Published:Updated:

ஒரு பங்கின் விலை ரூ.2.5 கோடி... நம்ப முடிகிறதா..! - எந்த நிறுவனப் பங்கு..?

பங்கு
பிரீமியம் ஸ்டோரி
News
பங்கு

INVESTMENT

முன்பெல்லாம், பென்னி ஸ்டாக் (Penny stock) என்றழைக்கப்படும் பைசா அளவில் வர்த்தகமாகும் பங்குகளை வாங்குவதற்கு சிறு முதலீட்டாளர் களிடையே பெருத்த வரவேற்பு இருக்கும். ஒரு ரூபாய் பங்கை வாங்கி இரண்டு ரூபாய்க்கு விற்றால் 100% லாபம் எனச் சந்தையில் உள்ள வர்த்தகர்கள் பலரும் ஆர்வம் காட்டுவார்கள். ஒரு பங்கின் எந்தவொரு அடிப்படை அம்சங்களையும் அலசாமல் ஒரு நிறுவனத்தின் பங்கு மிகக் குறைந்த விலையில் வர்த்தகமாகிறது என்ற ஒற்றைக் காரணத்தை மட்டுமே வைத்துக்கொண்டு முதலீடு செய்பவர்கள் ஏராளம்.

எந்த ஆய்வும் இல்லாமல்...

கிடைத்தால் லாபம், இல்லையென்றால் பணத்தை இழந்துவிட்டு பங்குச் சந்தை நமக்கு சரிப்பட்டு வராது எனச் சந்தையை விட்டு ஒதுங்குவது. இதுபோன்ற பென்னி பங்குகளை எந்த ஆய்வும் இல்லாமல் வாங்குவதால்தான். நடப்புக் காலத்தில் பங்கு விலையைப் பற்றி யாரும் கவலை கொள்வதில்லை. மாறாக, உடனடி விலையேற்றத்தை மட்டுமே எதிர்பார்த்து காத்துக்கொண்டிருக்கின்றனர். 

ஒரு பங்கின் விலை ரூ.2.5 கோடி... நம்ப முடிகிறதா..! - எந்த நிறுவனப் பங்கு..?

அதிக விலை கொண்ட பங்குகள்...

பென்னி பங்குகள் ஒருபுறம் என்றால், இன்னொரு பக்கம் ஆயிரங்களில் வர்த்தகமாகும் பங்குகளின் மீதான மதிப்பு அனைத்து வகையான முதலீட்டாளர்களுக்குப் பிடித்தமான ஒன்று. பொதுவாக, பங்கு ஒன்றுக்கு 10,000 ரூபாய்க்குமேல் வர்த்தகமாகும் பங்குகளின் எண்ணிக்கை குறைந்த அளவில்தான் இருக்கும். எனவே, அவற்றில் ஏற்ற, இறக்கங்கள் நாள்தோறும் பெரிய அளவில் இருக்காது.

உதாரணமாக, இந்திய பங்குச் சந்தையில் பங்கு ஒன்றுக்கு அதிக விலை மதிப்பைக் கொண்டிருக்கும் நிறுவனம், எம்.ஆர்.எஃப். லிமிடெட் (MRF). பங்கு ஒன்றுக்கு 80,000 ரூபாய்க்கு அருகில் வர்த்தகமாகும் இந்த நிறுவனத்தின் மொத்தப் பங்குகளின் எண்ணிக்கை வெறும் 42 லட்சங்கள் மட்டுமே. கடந்த ஒரு வருடத்தில் எம்.ஆர்.எஃப். நிறுவனத்தின் நாள் சராசரி வர்த்தக அளவு (Daily Avg. trade volume) 6,000 பங்குகளே.

பிரிக்கப்படாத முகமதிப்பு...

இது போன்ற பங்குகள் அதிக விலையில் வர்த்தகமாவதற்கான காரணம், அதன் முகமதிப்பு (Face value) பிரிக்கப்படாதது மற்றும் போனஸ் பங்குகள் வழங்கப்படாததுதான். பங்குகளின் எண்ணிக்கை அடிப்படையில் காணும்போது, எம்.ஆர்.எஃப். நிறுவனத்தின் பங்கு விலை குறைவான அளவில்தான் வர்த்தகமாகி வருகிறது.

விப்ரோ, மதர்சன் சுமி...

உண்மையில் பங்கு ஒன்றுக்கு 500 ரூபாய்க்குக்கீழ் வர்த்தகமாகும் விப்ரோ, மதர்சன் சுமி போன்ற பங்குகளின் விலைதான் சந்தையில் காணப்படும் அதிக விலை கொண்ட பங்குகள் எனச் சொல்லலாம். ஏனெனில், இந்த இரு பங்குகளும் 10 வருடங்களுக்கு மேலாக போனஸ் பங்குகளை அளித்துள்ளன. இது போன்ற நிறுவனங்கள் பல நமது சந்தையில் உள்ளன.

எம்.ஆர்.எஃப். நிறுவனத்தின் முகமதிப்பு ரூ.10, கடந்த 50 வருடங் களில் எந்த போனஸ் பங்குகளும் அறிவிக்கப்படவில்லை. டிவிடெண்ட் தொகையும் முகமதிப்பு அடிப்படையில் 1 சத விகிதத்துக்கும் கீழ்தான். அதே வேளையில், நிறுவனத்தின் பி.இ விகிதம் 25 மடங்கில் நிலவுகிறது. 

விலை மதிப்பு அதிகமுள்ள நிறுவனங்களைச் சந்தையில் வாங்குவதைச் சிலர் பெருமையாக எண்ணுவதுண்டு. ரூ.5,000, ரூ.10,000 எனப் பங்கு ஒன்றுக்கு வர்த்தக மாகும் பங்குகளை வாங்கி நீண்டகாலம் வைத்துக்கொள்ள வேண்டும் என்ற ஆசையும் நம்மில் சிலருக்கு உண்டு. 

உலகின் அதிக விலை மதிப்புடைய பங்கு...

நாளொன்றுக்கு அந்தப் பங்கின் விலை 1% இறங்கினாலும் பங்கு ஒன்றுக்கு 2,000 டாலர்கள் என்ற அளவில் இறக்கம் இருக்கும். ஏறினாலும், அதேபோலதான். அமெரிக்கச் சந்தையில் வர்த்தக மாகும் அந்த நிறுவனத்தின் பங்கு ஒன்றின் மதிப்பு 3.42 லட்சம் டாலர்கள். அதாவது, இந்திய மதிப்பில் சுமார் 2.52 கோடி ரூபாய்!

ஆம், பங்கு ஒன்றுக்கு 2.52 கோடி ரூபாயில் அந்தப் பங்கு அமெரிக்க பங்குச் சந்தையில் இன்றும் வர்த்தகமாகி வருகிறது. சொல்லப்போனால், நமது சந்தையில் காணப்படும் ஒரு ஸ்மால் கேப் நிறுவனத்தின் சந்தை மதிப்பு போல. அமெரிக்கப் பங்குச்சந்தையின் பி.இ விகிதம் 20 மடங்கில் உள்ளது. ஆனால், இந்த நிறுவனப் பங்கின் பி.இ விகிதம் 15.4 மடங்கில் வர்த்தக மாவது குறிப்பிடத்தக்கது. அடிப்படைப் பகுப்பாய்வின் படி, தற்போதைய விலையும் மலிவு என்றுதான் சொல்லப் படுகிறது. 

ஒரு பங்கின் விலை ரூ.2.5 கோடி... நம்ப முடிகிறதா..! - எந்த நிறுவனப் பங்கு..?

நாம் இதுவரை பார்த்த நிறுவனம் எது என்று உங்களுக்குத் தெரிகிறதா? மதிப்புமிக்க முதலீட் டாளர் மற்றும் உலக பெரும்பணக் காரர் வாரன் பஃப்பெட்டின் பெர்ஷையர் ஹாத்தவே (Berkshire Hathaway) நிறுவனம்தான்,

இந்தப் பங்கு ஒன்றின் விலை 2.52 கோடியில் வர்த்தகமாகி வருகிறது. இந்தப் பங்கு விலை மதிப்பு, மார்ச் மாத வீழ்ச்சியில் 2.40 லட்சம் டாலர்கள் என்ற அளவுக்கு இறக்கத்தைச் சந்தித்துள்ளது. பின்னர், மீண்டுவந்த பங்கின் விலை தற்போது 3.42 லட்சம் டாலர்களில் வர்த்தகமாகிவருகிறது. 52 வார அதிகபட்ச விலை 3.50 லட்சம் அமெரிக்க டாலர்கள். அதாவது, இந்திய ரூபாய் மதிப்பில் 2.57 லட்சம் கோடி. பொதுவாக, வாரன் பஃப்பெட் போனஸ் பங்குகள், டிவிடெண்ட் தொகை போன்றவற்றில் ஈடுபாடு இல்லாதவர். அதன் காரண மாகவே இந்தப் பங்கின் விலை, உலகின் அதிக விலை மதிப்பு கொண்ட நிறுவன பங்காக உள்ளது. 

நீங்கள் வாங்கி வைத்திருக்கும் பங்கு களின் விலையைத் தாண்டி, அதன் பி.இ விகிதம் உட்பட அனைத்து விஷயங் களையும் தெரிந்துவைத்திருக்கிறீர்களா?

டெஸ்லா பங்கின் விலை!

டெஸ்லா நிறுவனப் பங்கு விலை தற்போது ரூ.609 டாலர். இந்தப் பங்கின் மதிப்பு எவ்வளவு என்கிற கேள்விக்கு கோல்ட்மேன் சாக்‌ஷ் நிறுவனம் 780 டாலர் எனவும், ஜே.பி.மார்கன் நிறுவனம் 90 டாலர் எனவும் மதிப்பிட்டுள்ளது. 2010-ல் இந்தப் பங்கு ஐ.பி.ஓ வந்தபோது இந்தப் பங்கின் 3.84 டாலர் என்கிற அளவில் வர்த்தகமாகத் தொடங்கியது. 2013 பிற்பகுதியில் விலை உயரத் தொடங்கிய பங்கு விலை, இந்த மாதத் தொடக்கத்தில் 650 டாலர் வரை உயர்ந்தது. இந்தப் பங்கு இதுவரை 18,000% லாபம் தந்திருக்கிறது. இத்தனைக்கும் டெஸ்லா நிறுவனம் ஒரு ஆட்டோமொபைல் துறை சார்ந்த நிறுவனமா அல்லது டெக்னாலஜி நிறுவனமா எனப் பிரித்துப் பார்க்க முடியாதபடி உள்ளது. இந்த நிறுவனப் பங்கின் மதிப்பு என்னவாக வேண்டுமானாலும் இருக்கட்டும். இந்த நிறுவனத்தின் முதலீட்டாளர்கள் கொழுத்த லாபம் சம்பாதிக்கத்தானே செய்கிறார்கள்?

- ஆகாஷ்

பிட்ஸ்

கோவிட் 19-க்குப்பின், செயற்கை நுண்ணறிவின் (AI) பயன்பாடு இந்தியாவில் 45% அதிகரித்துள்ளது. அமெரிக்காவில் 35%, ஜப்பானில் 28%, இங்கி லாந்தில் 14% வளர்ச்சி மட்டுமே கண்டுள்ளது!