Published:Updated:

ரிலையன்ஸ் இண்டஸ்ட்ரீஸ், அதானி போர்ட்ஸ்... ரிசல்ட் எப்படி? 4-ம் காலாண்டு முடிவுகள்...

காலாண்டு முடிவுகள்
பிரீமியம் ஸ்டோரி
காலாண்டு முடிவுகள்

Q 4 R E S U L T S

ரிலையன்ஸ் இண்டஸ்ட்ரீஸ், அதானி போர்ட்ஸ்... ரிசல்ட் எப்படி? 4-ம் காலாண்டு முடிவுகள்...

Q 4 R E S U L T S

Published:Updated:
காலாண்டு முடிவுகள்
பிரீமியம் ஸ்டோரி
காலாண்டு முடிவுகள்

நடப்பு 2020-21-ம் நிதியாண்டின் நான்காம் காலாண்டு முடிவுகளை நிறுவனங்கள் வெளியிட்டு வருகின்றன. சில முக்கிய நிறுவனங்களின் மார்ச் காலாண்டு முடிவுகள் இங்கே...

ரிலையன்ஸ் இண்டஸ்ட்ரீஸ் (Reliance Industries)

தொலைத்தொடர்பு, எண்ணெய் சுத்திகரிப்பு போன்ற பல்துறை சார்ந்த இந்தியாவின் முதன்மையான நிறுவனம். இந்த நிறுவனத்தின் லாபம் கடந்த காலாண்டில் இரண்டு மடங்காக உயர்ந்து 13,227 கோடி ரூபாயாக உள்ளது. கடந்த ஆண்டில் முன்னெப்போதும் இல்லாத அளவுக்கு மிக அதிகமாக 53,739 கோடி ரூபாய் ஆண்டு நிகர லாபமாக ரிலையன்ஸ் நிறுவனம் ஈட்டியுள்ளது. இதன் நிகர வருமானம் 11% உயர்ந்து 1,54,896 கோடி ரூபாயாக உள்ளது.

தற்போது இந்த நிறுவனம் பார்மா துறையில் அதிகளவு முதலீடு செய்யத் தொடங்கி உள்ளது. கடந்த ஆண்டு இ-காமர்ஸ் நிறுவனமான நெட்மேட்ஸ் நிறுவனத்தைக் கையகப்படுத்தியுள்ளது. புதிதாக 114 மருந்துக் கடைகளையும் சென்ற காலாண்டில் தொடங்கியுள்ளது. ஒரு பங்குக்கு ஏழு ரூபாய் டிவிடெண்ட் வழங்குகிறது.

கோட்டக் மஹிந்திரா பேங்க் (Kotak Mahindra Bank)

முன்னணித் தனியார் துறை வங்கி. சென்ற காலாண்டில் இந்த நிறுவனத்தின் நிகர லாபம் 33% உயர்ந்து, 1,682 கோடி ரூபாயாக உள்ளது. இதன் நிகர வட்டி வருமானம் கடந்த ஆண்டின் இதே காலாண்டைவிட 8% உயர்ந்து 3,843 கோடி ரூபாயாக உள்ளது.

மத்திய ரிசர்வ் வங்கி புதிதாக வங்கியின் நிறுவனர் அதிகபட்சமாக 12 ஆண்டுகள் மட்டுமே பதவியில் இருக்க முடியும் என்ற அறிவுறுத்தலைக் கொண்டு வந்துள்ளது. அதிகபட்சமாக இதை மூன்று ஆண்டுகள் நீடிக்க முடியும். இந்த வங்கியின் நிறுவனர் உதய் கோட்டக்கின் பதவி காலம் டிசம்பர் 2023-ல் முடிவடைகிறது. ரிசர்வ் வங்கியின் அறிவுறுத்தல் காரணமாக உதயின் பதவிக் காலத்தை நீடிக்க முடியாது. அதனால் வங்கி சார்பில் புதிய தலைவரைத் தேர்ந்தெடுக்கும் நடவடிக்கைகள் ஆரம்பித்துள்ளதாக அறிவித்துள்ளது.

காலாண்டு முடிவுகள்
காலாண்டு முடிவுகள்

ஆர்.பி.எல் பேங்க் (RBL Bank)

தனியார் துறையைச் சார்ந்த சிறிய வங்கி. சென்ற காலாண்டில் இந்த வங்கியின் நிகர லாபம் 34% குறைந்து, 75 கோடி ரூபாயாக உள்ளது. இதன் நிகர வட்டி வருமானம் கடந்த ஆண்டின் இதே காலாண்டைவிட 8% உயர்ந்து 3,843 கோடி ரூபாயாக உள்ளது. நிகர வருமானமும் கடந்த ஆண்டில் இதே காலாண்டுடன் ஒப்பிட்டால் சற்று குறைந்து 2,611 கோடியாக உள்ளது. ரிசர்வ் வங்கியின் அறிவுறுத்தலின்படி, வாராக்கடனுக்கு அதிக தொகை ஒதுக்கப்பட்டதே இந்த வங்கியின் லாபம் குறைந்ததற்கு காரணமாக உள்ளது

ஐ.டி.பி.ஐ வங்கி (IDBI Bank)

வாராக்கடன் பிரச்னையால் மத்திய ரிசர்வ் வங்கி அறிவுறுத்தலின் பேரில் கடந்த ஆண்டு முதல் வங்கி செயல் பாடுகளில் பல மாறுதல்களை ஐ.டி.பி.ஐ வங்கி செய்துவந்தது. இதன் காரணமாகத் தொடர்ந்து ஐந்து ஆண்டுகளாக நஷ்டத்தில் இயங்கிவந்த இந்த வங்கி இந்த ஆண்டு மொத்தத்தில் ரூ.1,359 கோடி லாபம் ஈட்டியுள்ளது. சென்ற ஆண்டில் இது ரூ.12,887 கோடி நஷ்டம் என்ற நிலையில் இருந்து லாபப் பாதைக்கு மாறி யுள்ளது. இந்த வங்கியின் நிகர வாராக்கடன் 4.19% என்ற சென்ற ஆண்டின் அளவிலிருந்து 1.97% என்ற நிலைக்குக் குறைந்துள்ளது. இந்த வங்கியின் காலாண்டு முடிவுகளுக்குப் பிறகு பஞ்சாப் நேஷனல் வங்கி, பரோடா வங்கி போன்ற பல பொதுத்துறை பங்கு களின் விலை 10 சதவிகிதத்துக்கும் மேல் உயர்ந்தன.

அதானி போர்ட்ஸ் (Adani Ports)

துறைமுக சரக்குப் போக்கு வரத்து சார்ந்த நிறுவனம். இந்த நிறுவனத்தின் நிகர லாபம் 285% உயர்ந்து ரூ.1,288 கோடியாக உள்ளது. இதன் செயல்பாட்டு வருமானம் கடந்த ஆண்டுடன் ஒப்பிட்டால், 24% உயர்ந்து ரூ.1,068 கோடியாக உள்ளது. இதன் எபிட்டா 39% உயர்ந்து ரூ.2,287 கோடியாக உள்ளது

எஸ்.பி.ஐ லைஃப் இன்ஷூரன்ஸ் (SBI Life Insurance)

எல்.ஐ.சி நிறுவனத்துக்குப் பிறகு லைஃப் இன்ஷூரன்ஸ் துறையில் உள்ள இரண்டாவது பெரிய பொதுத்துறை நிறுவனம். இந்த நிறுவனத்தின் லாபம் நடப்பு காலாண்டில் கடந்த ஆண்டுடன் ஒப்பிட்டால், பெரிய மாற்றம் ஏதுமின்றி, ரூ.532 கோடியாக உள்ளது. சென்ற ஆண்டில் மொத்தமாக ரூ.1,456 கோடி லாபம் ஈட்டியுள்ளது.

கொரோனா காலகட்டம் ஆதலால் பல புதிய வாடிக்கை யாளர்கள் இந்த நிறுவனத்தின் காப்பீட்டுத் திட்டத்தில் கடந்த காலாண்டில் சேர்ந்துள்ளனர். காப்பீட்டு பிரீமியம் ரூ.16,592 கோடி என்ற கடந்த ஆண்டின் அளவுடன் ஒப்பிட்டால் கணிசமாக உயர்ந்து, இந்த ஆண்டில் ரூ.20,624 கோடியாக உள்ளது. பங்கு ஒன்றுக்கு ரூ.2.5 டிவிடெண்ட் வழங்கப்படுகிறது.

எஸ்.பி.ஐ கார்டு (SBI Cards)

எஸ்.பி.ஐ வங்கியின் துணை நிறுவனம். இந்த நிறுவனத்தின் கடந்த காலாண்டின் மொத்த வருமானம் ரூ.2,468 கோடியாக உள்ளது. இதன் நிகர லாபம் ரூ.175 கோடி ரூபாயாக உள்ளது. ஹெச்.டி.எஃப்சி வங்கிக்கு மத்திய ரிசர்வ் வங்கி, தொழில்நுட்பக் கோளாறுகள் காரணமாக புதிய கடன் அட்டைகள் வழங்குவதற்கு தடை விதித்துள்ளது. இதன் காரணமாக, எஸ்.பி.ஐ கார்டு நிறுவனம், கடந்த காலாண்டில் அதிகமான புதிய கடன் அட்டை களைத் தமது வாடிக்கையாளருக்கு வழங்கியுள்ளது.

பஜாஜ் ஃபைனான்ஸ் (Bajaj Finance)

முன்னணி தனியார் நிதி நிறுவனம். சென்ற காலாண்டில் இந்த நிறுவனத்தின் நிகர லாபம் 42% உயர்ந்து, ரூ.4,659 கோடியாக உள்ளது. இதன் நிகர வட்டி வருமானம் கடந்த ஆண்டின் இதே காலாண்டில் ரூ.4,684 கோடி என்ற அளவிலிருந்து சற்று குறைந்து ரூ.4,659 கோடியாக உள்ளது

பஜாஜ் ஆட்டோ (Bajaj Auto)

வாகன உற்பத்தியில் முன்னணி நிறுவனம். இந்த நிறுவனத்தின் லாபம் நடப்பு காலாண்டில் கடந்த ஆண்டுடன் ஒப்பிட்டால் பெரிய மாற்றம் ஏதுமின்றி 1.7% உயர்ந்து, 1,332 கோடியாக உள்ளது. சென்ற ஆண்டில் மொத்தமாக ரூ.1,456 கோடி லாபம் ஈட்டியுள்ளது. இதன் நிகர வருமானம் 26% உயர்ந்து, 8,596 கோடி ரூபாயாக உள்ளது. இதன் வியாபாரம் எதிர்பார்த்ததைவிடக் குறையக் காரணம், கொரோனாவால் பல இடங்களில் ஊரடங்கு போடப்பட்டுள்ளதே என அந்த நிறுவனம் தெரிவித்துள்ளது. ஒரு பங்குக்கு 140 ரூபாய் டிவிடெண்ட் வழங்க இயக்குநர் குழு ஒப்புதல் அளித்துள்ளது.

தொகுப்பு: பிரமேஷ்.எஸ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism