குகள் வெளியிடலாம் என்று ஆலோசனை தந்தார். 1985-ம் ஆண்டு ரூ.50 லட்சத்துக்குப் பங்குகளை வெளியிட முடிவெடுத்தோம். பங்கு வெளியிடுவது பற்றி எங்களுக்கு அப்போது பெரிதாக எதுவும் தெரியாது என்றாலும், மும்பையில் உள்ள முதலீட்டாளர்களைச் சந்தித்து, சுவிட்ச் செய்யும் தொழிலில் உள்ள வாய்ப்புகளைப் பற்றி எடுத்துச்சொன்னேன். நான் எதிர்பார்த்ததைவிட மிகப் பிரமாதமான வரவேற்பு அதற்குக் கிடைத்தது.

கோவை சால்சர் எலெக்ட்ரானிக்ஸ்.. மூன்று முறை ஐ.பி.ஓ... வெற்றியின் ரகசியம்!

ஆறு ஆண்டுகளில் அடுத்த ஐ.பி.ஓ

மின்சார வயர்கள் மற்றும் கேபிள்களைத் தயாரிக்கும் நிறுவனம் ஒன்றை சால்சர் கன்ட்ரோல் லிமிடெட் என்கிற பெயரில் 1991-ல் தொடங்கி னேன். இந்த நிறுவனத்தின்     ஐ.பி.ஓ-வைக் கொண்டுவருவதன் மூலம் ரூ.3 கோடி நிதி திரட்ட நான் மும்பை சென்றேன். கடந்தமுறை எனது ஐ.பி.ஓ-வில் முதலீடு செய்த பலரும் இதிலும் முதலீடு செய்ய, இரண்டாவது ஐ.பி.ஓ-வும் பெரிய வெற்றியாக முடிந்தது.

ரூ.5 கோடிக்கு மூன்றாவது ஐ.பி.ஓ

நான் ஆரம்பத்தில் வேலை பார்த்த எல்.எம்.டபிள்யூ நிறுவனம் டெக்ஸ்டைல் மெஷின்களை உற்பத்தி செய்வதில் உலக அளவில் பெயர்பெற்று விளங்கியதால், ஒரு டெக்ஸ்டைல் மில்லினைத் தொடங்க நாங்கள் முடிவு செய்தோம். நான்   1966-ல் சுவிட்சர்லாந்தில் இருந்தபோது எனது நண்பரான ஓட்டோ எகிமென் என்பவர் ஒரு எம்பிராய்டரீஸ் கம்பெனியின் தலைவராக இருந்தார். அங்கு உற்பத்திச் செலவு அதிகமாகும் என்பதால், அங்குள்ள கம்ப்யூட்டர் ஆபரேட்டர் எம்பிராய்டரீஸ் மெஷின்களை இந்தியாவுக்குக் கொண்டுவந்து சால்சர் கம்பெனியுடன் இணைந்து தொடங்க விரும்பினார். அதன் அடிப்படையில் நாங்கள் சால்சர் டெக்ஸ்டைல்ஸ் என்கிற கம்பெனியைத் தொடங்கி, எம்பிராய்டரீஸ் பேப்ரிக்ஸ் பொருள்களை உற்பத்தி செய்யத் தொடங்கினோம். இந்த கம்பெனியின் முதலீட்டுக் காக மூன்றாவது முறையாக  ரூ.5 கோடிக்கு ஐ.பி.ஓ வந்தோம்.

உண்மைக்கு எப்போதும் வரவேற்பு

பங்குச் சந்தை முதலீட்டாளர் களிடம் நான் எப்போதும் உண்மை யாக இருப்பேன். எவ்வளவு லாபம் கிடைக்க வாய்ப்புண்டு என்பதைத் தெளிவாகச் சொல்லிவிடுவேன். கிடைக்கும் லாபத்தில் ஒருபங்கினை முதலீட்டாளர்களுக்கு டிவிடெண்டாகத் தர தவற மாட்டேன். எனவே, சால்சர் நிறுவனத்துக்கு இந்திய அளவில் முதலீட்டாளர் களிடம் நல்ல பெயர் உண்டு’’ என்று தன் வெற்றிக்கதையைச் சொல்லி முடித்தார் துரைசாமி.

சுவிட்சுகள், கேபிள் ஒயர்கள் எனப் பல பொருள்களைத் தயாரிக்கும் இந்த நிறுவனம் இனிவரும் காலத்தில் புதிய உயரங்களைத் தொடும் என்பதில் சந்தேகமில்லை!

- ஏ.ஆர்.குமார், படங்கள்: தி.விஜய்

‘‘எங்கள் அப்பா ஸ்தானத்தில் நீங்கள்...’’

‘‘சுவிட்சுகளைத் தயாரிக்க எனக்குத் தொழில்நுட்பம் தந்து உதவியது ஜெர்மனியைச் சேர்ந்த சால்சர் நிறுவனம். இந்த நிறுவனத்தை நடத்திவந்தவருக்கு இரு மகள்கள். நிறுவனத்தை நடத்திவந்தவர் இறந்துபோகவே, இரண்டு மகள்களின் நிர்வாகத்தில் அந்த நிறுவனம் வந்தது. அந்த இரண்டு மகள்களின் கணவர்களும், அந்த நிறுவனத்தை நடத்தத் தெரியாமல் நடத்த, நஷ்டம் வந்துசேர்ந்தது. குறிப்பிட்ட அளவு பணம் கட்டவில்லையென்றால், அந்த நிறுவனத்தின் தொழிற்சாலை ஜப்திக்கு உள்ளாகும் என்கிற சூழல் வந்தது. இதுபற்றி எனக்குத் தகவல் கிடைத்தவுடன், அவர்களுக்குத் தேவையான பணம் தந்து, ஜப்தி நடவடிக்கையிலிருந்து அந்தத் தொழிற்சாலையை மீட்டு எடுத்தேன். ‘‘இழக்கும் நிலையிலிருந்த தொழிற்சாலையை நீங்கள் மீட்டுத் தந்திருக்கிறீர்கள். எங்கள் அப்பா ஸ்தானத்தில் இன்று நீங்கள் இருக்கிறீர்கள்’’ என்று அந்த இரண்டு மகள்களும் கண்ணீர் வடித்தார்கள்.

சால்சரின் சாதனைகள்!

கேம் ஆபரேட்டர் ரோட்டரி சுவிட்சுகளை முதலில் இந்தியாவில் தயாரித்தது சால்சர் நிறுவனம்தான். சால்சர் நிறுவனத்தின் ஆர்&டி இந்திய அரசினால் அங்கீகரிக்கப்பட்டுள்ளது. ரோட்டரி சுவிட்சஸ், ஏர் கூல்ட் எலெக்ட்ரிக்கல் டிரான்ஸ்ஃபார்மர்ஸ், எலெக்ட்ரிக் கேபிள்ஸ் அண்டு ஒயர்ஸ், கண்டக்டர், இண்டெக்டர், லோட் பிரேக் சுவிட்சஸ் எனப் பலவற்றை உற்பத்தி செய்கிறது சால்சர் நிறுவனம். இந்த நிறுவனத்தின் தயாரிப்புகள் ஐம்பதுக்கும் மேற்பட்ட நாடுகளுக்கு ஏற்றுமதியாகிறது. சினைடர் எலெக்ட்ரிக், ஆல்டம்ஸ், சீமென்ஸ், பிலிப்ஸ் என 25-க்கும் மேற்பட்ட உள்நாட்டு மற்றும் வெளிநாட்டு நிறுவனங்களுக்கு உற்பத்தி செய்து தருகிறது. இந்த நிறுவனத்தில் வேலை பார்ப்பவர்களில் 75 சதவிகிதத்துக்கும் அதிகமானவர்கள் பெண்கள். இந்த  நிறுவனம் தயாரித்த மின்சார சேமிப்பான்கள் கோவை, மதுரை, ஈரோடு, திருப்பூர், வேலூர், திருப்பூர்  மாநகராட்சிகளிலும், 16 நகராட்சிகளிலும் பயன்படுத்தி ஏறக்குறைய 40% அளவுக்கு மின்சாரத்தைச் சேமித்துத் தந்திருக்கிறது. இந்த நிறுவனம் தயாரித்த இண்டெக்டர்கள் ‘மெட்ரோ ரயில்’களில் பயன்படுத்தப்படுகிறது.  கூட்டு முயற்சியின் அடிப்படையில் ஆஸ்திரியா, கனடா நாடுகளில் இந்த நிறுவனம் செயல்பட்டு வருகிறது.