கம்பெனி டிராக்கிங்: பராக் மில்க் ஃபுட்ஸ் லிமிடெட்! - (NSE SYMBOL: PARAGMILK)

ம திப்புக் கூட்டப்பட்ட பாலை விற்பனை செய்யும் நிறுவனமான பராக் மில்க் ஃபுட்ஸ் லிமிடெட் 1992-ம் ஆண்டு ஆரம்பிக்கப்பட்டது. இந்த நிறுவனம் இன்றைக்கு 15-க்கும் மேலான வாடிக்கையாளர் நிறுவனங்களுக்கு அவசியமான பால் பொருள்களைத் தயாரித்துக் கொடுத்து வருகிறது.

. நிறுவனத்தின் வரலாறு

வாடிக்கையாளர்களுக்குத் தரமான பால் மற்றும் பாலினால் உற்பத்தி செய்யப்பட்ட தரமான பொருள்களை வழங்கு வதற்கான தொழில்நுட்பம் மற்றும் அனுபவத்தைக் கொண்டது இந்த நிறுவனம். மஹாராஷ்ட்ராவில் மன்ச்சார், ஆந்திராவில் உள்ள பாலம்னெர் என்ற இரண்டு இடங்களில் பால் கொள்முதல் செய்வதற்காக நிறுவப்பட்ட இந்த நிறுவனம், ஆரம்ப காலத்தில் நாள் ஒன்றுக்கு 20,000 லிட்டர் அளவிலான பாலைக் கொள்முதல் செய்துவந்தது.

.

1994-ம் ஆண்டில் இந்த நிறுவனம் பசும்பால் விற்பனையில் கால்பதித்தது. 1998-ல் மன்ச்சாரில் மதிப்புக்கூட்டலுக்கான ஓர் உற்பத்திப் பிரிவை ஆரம்பித்து, அதில் வெண்ணெய் மற்றும் நெய்யை உற்பத்தி செய்து ‘கோவர்தன்’ என்ற பிராண்டில் விற்பனை செய்ய ஆரம்பித்தது. 1999-ல் டோண்டு பாலை அறிமுகப்படுத்திய இந்த நிறுவனம், அதே ஆண்டில் ஸ்கிம்டு பால் பவுடரையும் விற்பனைக்குக் கொண்டுவந்தது.

பின்னர் 2000-ல் பாலாடைக் கட்டி உற்பத்தியில் கால் பதித்தது. அதே ஆண்டிலேயே குலோப்ஜாமூன் மிக்ஸ், டபுள் டோண்டு மில்க் போன்றவற்றையும் அறிமுகப்படுத்திய இந்த நிறுவனம், தென்கிழக்கு ஆசியா, மத்திய கிழக்கு மற்றும் ஆப்பிரிக்க நாடுகளுக்குத் தனது தயாரிப்புகளை ஏற்றுமதி செய்ய ஆரம்பித்தது.

பின்னர் 2001-ல் டெய்ரி வொய்ட்னர் மற்றும் 2002-ல் பாலாடைக் கட்டி பவுடர் போன்றவற்றைச் சந்தையில் அறிமுகப்படுத்தியது. 2005-ல் சாஸ் எனும் பானத்தை அறிமுகப்படுத்திய இந்த நிறுவனம், 2005-ல் பால் மற்றும் பால் சார்ந்த பொருள்கள் ஏற்றுமதியில் இந்தியாவின் மிகப் பெரிய நிறுவனமாக உருவெடுத்தது. அதே வருடத்தில் சொந்தமாக 35 ஏக்கர் பரப்பளவில் 3,000 மாடுகளுடனான ஒரு பால் பண்ணை ஒன்றை நிறுவியது இந்த நிறுவனம்.

. 2008-ம் ஆண்டில் பாலாடை விற்பனையில் ஒரு முன்னணி பிராண்டாக உருவெடுத்த இந்த நிறுவனம், அதே வருடத்தில் பிரைவேட் ஈக்விட்டி முதலீட்டைத் தன்னுடைய பாலாடை உற்பத்திப் பிரிவுக்காகப் பெற்றது.

2010-ல் பாலம்னெர் உற்பத்தி மையத்துக்கான திட்டங்களைத் தீட்டிய இந்த நிறுவனம், அதே ஆண்டில் பாலாடைகளில் பல்வேறு வகையான தயாரிப்புகளையும் அறிமுகப்படுத்தியது. 2011-ல் யு.ஹெச்.டி (அல்ட்ரா ஹை டெம்ப்ரேச்சர் பிராசஸிங்) பால் மற்றும் பன்னீரை அறிமுகப் படுத்திய இந்த நிறுவனம், ‘ப்ரைட் ஆஃப் கவ்ஸ்’ எனும் பிராண்டையும் உருவாக்கியது.

2014-ல் பி-டு-பி பிரிவில் வே புரொட்டீனை அறிமுகப்படுத்திய இந்த நிறுவனம், 2016-ல் பங்குச் சந்தையில் பட்டியலிடப்பட்டது. 2018-ல் ஹரியானாவில் உள்ள சோனிபேட் எனும் இடத்தில் தனது மூன்றாவது உற்பத்திப் பிரிவை நிறுவியது. நிறுவனத்தின் தொழில்

இந்த நிறுவனத்தின் தொழில்ரீதியான செயல்பாடுகள் என்று பார்த்தால், பால் பண்ணை, பால் கொள்முதல், பால் பதனிடுதல், பால் விநியோகம், பிராண்டட் பால் மற்றும் பாலிலிருந்து தயாரிக்கப்படும் பொருள்கள் என முழுமையாக ஒருங்கிணைந்த அனைத்து வசதிகளையும் கொண்டிருக்கிறது இந்த நிறுவனம். இதுவே ஏனைய போட்டியாளர்களிடமிருந்து இந்த நிறுவனத்தை வேறுபடுத்திக் காட்டும் முக்கிய விஷயமாக இருக்கிறது.

பால் பண்ணையில் 2,500 ஹோல்ஸ்டைன் ப்ரைசன் மாடுகளைக் கொண்டுள்ள இந்த நிறுவனம், பால் கொள்முதலில் இரண்டு லட்சத்திற்கும் மேற்பட்ட விவசாயிகளுடன் இணைந்து செயல்பட்டு வருகிறது. பால் பதனிடுதலில் கிட்டத்தட்ட நாளொன்றுக்கு 2.9 மில்லியன் லிட்டர் அளவிலான பாலை பதப்படுத்தும் வசதியைக் கொண்டிருக்கிறது. பால் விநியோகத்திற்காக 19 டெப்போக்களையும், 140-க்கும் மேற்பட்ட ஸ்டாக்கிஸ்டுகளையும், 3,000-க்கும் மேற்பட்ட விநியோகஸ்தர்களையும் கொண்டு நல்லதொரு நெட்வொர்க்குடன் செயல்பட்டு வருகிறது இந்த நிறுவனம்.

. வெவ்வெறு தரவரிசையில் இருக்கும் வாடிக்கை யாளர்களுக்கேற்ப ஏழு தனிப்பட்ட பிராண்டு களைக் கொண்டிருக்கிறது. இந்த நிறுவனம் மூன்று உற்பத்தி மையங்களையும் ஐந்து பிராசஸிங் மையங்களையும் தற்போது கொண்டிருக்கிறது. இந்த மையங்களில் ஒட்டுமொத்தமாக தினம் 2.9 மில்லியன் லிட்டர் பால், 60 மெட்ரிக் டன் அளவி லான பாலாடை, 20 மெட்ரிக் டன் அளவிலான பன்னீர், 110 மெட்ரிக் டன் அளவிலான நெய், 6 லட்சம் லிட்டர் அளவிலான மோர் (whey) போன்றவற்றைக் கையாள முடியும்.

பால் பொருள்களுக்கான தேவையானது, மக்களின் வாழ்க்கைத்தரம் உயர்ந்துகொண்டு இருப்பதால் தொடர்ந்து அதிகரிப்பதற்கான வாய்ப்புகளே இருக்கின்றன. பால் பொருள்களை சைவ உணவு சாப்பிடுபவர்கள் அனைவரும் விரும்பி உண்ண வாய்ப்புள்ளது. உணவுப் பொருள்களின் தரம் மற்றும் பாதுகாப்பு குறித்த விழிப்புஉணர்வு, அதிகரித்து வரும் பேக்கேஜ்டு உணவிற்கான தேவை போன்றவையும் ஆர்கனைஸ்டு செக்டாரில் செயல்படும் நிறுவனங் களுக்கு வியாபாரத்துக்கு வாய்ப்பளிக்கக்கூடும்.

ரிஸ்க்குகள் ஏதும் உண்டா?

பால் மற்றும் உணவுத் துறையில் ஈடுபட்டுவரும் அனைத்து நிறுவனங்களுக்கும் உண்டான ரிஸ்க்குகள் இந்த நிறுவனத்திற்கும் உண்டு. மூலப் பொருள்கள் (தீவனம்/கொள்முதல் செய்யும் பால்) விலையேற்றம், போட்டியாளர்கள் பெருகுவது, அந்நியச் செலாவணி மதிப்பு மாறுதல் போன்றவை இந்த நிறுவனத்துக்கான ரிஸ்க்குகள்.

டெக்னாலஜி மாறுதல்கள், சந்தையில் இந்த நிறுவனத்தின் பிராண்டுகளுக்கு இருக்கும் வரவேற்பில் நிகழும் மாற்றம் போன்றவற்றினாலும் இந்த நிறுவனத்தின் செயல்பாடுகள் பாதிக்கப்பட வாய்ப்புள்ளது.

இப்படி ரிஸ்க்குகள் பல இருக்கிறபோதிலும், நீண்ட தொழில் அனுபவத்தையும் வாடிக்கையாளர் மத்தியில் நன்மதிப்பையும் பெற்ற நிறுவனம் இது. இதன் பங்கை அதிக அளவிலான ரிஸ்க் எடுக்கும் திறன்கொண்ட வாசகர்கள் மட்டும் தொடர்ந்து டிராக் செய்துவரலாம்.

அதாவது, சந்தை ஏதாவது ஒரு காரணத்தால் கடுமையான வீழ்ச்சியைச் சந்திக்கும்போது வரக்கூடிய அதிக விலை இறக்கத்தில், மிகவும் குறைந்த எண்ணிக்கையில் வாங்கி, தங்களின் மூன்றாண்டு காலத்துக்கும் மேற்பட்ட போர்ட்ஃபோலியோவில் சேர்த்துக் கொள்ள இந்த நிறுவனப் பங்கை டிராக் செய்யலாம்.

இதே துறையில் இயங்கும் நிறுவனங்களின் பங்குகளை தங்கள் போர்ட்ஃபோலியோவில் அதிகமாக வைத்துள்ளவர்கள் இந்தப் பங்கைத் தவிர்க்கலாம். மற்றும் இந்த பங்கை வாங்கிய பிறகு, இந்த நிறுவனம் மற்றும் துறையின் செயல்பாடுகளை டிராக் செய்துகொள்ள இயலாதவர்களும் இந்த நிறுவனத்தின் பங்கைத் தவிர்ப்பதே நல்லது.

டாக்டர் எஸ்.கார்த்திகேயன்

. This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_ security.htm (Choose symbol (PARAGMILK)/name of company/time duration)