Published:Updated:

ஃபண்டு மேனேஜர்களை ஃபாலோ செய்யலாமா?

ஃபண்டு மேனேஜர்களை ஃபாலோ செய்யலாமா?

ஃபண்டு மேனேஜர்களை ஃபாலோ செய்யலாமா?

ஃபண்டு மேனேஜர்களை ஃபாலோ செய்யலாமா?

Published:Updated:
ஃபண்டு மேனேஜர்களை ஃபாலோ செய்யலாமா?


ஒரு விஷயத்தை சரியாகச் செய்ய நமக்குத் தெரியாதபோது, விவரமானவர்கள் செய்வதைப் பார்த்து நாமும் காப்பி அடித்து விடுகிறோம். இப்படிச் செய்வது பல சமயங்களில் ஆபத்தில்போய் முடிய வாய்ப்புண்டு. அதிலும், முதலீடு விஷயத்தில் இந்த ஈ அடிச்சான் காப்பி டெக்னிக் சரிவருமா என்பது கேள்விக்குறிதான்.

##~##

ஒட்டுமொத்த விகடனுக்கும் ஒரே ஷார்ட்கட்!

னாலும், பங்குச் சந்தை யில் நாமே ஒவ்வொரு பங்கையும் ஆராய்ந்தறிந்து முதலீடு செய்வதைவிட, அது தொடர்பாக பலர் ஆராய்ந்து, முதலீடு செய்யும் மியூச்சுவல் ஃபண்டுகளை நாம் ஏன் ஃபாலோ பண்ணக்கூடாது என்கிற கேள்வியை பல முதலீட்டாளர்கள் கேட்கவே செய்கிறார்கள்.

இந்த வாதம் சரியா என்கிற கேள்வியை ஃபண்ட்ஸ் இந்தியா.காம் நிறுவனத்தின் இயக்குநர் ஸ்ரீகாந்த் மீனாட்சியிடம் கேட்டோம்.

''மேலோட்டமாகப் பார்க்கும் போது இது சரியான முடிவாகத் தோன்றும், ஆனால் கொஞ்சம் ஊன்றிக் கவனித்தால் இப்படி செய்வது கொஞ்சம் ரிஸ்க்தான் என்பது புரியவரும். ஒவ்வொரு மியூச்சுவல் ஃபண்டும் தனது போர்ட்ஃபோலியோவில் குறைந்தபட்சம் 50 பங்குகளை வைத்திருக்கின்றன. தவிர, ஒவ்வொரு ஃபண்டும் எந்தெந்த பங்குகளில் முதலீடு செய்திருக்கிறது என்பதை மாதத்துக்கு ஒரு முறைதான் அப்டேட் செய்கிறது.

ஃபண்டு மேனேஜர்களை ஃபாலோ செய்யலாமா?

அடுத்து ஒவ்வொரு ஃபண்டிலும் உள்ள ஐம்பதுக்கும் மேற்பட்ட பங்குகளில் எந்த பங்கினைத் தேர்ந் தெடுப்பது என்பது முக்கியமான கேள்வி. காரணம், ஒரு குறிப்பிட்ட பங்கை ஒரு மியூச்சுவல் ஃபண்ட் நிறுவனம் எத்தனை காலமாக முதலீடு செய்து வைத்திருக்கிறது என்று தெரியாது.

தவிர, அந்த பங்கை என்ன விலைக்கு வாங்கினார்கள் என்கிற விவரமும் நமக்குத் தெரியாது. அதேபோல எப்போது எந்த விலையில் விற்பார்கள் என்றும் தெரியாது. இந்த நிலையில் நாம் எப்போது வாங்கி எப்போது விற்பது?

மேலும், ஒரு ஃபண்டின் போர்ட்ஃபோலியோவில் இருக்கும் அனைத்து பங்குகளும் விலை ஏறும் என்கிற காரணத்திற்காக மட்டும் வாங்கியிருக்க வாய்ப்பில்லை. சில சமயங்களில் ஹெட்ஜிங் செய்திருப்பார்கள். அதாவது, பணவீக்கம் உயரும்போது விலை உயரும் பங்குகளில் பாதியும், பணவீக்கம் குறைந்தால் விலை உயரும் பங்குகளில் பாதியும் என இரண்டாக பிரித்து முதலீடு செய்திருப்பார்கள். இதுமாதிரி வேறு ஏதாவது ஒரு கான்செப்ட்டிலும் முதலீடு செய்திருப்பார்கள். அவர்களைப் பொறுத்தவரை, என்ன நடந்தாலும் மியூச்சுவல் ஃபண்டின் என்.ஏ.வி. பாதிக்காமல் இருக்கிற மாதிரிதான் அதன் போர்ட் ஃபோலியோ அமைக்கப்பட்டு இருக்கும்.    

மேலும், ஸ்பாட் மார்க்கெட்டில் ஒரு பங்கினை அதிகளவு வாங்கி டெரிவேட்டிவ்வில் ஷார்ட் செய்திருக்கக்கூட வாய்ப்பிருக்கிறது. மாதக் கடைசியில் அந்த ஃபண்டில் இருப்பவை மட்டும்தான் நமக்குத் தெரியுமே தவிர, இடையில் என்ன நடந்தது என்பது நமக்குத் தெரியாது.

அடுத்து ஒவ்வொரு ஃபண்டும் ஒவ்வொரு விதிமுறையை வைத்திருக்க வாய்ப்புண்டு. அதாவது, ஒவ்வொரு துறையிலும் இவ்வளவு சதவிகிதம் முதலீடு செய்ய வேண்டும் என்றிருக்கலாம். அதற்காகக்கூட சில பங்குகளில் சில ஃபண்டுகள் முதலீடு செய்ய வாய்ப்பிருக்கிறது. கான்ட்ரா ஃபண்டுகளின் போர்ட்ஃபோலி யோவில் இருக்கும் பங்குகளாகப் பார்த்து முதலீடு செய்தால் அதில் இருக்கும் ரிஸ்க் மிக அதிகம். அந்த ஃபண்டுகளில் 200-க்கும் மேற்பட்ட பங்குகள் இருக்க வாய்ப்பிருக்கிறது. இதில் 100 பங்குகள் மிகச் சிறப்பாக செயல்பட்டால் மட்டும் போதும் என்ற மனநிலையில்தான் ஃபண்ட் மேனேஜர் இருப்பார். பாதிக்கும் மேற்பட்ட பங்குகள் மிகச் சிறப்பாக செயல்படும்போது லாபம் மிக அதிகமாக இருக்கும். அப்போது என்.ஏ.வி. குறையாமல் இருக்கும். ஆனால், அவர்களைப் பார்த்து நாம் வாங்கிய பங்குகள் மிகவும் குறைய வாய்ப்பிருக்கிறது.

மேலும், ஃபண்ட் மேனேஜர் கள் கையாளும் தொகை அதிகம். ஃபண்ட் மேனேஜர்கள் ஒரு பங்கில் 2 சதவிகிதம் செய்த முதலீட்டை பார்த்து சிறு முதலீட்டாளர் 50% முதலீடு செய்வதென்பது சரியல்ல.

இந்த விஷயத்தில் நான் ஒரு யோசனை சொல்கிறேன். ஃபண்டின் போர்ட்ஃபோலி யோவை பார்த்து காப்பி அடிப்பதைவிட, முக்கியமான மியூச்சுவல் ஃபண்டுகள் எந்தெந்தத் துறையில் அதிக முதலீடு செய்திருக்கிறதோ,  அந்த துறையை மட்டும் எடுத்துக் கொள்ளலாம். ஆனால், அந்த துறையில் எந்த பங்கினை தேர்வு செய்வது என்பதை முதலீட்டாளராகிய நாம்தான் முடிவு செய்ய வேண்டும்'' என்று ஒரு வழியும் சொல்லி முடித்தார்.

-வா.கார்த்திகேயன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism