Published:Updated:

கடன் ஃபண்டுகள்: இனியும் முதலீட்டைத் தொடரலாமா?

கடன் ஃபண்டுகள்: இனியும் முதலீட்டைத் தொடரலாமா?

பிரீமியம் ஸ்டோரி
##~##

அமெரிக்க டாலருக்கு நிகரான இந்திய ரூபாயின் மதிப்பு சரிவதைக் கட்டுப்படுத்த கடந்த ஜூலை மாத இறுதியில் ஆர்.பி.ஐ. எடுத்த நடவடிக்கைகளின் விளைவாக கடன் ஃபண்டுகளின் வருமானம் மிகவும் குறைந்தது. கடன் ஃபண்டுகளில் முதலீடு செய்பவர்கள் பெரும்பாலும் தங்கள் முதலீட்டை பெரிதாக இழக்க விரும்பாதவர்கள். அதேநேரத்தில், வங்கி ஃபிக்ஸட் டெபாசிட்டைவிட சற்று அதிக வருமானம் பெற நினைப்பவர்கள் இதில் முதலீடு செய்கிறார்கள். 

கடன் ஃபண்டுகளின் வருமானம் தொடர்ந்து சரிவை சந்தித்துவரும் நிலையில் முதலீட்டைத் தொடரலாமா? அல்லது வேறு ஃபண்டுகளுக்கு முதலீட்டை மாற்றலாமா? என பல குழப்பங்கள் முதலீட்டாளர்களிடையே நிலவுகிறது. முதலீட்டாளர்கள் என்ன செய்தால் லாபகரமாக இருக்கும் என ஃபண்ட்ஸ் இந்தியா டாட்காமின் இயக்குநர் ஸ்ரீகாந்த் மீனாட்சியிடம் கேட்டோம். விளக்கமாக எடுத்துச் சொன்னார் அவர்.

கடன் ஃபண்டுகள்: இனியும் முதலீட்டைத் தொடரலாமா?

''கடன் ஃபண்டுகளில் வருமானம் குறைய ஆரம்பித்தவுடன் அந்த ஃபண்டுகளை விற்பது சரியான முடிவாக இருக்காது. இதற்கு மாறாக, பேலன்ஸ்டு ஃபண்டுகளைத் தேர்வு செய்வதும் சரியான முடிவாக இருக்காது. ஏனெனில், இதற்குமுன் நல்ல வளர்ச்சி கண்டுவந்த பேலன்ஸ்டு ஃபண்டுகள்கூட இப்போது லாபத்தில் இல்லை. மேலும், பேலன்ஸ்டு ஃபண்டில் முதலீடு செய்யப்படும் தொகை ஈக்விட்டி சந்தையிலும், அரசின் கடன் பத்திரங்கள் போன்றவற்றிலும் கலந்துதான் முதலீடு செய்யப்படுகின்றன.

பங்குச் சந்தையும் இப்போது சொல்லிக் கொள்ளும் அளவில் இல்லை. அந்த வகையில் பேலன்ஸ்டு ஃபண்டுகளில் முதலீடு செய்து ரிஸ்க் எடுப்பதற்கு பதிலாக, நேரடியாக ஈக்விட்டி ஃபண்டுகளிலே முதலீடு செய்யலாம்'' என்றவர், கடன் ஃபண்டுகளில் முதலீடு செய்தவர்கள் இனி என்ன செய்யவேண்டும்? புதிதாக முதலீடு செய்ய நினைப்பவர்கள் கவனிக்கவேண்டிய விஷயங்கள் என்னென்ன என்பது பற்றியும் விளக்கினார்.

''என்ன தேவைக்காக கடன் ஃபண்டுகளில் முதலீடு செய்கிறோம் என்பதைத் தெளிவாக

கடன் ஃபண்டுகள்: இனியும் முதலீட்டைத் தொடரலாமா?

திட்டமிட்டுக்கொள்வது அவசியம்.

3 முதல் 6 மாதத்திற்கு தற்காலிகமாக முதலீடு செய்ய நினைப்பவர்கள், ஓர் ஆண்டிலிருந்து இரண்டு ஆண்டுகள் முதலீட்டைத் தொடர விரும்புபவர்கள் அல்லது நீண்ட கால முதலீட்டில் ரிஸ்கை குறைக்க கடன் ஃபண்டு களில் முதலீடு செய்பவர்கள் என

பலதரப்பட்டவர்கள் கடன் ஃபண்டுகளில் முதலீடு செய்கிறார்கள். கடன் ஃபண்டுகளில் ரிஸ்க் குறைவு என்றாலும் அது வட்டி விகித ஏற்ற இறக்கத்தையும், அரசின் கொள்கை முடிவுகளையும் பிரதிபலிக்கவே செய்யும் என்பதை மறக்கக் கூடாது.  

கடன் ஃபண்டுகளைப் பொறுத்தவரை, வட்டி விகிதம் குறையும்போது என்.ஏ.வி. மதிப்பு உயரும். வட்டி விகிதம் உயரும் போது என்.ஏ.வி. மதிப்பு குறையும். ஆறு மாதத்திற்குள் குறுகிய காலத் தேவைகளுக்காக முதலீடு செய்பவர்கள் வங்கிகளின் குறுகிய கால ஃபிக்ஸட் டெபாசிட்டை தேர்வு செய்யலாம்.

வங்கிகள் இந்தவகை டெபாசிட்களுக்கு நல்ல வட்டி தருகிறது. அடுத்த ஒரு சில மாதங்களுக்கு மியூச்சுவல் ஃபண்ட் துறையில் நிலையற்ற தன்மையே தொடரும். மேலும், குறுகிய காலத்தில் மியூச்சுவல் ஃபண்ட் முதலீடுகளுக்கு வரிச் சலுகையும் இல்லை. அதனால் வங்கி டெபாசிட் நல்ல தேர்வாக இருக்கும்.

கடன் ஃபண்டுகள்: இனியும் முதலீட்டைத் தொடரலாமா?

12 மாதம் முதல் 18 மாதம் வரை தொடர்ந்து முதலீட்டை செய்பவர்கள் எஃப்.எம்.பி. என்கிற ஃபிக்ஸட் மெச்சூரிட்டி ப்ளான் ஃபண்டுகளை தேர்வு செய்யலாம். இதில் நல்ல வருமானம் கிடைக்க வாய்ப்பு உள்ளது. ஆனால், இடையில் பணத்தை எடுக்க முடியாது. மேலும், புதிதாக முதலீட்டைத் தொடங்குபவர்களுக்கு இது நல்ல தேர்வாக இருக்கும்.

ஓராண்டு முதல் இரண்டு ஆண்டுகளுக்கு மேல் முதலீட்டை தொடருபவர்கள் இன்கம் ஃபண்ட், டைனமிக் பாண்டு ஃபண்ட், ஷார்ட் டேர்ம் ஃபண்டுகளைத் தேர்வு செய்யலாம். மேலும், இதில் கனரா ராபிகோ, பைன்பிரிட்ஜ், டெம்பிள்டன் இந்தியா போன்ற நிறுவனங்களின் ஃபண்டுகளைத் தேர்வு செய்யலாம். அதோடு, எஸ்.பி.ஐ. டைனமிக் பாண்டு ஃபண்ட், பிர்லா சன் லைஃப் டைனமிக் பாண்டு ஃபண்டுகள் நல்ல வருமானம் தரும் ஃபண்டுகள்.

ஈக்விட்டி சந்தையில் நீண்ட காலத்திற்கு முதலீடு செய்பவர்கள் தங்கள் போர்ட்ஃபோலியோவை சரி செய்வதற்காக, முதலீடு செய்யும் தொகையில் குறிப்பிட்ட ஒரு சதவிகிதத்தை கடன் சார்ந்த ஃபண்டுகளில் முதலீடு செய்வார்கள். இந்தவகை முதலீட்டாளர்கள் தங்களின் தேவைக்கு ஏற்ப ரிஸ்க் எடுக்கலாம்.

அதாவது, லிக்விட் ஃபண்ட், அல்ட்ரா ஷார்ட் டேர்ம் ஃபண்ட், ஷார்ட் டேர்ம் ஃபண்ட், இன்கம் ஃபண்ட், கிரெடிட் ஆப்பர்ச்சூனிட்டீஸ் ஃபண்ட், கில்ட் ஃபண்ட் என்பது கடன் ஃபண்டுகளின் வகைகள். இவை லிக்விட் ஃபண்டுகளில், மிகக் குறைந்த கால அளவில் முதலீடு செய்யலாம். வங்கி சேமிப்புக் கணக்கில் வைத்திருக்கும் தொகைக்கு 4 சதவிகிதம்தான் வருமானம் கிடைக்கும். இதைவிட சற்று அதிக வருமானம் லிக்விட் ஃபண்டுகளில் கிடைக்கும். எனவே, உங்களுடைய தேவை என்ன, முதலீட்டுக் காலம் எவ்வளவு என்பதை முன்கூட்டியே திட்டமிட்டுக்கொள்ளுங்கள்.

கடன் ஃபண்டுகள்: இனியும் முதலீட்டைத் தொடரலாமா?

எது குறைந்த ரிஸ்க் கொண்ட கடன் ஃபண்ட், எது ரிஸ்க் நிறைந்த கடன் ஃபண்ட் என்பதை தெரிந்துகொண்டு முதலீட்டை தொடருவது நல்லது. கில்ட் ஃபண்டுகளிலும் ஓரளவு ரிஸ்க் உண்டு என்றாலும், நீண்ட காலத்தில் நல்ல வருமானம் தரக்கூடிய வாய்ப்புள்ளது. நீண்ட கால முதலீட்டிற்கு ஓரளவு ரிஸ்க் நிறைந்த ஃபண்டுகளை தேர்ந்தெடுக்கலாம். ஏனெனில் ஏற்ற இறக்கம் வந்தாலும் அது நீண்ட காலத்தில் சராசரி ஆகிவிடும்.  

கடந்த ஜூலை மாத இறுதியில் ஆர்.பி.ஐ.யின் நடவடிக்கையால் சரிவை சந்தித்த கடன் ஃபண்டுகள் அனைத்துமே ஆகஸ்ட் மாத துவக்கத்திலேயே பழைய நிலையை அடைந்து விட்டன. இது கடன் ஃபண்டுகளுக்கு மட்டுமே உரிய தனி சிறப்பு.

அதாவது, கடன் ஃபண்டுகளில் முதலீடு செய்யப்படும் தொகை பெரும்பாலும் பாண்டுகளில்தான் முதலீடு செய்யப்படுகிறது. பாண்டு மதிப்பு, அதற்கு கிடைக்கும் வட்டி என இரண்டும் சேரும்போது பாண்டுகளின் மதிப்பு உயரும். இதனால் கடன் ஃபண்டுகளின் என்.ஏ.வி.யும் உயரும். இது இயல்பாக நடக்கும். இதை அக்ருயல் ஸ்ட்ராடஜி என்பார்கள்.

ஃபண்டுகளின் என்.வி.ஏ. மதிப்பு குறையும் போது அதை மொத்தமாக ஏராளமானவர்கள் விற்றால் அதன் மதிப்பு மேலும் குறையவே செய்யும். அவசரத்தில் ஏதோ ஒரு முடிவை எடுப்பதைவிட ஏற்கெனவே முதலீடு செய்த கடன் ஃபண்டுகளை அப்படியே தொடருவது நல்லது'' என்று முடித்தார் அவர்.

முதலீட்டாளர்கள் யோசித்து முடிவெடுப்பது நல்லது.

- இரா.ரூபாவதி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு