Published:Updated:

கமாடிட்டி டிரேடிங்! மெட்டல் & ஆயில் - சந்தை நிலவரம்

ஒட்டுமொத்த விகடனுக்கும் ஒரே ஷார்ட்கட்

Use App
கமாடிட்டி டிரேடிங்! மெட்டல் & ஆயில் - சந்தை நிலவரம்
கமாடிட்டி டிரேடிங்! மெட்டல் & ஆயில் - சந்தை நிலவரம்

கமாடிட்டி

பிரீமியம் ஸ்டோரி
கமாடிட்டி டிரேடிங்! மெட்டல் & ஆயில் - சந்தை நிலவரம்

ங்கம், வெள்ளி, கச்சா எண்ணெய், காப்பர் போன்ற கமாடிட்டிகள் இந்த வாரம் எப்படி இருக்கும் எனப் பார்ப்போம்.

தங்கம் (மினி)

தங்கம் பற்றி நாம் தொடர்ந்து சொல்லி வந்தது...  “தங்கம் வலுவான பாட்டத்தை ஏற்படுத்தியிருப்பதால், இனி வலுவான ஏற்றத்திற்கும் வழி வகுக்கலாம்.’’ தங்கம் தொடர்ந்து ஏறி வந்த நிலையில், அடுத்தகட்ட மிக வலிமையான ஏற்றத்திற்குத் தயாராவதுபோல் உள்ளது.

சென்ற வாரம் சொன்னது… “நாம் கொடுத்திருந்த 32900 என்ற தடைநிலையே தற்போது ஆதரவாக மாற வாயப்புள்ளது. இதை உடைக்காதவரை ஏற்றம் தொடரலாம். மேலே அடுத்த தடைநிலை 33520 ஆகும்.’’

சென்ற வாரம் திங்கள், செவ்வாய் மற்றும் புதன் ஆகிய மூன்று நாள்களும் தங்கம், நாம் கொடுத்திருந்த ஆதரவு எல்லையான 32900-ஐ தக்கவைத்துக்கொண்டது. ஆனால், ஏற முடியாமல் பக்கவாட்டு நகர்வில் இருந்து வந்தது. 

வியாழனன்று தங்கம் மிக பலமாக ஏறியது. நாம் கொடுத்திருந்த தடைநிலையான 33520-ஐ உடைத்து, இன்னும் பலமாக ஏறத் தொடங்கியது. இந்த ஏற்றம் இன்னும் இன்னும் பலமாக மாறி 34297 என்ற உச்சத்தைத் தொட்டது. நாணயம் விகடன் வாசகர்கள் இந்த வாய்ப்பை முறையாகப் பயன்படுத்தியிருந்தால் நல்ல லாபம் கொடுத்திருக்கும்.

கமாடிட்டி டிரேடிங்! மெட்டல் & ஆயில் - சந்தை நிலவரம்

இனி என்ன நடக்கலாம்?

தங்கம் மிக பலமான ஏற்றத்திற்குப் பிறகு, நாம் முன்பு கொடுத்திருந்த தடைநிலையான 33520, தற்போது ஆதரவு நிலையாக மாறலாம். மேலே 34400 வலிமையான தடைநிலை ஆகும். இதை உடைத்தால் இன்னும் பலமான ஏற்றத்திற்குத் தயாராகலாம்.

வெள்ளி (மினி)

தங்கத்தைப்போலவே வெள்ளி விலை ஏறினாலும், ஒப்பீட்டின் அடிப்படையில் வெள்ளி சற்றே வேகம் குறைந்தே காணப்படுகிறது.

சென்ற வாரம் சொன்னது… “வெள்ளி வலுவாக ஏறினாலும்,  37900 என்ற தடைநிலையைக் கொண்டுள்ளது.  இதை உடைத்தால் நல்ல ஏற்றம் வரலாம். கீழே 37100 என்பது உடனடி ஆதரவு ஆகும்.’’

வெள்ளி சென்ற வாரம் நாம் கொடுத்திருந்த தடைநிலையான 37900-ஐ உடைத்து ஏறி, 38580 என்ற எல்லையைத் தொட்டு நல்ல லாபத்தையும் கொடுத்துள்ளது.  

இனி என்ன நடக்கலாம்?

ஜூன் மாத கான்ட்ராக்ட் முடிவுக்கு வருவதால், இனி ஆகஸ்ட் மாத கான்ட்ராக்ட்டை எடுத்துக் கொள்வோம்.  தற்போது 37850 என்பது உடனடி ஆதரவாக உள்ளது, உடைத்தால் பெரிய இறக்கம் வரலாம். மேலே 39450 என்பது வலுவான தடைநிலையாகவும் உள்ளது. 

கச்சா எண்ணெய் (மினி)

சென்ற வாரம் சொன்னது… “கச்சா எண்ணெய் தற்போது கீழே 3520 என்ற எல்லையை ஆதரவாகக் கொண்டுள்ளது. உடைத்தால் இறக்கம் தொடரலாம். மேலே 3730 என்பது உடனடித் தடைநிலை ஆகும்.”

கச்சா எண்ணெய், தொடர்ந்து ஆதரவு எல்லையான 3520-ஐ உடைக்காமல் இருந்து வருவதைத் தொடர்ந்து குறிப்பிட்டு வருகிறோம்.  சென்ற வாரம் 3730 என்ற தடைநிலையை உடைத்து, மிக வலிமையாக ஏறி 4048 என்ற எல்லையையும் தொட்டுள்ளது. இந்த நகர்வைப் பயன்படுத்தி பல வாசகர்கள் வியாபாரத்தில் வெற்றி பெற்றதாகவும் தெரிவித்துள்ளார்கள். 

இனி என்ன நடக்கலாம்?

கச்சா எண்ணெய் பலமான ஏற்றத்தில் உள்ள நிலையில் 4170 என்பது வலுவான தடைநிலை ஆகும்.  இதையும் உடைத்தால் கச்சா எண்ணெய் ஏற்றத்தின் போக்குக்கு மாறிவிடலாம்.  கீழே 3880 உடனடி ஆதரவு ஆகும்.

கமாடிட்டி டிரேடிங்! மெட்டல் & ஆயில் - சந்தை நிலவரம்

காப்பர் (மினி)

சென்ற வாரம் சொன்னது… “காப்பர் தற்போது கீழே 404-ஐ ஆதரவாகவும், மேலே 415-ஐ தடைநிலையாகவும் கொண்டு நகர்ந்து கொண்டிருக்கிறது.  எந்தப் பக்கம் உடைக்கிறதோ அந்தப் பக்கம் வியாபாரம் செய்யலாம்.’’

காப்பர்,  நாம் கொடுத்திருந்த தடைநிலையான 415-ஐ தாண்டி 419.85 வரை சென்றது.  இது பெரிய ஏற்றம் இல்லைதான். இருந்தாலும், இதுவரை பக்கவாட்டு நகர்வில் இருந்த காப்பர், மெள்ள ஏற்றத்தின் போக்குக்கு மாற முயற்சி செய்கிறது.

இனி என்ன நடக்கலாம்?

காப்பர் மினி, ஹையர் பாட்டத்தை உருவாக்கிய நிலையில், 422 என்ற எல்லை உடனடித் தடைநிலை ஆகும்.  இதை உடைத்தால் வலிமையான ஏற்றம் வரலாம். கீழே 410 என்பது உடனடி ஆதரவு ஆகும்.

- தி.ரா.அருள்ராஜன், பங்குச் சந்தை, கமாடிட்டி சந்தை பயிற்சி மையம், www.ectra.in

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு