Published:Updated:

ஹிண்டால்கோ, எஸ்.பி.ஐ ரிசல்ட் எப்படி? 4-ம் காலாண்டு முடிவுகள்...

Q 4 R E S U L T S

பிரீமியம் ஸ்டோரி

முடிந்த 2020-21–ம் நிதி ஆண்டில் நான்காம் காலாண்டு (ஜனவரி - மார்ச்) முடிவுகளை நிறுவனங்கள் வெளியிட்டு வருகின்றன. அவற்றில் முக்கியமானவை வருமாறு...

எஸ்.பி.ஐ (SBI)

இந்தியாவின் முதன்மையான பொதுத்துறை வங்கியான இதன் நிகர வட்டி வருமானம் நான்காம் காலாண்டில் 18.9% உயர்ந்து ரூ.27,067 கோடியாக உள்ளது. இந்த வங்கியின் லாபம் 81% உயர்ந்து ரூ.6,450 கோடியாக உள்ளது. வாராக் கடன் கணிசமாகக் குறைந்ததால் லாபம் அதிகரித்துள்ளது.

எஸ்.பி.ஐ காலாண்டு முடிவுகளுக்குப் பிறகு, கடந்த சில மாதங்களாக சுணக்கம் கண்டுவந்த பெரும்பாலான வங்கிப் பங்குகள் கணிசமாக ஏற்றம் கண்டது. வங்கி இண்டெக்ஸ் 1000 புள்ளிகளுக்குமேல் ஏற்றம் கண்டிருக்கிறது. காலாண்டு முடிவுகளுக்குப் பிறகு, பல தரகு நிறுவனங்கள் எஸ்.பி.ஐ வங்கியின் பங்குகள் வருங்காலத்தில் 50% வரை உயரும் என்று கணித்துள்ளன. மேலும், எஸ்.பி.ஐ வங்கி ஒரு பங்குக்கு 4 ரூபாய் டிவிடெண்ட தருகிறது. பொதுத்துறை வங்கிகள் கடந்த பல ஆண்டுகளாக டிவிடெண்ட் எதுவும் வழங்கவில்லை. எஸ்.பி.ஐ வங்கி நான்கு ஆண்டுகளுக்குப் பிறகு, டிவிடெண்ட் வழங்குவது குறிப்பிடத்தக்கது

ஹிண்டால்கோ (Hindalco)

காப்பர் மற்றும் அலுமினியம் உற்பத்தியில் பிர்லா குழுமத்தைச் சார்ந்த இந்தியாவின் முதன்மையான நிறுவனமான இதன் நிகர வருமானம் மார்ச் காலாண்டில் 38% உயர்ந்து ரூ.40,507 கோடியாக உள்ளது. இந்த நிறுவனத்தின் நிகர லாபம் 189% உயர்ந்து ரூ1,928 கோடி ரூபாயாக உள்ளது. நிறுவனத்தின் எபிட்டா 33% உயர்ந்து ரூ.5,597 கோடியாக உள்ளது. இந்த நிறுவனத்தின் செயல்பாடுகள் கொரோனா நோய்த் தொற்றுக்கு முந்தைய நிலைக்குச் சென்றுள்ளது. ஒரு பங்குக்கு ரூ.3 டிவிடெண்ட் வழங்குகிறது.

ஜே.எஸ்.டபிள்யூ ஸ்டீல் (JSW Steel)

ஸ்டீல் உற்பத்தியில் முன்னணி நிறுவனமான இதன் நிகர லாபம் முன்னெப்போதும் இல்லாத அளவுக்கு உயர்ந்து ரூ.4,198 கோடியாக உள்ளது. இது கடந்த ஆண்டைக் காட்டிலும் 1,717% அதிகமாகும். இந்த நிறுவனத்தின் நிகர வருமானமும் முன்னெப்போதும் இல்லாத அளவுக்கு ரூ.26,934 கோடியாக உயர்ந்துள்ளது. ஸ்டீல் விலை கடந்த ஆண்டு கணிசமாக உயர்ந்தது இந்த நிறுவனத்தின் லாபத்துக்கு உதவியுள்ளது. நிறுவனத்தின் எபிட்டா ரூ.8,840 கோடி யாக உள்ளது. ஒரு பங்குக்கு ரூ.6.5 டிவிடெண்ட் வழங்குகிறது.

கோத்ரேஜ் இண்டஸ்ட்ரீஸ் (Godrej Industries)

இந்த நிறுவனம் நான்காம் காலாண்டில் ரூ.92.22 கோடி இழப்பைச் சந்தித்துள்ளது. கடந்த ஆண்டின் இதே காலாண்டில் இந்த நிறுவனம் ரூ.103.39 கோடி லாபத்தை ஈட்டியிருந்தது. இந்த நிறுவனத்தின் நிகர வருமானமும் கடந்த ஆண்டைக் காட்டிலும் 19.5% குறைந்து ரூ.2,610 கோடியாக உள்ளது.

ஹிண்டால்கோ, எஸ்.பி.ஐ ரிசல்ட் எப்படி? 4-ம் காலாண்டு முடிவுகள்...

ஹேவல்ஸ் இந்தியா (Havells India)

மின் சாதன பொருள்கள் மற்றும் மின் வயர்கள் தயாரிக்கும் இந்த நிறுவனத்தின் நிகர லாபம் 70.95% உயர்ந்து ரூ.303.83 கோடியாக உள்ளது. இந்த நிறுவனத்தின் நிகர வருமானமும் 50.59% உயர்ந்து ரூ.3,339.21 கோடியாக உள்ளது. ஒரு பங்குக்கு ரூ.3.5 டிவிடெண்ட் வழங்குகிறது.

ஜி என்டெர்டயின்மென்ட் (Zee Entertainment)

தொலைக்காட்சி சேவைகள் வழங்கும் இந்த நிறுவனத்தின் நிகர லாபம் ரூ.275.8 கோடியாக உள்ளது. சென்ற ஆண்டில் இதே காலத்தில் இந்த நிறுவனம் ரூ.766.7 கோடி நஷ்டத்தைச் சந்தித்தது. இந்த நிறுவனத்தின் நிகர வருமானம் 0.8% உயர்ந்து ரூ.1,956.8 கோடியாக உள்ளது. நிறுவனத்தின் எபிட்டா ரூ.540.8 கோடியாக உள்ளது.

சவுத் இந்தியன் பேங்க் (South Indian Bank)

இந்த வங்கி கடந்த காலாண்டில் ரூ. 6.79 கோடி லாபம் ஈட்டியுள்ளது. கொரோனா நோய்த்தோற்று காரணமாக வாராக் கடன்கள் அதிகரித்ததே குறைந்த லாபத் துக்குக் காரணம் என்று வங்கி நிர்வாகம் தெரிவித்துள்ளது. வங்கி சிறப்பான செயல்பாடுகளை வளர்ப்பதற்காக விஷன் 2024 என்ற திட்டத்தை கையில் எடுத்துள்ளது. அடுத்த மூன்று ஆண்டுகளில் எம்.எஸ்.எம்.இ மற்றும் சில்லறைக் கடன்களை வளர்ப்பதற்கும் காசா விகிதங் களை அதிகரிக்கவும், வளர்ச்சி சார்ந்த பல திட்டங்களை விஷன் 24 மூலம் செயல்படுத்த உள்ளதாக வங்கி நிர்வாகம் தெரிவித்துள்ளது.

பிர்லா சாஃப்ட் (Birla Soft)

தொழில்நுட்பத்துறை சார்ந்த நிறுவனமான இதன் நிகர லாபம் 43.3% உயர்ந்து ரூ.98.9 கோடியாக உள்ளது. இந்த நிறுவனத்தின் நிகர வருமானமும் 0.8% உயர்ந்து, ரூ.902.8 கோடியாக உள்ளது. கடந்த காலாண்டில் 326 மில்லியன் அமெரிக்க டாலர் அளவுக்கு புதிய ஒப்பந்தங்ளை நிர்வாகம் பெற்றுள்ளது. ஒரு பங்குக்கு ரூ.2.5 டிவிடெண்ட் வழங்குகிறது.

கிராம்டன் கிரீவ்ஸ் கன்ஸ்யூமர் எலெக்ட்ரிகல் (Crompton Creaves Consumer Electricals)

மின்சாதனப் பொருள்கள் மற்றும் மின்வயர்கள் தயாரிக்கும் முன்னணி நிறுவனமான இதன் நிகர லாபம் இரண்டு மடங்கு உயர்ந்து ரூ.249.08 கோடியாக உள்ளது. இந்த நிறுவனத்தின் நிகர வருமானமும் 48.3% உயர்ந்து ரூ.1,522.05 கோடியாக உள்ளது. ஒரு பங்குக்கு ரூ. 2.5 டிவிடெண்ட் வழங்குகிறது.

கன்டெய்னர் கார்ப்பரேஷன் ஆஃப் இந்தியா (Container Corporation of India)

இந்த நிறுவனத்தின் நிகர லாபம் ரூ. 25 கோடியாக உள்ளது. இந்த நிறுவனத்தின் நிகர வருமானம் 24% உயர்ந்து ரூ.1,939 கோடியாக உள்ளது. நிகர வருமானம் அதிகரித்ததால், இந்த நிறுவனத்தின் பங்கு விலை காலாண்டு முடிவு வெளிவந்த பின் 10% அதிகரித்து, அதன் கடந்த ஆண்டு உச்சபட்ச விலை யில் வர்த்தகமாகியது. எபிட்டா ரூ.189 கோடியாக உள்ளது.

டாரன்ட் பவர் (Torrent Power)

இந்த நிறுவனத்தின் நிகர லாபம் ரூ.398.10 கோடியாக உள்ளது. கடந்த ஆண்டின் இதே காலாண்டில் இந்த நிறுவனம் ரூ.273.94 கோடி நஷ்டம் ஈட்டியிருந்தது. இந்த நிறுவனத்தின் நிகர வருமானமும் 3% உயர்ந்து ரூ.3,166.54 கோடியாக உள்ளது. இந்த நிறுவனம் தனது கடன்களில் ரூ.1,093 கோடி அளவுக்கு இந்த ஆண்டின் லாபத்திலிருந்து அடைத்துள்ளது.

ஶ்ரீசிமென்ட்ஸ் (Shree Cements)

சிமென்ட் தயாரிப்பில் முன்னணியில் இருக்கும் இந்த நிறுவனத்தின் நிகர லாபம் 49% உயர்ந்து ரூ.799.79 கோடியாக உள்ளது. இந்த நிறுவனத்தின் நிகர வருமானம் ரூ.3,330.81 கோடியாக உள்ளது.

இந்த நிறுவனத்தின் காலாண்டு முடிவுகள் பல வல்லுநர்களின் கணிப்பை விட சற்றுக் குறைந்து லாபத்தை ஈட்டி யுள்ளது. ஒரு பங்குக்கு ரூ.60 டிவிடெண்ட் வழங்கவிருப்பது குறிப்பிடத்தக்கது.

தொகுப்பு: பிரமேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு