டிரேடர்ஸ் பக்கங்கள் இறக்கத்தைக் காட்டும் சார்ட்கள்... ஏற்றத்தைக் காட்டும் சூழல்கள்!

நிஃப்டி டெக்னிக்கல் பார்வை:

. ஏற்றத்துக்கான வேகம் சற்று குறைந்ததைப்போலவே தோன்றுகின்றது என்றும், அடுத்த கட்டமாக சந்தை சற்று கன்சாலிடேட் ஆன பிறகே ஓர் ஏற்றம் வரும்போல் தோன்றுகின்றது என்றும் வியாழன், வெள்ளியன்று மட்டுமே பெரிய அளவிலான மாறுதல்கள் சந்தையில் வருவதற்கான வாய்ப்புகள் தெரிகின்றது என்றும் சொல்லியிருந்தோம்.

. திங்கள் முதல் புதன் வரை சிறிய அளவில் இறங்கிய நிஃப்டி, வியாழனன்று பெரிய இறக்கத்தைச் சந்தித்து, பின் வெள்ளியன்று சிறிய ஏற்றத்துடன் முடிந்து, வாராந்திர அளவில் 203 பாயின்ட் இறக்கத்தில் நிறைவு பெற்றது.

. வரும் வாரம் எக்ஸ்பைரி வாரம். 5800 லெவல்கள் வரை எக்ஸ்பைரியில் செல்ல டெக்னிக்கலாக வாய்ப்பிருப்பதுபோல் தோன்றி னாலும் சந்தை குறித்த செய்திகள் வேகமான எதிர்மறை மாற்றங்களைக் கொண்டுவந்துவிட வாய்ப்பிருக்கின்றது. வரும் வெள்ளியன்று நிலைமை மறுபடியும் தலைகீழாக மாறிவிடலாம். திங்கள், செவ்வாய் அன்று நடக்கும் வால்யூமும், டிரெண்டும் மட்டுமே வெள்ளிக் கிழமைக்கான போக்கை உறுதி செய்வதாக இருக்கும்.

. ஷார்ட் மற்றும் லாங் வாய்ப்புகள் கிடைக்கும். ஓவர்நைட் பொசிஷன்கள் ஏதும் வைத்துக்கொள்ளாதீர்கள். புதனன்று வாலட்டைலிட்டி அதிகமாக இருந்தால், வியாழன், வெள்ளியில் வியாபாரத்தை முழுமையாகத் தவிருங்கள்.

. இண்டெக்ஸ் வியாபாரத்தை விட புதிய புல்லிஷ் மற்றும் பியரிஷ் டிரெண்டில் போகும் ஸ்டாக்குகளை சிறிய அளவில் ஸ்ட்ரிக்ட்டான ஸ்டாப்லா ஸுடன் வியாபாரம் செய்வதே சிறந்த ஸ்டராட்டஜியாக இருக்கும். எச்சரிக்கையுடன் செயல்படுங்கள்.

டிரேடர்ஸ் பக்கங்கள் இறக்கத்தைக் காட்டும் சார்ட்கள்... ஏற்றத்தைக் காட்டும் சூழல்கள்!

Vikatan Correspondent