Published:Updated:

எஸ்.ஐ.பி.: பெஸ்ட் ஃபண்டுகள்!

எஸ்.ஐ.பி.: பெஸ்ட் ஃபண்டுகள்!

எஸ்.ஐ.பி.: பெஸ்ட் ஃபண்டுகள்!

எஸ்.ஐ.பி.: பெஸ்ட் ஃபண்டுகள்!

Published:Updated:
##~##

குழந்தைகளின் கல்வி, அவர்களின் திருமணம், நிம்மதியான ஓய்வுக்காலம் இப்படி பலவிதமான எதிர்காலத் தேவைகளை நிறைவேற்றிக்கொள்ள இன்று நடுத்தர வர்க்கத்தைச் சார்ந்த பலரும் தேர்வு செய்வது மியூச்சுவல் ஃபண்ட் முதலீடுகளைத்தான். அதிலும் ஒரே நேரத்தில் முதலீடு செய்யாமல் எஸ்.ஐ.பி. முறையில் மாதாமாதம் முதலீடு செய்வதால் நீண்டகாலத்தில் கணிசமான லாபம் பார்க்க முடியும் என்பது காலம் கற்றுத்தரும் பாடம்.

கடந்த காலத்தில் எந்தெந்த மியூச்சுவல் ஃபண்ட் திட்டங்கள் எஸ்.ஐ.பி. முறையில் நல்ல லாபம் தந்திருக்கின்றன, அவற்றில் இன்றைக்கும் எஸ்.ஐ.பி.க்கு ஏற்ற பெஸ்ட் ஃபண்டுகள் எவை என்பதைத் தெரிந்துகொள்ள ஓர் ஆய்வு செய்தோம். இந்த ஆய்விற்காக பங்கு சார்ந்த மியூச்சுவல் ஃபண்ட் திட்டங்களை (லார்ஜ், மிட் மற்றும் ஸ்மால் கேப் என மொத்தம் 237 திட்டங்கள்) எடுத்துக்கொண்டோம். கீழ்க்கண்ட ஃபில்டர்களை அந்த ஃபண்டுகளுக்கு அப்ளை செய்தோம்:

ஒட்டுமொத்த விகடனுக்கும் ஒரே ஷார்ட்கட்!

1. குறைந்தது 5 ஆண்டு காலம் நடைமுறையில் இருந்திருக்கவேண்டும்.

2.  கடந்த 5 ஆண்டில்  நிஃப்டி வருமானத்திற்கு சமமாக அல்லது அதற்குமேல் வருமானம் தந்த திட்டங்களாக இருக்கவேண்டும்.

3. திட்டம் நிர்வகிக்கும் தொகை ரூ.1,000 கோடிக்கு மேல் இருக்கவேண்டும்.

இந்த ஃபில்டர்களை போட்டபிறகு நமக்கு கிடைத்த திட்டங்கள் வெறும் 30-தான். இந்த 30 திட்டங்களிலும் ஒரு முதலீட்டாளர் கடந்த 1, 3, 5 ஆண்டுகளில் ஒவ்வொரு மாதமும் முதல் தேதி ஒரு குறிப்பிட்ட தொகையை முதலீடு செய்திருந்தால் அவருக்கு எவ்வளவு சதவிகிதம் வருமானம் கிடைத் திருக்கும் என்பதை கணக் கிட்டோம் (பார்க்க அட்டவணை).

எஸ்.ஐ.பி.:  பெஸ்ட் ஃபண்டுகள்!

இவ்வாறு கணக்கிட்ட பிறகு, கடந்த 5 ஆண்டு காலத்தில் இரண்டு இலக்க வருமானம் தந்திருக்கக்கூடிய திட்டங்களை பொறுக் கினோம். ஏனெனில்,  இரட்டை இலக்கத்தின் மீது அனைவருக்கும் ஒரு மோகம் உண்டல்லவா? கடைசியாக, கடந்த ஒரு வருட காலத்தில் செய்த எஸ்.ஐ.பி. முதலீட்டு வருமானம் நெகட்டிவ்வாக இருக்கக் கூடாது என்கிற கடினமான ஃபில்டரையும் போட்டோம். இத்தனைமுறை ஜல்லடையால் ஜலித்த பிறகு நமக்குக் கிடைத்தவை ஏழு முத்தான ஃபண்டுகள்.

இந்த ஃபண்டுகளில் அதிக ரிஸ்க் உள்ள ஃபண்டு களில் ஐ.டி.எஃப்.சி. பிரீமியர் ஈக்விட்டி  ஃபண்டும், நடுத்தர ரிஸ்க் உள்ள ஃபண்டுகளில் யூ.டி.ஐ. ஆப்பர்ச்சூனிட்டீஸ் ஃபண்ட், யூ.டி.ஐ. ஈக்விட்டி ஃபண்ட், பிர்லா எஸ்.எல். ஃப்ரன்ட்லைன் ஈக்விட்டி, ஃப்ராங்க்ளின் இந்தியா பிரைமா ப்ளஸ் ஆகிய ஃபண்டுகளும், குறைந்த ரிஸ்க் உள்ள  ஃபண்டுகளில் எஸ்.பி.ஐ. மேக்னம் ஈக்விட்டி ஃபண்ட், ஐ.சி.ஐ.சி.ஐ. புரூ ஃபோக்கஸ்டு புளூசிப் ஃபண்டுகளும் உள்ளன. இனி நாம் தேர்வு செய்த ஏழு ஃபண்டுகளைப் பற்றிய சிறிய குறிப்புகள்:

எஸ்.ஐ.பி.:  பெஸ்ட் ஃபண்டுகள்!

ஐ.டி.எஃப்.சி. பிரீமியர் ஈக்விட்டி ஃபண்ட்:

செப்டம்பர் 2005-ல் தொடங்கப்பட்ட ஒரு மிட் அண்ட் ஸ்மால் கேப் ஃபண்ட் இது, ரூ.3,300 கோடிக்கும் மேலான தொகையை நிர்வகித்து வருகிறது. இந்த ஃபண்டின் மூன்றில் இரண்டு பகுதி மிட் அண்ட் ஸ்மால் கேப் பங்குகளிலும், மீதி லார்ஜ் கேப் பங்குகளிலும் முதலீடு செய்யப்பட்டுள்ளது. நல்ல வளர்ச்சியையும், ஒரு வித்தியாசமான போர்ட்ஃபோலியோவையும் தேடுபவர்களுக்கு இது ஒரு நல்ல ஃபண்ட். கடந்த 5 வருட எஸ்.ஐ.பி. முதலீட்டு வருமானம் 15.5 சதவிகிதம் ஆகும்.

யூ.டி.ஐ. ஆப்பர்ச்சூனிட்டீஸ் ஃபண்ட்:

ஜூலை 2005-ல் ஆரம்பிக் கப்பட்ட இந்த ஃபண்ட் நிர்வகிக்கும் தொகை ரூ.3,500 கோடிக்கும் மேல்.  இத்திட்டம் 83 சதவிகிதத்தை லார்ஜ் கேப் பங்குகளிலும், மீதியை மிட் கேப் பங்குகளிலும் முதலீடு செய்துள்ளது. ஃபைனான்ஸ், டெக்னாலஜி மற்றும் எஃப்.எம்.சி.ஜி. துறைகள் இதன் டாப் ஹோல்டிங்காக உள்ளன. அதிக லார்ஜ் கேப் மற்றும் சிறிய அளவு மிட் கேப் உள்ள போர்ட்ஃபோலியோவை நாடுபவர்களுக்கு இந்த ஃபண்ட் அல்லது அடுத்து வரும் யூ.டி.ஐ. ஈக்விட்டி ஃபண்ட் நல்ல தேர்வாகும். கடந்த 5 வருடத்தில் இந்த ஃபண்டின் எஸ்.ஐ.பி. முதலீட்டு வருமானம் 13.3 சதவிகிதம் ஆகும்.

எஸ்.ஐ.பி.:  பெஸ்ட் ஃபண்டுகள்!

யூ.டி.ஐ. ஈக்விட்டி ஃபண்ட்:

லார்ஜ் மற்றும் மிட் கேப் திட்டங்களில் முதலீடு செய்யும் இந்த ஃபண்ட் மே 1992-ல் ஆரம்பிக்கப்பட்டது. 2007-ல் இந்த ஃபண்டின் மேனேஜராக அனூப் பாஸ்கர் பொறுப்பேற்ற பிறகு, இந்த ஃபண்டின் செயல்பாடு நன்றாக உள்ளது. யூ.டி.ஐ. ஆப்பர்ச்சூனிட்டீஸ் ஃபண்டிற்கும், இந்த ஃபண்டிற் கும் போர்ட்ஃபோலியோ நிறைய ஒற்றுமை உண்டு. யூ.டி.ஐ-யைச் சார்ந்த இந்த இரண்டு ஃபண்டுகளும் கடந்த காலங்களில் நல்ல வருவாயைத் தந்துள்ளன. இந்த ஃபண்டின் கடந்த 5 வருட எஸ்.ஐ.பி. முதலீட்டு வருமானம் 12.2 சதவிகிதம் ஆகும்.

பிர்லா சன் லைஃப் ஃப்ரன்ட்லைன் ஈக்விட்டி ஃபண்ட்:

ரூ.3,000 கோடிக்கு மேலான சொத்துக்களை நிர்வகிக்கும் இந்த ஃபண்ட், ஆகஸ்ட் 2002-ல் இருந்து செயல்பட்டு வருகிறது. நான்கில் மூன்று பகுதியை லார்ஜ் கேப் ஃபண்டுகளிலும், மீதியை மிட் கேப் ஃபண்டுகளிலும் முதலீடு செய்துள்ளது. கடந்த பத்து ஆண்டுகளுக்கும் மேலாக ஒவ்வொரு ஆண்டும் நிஃப்டி 50 வருமானத்தைவிட அதிகமாகத் தொடர்ந்து  தந்துள்ளது. பியூர் லார்ஜ் கேப் ஃபண்டுகளைவிட சற்று கூடுதலான வருமானத்தை எதிர்பார்ப்பவர்களுக்கு இது நல்ல திட்டமாகும். கடந்த 5 வருட எஸ்.ஐ.பி. முதலீட்டு வருமானம் 11.9 சதவிகிதம் ஆகும்.

ஃப்ராங்க்ளின் இந்தியா பிரைமா ப்ளஸ்:

பதினைந்து ஆண்டுகளுக் கும் மேலாக நடைமுறையில் இருந்து நன்றாகச் செயல்பட்டு வரும் ஃபண்டுகளில், இந்த ஃபண்ட் ஒன்றுதான் நமது அனைத்து ஃபில்டர்களையும் தாண்டி வந்துள்ளது. கடந்த பத்து ஆண்டுகளில் ஓர் ஆண்டினைத் (2009) தவிர, மற்ற ஆண்டுகள் அனைத் திலும் நிஃப்டி 50-விட அதிக வருமானத்தைத் தந்துள்ளது. 61 சதவிகித லார்ஜ் கேப் பங்குகளிலும், 36 சதவிகித மிட் மற்றும் ஸ்மால் கேப் பங்குகளிலும் தனது முதலீட்டைக் கொண்டுள்ளது. இதே குழுமத்தில் உள்ள ஃப்ராங்க்ளின் புளூசிப் அதிக லார்ஜ் கேப் பங்குகளை கொண்ட ஃபண்டாகும். இந்த ஃபண்ட் அதைவிட சற்று அதிகம் ரிஸ்க் உள்ள ஃபண்டாகும். கடந்த 5 வருட காலத்தில் புளூசிப் ஃபண்டைவிட 0.5 சதவிகிதம் அதிகமான எஸ்.ஐ.பி. ரிட்டர்ன்ஸைத் தந்துள்ளது. கடந்த 5 வருட எஸ்.ஐ.பி. முதலீட்டு வருமானம் 10.7 சதவிகிதம் ஆகும்.

எஸ்.பி.ஐ. மேக்னம் ஈக்விட்டி ஃபண்ட்:

நவம்பர் 1990-ல் தொடங்கப்பட்ட இத்திட்டம் ரூ.1,000 கோடிக்கும் மேலான தொகையை நிர்வகித்து வருகிறது. இது முழுக்க முழுக்க லார்ஜ் கேப் பங்குகளிலேயே முதலீடு செய்கிறது. ஃபைனான்ஷியல் துறையில் புல்லிஷாக உள்ளது இந்த ஃபண்ட்.  கிட்டத்தட்ட 32 சதவிகித சொத்துக்களை அத்துறையில் முதலீடு செய்துள்ளது. கடந்த சில வருடங்களில் இந்த ஃபண்டின் செயல்பாடு மேலெழும்பி வந்துள்ளது. அதற்கு முன்புவரை இதன் செயல்பாடு சுமாராகவே இருந்தது. இதன் போர்ட்ஃபோலியோவில்  30 பங்குகளே உள்ளது. சந்தை ரிஸ்கிற்கு நிகரான ரிஸ்க்கை நாடுபவர்களுக்கு இது ஒரு நல்ல ஃபண்டாகும். கடந்த 5 வருட எஸ்.ஐ.பி. முதலீட்டு வருமானம் 10.5 சதவிகிதம் ஆகும்.

எஸ்.ஐ.பி.:  பெஸ்ட் ஃபண்டுகள்!

ஐ.சி.ஐ.சி.ஐ. புரூ ஃபோக்கஸ்டு புளூசிப் ஈக்விட்டி:

மே 2008-ல் ஆரம்பிக் கப்பட்ட இந்த ஃபண்ட், கடந்த ஐந்து ஆண்டுகளில் நல்ல செயல்பாட்டுடன் திகழ்ந்து வருகிறது. ஃபைனான்ஷியல், எனர்ஜி, டெக்னாலஜி, ஆட்டோமொபைல் துறைகளில் புல்லிஷாக உள்ளது. இதன் போர்ட்ஃபோலியோவில் 32 பங்குகள் உள்ளன. இதன் டாப் 3 ஹோல்டிங்ஸ் எனில், ஹெச்.டி.எஃப்.சி. பேங்க், ஐ.சி.ஐ.சி.ஐ. பேங்க், கோட்டக் மஹிந்திரா பேங்க்.

கடந்த 5 வருடங்களே செயல்பாட்டில் இருந்துள்ள போதும், சந்தை ரிஸ்க்கிற்கு நிகரான ரிஸ்க்குள்ள (லோ ரிஸ்க்) முதலீட்டை நாடுபவர்களுக்கு இது ஒரு நல்ல ஃபண்டாகும். கடந்த 5 வருடங்களில் எஸ்.ஐ.பி. முறையில் முதலீடு செய்தவர்களுக்கு ஆண்டிற்கு 12.8 சதவிகித வருமானத்தைத் தந்துள்ளது.

இந்த ஃபண்டுகளில் உங்களுக்கு ஏற்ற திட்டத்தை தேர்வு செய்ய வாழ்த்துக்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism