Published:Updated:

சிகரம் தொடுவோம்!

சிகரம் தொடுவோம்!

சிகரம் தொடுவோம்!

சிகரம் தொடுவோம்!

Published:Updated:
பங்குகள்
சிகரம் தொடுவோம்!
 

ஒட்டுமொத்த விகடனுக்கும் ஒரே ஷார்ட்கட்!

சிகரம் தொடுவோம்!

பங்கு வாங்கும் முன் பார்க்க வேண்டியது!

சிகரம் தொடுவோம்!

‘‘ஒ ரு சின்ன கேள்வி... 770% டிவிடெண்ட் கொடுக்கும் பங்கை வாங்குவீர்களா... அல்லது வெறும் 12.5% டிவிடெண்ட் கொடுக்கும் பங்கை வாங்குவீர்களா?’’ என்ற கேள்வியோடு திரும்பி வந்தார் ராமனாதன்.

‘‘என்ன சார்... கேலி பண்றீங்களா... சந்தேகமே இல்லாம, 770% கொடுக்கும் பங்குகளைத்தான் வாங்குவேன்’’ என்றார் செந்தில் சமர்த்தாக.

“நானாக இருந்தால் 12.5% கொடுக்கும் பங்கைத்தான் வாங்கியிருப்பேன்” என்றார் ராமனாதன் மர்மப் புன்னகையுடன்.

ராமனாதன் சொல்லும் எல்லா விஷயங் களுக்குமே ஏதாவது அர்த்தம் இருக்கும் என்பதால் செந்தில் அமைதியாக இருந்தார்.

“நான் கேட்டதும் டக்கென்று பெரிய நம்பரைச் சொல்லிவிட்டீர்களே... இப்பங்குகளின் விலை என்ன என்று விசாரித்தீர்களா? எந்த அளவுக்கு முதலீடு செய்தால் இந்த வருமானம் கிடைக்கும் என்பதைப் பொறுத்துதானே அது நல்ல முதலீடா என்பதை முடிவுசெய்ய முடியும்? அதைத் தீர்மானிப்பதற்கு நமக்கு உதவுவதுதான், டிவிடெண்ட் ஈல்ட் (ஞிவீஸ்வீபீமீஸீபீ சீவீமீறீபீ). பாடத்தை ஆரம்பிச்சுடலாமா?’’ என்றபடி டாபிக்குக்குள் நுழைந்தார் ராமனாதன்.

‘‘விவசாயியான உங்கப்பாகிட்டே கேட்டால் சொல்வார், ஈல்ட்னா என்ன என்று! விவசாயிகளுக்குப் பரிச்சயமான விஷயம் இது! சாதாரணமாக, ஒரு ஏக்கருக்கு எத்தனை கிலோ அல்லது எத்தனை டன் விளைபொருள் உற்பத்தியானது என ஒவ்வொரு விளைச்சலுக்கும் கணக்கிடுவார்கள். சென்ற ஆண்டைவிட, இந்த ஆண்டு நல்ல மகசூலா என ஒப்பிட்டுப் பார்க்கவும், குறைவான மகசூல் என்றால் அதற்கு என்ன காரணம் என ஆராயவும், அடுத்த தோட்டத்து விவசாயியின் விளைச்சலோடு ஒப்பிட்டுப் பார்க்கவும் இக்கணக்கீடு உதவியாக இருக்கும்.

எல்லாவற்றையும்விட முக்கியமாக, இந்த விளைச்சலைப் பெற ஒரு ஏக்கருக்கு ஆன செலவோடு ஒப்பிட்டுப் பார்த்து அதற்குத்தக்க செலவைக் குறைக்கவோ உற்பத்தியைப் பெருக்கவோ திட்டமிடலாம்’’ என்றவர்,

‘‘அதேதான் இங்கேயும். பங்குச் சந்தையில் ஒரு பங்குக்கு நாம் செய்த முதலீட்டுக்கு என்ன வருமானம் கிடைத்தது எனப் பார்க்கவேண்டும். நாம் முதலீடு செய்த பங்கின் விலையோடு, அதில் நமக்குக் கிடைக்கும் டிவிடெண்டை ஒப்பிட்டுப் பார்ப்பதுதான் டிவிடெண்ட் ஈல்ட்’’ என விளக்கினார்.

செந்தில், கையில் இருக்கும் ‘இந்திரபிரஸ்தா மெடி’ பங்குகளை வைத்தே இதை மேலும் விளக்க முற்பட்டார் ராமனாதன்.

‘‘நீங்கள் வாங்கிய இந்திரபிரஸ்தா மெடிக்கல் கார்ப்பரேஷன் 12.5% டிவிடெண்ட் வழங்குவதாக அறிவித் திருக்கிறது. அப்பங்கை வாங்கிய விலை ரூபாய் 35 எனச் சொன்னீர்கள். இந்த 12.5% எனும் கணக்கு அந்த விலையின் மீதல்ல... முகமதிப்பின் மீதுதான் என்பதை உங்களுக்கு ஏற்கெனவே தெளிவுபடுத்திவிட்டேன்.

சிகரம் தொடுவோம்!

பங்குகளின் விலை அந்த நிறுவனத்தின் செயல்பாடுகளுக்கு ஏற்ப சந்தையில் மாறிக்கொண்டே இருக்கும். முகமதிப்பான பத்து ரூபாயில்தான் இந்தச் சதவிகிதக் கணக்கு போடப்படும். அதாவது, பங்கு ஒன்றின் மீது டிவிடெண்ட் ஒன்றேகால் ரூபாய்.

நீங்கள் முதலீடு செய்த 35 ரூபாயின் மீது கணக்கிட்டுப் பார்த்தால், (100/35 ஜ் ரூ1.25 = 3.57%) உங்களுக்குக் கிடைப்பது 3.57 சதவிகிதம்! இதைத்தான் ‘டிவிடெண்ட் ஈல்ட்’ எனச் சொல்வார்கள். இந்நிறுவனம் அறிவித்த டிவிடெண்ட் 12.5 சதவிகிதமாக இருந்தபோதிலும், உங்கள் முதலீடு கூடுதல் விலையில் இருப்பதால், உண்மையில் பார்த்தால் அதன் மீதான ஈல்ட் குறைவாகத்தான் இருக்கும். இது ஓராண்டில் நமக்குக் கிடைக்கக்கூடிய வருமானத்தின் சதவிகிதம்’’ என்றார் ராமனாதன்.

ஏதேதோ கணக்குப் போட்டுப் பார்த்த செந்தில், ‘‘சார்... அப்போ நான் குறைவான விலையில் வாங்கி இருந்தால், டிவிடெண்ட் ஈல்ட் அதிகமாக வருமா?’’ என்றார்.

‘‘ஆமாம்... இதே பங்கின் விலை சமீபத்தில் 30 ரூபாய்க்கு வர்த்தகமானது. அப்போது வாங்கியதாக வைத்துக்கொள்வோம். அப்படியென்றால் உங்கள் முதலீட்டின் மீது 4.16 சதவிகித வருமானம் கிடைக்கும் (100/30 ஜ் ரூ.1.25 = 4.16% ). பங்குகளின் விலை குறைவாக இருக்கும்போது முதலீடு செய்தால் டிவிடெண்ட் ஈல்ட் அதிகமாக இருக்கும். அதிக விலைக்கு வாங்கி இருந்தால், டிவிடெண்ட் ஈல்ட் குறைவாக இருக்கும்.

சமயத்தில், நல்ல டிவிடெண்ட் கொடுக்கும் நிறுவனங்கள்கூட ஏதாவது காரணத்தால் முகமதிப்பைவிட குறைவாகக்கூட வர்த்தகம் ஆவதுண்டு. அம்மாதிரிப் பங்குகளைத் தேடிப்பிடித்து வாங்கிப் போட்டால், வருமானத்துக்கு வருமானமும் ஆச்சு... பங்குச் சந்தையின் அதீத லாபத்தையும் அனுபவித்த மாதிரி ஆச்சு! ஆனால், அது மிக மிக அரிது’’ என்ற ராமனாதன், அதற்கு ஒரு உதாரணத்தை எடுத்துவிட்டார்.

‘‘மும்பை பங்குச் சந்தையில் வர்த்தகமாகி வருகிறது ‘டாக்டர் அகர்வால் ஐ ஹாஸ்பிடல் லிமிடெட்’ எனும் சென்னையைச் சேர்ந்த கண் மருத்துவ நிறுவனத்தின் பங்குகள். சில ஆண்டுகளுக்கு முன்னர் சுமார் 5 ரூபாய்க்கு இது பங்குச் சந்தையில் வர்த்தகமாகி வந்தது. அதன் முக மதிப்போ பத்து ரூபாய்!

கடந்த பல ஆண்டுகளாகவே 10 சதவிகி தத்துக்குக் குறையாமல் டிவிடெண்ட் வழங்கி வருகிறது இந்நிறுவனம். அன்றைய தேதியில் ஐந்து ரூபாய் கொடுத்து பங்குகளை வாங்கியவர்களுக்கு குறைந்தபட்ச டிவிடெண்ட் ஈல்டு 20 சதவிகிதத்துக்கும் மேல் இருக்கும். டிவிடெண்ட் மீதான வரிச் சலுகையையும் கணக்கில் எடுத்துக் கொண்டால், இன்னும்கூட அதிக ஆதாயம்! இப்படி நல்ல ஆதாயம் கிடைப்பதைத் தொடர்ந்து இப்பங்கின் விலை 10 மடங்கு வரை அதிகரித்து, இந்த ஆண்டு ஏப்ரல் மாதம் 53 ரூபாய் வரை சென்றது! இன்று சுமார் 30 ரூபாயாக உள்ளது. நல்ல டிவிடெண்ட் என்றாலும் இன்று இந்த விலைக்கு வாங்குபவர்களுக்கு அதே ஈல்ட் தொடர்ந்து கிடைக்குமா எனச் சொல்ல முடியாது.

பாஸிடிவ்... நெகடிவ்!

ரு நிறுவனத்தின் டிவிடெண்ட் ஈல்ட் சராசரியைவிட மிகக் குறைவாக இருக்கிறதென்றால், அந்த நிறுவனம் அதிவேகமாக வளர்ச்சி அடைந்துவருகிறது என்று எடுத்துக்கொள்ளலாம். பங்குகள் அதிக விலை கொடுத்து வாங்கப்படுவதால், ஈல்ட் குறைவாகத் தெரியும். இது பாஸிட்டிவ் அறிகுறி.

அதேபோல, அந்த நிறுவனம் மிக மோசமான நிலைக்குச் சென்றுகொண்டிருந்தாலும் அதிக டிவிடெண்ட் வழங்க முடியாமல் போகலாம். இது நெகட்டிவ் குறியீடு. இதை கவனித்து வாங்கவேண்டும்.

ஒரு நிறுவனத்தின் டிவிடெண்ட் ஈல்ட் சராசரியைவிட அதிகமாக இருக்க 2 காரணங்களுக்கு வாய்ப்புள்ளது.

இந்த ஆண்டு நல்ல டிவிடெண்ட் கொடுத்தபோதும், இனி வரும் காலங்களில் நல்லவிதமாகச் செயல்பட முடியாத நிறுவனமாக இருக்க வாய்ப்புள்ளது. ‘இனி வளர்ச்சிக்கு வாய்ப்பு இல்லை’ என முதலீட்டாளர்கள் நினைக்கும்பட்சத்தில், சந்தையில் அந்த நிறுவன பங்கின் விலை குறைவாக இருக்கும். விலை குறைவாக இருப்பதால், அதன் மீதான டிவிடெண்ட் ஈல்ட் அதிகம் போலத் தெரியும். இது நெகட்டிவ் அறிகுறி.

உண்மையிலேயே இந்நிறுவனம் நன்கு செயல் பட்டு வருகிறது. எதிர்காலமும் பிரகாசமாக இருக்கிறது. பங்குகள் வர்த்தகமாகும் விலைக்கு ஏற்ப டிவிடெண்டும் அமைந்திருந்தால் அது பாசிட்டிவான விஷயம்! இந்தப் பங்குகளைத்தான் தேடி வாங்க வேண்டும்.

இதேபோல சுமார் மூன்றாண்டுகளுக்கு முன்னர் சிண்டிகேட் வங்கி, ஆந்திரா வங்கி, ஐ.ஓ.பி, எல்நெட் டெக்னாலஜி போன்ற நிறுவனப் பங்குகளும் முக மதிப்புக்குக் கீழ் வர்த்தகமானவைதான். தொடர்ந்து நல்ல டிவிடெண்ட் கொடுப்பதால் இவற்றின் விலை இன்று அதிகரித்துவிட்டது’’ என்றார்.

‘‘சார், இப்போது கேட்கிறேன்... அந்த 770% டிவிடெண்ட் கொடுத்த பங்கு எது?’’ செந்தில் மெதுவாகக் கேட்டார்.

‘‘இன்ஃபோசிஸ்! 5 ரூபாய் முகமதிப்புள்ள பங்கு ஒன்றுக்கு ரூ.38.50 டிவிடெண்ட் எனக் கணக்கு வருகிறது. ஆனால், டிவிடெண்ட் அறிவித்தபோது சந்தையில் இப்பங்கின் விலையோ 3,000 ரூபாய்க்கு மேல். அதாவது, நீங்கள் செய்யும் 3,000 ரூபாய் முதலீட்டின் மீது கிடைக்கும் டிவிடெண்ட் வருமானம் வெறும் ரூபாய் 38.50தான். அப்படியானால் ஈல்ட் என்ன? 1.28%. இப்போது சொல்லுங்கள்... 3.57% பெரிதா, 1.28% பெரிதா?’’ என்றார்.

‘‘அப்படியானால், ஒரு பங்கை வாங்குவதற்கு முன் அது கொடுக்கும் டிவிடெண்ட் ஈல்டைப் பார்த்தால் போதுமா... அந்த அடிப்படையில்தான் முடிவு செய்ய வேண்டுமா?’’ என்றார் செந்தில்.

‘‘இல்லையில்லை... அதை வைத்து மட்டும் முடிவெடுக்க முடியாது. இன்னும் சில விஷயங்களையும் கணக்கில் எடுத்துக்கொள்ள வேண்டும். அதுபற்றி அடுத்த சந்திப்பில் பார்ப்போம்!’’ என்றார் ராமனாதன்.

புதிய வெளியீடுகள்

டெக் மஹேந்திரா

ஹேந்திரா & மஹேந்திரா குழுமம் இங்கிலாந்து நாட்டின் பி.டி குரூப்புடன் சேர்ந்து தகவல் தொடர்பு மற்றும் தொலைத்தொடர்பு பணிகளில் ஈடுபட்டு வருகிறது. இத்தொழிலை விஸ்தரிக்க எண்ணி பங்கு வெளியீடு செய்கிறது. ஆகஸ்ட் 1 முதல் 4-ம் தேதிக்குள் விண்ணப்பிக்கவேண்டும். 10 ரூபாய் முகமதிப்புள்ள இந்தப் பங்கின் விலை 315 ரூபாயிலிருந்து 365-க்குள் இருக்கும்.

ஜி.எம்.ஆர் இன்ஃப்ரா ஸ்ட்ரக்ச்சர்

ட்டுமானத்துறை திட்டங்களில் ஈடுபட்டுள்ள இந்த நிறுவனம், தன் விரிவாக்கத் திட்டங்களுக்குத் தேவையான நிதியைத் திரட்ட வருகிறது. மொத்தம் 3.81 கோடிக்கும் அதிகமான பங்குகளை விற்க உள்ள இந்த வெளியீடு, ஜூலை 31-ல் துவங்கி, ஆகஸ்ட் 4-ம் தேதி வரை நடக்கும். ஒரு பங்கின் விலை 210 ரூபாயிலிருந்து 250 ரூபாய்க்குள் இருக்கும். 10 ரூபாய் முக மதிப்பு கொண்ட இப்பங்குகளை குறைந்தபட்சம் 25 மற்றும் அதன் மடங்குகளில் விண்ணப்பிக்கலாம். சிறு முதலீட்டாளர்கள் விண்ணப்பத்துடன் ஒரு பங்குக்கு 125 ரூபாய் மட்டுமே செலுத்தும் சிறப்புச் சலுகையுடன், இறுதியாக முடிவாகும் விலையில் 5% சலுகையும் தரப்பட உள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism