Published:Updated:

கமாடிட்டி டிரேடிங்! அக்ரி கமாடிட்டி - சந்தை நிலவரம்

ஒட்டுமொத்த விகடனுக்கும் ஒரே ஷார்ட்கட்

Use App
கமாடிட்டி டிரேடிங்! அக்ரி கமாடிட்டி - சந்தை நிலவரம்
கமாடிட்டி டிரேடிங்! அக்ரி கமாடிட்டி - சந்தை நிலவரம்

கமாடிட்டி

பிரீமியம் ஸ்டோரி

மென்தா ஆயில், காட்டன், சென்னா போன்ற அக்ரி கமாடிட்டிகளின் போக்கு இந்த வாரம் எப்படி இருக்கும் எனப் பார்ப்போம்.

மென்தா ஆயில்


மென்தா ஆயில் கடந்த ஒன்பது மாதங்களாகவே தொடர் இறக்கத்தில் இருந்து வருவதை நாம் தொடர்ந்து கூறிவருகிறோம்.  2.11.2018-ல் உச்சமாக 1846-ஐ தொட்டபிறகு, அந்த இறக்கம் என்பது தொடர்ந்து வருவதைப் பார்த்து வருகிறோம். 
அவ்வப்போது வரும் ஏற்றங்கள் என்பது இறக்கத்தின் ஏற்றமாகவே இருந்து வருகிறது. அதை புல்பேக் ரேலி என்று அழைக்கிறோம்.  இன்னும் அதே தொடர் இறக்கத்தில்தான் இருந்து வருகிறது. 

சென்ற வாரம் சொன்னது… “மென்தா ஆயில் உருவாக்கியுள்ள முக்கோண வடிவத்தின் முக்கிய தடைநிலை 1355 மற்றும் ஆதரவு நிலை 1305 ஆகும். இந்த எல்லைகளில் எதை உடைத்தாலும் பலமான நகர்வாக இருக்கலாம்.’’

கமாடிட்டி டிரேடிங்! அக்ரி கமாடிட்டி - சந்தை நிலவரம்

மென்தா ஆயில் சென்ற வாரம் இரண்டு நிகழ்வுகளைக் கொடுத்துள்ளது. முதலாவது புல்பேக் ரேலி. அதாவது, நாம் கொடுத்திருந்த  தடைநிலையான 1355-ஐ உடைத்து ஏற முயன்று,  இன்ட்ரா டே அடிப்படையில் 1363 வரை சென்று, பிறகு நாளின் முடிவு அடிப்படையில் 1333 என்ற புள்ளியில் முடிவடைந்துள்ளது.

எனவே, மென்தா ஆயிலின் ஏற்றத்துக்கான முயற்சி தோல்வி யடைந்துள்ளதையே இது குறிக்கிறது. அதன்பின் முக்கோண வடிவத்தின் கீழ் எல்லையை உடைத்து, தினமும் ஒரு தொடர் இறக்கத்திலேயே சென்ற வாரம் முழுவதும் இருந்து வந்தது. நாம் கொடுத்திருந்த ஆதரவு எல்லையான 1305-ஐ உடைத்து, மிக பலமாக இறங்கி 1252 வரை இறங்கியுள்ளது. இதுவும் மருபாசு வகை கேண்டில் என்பது குறிப்பிடத்தக்கது.

இனி என்ன நடக்கலாம்?

மென்தா ஆயில், ஜூன் மாத கான்ட்ராக்ட்  முடிவுக்கு வருவதால் இனி ஜூலை மாத கான்ட்ராக்ட்டை எடுத்துக்கொள்வோம்.  சென்ற வாரம் முடிவின்போது பலமாக இறங்கியதால்  1245 என்பது முக்கிய ஆதரவாக உள்ளது.  மேலே 1295 என்பது உடனடித் தடைநிலையாக உள்ளது.

காட்டன்

காட்டன் தொடர்ந்து இறங்கிக்கொண்டு இருந்தது.  குறிப்பாக, கடந்த வாரம் திங்களன்று காளைகளுக்கும், கரடிகளுக்கும் இடையே போராட்டம் நடந்துள்ளது. கரடிகள் 21000 வரை இறக்கினாலும், பின் காளைகள் மீளுவதற்கான முயற்சி தற்போது நடந்து வருகிறது.

சென்ற வாரம் சொன்னது... “காட்டன் தற்போது ஒரு புல்பேக் ரேலியில் இருப்பதாக எடுத்துக்கொள்ளலாம். ஆகவே, 21720 என்ற எல்லை தடைநிலையாகவும்,  21100 என்ற எல்லை ஆதரவாகவும் உள்ளது.’’

காட்டன் சென்ற வாரம் ஒரு புல்பேக் ரேலியில் இருப்பதாகக் கூறியிருந்தோம். அதன் அடிப்படை யில் நாம் கொடுத்திருந்த தடைநிலையான 21720 என்ற  எல்லையை உடைத்து பலமாக ஏறியுள்ளது. இந்த ஏற்றம் 22300 என்ற புள்ளி வரை தொடர்ந்துள்ளது.  

வாசகர்கள் இந்த ஏற்றத்தைப் பயன்படுத்தி வியாபாரத்தில் வெற்றி பெற்றிருக்க முடியும்.   காட்டன் ஏறியது முதலில் ஒரு புல்பேக் ரேலியாக இருந்தாலும்கூட, அதன் தொடர் ஏற்றம் சற்றே வலுவானதாகவே மாறியுள்ளது. ஆனால், ஏற்றத்தின் முடிவில் வலுவான தடைநிலை அருகில் உள்ளது.

இனி என்ன நடக்கலாம்?

காட்டன், ஜூன் மாதம் முடிவுக்கு வருவதால், ஜூலை மாத கான்ட்ராக்ட்டை எடுத்துக் கொள்ளலாம். தற்போது 22070 என்ற எல்லை தடைநிலையாகவும், கீழே 21500 உடனடி ஆதரவாகவும் உள்ளது.

கமாடிட்டி டிரேடிங்! அக்ரி கமாடிட்டி - சந்தை நிலவரம்

சென்னா

சென்னா என்.சி.டெக்ஸ் சந்தையில் வியாபாரம் ஆகிறது.

சென்ற வாரம் சொன்னது… “சென்னா நல்ல இறக்கத்திற்குப் பிறகு பக்கவாட்டு நகர்வுக்கு மாறியுள்ளது. இனி ஜூலை கான்ட்ராக்ட்டுக்கு மாறுகிறோம். தற்போது 4395 என்ற எல்லை ஆதரவாகவும், மேலே அதே 4470 தடைநிலையாக வும் உள்ளது.”

சென்னா, சென்ற வாரம் பக்கவாட்டு நகர்விலிருந்து, நாம் கொடுத்திருந்த ஆதரவு எல்லையான 4395-ஐ உடைத்து இறங்க ஆரம்பித்தது. ஏற்கெனவே இறக்கத்தின் போக்கில் இருந்த சென்னா மிக பலமாக இறங்கி, 4182 என்ற புள்ளியைத் தொட்டுள்ளது.  அதன்பின் தற்போது மீண்டும் பக்கவாட்டு நகர்வுக்கு மாறியுள்ளது. 

இனி என்ன நடக்கலாம்?

சென்னா, இறக்கப் போக்கில் பக்கவாட்டு நகர்வில் இருப்பதால், அதன் உடனடி ஆதரவான 4100-ஐ உடைத்தால் மீண்டும் பலமாக இறங்கலாம்.  மேலே 4270 என்பது உடனடி தடைநிலை ஆகும்.

- தி.ரா.அருள்ராஜன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு