Published:Updated:

ஃபண்ட் கிளினிக்!

ஃபண்ட் கிளினிக்!

ஃபண்ட் கிளினிக்!

ஃபண்ட் கிளினிக்!

Published:Updated:
ஃபண்ட் கிளினிக்!
##~##

?32 வயதாகும் எனக்கு ஒரு மகன் இருக்கிறான். அவனுடைய படிப்பிற்காக நீண்ட கால நோக்கில் எஸ்.ஐ.பி. மூலமாக மாதம் 12,000 ரூபாயை நான்கு ஃபண்டுகளில் கடந்த இரண்டாண்டுகளாக முதலீடு செய்து வருகிறேன். இந்த ஃபண்டுகள் என் நோக்கத்தை நிறைவேற்றுமா? இன்னும் மூன்று முதல் ஐந்தாயிரம் ரூபாயை முதலீடு செய்யவும் தயாராக இருக்கிறேன். இந்த பணத்தை எதில் முதலீடு செய்யலாம்?

ஒட்டுமொத்த விகடனுக்கும் ஒரே ஷார்ட்கட்!

- ஜெயபிரகாஷ், திருப்பூர்.

''அன்புள்ள ஜெயபிரகாஷ்,

நீங்கள் முதலீடு செய்துவரும் திட்டங்கள் அனைத்தும் நன்றாகச் செயல்பட்டு வரும் திட்டங்களே. ஆகவே, அவற்றைத் தொடர்ந்து வாருங்கள். இன்னும் ரூ.5,000 கூடுதலாக முதலீடு செய்ய முடியும் என்கிற பட்சத்தில், ஒரு கடன் சார்ந்த திட்டத்தையும் சேர்த்து, கீழ்க்கண்டவாறு உங்கள் முதலீட்டை மாற்றிக்கொள்ளுங்கள்:

ஃபண்ட் கிளினிக்!

?35 வயதாகும் எனக்கு ஐந்து வயது மகன் இருக்கிறான். இவனுடைய மேற்படிப்புக்கு ரூ.20 லட்சமும், திருமணத்திற்கு ரூ.20 லட்சமும் தேவை. என்னுடைய ஓய்வுக் காலத்திற்கு ரூ.50 முதல் 60 லட்சம் தேவை. இதற்கு மாதம் 10 ஆயிரம் ரூபாய் வீதம் 6 ஃபண்டுகளில் எஸ்.ஐ.பி. மூலம் முதலீடு செய்து வருகிறேன். இந்த ஃபண்டுகளில் ஒன்று, மோதிலால் ஆஷ்வெலின் எம்.-50. தவிர, யெஸ் பேங்க் பங்குகளில் மாதம் 2,000 ரூபாய் முதலீடு செய்கிறேன். ரிலையன்ஸ் ரெகுலர் சேவிங்ஸ் ஃபண்டில் மாதம் 1,000 ரூபாய் முதலீடு செய்யலாம் என்றும் ஒரு திட்டம் இருக்கிறது. எனது முதலீடு சரியான பாதையில்தான் செல்கிறதா?

- தேவேந்திரன், ஈரோடு.

''டியர் தேவேந்திரன்,

ஃபண்ட் கிளினிக்!

உங்களின் எதிர்பார்ப்பை பூர்த்தி செய்ய உங்கள் மகனின் கல்விக்காக மாதம் ரூ,7,000-மும், மகனின் திருமணத்திற்காக மாதம் ரூ.2,500-ம், உங்களின் ஓய்வுக்காலத்திற்காக ரூ.6,000-மும் ஆக மொத்தம் மாதத்திற்கு ரூ.15,500 முதலீடு செய்ய வேண்டும். டாக்ஸ் சேவிங்ஸ் முதலீடு உங்களுக்குத் தேவையில்லாதபட்சத்தில், ஹெச்.டி.எஃப்.சி. டாக்ஸ் சேவர் திட்டத்தை நிறுத்திக்கொள்ளுங்கள். மிட் கேப் இ.டி.எஃப்.களைவிட, நல்ல தரமான மிட் கேப் ஃபண்டுகள் செயல்படுகின்றன என்பதால் எம்-50 முதலீட்டை நிறுத்திக்கொள்ளலாம். ஒரே பங்கில் (யெஸ் பேங்க்), அதுவும் மிட் கேப் பங்கில், எஸ்.ஐ.பி. முறையில் முதலீடு செய்வது அதிக ரிஸ்க்காகும். ஆகவே, அந்த முதலீட்டையும் நிறுத்திக்கொள்ளுங்கள். ஹெச்.டி.எஃப்.சி. டாப் 200-க்குப் பதிலாக, ஹெச்.டி.எஃப்.சி. மிட் கேப் ஆப்பர்ச்சூனிட்டீஸ் ஃபண்டில் முதலீட்டை அதிகப்படுத்திக்கொள்ளுங்கள். தற்போது மாதத்திற்கு ரூ.10,000 முதலீடு செய்து வருகிறீர்கள். மேலும், ரூ.1,000 முதலீடு செய்ய முடியும் என்று கூறியுள்ளீர்கள். இந்த ரூ.11,000 முதலீட்டை மேலே கண்டவாறு அமைத்துக் கொள்ளுங்கள்.

ஃபண்ட் கிளினிக்!

?ஐ.டி. துறையில் வேலை பார்க்கும் எனக்கு இப்போது 31 வயது. மாதச் சம்பளம், 64,000 ரூபாய். ஐந்து இன்ஷூரன்ஸ் பாலிசிகளை வைத்திருக்கிறேன். இனி மியூச்சுவல் ஃபண்டிலும் முதலீடு செய்ய விரும்புகிறேன். நான் என்ன செய்வது?

- வி.மாதவன், கும்பகோணம்.

''அன்புள்ள மாதவன்,

உங்களின் வயது 31-தான் ஆகிறது. இருந்த போதும் வெகுவாக டிரடிஷனல் இன்ஷூரன்ஸ் திட்டங்களில் முதலீடு செய்துள்ளீர்கள். என்ன காரணம் என்று புரியவில்லை. உங்களின் வருட இன்ஷூரன்ஸ் பிரீமியத் தொகை கிட்டத்தட்ட ரூ.1,27,000 ஆகிறது. பொதுவாக, எண்டோவ்மென்ட் திட்டங்கள், மணிபேக் பாலிசிகள், குழந்தை மற்றும் ஓய்வுக் கால இன்ஷூரன்ஸ் திட்டங்களில் செல்வது அவ்வளவு லாபகரமானதாக இல்லை. எந்த கோணத்தில் இருந்து பார்த்தாலும் ஆயுள் பாதுகாப்பிற்கு சிறந்தது டேர்ம் இன்ஷூரன்ஸ்தான். அதேபோல், முதலீட்டிற்கு உகந்தது நல்ல மியூச்சுவல் ஃபண்ட் திட்டங்கள் மற்றும் நிரந்தர வைப்பு நிதித் திட்டங்கள்தான்.

நீங்கள் வைத்திருக்கும் இன்ஷூரன்ஸ் திட்டங்களை கேன்சல் செய்தால், போட்ட அசல்கூட வராது. அதே சமயத்தில், தொடர்வதால் நல்ல முதலீட்டு வாய்ப்புகளை இழக்கிறீர்கள். இதற்கு மேல் இன்ஷூரன்ஸ் என்று சென்றால், டேர்ம் பிளானில் மட்டுமே செல்லுங்கள். இன்ஷூரன்ஸில் இருந்துவரும் தொகையை உங்கள் குழந்தையின் கல்வி மற்றும் திருமணத்திற்காகப் பயன்படுத்திக் கொள்ளுங்கள்.

ஃபண்ட் கிளினிக்!

நீங்கள் கொடுத்துள்ள கணக்குப்படி, மாதத்திற்கு ரூ.10,000 சர்ப்பிளஸ் இருக்கும். அந்தப் பணத்தைக் கீழே தந்துள்ள இரண்டு மியூச்சுவல் ஃபண்டுகளில் முதலீடு செய்யுங்கள். இன்னும் 20 ஆண்டுகளில் நீங்கள் ரிட்டையர் ஆகும்பட்சத்தில் உங்களுக்குத் தேவையான தொகை அந்த முதலீட்டிலிருந்து கிடைத்துவிடும்.

?எனக்கு இரண்டு குழந்தைகள். அவர்களின் மேற்படிப்பிற்காக மியூச்சுவல் ஃபண்டுகளில் முதலீடு செய்து வருகிறேன். கடந்த ஏப்ரல் மாதம் முதல் ஹெச்.டி.எஃப்.சி. புரூடென்ஸ் ஃபண்டில் மாதம் 10 ஆயிரம் ரூபாய் முதலீடு செய்து வருகிறேன். இது போக, பத்து மியூச்சுவல் ஃபண்ட் திட்டங்களில் முதலீடு செய்து வருகிறேன். இதில் ரிலையன்ஸ் டைவர்சிஃபைட் பவர் செக்டார் ஃபண்டில்தான் 30 ஆயிரம் ரூபாய்க்கு மேல் நஷ்டம் ஏற்பட்டுள்ளது. நான் வைத்திருக்கும் ஃபண்டுகள் சரியானவைதானா என்பதை சொல்வதோடு, ஒவ்வொரு மாதமும் 30 ஆயிரம் ரூபாயை என்னால் முதலீடு செய்ய முடியும். இந்த பணத்தை எந்தெந்த திட்டங்களில் முதலீடு செய்யலாம் என்று சொல்லுங்கள்!

- கிருபாகரன், மின்னஞ்சல் மூலமாக.

''டியர் கிருபாகரன்,

நீங்கள் தற்போது எஸ்.ஐ.பி. முறையில் ஹெச்.டி.எஃப்.சி. புரூடென்ஸ் திட்டத்தில் மாதம் ரூ.10,000 முதலீடு செய்து வருகிறீர்கள். அதைத் தொடர்ந்து வாருங்கள். இன்னும் ஏழு வருடத்தில் அந்த முதலீடு ரூ.12 லட்சமாக வளர்ந்திருக்கும். அந்தத் தொகையை உங்கள் மகனின் கல்விக்காக பயன்படுத்திக் கொள்ளுங்கள்.

மகளின் கல்விக்காக மாதம் ரூ.5,000 ஐ.சி.ஐ.சி.ஐ. புரூ. டைனமிக் ஃபண்டில் எஸ்.ஐ.பி. முறையில் முதலீடு செய்யுங்கள். மற்றொரு ரூ.5,000-த்தை உங்கள் மகளின் திருமணத்திற்காக ஐ.சி.ஐ.சி.ஐ. புரூ டிஸ்கவரி ஃபண்டில் எஸ்.ஐ.பி. முறையில் முதலீடு செய்து வாருங்கள். இந்த 10,000 ரூபாய் முதலீடு உங்கள் மகளின் நலத்திற்குப் போதுமானதாக இருக்கும்.

ஃபண்ட் கிளினிக்!

உங்கள் ரிட்டையர்மென்டிற்காக மாதம் ரூ.5,000 பிர்லா சன் லைஃப் ஃப்ரன்ட்லைன் ஈக்விட்டியிலும், மற்றொரு ரூ.5,000-த்தை பிர்லா சன் லைஃப் டைனமிக் பாண்ட் ஃபண்டிலும் முதலீடு செய்யுங்கள். மேலும், இதுவரை நீங்கள் மியூச்சுவல் ஃபண்டுகளில் செய்துள்ள முதலீடுகளை ஒருங்கிணைத்து உங்கள் ஓய்வுக் காலத்திற்காக வைத்துக் கொள்ளுங்கள். உங்கள் கையில் தற்போது பத்து ஃபண்டுகள் உள்ளன. அவற்றில் மேற்கூறிய நான்கு ஃபண்டுகளில் முதலீட்டைத் தொடரப் போகிறீர்கள்.

மீதியுள்ள ஆறு ஃபண்டுகளில், மூன்றினை (ஹெச்.டி.எஃப்.சி. டாப் 200, ரிலையன்ஸ் குரோத், சுந்தரம் செலக்ட் மிட் கேப்) தொடர்ந்து வரலாம். ரிலையன்ஸ் பார்மா ஃபண்ட் தற்போது நன்றாக லாபம் கொடுத்து வருகிறது. அது ஒரு துறை சார்ந்த ஃபண்ட் என்பதால், சரியான தருணம் பார்த்து வெளியே வந்து நல்ல டைவர்சிஃபைட் திட்டங்களில் முதலீடு செய்யுங்கள். பிர்லா சன் லைஃப் இன்ஃப்ராஸ்ட்ரக்சரில் உள்ள முதலீட்டை பிர்லா சன் லைஃப் ஃப்ரன்ட்லைன் ஈக்விட்டி திட்டத்திற்கு ஸ்விட்ச் செய்துகொள்ளுங்கள். அதேபோல் ரிலையன்ஸ் டைவர்சிஃபைட் பவர் செக்டார் திட்டத்தை விட்டு வெளியேறி வரும் தொகையை ஐ.சி.ஐ.சி.ஐ. புரூ. டிஸ்கவரி ஃபண்டில் முதலீடு செய்து கொள்ளுங்கள்.

குறிப்பு: இங்கு செய்துள்ள பரிந்துரை ஒரு தனிநபரின் தேவைகளுக்காகச் செய்யப்பட்டுள்ளது. அவரவரின் தேவைகள் மற்றும் ரிஸ்க் எடுக்கும் திறனிற்கு ஏற்ப பரிந்துரை மாறும் என்பதை கருத்தில் கொள்ளவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism