Published:Updated:

இந்தியன் பேங்க், ஐ.டி.சி ரிசல்ட் எப்படி? 4-ம் காலாண்டு முடிவுகள்...

Q 4 R E S U L T S

பிரீமியம் ஸ்டோரி

முடிந்த 2020-21–ம் நிதி ஆண்டில் நான்காம் காலாண்டு (ஜனவரி - மார்ச்) முடிவுகளை நிறுவனங்கள் வெளியிட்டு வருகின்றன. அவற்றில் முக்கிய மானவை வருமாறு...

ஐ.டி.சி (ITC)

சிகரெட் உற்பத்தி, ஹோட்டல் மற்றும் சில்லறை நுகர்வோர் பொருள்கள் தயாரிப்பில் முன்னணி நிறுவனம். இதன் நிகர லாபம் மார்ச் காலாண்டில் 1.3% குறைந்து, ரூ.3,748.4 கோடியாக உள்ளது. இதன் நிகர வருமானம் மார்ச் காலாண்டில் 22.6% உயர்ந்து ரூ.13,294.7 கோடியாக உள்ளது. கொரோனா நோய்த் தொற்று காரணமாக ஹோட்டல் பிசினஸ் வருடாந்தர அடிப்படையில் 38.2% குறைந்துள்ளது. சிகரெட் முதலான மற்ற அனைத்துத் துறைகளும் இரண்டு இலக்க வளர்ச்சியைப் பெற்றுள்ளன. ஒரு பங்குக்கு ரூ.5.75 டிவிடெண்ட் வழங்குகிறது.

பரோடா வங்கி (Bank of Baroda)

இந்தியாவின் மூன்றாவது பெரிய பொதுத்துறை வங்கியான இதன் நிகர வட்டி வருமானம் நான்காம் காலாண்டில் 4.5% உயர்ந்து ரூ.7,106.62 கோடியாக உள்ளது. இந்த வங்கி நான்காம் காலாண்டில் ரூ.1,046.5 கோடி இழப்பைச் சந்தித்துள்ளது.

நிகர வட்டி வருமானம், வரிக்கு முந்தைய லாபம், நிகர வாராக்கடன் போன்ற பல காரணிகளில் சிறப்பான முடிவுகளை இந்த வங்கி வெளி யிட்டுள்ளது. என்றாலும் வரி நிலுவை களுக்காக அதிக தொகை ஒதுக்கீடு செய்ததே வங்கி இழப்பைச் சந்திப் பதற்குக் காரணமாகும். அவ்வாறு ஒதுக்கீடு செய்யப்பட்ட தொகை ஒருமுறை மட்டுமே என்பதால், பல வல்லுநர்கள் வரும் காலங்களில் இந்தப் பங்கின் விலை அதிகரிக்கும் என்று கருத்து தெரிவித்து உள்ளனர். என்றாலும் காலாண்டு முடிவு களுக்குப் பிறகு, பரோடா பங்கின் விலை 5% வரை குறைந்துள்ளது.

இந்தியன் பேங்க், ஐ.டி.சி ரிசல்ட் எப்படி? 4-ம் காலாண்டு முடிவுகள்...

இந்தியன் பேங்க் (Indian Bank)

சென்னையைத் தலைமையிட மாகக் கொண்ட முன்னணி பொதுத்துறை வங்கி. கடந்த ஆண்டு மற்றொரு முக்கிய வங்கியான அலகாபாத் வங்கி, இந்தியன் வங்கியுடன் இணைக்கப்பட்டது. இந்த வங்கியின் நிகர வட்டி வருமானம் நான்காம் காலாண்டில் 65% உயர்ந்து ரூ.10,647.87 கோடியாக உள்ளது. இந்த வங்கியின் லாபம் ரூ.1,708.85 கோடியாக உள்ளது. சென்ற ஆண்டின் இதே காலாண்டில் இந்த வங்கி ரூ.217.74 கோடி இழப்பைச் சந்தித்திருந்தது.

இந்தியன் வங்கி ஒரு பங்குக்கு ரூ.2 டிவிடெண்ட் வழங்குகிறது. கடந்த ஐந்து ஆண்டுகளில் பாரத ஸ்டேட் வங்கிக்குப் பிறகு, பொது துறை வங்கிகளின் பிரிவில் இந்தியன் வங்கி தற்போதுதான் பங்குகளுக்கு டிவிடெண்ட் வழங்குகிறது.

மஹிந்திரா & மஹிந்திரா (Mahindra & Mahindra)

வாகன மற்றும் பல்வேறு விவசாயம் சார்ந்த கருவிகள் தயாரிப்பில் முன்னணி நிறுவனமான இதன் நிகர வருமானம் மார்ச் காலாண்டில் 31% உயர்ந்து ரூ.21,456 கோடியாக உள்ளது. இந்த நிறுவனத்தின் நிகர லாபம் ரூ.1,635 கோடி ரூபாயாக உள்ளது. சென்ற ஆண்டின் இதே காலாண்டில் இந்த நிறுவனம், ரூ.588 கோடி இழப்பைச் சந்தித்திருந்தது. ஒரு பங்குக்கு ரூ.8.75 டிவிடெண்ட் வழங்குகிறது.

கிளென்மார்க் பார்மா (Glenmark Pharma)

முன்னணி மருந்துத் தயாரிக்கும் நிறுவனம். கொரோனா நோய்த் தொற்று காலத்தில் இந்த நிறுவனம் தயாரித்த மருந்து ஃபாபி ஃப்ளூ (Fabi Flu) நோயைக் குணப்படுத்த பெருமளவில் பயன்படுத்தப்பட்டு உள்ளது. இதன் நிகர வருமானம் மார்ச் காலாண்டில் 3.3% உயர்ந்து, ரூ.2,859.9 கோடியாக உள்ளது. இந்த நிறுவனத்தின் நிகர லாபம் 6.15% உயர்ந்து ரூ.233.87 கோடி ரூபாயாக உள்ளது. ஒரு பங்குக்கு ரூ.2.5 டிவிடெண்ட் வழங்குகிறது.

சன் பார்மா (Sun Pharma)

இந்தியாவைச் சேர்ந்த உலகின் நான்காவது பெரிய பார்மா நிறுவனமான இதன் நிகர லாபம் மார்ச் காலாண்டில் 123% உயர்ந்து, ரூ.894.2 கோடியாக உள்ளது. இந்த நிறுவனத்தின் நிகர வருமானம் 4% உயர்ந்து, ரூ.8,523 கோடி ரூபாயாக உள்ளது. பல்வேறு வழக்கு நிலுவை களுக்காக அதிக தொகை செலவு செய்தது நிறுவனத்தின் லாபத்தை சற்றுப் பாதித்துள்ளது. ஒரு பங்குக்கு ரூ.2 டிவிடெண்ட் வழங்குகிறது.

திலிப் பில்ட்கான் (DilipBuildcon)

முன்னணிக் கட்டுமானத்துறை சார்ந்த நிறுவனமான இதன் நிகர வருமானம் மார்ச் காலாண்டில் 15.16% உயர்ந்து ரூ.3,143.48 கோடியாக உள்ளது. நிகர லாபம் 25.85% குறைந்து, ரூ.123.68 கோடியாக உள்ளது.

உஜ்ஜிவன் ஸ்மால் ஃபைனான்ஸ் பேங்க் (Ujjivan Small Finance Bank)

குறுங்கடன் வழங்குவதில் முன்னணி நிதி நிறுவனமான இதன் நிகர லாபம் மார்ச் காலாண்டில் இரு மடங்கு உயர்ந்து ரூ.137 கோடியாக உள்ளது. இந்த நிறுவனத்தின் நிகர வட்டி வருமானம் 16.0% குறைந்து ரூ.618 கோடியாக உள்ளது. கடந்த காலாண்டில் மிக அதிகமாக ரூ.4,274 கோடி அளவுக்குக் கடன் களை வழங்கியுள்ளது. சென்ற ஆண்டில் இதே காலாண்டில் ரூ.3,254 கோடி அளவுக்குக் கடன்களை வழங்கி இருந்தது.

நாராயணா ஹிருதாலயா (Narayana Hirudalaya)

இந்தியாவின் முன்னணி மருத்துவமனை களில் ஒன்றான இதன் நிகர லாபம் மார்ச் காலாண்டில் 469% உயர்ந்து ரூ.68.05 கோடியாக உள்ளது. இந்த நிறுவனத்தின் நிகர வருமானம் ரூ.837.76 கோடியாக உள்ளது. கொரோனா நோய்த் தொற்று மருத்துவமனைகளின் தேவைகளை அதிகரித்தது, இதன் லாப விகிதம் உயர முக்கியமான காரணமாக உள்ளது.

ஆதித்ய பிர்லா ஃபேஷன் அண்ட் ரீடெய்ல் (Aditya Birla Fashion and Retail)

பிர்லா குழுமத்தைச் சேர்ந்த டெக்ஸ்டைல்ஸ் துறை சார்ந்த நிறுவனமான இதன் நிகர வருமானம் மார்ச் காலாண்டில் 13.78% குறைந்து ரூ.1,839.24 கோடியாக உள்ளது. இந்த நிறுவனத்தின் நிகர லாபம் 25.85% குறைந்து, ரூ.123.68 கோடியாக உள்ளது. நிறுவனம் கடந்த காலாண்டில் ரூ.196 கோடி நிகர நஷ்டத்தைச் சந்தித்துள்ளது. கொரோனா இரண்டாவது அலை காரணமாகப் பல இடங்களில் ஊரடங்கு போடப்பட்டது இந்த நிறுவனத்தின் இழப்புக்கு காரணமாக உள்ளது.

ஏசியன் க்ரானிட்டோ (Asian Granito)

டைல்ஸ் தயாரிப்பில் இந்தியாவின் முன்னணி நிறுவனமான இதன் நிகர வருமானம் மார்ச் காலாண்டில் 12.79% உயர்ந்து ரூ.434.27 கோடியாக உள்ளது. நிகர லாபம் 27.46% குறைந்து, ரூ.19.59 கோடியாக உள்ளது.

கல்ஃப் ஆயில் லூப்ரிக்கன்ட் (Gulf Oil Lubricant)

லூப்ரிக்கன்ட் தயாரிப்பில் இந்தியாவின் இரண்டாவது பெரிய நிறுவனம். இதன் நிகர வருமானம் மார்ச் காலாண்டில் 43.9% உயர்ந்து, ரூ.517.43 கோடியாக உள்ளது. இந்த நிறுவனத்தின் நிகர லாபம் 66.4% உயர்ந்து, ரூ.59.79 கோடியாக உள்ளது.

தொகுப்பு: எஸ்.பிரமேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு