Published:Updated:

எந்தவகை முதலீட்டில் அதிக லாபம்?

எந்தவகை முதலீட்டில் அதிக லாபம்?

எந்தவகை முதலீட்டில் அதிக லாபம்?

எந்தவகை முதலீட்டில் அதிக லாபம்?

Published:Updated:
மியூ. ஃபண்ட்
எந்தவகை முதலீட்டில் அதிக லாபம்?
 

எந்தவகை முதலீட்டில் அதிக லாபம்?

ஒட்டுமொத்த விகடனுக்கும் ஒரே ஷார்ட்கட்!

எந்தவகை முதலீட்டில் அதிக லாபம்?

‘‘ப ங்குச் சந்தை பற்றி மக்கள் மத்தியில் பெரிய எதிர்பார்ப்பு இருக்கிறது. தங்கள் பணத்துக்கு நல்ல லாபம் கிடைக்கும் முதலீடாக பங்குச் சந்தையை மக்கள் பார்க்கிறார்கள். ஆனால், அதில் உள்ள ரிஸ்க்கை நினைத்து கொஞ்சம் ஒதுங்கி நிற்பவர்களின் கவனம் தற்போது மியூச்சுவல் ஃபண்ட் பக்கம் திரும்பியிருக்கிறது. மக்கள் கவனிக்கும் ஒரு விஷயத்தில் அதிக அளவில் சந்தேகம் எழுவதும் இயல்புதானே... அதைத் தெளிவுபடுத்த வேண்டியது எங்கள் கடமை’’ என்றவாறு நாணயம் வாசகர்களின் மியூச்சுவல் ஃபண்ட் தொடர்பான கேள்விகளைச் சந்திக்கத் தயாரானார் ‘சுந்தரம் மியூச்சுவல் ஃபண்ட்’ மேனேஜிங் டைரக்டர் டி.பி.ராமன்.

எந்தவகை முதலீட்டில் அதிக லாபம்?

‘‘போஸ்டாபீஸின் மாதாந்திர வருமானத் திட்டம் போல மியூச்சுவல் ஃபண்டில் திட்டம் இருக்கிறதா?’’

- கே.மாணிக்கம், கள்ளக்குறிச்சி.

‘மி யூச்சுவல் ஃபண்ட்களில், எம்.ஐ.பி எனப்படும் ‘மன்த்லி இன்கம் ப்ளான்’ இருக்கிறது. இதில் ஓய்வூதியர் என்றுதான் இல்லை. எந்த வயதினரும் முதலீடு செய்து மாதம் ஒரு தொகை பெறலாம். இந்த எம்.ஐ.பி திட்டம் 80% வரை கடன் பத்திரங்களிலும், 20% பங்குகளிலும் முதலீடு செய்யும் திட்டம். இதில் சராசரியாக ஆண்டுக்கு 8% முதல் 9.5% வரை வருமானம் கிடைக்க வாய்ப்பு உண்டு. இந்த வருமானத்துக்கு வரியும் கிடையாது.’’

எந்தவகை முதலீட்டில் அதிக லாபம்?

‘‘என் பிஸினஸில் புரளும் பணம், சில நேரங்களில் பெரிய தொகையாக என்னிடம் சில வாரங்கள் கூட தங்கிவிடும். அதைக் குறுகியகால டெபாசிட்டாக வங்கியில் போட்டு வருகிறேன். மியூச்சுவல் ஃபண்டில் போட்டால் நல்ல வருமானம் கிடைக்கும் என்கிறார்கள். எனக்கு வழிகாட்டுங்கள்.’’

- தி.சுப்ரமணி, குடியாத்தம்.

‘‘உ ங்கள் தேவைக்கு ஏற்ப முதலீடு செய்ய ‘ஃபிக்ஸட் மெச்சூரிட்டி திட்டம்’ என்ற ஒன்று உள்ளது. இதில் 3 மாதம், 6 மாதம் அல்லது 1 வருடம் என பல கால அளவுகளில் முதலீடு செய்யமுடியும். அடுத்து வங்கிகளில் இருக்கும் கரன்ட் அக்கவுன்ட் போல, ‘லிக்விட் ஃபண்ட்’ என்ற பெயரிலும் ஒரு திட்டம் உள்ளது. எந்த நேரத்தில் வேண்டுமானாலும் இதில் பணம் போடலாம்... திரும்ப எடுக்கலாம். இது வங்கிகள் தங்களுக்கிடையே குறுகியகால கடனாகப் பரிமாறிக் கொள்ளும் மிபார் (விமிஙிளிஸி) வட்டி விகிதத்தில் வருமானம் தரும். இதில் 5% முதல் 6% வருமானம் கிடைக்க வாய்ப்பு உண்டு.’’

எந்தவகை முதலீட்டில் அதிக லாபம்?

‘‘மியூச்சுவல் ஃபண்ட் திட்டத்தில் முதலீடு செய்ய நான் செக் கொடுத்து சில நாட்கள் கழித்துதான் யூனிட்கள் ஒதுக்கீடு செய்யப்பட்டன. இந்த இடைப்பட்ட நேரத்தில், ‘அந்தத் திட்ட யூனிட்டின் நிகர சொத்து மதிப்பு குறைந்துவிட்டது. இதனால், என் பணத்துக்கு பாதிப்பு வருமா... கொஞ்சம் விளக்குங்களேன்?’’

- டி.சுரேந்தர், தஞ்சாவூர்.

‘‘நீ ங்கள் கொடுத்த செக் வங்கியில் செலுத்தப்பட்டு, பணமாகும்போதுதான் சம்பந்தப்பட்ட மியூச்சுவல் ஃபண்ட் நிறுவனம், யூனிட்களை ஒதுக்கீடு செய்யும். இந்த காலத்தில் நீங்கள் பெற விரும்பிய மியூச்சுவல் ஃபண்ட்களின் நிகர சொத்து மதிப்பு (ழிகிக்ஷி) குறையவும், அதிகரிக்கவும்கூட வாய்ப்பு இருக்கிறது. நீங்கள் கொடுத்த பணம் 10,000 ரூபாய் என்று வைத்துக்கொள்வோம். நீங்கள் செக் கொடுத்த அன்று, 12 ரூபாய் என்றிருக்கிற நிகர சொத்து மதிப்பு யூனிட் ஒதுக்கப்படும்போது, 10 ரூபாயாகக் குறைகிறது என்று வைத்துக் கொள்வோம். 12 ரூபாய் மதிப்பில் 834 யூனிட்களுக்குப் பதிலாக 10 ரூபாய் மதிப்பில் 1,000 யூனிட்கள் கிடைக்கும்.

‘குழப்பமே வேண்டாம். பணம் செலுத்திய அன்றே யூனிட் ஒதுக்கீடு கிடைக்கவேண்டும்’ என்றால், டிமாண்ட் டிராஃப்ட்டாக கொடுத்து அன்றைய நிகர சொத்து மதிப்பில் யூனிட்கள் வாங்கலாம். இன்டர் நெட் மூலம் ஆன்லைனில் யூனிட் வாங்கும்போதும், அன்றைய சொத்து மதிப்பிலேயே ஒதுக்கீடு கிடைக்கும்.’’

எந்தவகை முதலீட்டில் அதிக லாபம்?

‘‘புதிதாக யூனிட்கள் வெளியிடும் மியூச்சுவல் ஃபண்ட் திட்டம்... தற்போது புழக்கத்தில் உள்ள திட்டம் - இதில் எந்த முதலீடு அதிக லாபம் தரும்?’’

- ராஜகணேஷ், பெங்களூர்.

‘‘இ ரண்டுக்கும் பெரிய வித்தியாசம் இருக்காது. புதிய வெளியீடு என்றால், 10 ரூபாய் மதிப்புக்கு யூனிட்கள் கிடைக்கும். தற்போது புழக்கத்தில் உள்ள திட்டத்தின் யூனிட் என்றால், அதன் சந்தை மதிப்புக்கு வாங்க வேண்டியிருக்கும். ஆனால், இரண்டிலும், யூனிட்களின் வளர்ச்சி ஒரே அளவாக இருக்கத்தான் வாய்ப்புகள் உள்ளன. காரணம், இரண்டிலுமே அதன்பிறகுதான் உங்கள் பணம் சந்தையில் முதலீடு செய்யப்படும். சந்தை வளர்ச்சியைப் பொறுத்து இந்த யூனிட்களின் வளர்ச்சியும் இருக்கும். அந்தந்த திட்டத்தில் வாங்கப்படும் பங்குகள் மாறினால்... அல்லது முதலீடு செய்யப்படும் இடம் மாறினால் மட்டும், அதைப் பொறுத்து உங்கள் வருமானமும் மாறுபடலாம்.

நடப்பில் உள்ள திட்டம் பற்றி பரிசீலித்து முடிவு எடுக்க ‘கடந்த கால வரலாறு’ இருக்கும். புதிய யூனிட் டில் அப்படி எதுவும் இல்லை என்பதால் முடிவெடுப்பதில் கொஞ்சம் ரிஸ்க் இருக்கத்தான் செய்கிறது.’’

எந்தவகை முதலீட்டில் அதிக லாபம்?
எந்தவகை முதலீட்டில் அதிக லாபம்?

‘‘மியூச்சுவல் ஃபண்டில் முதலீடு செய்ததுமே வரி சேமிப்பு பெற முடியுமா? வரிச்சலுகை பெற்ற உடனே யூனிட்களை விற்றுவிட முடியுமா?’’

- ஸோனா ருக்ஷா, சென்னை 80.

‘‘மியூச்சுவல் ஃபண்டின் ஈ.எல்.எஸ்.எஸ் திட்டத்தில் முதலீடு செய்தால், முழுத் தொகைக்குமே வரிச்சலுகை பெறலாம். ஆனால், உங்கள் முதலீடு குறைந்தபட்சம் மூன்று ஆண்டுகளுக்கு திரும்பக் கிடைக்காத வகையில் ‘லாக்’ செய்யப்பட்டுவிடும். அதேபோல், மியூச்சுவல் ஃபண்ட் யூனிட்களுக்கு தரப்படும் டிவிடெண்ட்டுக்கு வருமான வரிச் சலுகை உண்டு. ஆனால், அதற்கு சில விதிமுறைகள் இருக்கின்றன. ரெக்கார்ட் தேதிக்கு 3 மாதங்கள் முன்னதாக அந்த யூனிட்டில் முதலீடு செய்திருக்கவேண்டும். ரெக்கார்ட் தேதி அறிவிப்புக்குப்பின் முதலீடு செய்தால், டிவிடெண்ட்டைப் பெற்றுக்கொண்ட பிறகு 9 மாதங்கள் அந்த யூனிட்டில் உங்கள் முதலீடு தொடரவேண்டும். அப்படி இருந்தால் மட்டுமே டிவிடெண்ட்டுக்கான வரிச்சலுகை கிடைக்கும். இல்லாவிட்டால் வருமான வரி கட்ட வேண்டி வரும்.’’

எந்தவகை முதலீட்டில் அதிக லாபம்?

‘‘நீண்ட கால அடிப்படையில் முதலீடு செய்யும்போது, மியூச்சுவல் ஃபண்ட் திட்டத்துக்கும், தரமான பங்குகளைத் தேர்ந்தெடுத்து நேரடியாக பங்குச் சந்தை யில் இறங்குவதற்கும் பெரிய வித்தியாசம் இருக்காது என்கிறார்கள். இது உண்மையா?’’

\ சு.ராமகிருஷ்ணன், கல்லக்குடி.

‘‘ந ல்ல அடிப்படை கொண்ட, வளர்ச்சி வாய்ப்புள்ள பங்குகளாகத் தேர்ந்தெடுத்து வாங்கினால் நல்ல லாபம் கிடைக்கும்தான். அதற்கு அந்தப் பங்குகளை வெளியிட்ட கம்பெனி, அந்தத் துறை, அதன் தற்போதைய நிலை, அதன் எதிர்கால வாய்ப்பு, கம்பெனியின் எதிர்காலத் திட்டம், அதன் நிதி நிலைமை போன்ற பல விவரங்களை ஆய்வு செய்ய வேண்டும். அதற்கான திறமை, தகவல், நேரம் எல்லாம் இருப்பவர்கள் தாராளமாக நேரடி யாகவே பங்குகளில் முதலீடு செய்யலாம். அப்படி தகவலும், நேரமும் இல்லாதவர்களை மனதில் கொண்டு தொடங்கியதுதான் மியூச்சுவல் ஃபண்ட்கள். அதனால் உங்களது நிலையை கருத்தில்கொண்டு சரியான முடிவு எடுங்கள்.’’

எந்தவகை முதலீட்டில் அதிக லாபம்?

‘‘மியூச்சுவல் ஃபண்ட் திட்டங்களில் பல கம்பெனிகளும் ஏராளமான திட்டங்களை அறிவித்துக்கொண்டே இருக்கிறார்களே! இவற்றில் எது நல்ல திட்டம் என்பதைத் தெரிந்து கொள்வது எப்படி?’’

- மதுமிதா, பள்ளிக்கரணை.

‘‘முதலில் அந்த மியூச்சுவல் ஃபண்ட் திட்டத்தின் ‘ஆஃபர் டாகுமெண்ட்’ எனப்படும் வெளியீட்டுப் பத்திரத் தகவல்களைப் படியுங்கள். அதில் இந்தத் திட்டத்தின் நோக்கம் என்ன... இந்தப் பணம் எந்த வகையில் முதலீடு செய்யப்பட உள்ளது... இந்தத் திட்டத்தின் முதலீட்டு அதிகாரி(ஃபண்ட் மேனேஜர்) யார்? அவருடைய கடந்த கால செயல்பாடு எப்படி இருந்தது? இது போன்ற இன்னும் பல விஷயங்கள் அதில் இடம் பெற்றிருக்கும். அவற்றையெல்லாம் பார்த்துதான் இறுதிமுடிவு எடுக்கவேண்டும். இவை குறித்து, உங்கள் பகுதியில் இருக்கும் முதலீட்டு ஆலோசகர், அல்லது விவரம் தெரிந்தவர்களை அணுகி விவரம் பெற்றுக் கொள்ளுங்கள். மியூச்சுவல் ஃபண்ட் நிறுவனங்களுக்கு கடிதம் எழுதினால் அவர்களும் விவரங்களை அனுப்பி வைப்பார்கள்.’’

எந்தவகை முதலீட்டில் அதிக லாபம்?

‘‘என் சேமிப்புப் பணத்தைப் பரவலாக முதலீடு செய்யலாம் என்ற எண்ணதில் 15 மியூச்சுவல் ஃபண்ட் திட்டங்களில் பிரித்து முதலீடு செய்துவிட்டேன். இப்போது அத்தனை திட்டத்தையும் ஃபாலோ பண்ணுவது சிரமமாக உள்ளது. மற்றவர்கள் சொல்வதைக்கேட்டு நான் செய்த வேலை தவறோ என இப்போது தோன்றுகிறது. எனக்குக் கொஞ்சம் வழிகாட்டுங்கள்!’’

- மங்கள்ராம், பெங்களூர்.

‘‘ஒரே திட்டத்தில், அல்லது ஒரே இடத்தில் எல்லா பணத்தையும் முதலீடு செய்யக்கூடாது என்ற கருத்து நியாயமானதுதான். அதற்காக 15 திட்டங்களில் பணத்தைப் போடுவது கொஞ்சம் ஓவர். வரம்பு இல்லாமல் இதுபோல முதலீட்டைப் பிரித்தால், அதில் கிடைக்கும் வருமானமும் பிரிந்து போக வாய்ப்பிருக்கிறது. நான்கு அல்லது ஐந்து திட்டங்கள் என்பது கட்டுப்பாட்டில் இருக்கும். ஆனாலும், இது ஒவ்வொருவரைப் பொறுத்து மாறுபடும்.

கொஞ்சம் பரவலான முதலீடுதான் சரி என நினைப்பவர்கள் ‘ஃபண்ட் ஆஃப் ஃபண்ட்ஸ்’ என்ற திட்டத்தைத் தேர்ந்தெடுக்கலாம். அதன் மூலம் எதிர்பார்க்கும் நோக்கத்தை அடையலாம்.’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism