Published:Updated:

ஃபண்ட் கிளினிக்!

ஃபண்ட் கிளினிக்!

ஃபண்ட் கிளினிக்!

ஃபண்ட் கிளினிக்!

Published:Updated:
ஃபண்ட் கிளினிக்!
ஃபண்ட் கிளினிக்!

திருமணமான எனக்கு 32 வயது. மூன்று வயதில் எனக்கொரு மகன் இருக்கிறான். என் மாதச் சம்பளம் 89,000 ரூபாய். இப்போதைக்கு எந்த கடனும் எனக்கில்லை என்றாலும், 35 லட்சம் ரூபாய்க்கு வீட்டுக் கடன் வாங்கலாம் என்றிருக்கிறேன். குறுகியகால நோக்கில் ஐ.சி.ஐ.சி.ஐ. புரூடென்ஷியல் ஃப்ளெக்ஸிபிள் திட்டத்தில் முதலீடு செய்யலாம் என்று நினைக்கிறேன். இதில் டிவிடெண்ட், குரோத் திட்டங்களில் எதை நான் தேர்வு செய்யலாம்? நீண்ட கால நோக்கில் எந்த மியூச்சுவல் ஃபண்ட் திட்டம் எனக்கு ஏற்றதாக இருக்கும்? இப்போது என்னிடம் இருக்கும் எல்.ஐ.சி. பாலிசி விவரங்கள். 

ஒட்டுமொத்த விகடனுக்கும் ஒரே ஷார்ட்கட்!

சரவணன், பெங்களூரு.

''டியர் சரவணன்,

நீங்கள் உச்ச வருமான வரி வரம்பில் இருப்பதால், அல்ட்ரா ஷார்ட் டேர்ம் ஃபண்டுகளில் குறுகிய காலத்திற்கு முதலீடு செய்யும்போது டிவிடெண்ட் ரீஇன்வெஸ்ட்மென்ட் ஆப்ஷனில் செல்வது நல்லது. டிவிடெண்ட் ஆப்ஷனில் செல்லும்போது டி.டி.டி. என்று கூறப்படும் டிவிடெண்ட் டிஸ்ட்ரிபியூஷன் டாக்ஸ் ரீடெய்ல் முதலீட்டாளர்களுக்கு 13.52 சதவிகிதம்தான். ஆனால், குரோத் ஆப்ஷனில் சென்று ஒரு வருடத்திற்குள் வெளியேறினால், ஷார்ட் டேர்ம் கேப்பிட்டல் கெயின்ஸ் டாக்ஸ் அவரவரின் வரி வரம்பிற்கு ஏற்ப அமையும். உங்கள் முதலீட்டுக் காலம் ஒரு வருடத்திற்கு மேல் எனில், குரோத் ஆப்ஷனில் செல்லலாம். அது சமயத்தில் லாங் டேர்ம் கேப்பிட்டல் கெயின்ஸ் வரி, இண்டெக்ஸேஷனுடன் 20%, இல்லையென்றால் 10%-ம் ஆகும். இந்த வரி, டி.டி.டி-யைவிட பொதுவாக குறைவு.

ஃபண்ட் கிளினிக்!
##~##
நீங்கள் ரிட்டையர்மென்ட் போன்ற நீண்ட காலத் தேவைகளுக்காக நல்ல டைவர்சிஃபைட் மியூச்சுவல் ஃபண்ட் திட்டங்களில் முதலீடு செய்யலாம். டி.எஸ்.பி-பி.ஆர். டாப் 100 ஈக்விட்டி ஃபண்ட், யூ.டி.ஐ. ஆப்பர்ச்சூனிட்டீஸ் ஃபண்ட், ஐ.சி.ஐ.சி.ஐ. புரூ. டிஸ்கவரி ஃபண்ட் - இதிலுள்ள ஒன்றிரண்டில் நீங்கள் முதலீடு செய்யலாம்.  

நீங்கள் இன்ஷூரன்ஸிற்காக ஏற்கெனவே எடுத்துள்ள பாலிசிகள் போதுமானது. இனிமேலும், இதுபோன்ற பாலிசிகளில் முதலீடு செய்யவேண்டாம். உங்கள் முதலீட்டை (பப்ளிக்) பிராவிடண்ட் ஃபண்டிலும், மியூச்சுவல் ஃபண்டுகளிலும் மற்றும் பிற கடன் திட்டங்களிலும் அதிகப்படுத்திக்கொள்ளுங்கள். போதுமான அளவிற்கு டேர்ம் இன்ஷூரன்ஸ் எடுத்துக்கொள்ளுங்கள்!''

45 வயதாகும் எனக்கு 30 ஆயிரம் ரூபாய் சம்பளம். எனக்கு இரண்டு குழந்தைகள். அவர்களின் கல்லூரிப் படிப்புக்கும் ஓய்வுக்காலத்துக்கும் சேமிக்க வேண்டும் என்று நினைக்கிறேன். பின்வரும் ஃபண்டுகளில் எஸ்.ஐ.பி. முறையில் முதலீடு செய்து வருகிறேன். டி.எஸ்.பி. பிளாக்ராக் ஸ்மால் அண்ட் மிட்கேப் ஃபண்ட், டி.எஸ்.பி. வேர்ல்டு கோல்டு ஃபண்ட், எம்.சி.ஓ.ஜி.-ஹெச்.டி.எஃப்.சி. மிட்கேப் ஆப்பர்ச்சூனிட்டீஸ் ஃபண்ட், ஃபிராங்க்ளின் இந்தியா புளூசிப் ஃபண்ட், டெம்பிள்டன் இந்தியா ஈக்விட்டி ஃபண்ட். இந்த திட்டங்கள் என் நோக்கத்தை நிறைவேற்றுமா?

பி.பாலசுப்ரமணியம், ஈரோடு.

''டியர் பாலசுப்ரமணியம்,

உங்கள் கேள்வியில் நீங்கள் தந்த தகவல்கள் முழுமையாக இல்லை. எனவே, நீங்கள் தந்துள்ள தகவல்களின் அடிப்படையில் பரிந்துரை செய்துள்ளேன். டி.எஸ்.பி. பிளாக்ராக் ஸ்மால் அண்ட் மிட்கேப் ஃபண்ட், நடுத்தர மற்றும் சிறிய நிறுவனப் பங்குகளில் முதலீடு செய்கிறது. அதனால் அந்த ஃபண்ட் அதிக ரிஸ்க் உடையது. அதேபோல் டி.எஸ்.பி. பிளாக்ராக் வேர்ல்டு கோல்டு ஃபண்ட் நேரடியாக தங்கத்தில் முதலீடு செய்வதில்லை. தங்கத்தை உற்பத்தி செய்யும் நிறுவனப் பங்குகளில் முதலீடு செய்கிறது. ஆகவே, தங்கம் விலை ஏற்ற இறக்கமும், அந்த நிறுவனப் பங்குகளின் விலை ஏற்ற இறக்கமும் எப்போதும் ஒருசேர இருப்பதில்லை. ஆகவே, இந்த இரண்டு எஸ்.ஐ.பி-க்களையும் நிறுத்திவிட்டு, டி.எஸ்.பி. பிளாக்ராக் டாப் 100 ஈக்விட்டி ஃபண்டில் மாதம் ரூ.2,000 எஸ்.ஐ.பி. முறையில் முதலீடு செய்யுங்கள். மற்ற மூன்று ஃபண்டுகளும் நன்றாகச் செயல்பட்டு வருவதால், அதில் தொடர்ந்து முதலீடு செய்யுங்கள். இந்த ஃபண்ட் முதலீட்டுடன் நின்றுவிடாமல் பி.பி.எஃப். என்று கூறப்படும் பப்ளிக் பிராவிடண்ட் ஃபண்டிலும், பேங்க் அல்லது போஸ்ட் ஆபீஸ் மூலமாக, ஒரு அக்கவுன்ட் ஆரம்பியுங்கள். பி.பி.எஃப்-ல் மாதந்தோறும் ஒரு தொகையை முதலீடு செய்து வாருங்கள் - உங்களின் ஓய்வுக்காலத்திற்கென்று அதை வைத்துக்கொள்ளுங்கள்.''

எனக்கு 31 வயது. என் மாதச் சம்பளம் ரூ.22,000. கடந்த இரண்டரை ஆண்டுகளாக பின்வரும் மியூச்சுவல் ஃபண்டுகளில் எஸ்.ஐ.பி. முறையில் முதலீடு செய்து வருகிறேன். ஹெச்.டி.எஃப்.சி.

டாப் 200 ஃபண்டில் ரூ.1,000, பிர்லா சன் லைப் ஃபிரன்ட்லைன் ஈக்விட்டி ஃபண்டில் ரூ.1,000, ஐ.சி.ஐ.சி.ஐ. புரூடென்ஷியல் டைனமிக் ஃபண்டில் ரூ.3,000, யூ.டி.ஐ. வெல்த் பில்டர் ஃபண்டில் ரூ.500, யு.டி.ஐ. இன்ஃப்ராஸ்ட்ரக்சர் ஃபண்டில் ரூ.500,  ஐ.சி.ஐ.சி.ஐ. புரூடென்ஷியல் டாக்ஸ் பிளானில் ரூ.500, ஐ.சி.ஐ.சி.ஐ. புரூடென்ஷியல் ஃபோக்கஸ்டு புளூசிப்பில் ரூ.1,000 முதலீடு செய்து வருகிறேன். அடுத்த பதினைந்து ஆண்டுகளில் 50 லட்ச ரூபாய் சம்பாதிக்கவேண்டும் என்பது என் நோக்கம். நான் முதலீடு செய்துவரும் ஃபண்டுகளின் மூலம் என் நோக்கம் நிறைவேற வாய்ப்புண்டா?

கார்த்திகேயன், திருச்சி.

ஃபண்ட் கிளினிக்!

''அன்புள்ள கார்த்திகேயன்,

இளம் வயதிலேயே எதிர்காலத்தைச் சிந்தித்து முதலீடு செய்து வருவதற்கு பாராட்டுகள். உங்களின் ஓய்வுக்காலத்தில் உங்களுக்கு சொந்த வீடு இருக்கும் என்றும், உங்களின் இன்றைய மாதச் செலவு ரூ.15,000 என்றும் எடுத்துக்கொள்வோம். பணவீக்கத்தை 7% என்று எடுத்துக்கொண்டால், நீங்கள் ரிட்டையர்மென்ட் ஆகும்போது, உங்கள் மாதச் செலவு ரூ.1.07 லட்சமாக இருக்கும். அதற்கு நீங்கள் ரிட்டையர்மென்ட் ஆகும்போது உங்கள் கையில் இருக்கவேண்டிய கார்ப்பஸ் ரூ.1.60 கோடியாகும். இதே அளவில் (மாதம் ரூ.7,500)  சேமித்து வந்தால் தாராளமாக நீங்கள் உங்கள் இலக்கை அடைந்துவிடலாம். உங்கள் முதலீட்டிற்கு ஒரு ஸ்திரத்தன்மையைக் கொடுப்பதற்கு பி.பி.எஃப். அக்கவுன்ட் ஒன்றை தொடங்கிக்கொள்ளுங்கள். பி.பி.எஃப்.-ல் ரூ.3,000, யூ.டி.ஐ. ஆப்பர்ச்சூனிட்டீஸ் ஃபண்டில் மாதம் ரூ.2,500-ம், ஐ.சி.ஐ.சி.ஐ. புரூ ஃபோக்கஸ்டு புளூசிப் ஃபண்டில் ரூ.2,500-ம் முதலீடு செய்யுங்கள். உங்கள் முதலீடு அனைத்தையும் குரோத் ஆப்ஷனிற்கு மாற்றிக்கொள்ளுங்கள். மேலே கூறியபடி நீங்கள் மாதம் ரூ.8,000 அடுத்த 29 ஆண்டுகளுக்கு முதலீடு செய்தால், உங்கள் ரிட்டையர்மென்டிற்குத் தேவையான பணம் கிடைத்துவிடும்.''

இரண்டு மாதங்களாக ஹெச்.டி.எஃப்.சி. மிட்கேப் ஆப்பர்ச்சூனிட்டீஸ் ஃபண்டில் எஸ்.ஐ.பி. மூலம் முதலீடு செய்து வருகிறேன். நான் எத்தனை சதவிகித வருமானத்தை எதிர்பார்க்கலாம்.

எஸ்.குமரன், மணப்பாறை.

''டியர் குமரன்,

உங்கள் கேள்வியில் இருந்து நீங்கள் மியூச்சுவல் ஃபண்ட் முதலீட்டிற்கு புதியவர் என்று தெரிகிறது. நீங்கள் முதன்முறை முதலீட்டாளராக இருக்கும்பட்சத்தில் மிட்கேப் ஃபண்டுகளைவிட, லார்ஜ்கேப் ஃபண்டுகளில் முதலீடு செய்வது நல்லது. அந்த அடிப்படையில் ஃபிராங்க்ளின் இந்தியா புளூசிப்,

டி.எஸ்.பி-பி.ஆர் டாப் 100 ஈக்விட்டி, ஐ.சி.ஐ.சி.ஐ. புரூ ஃபோக்கஸ்டு புளூசிப் ஈக்விட்டி போன்ற ஏதாவது ஒரு திட்டத்தில் முதலீடு செய்வது நன்று. நீண்ட கால நோக்கில், 12-15% ஆண்டு வருமானத்தை எதிர்பார்க்கலாம். ஆனால், இந்த வருமானம் ஒவ்வொரு ஆண்டும் உறுதியாக கிடைக்கும் என்று சொல்ல முடியாது.''

(மீண்டும் திறக்கும்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism