Published:Updated:

தனியாரா... பொதுத்துறையா... எது சேஃப்டி?

தனியாரா... பொதுத்துறையா... எது சேஃப்டி?

தனியாரா... பொதுத்துறையா... எது சேஃப்டி?

தனியாரா... பொதுத்துறையா... எது சேஃப்டி?

Published:Updated:
மியூச்சுவல் ஃபண்ட்
தனியாரா... பொதுத்துறையா... எது சேஃப்டி?
 

தனியாரா... பொதுத்துறையா... எது சேஃப்டி?

ஒட்டுமொத்த விகடனுக்கும் ஒரே ஷார்ட்கட்!

தனியாரா... பொதுத்துறையா... எது சேஃப்டி?

‘‘மி யூச்சுவல் ஃபண்ட் பற்றித் தெளிவு பெறுவதற்கு மிகவும் முக்கியமான தேவை அனுபவம். தினம் தினம் மாறிக்கொண்டே இருக்கும் இந்தத் துறையில் கற்றுக்கொண்டே இருப்பதுதான் முன்னேற்றப் பாதைக்கு அழைத்துச் செல்லும்’’ என்று சொல்லும் ‘இன்டகரேட்டட் என்டர்பிரைஸஸ்’ வைத்தியநாதனுக்கு இந்தத் துறையில் 30 ஆண்டுக்கு மேல் அனுபவம். மியூச்சுவல் ஃபண்ட் பற்றிய வாசகர்களின் கேள்விகளை உற்சாகமாக எதிர்கொண்டார் வைத்தியநாதன்.

‘‘மியூச்சுவல் பண்ட் புதிய வெளியீட்டுக்கான (என்.எஃப்.ஓ) கடைசி தேதிக்குப் பிறகு, விற்காமல் இருக்கும் யூனிட்களை வாங்க முடியுமா? அதேபோல, ஒரு திட்டத்தில் திரண்ட பணத்தைச் சந்தையில் முதலீடு செய்வதற்கு முன்பு அதே முக மதிப்பில் யூனிட்களை வாங்க முடியுமா?’’

- திருமதி காயத்ரி ஸ்ரீதர், சென்னை-41.

‘‘மியூச்சுவல் ஃபண்ட் திட்டங்களைப் பொறுத்த வரையில் விற்காத யூனிட்கள் என்ற பேச்சுக்கே இடமில்லை. கடைசித் தேதி என்பது பணத்தைத் திரட்டி சந்தையில் முதலீடு செய்வதற்காக நிர்ணயம் செய்யும் தேதிதான். அதுவரை முகமதிப்பில் கிடைக்கும் யூனிட்கள் அதன்பிறகு, மார்க்கெட் நிலவரத்தைப் பொறுத்து மதிப்பு மாறுபடும்.

அடுத்து, புதிய வெளியீட்டுக்குப் பிறகு பொதுவாக ஒரு மாதத்திற்குள் அந்தத் தொகை திட்டமிட்டபடி முதலீடு செய்யப்படும். சில சமயங்களில் அந்தத் திட்டத்தின் முதலீட்டு நிர்வாகி, பங்குச் சந்தையின் நிலவரத்தைப் பொறுத்து உடனடியாக மொத்த தொகையையும் முதலீடு செய்யாமலும் இருக்கலாம். என்.எஃப்.ஓ காலம் முடிந்த பிறகு அதன் நிகரச் சொத்து மதிப்பில்தான் முதலீடு செய்யமுடியும். முக மதிப்பில் ஒதுக்கீடு செய்ய மாட்டார்கள்.’’

தனியாரா... பொதுத்துறையா... எது சேஃப்டி?

‘‘பங்கு வெளியீட்டின்போது சில சமயங்களில் நாம் விண்ணப்பிக்கும் அளவைவிடக் குறைவாகத் தான் ஒதுக்கீடு செய்கிறார்கள். மியூச்சுவல் ஃபண்ட் திட்டத்திலும் இது போலத்தானா?’’

- எல். லட்சுமணன், தூத்துக்குடி -2.

‘‘மியூச்சுவல் ஃபண்ட் திட்டங்களுக்கு பங்கு வெளியீடுகள் போல உச்ச வசூல் வரம்பு இலக்கு என எதுவும் கிடையாது. அதனால், விண்ணப்பிக்கும் அளவுக்கு ஒதுக்கீடு கிடைக்கும்.’’

‘‘என்.எஃப்.ஓ ஒதுக்கீட்டில் கிடைத்த யூனிட்களை எப்படி, யாரிடம் விற்பது?’’

- எஸ். ராமமூர்த்தி, திருச்சி.

‘‘ஓபன் எண்டட் மியூச்சுவல் ஃபண்ட் திட்ட யூனிட்கள் என்றால், நேரடியாக வெளியிட்ட நிறுவனத்திடமே விற்கலாம். அவர்களைத் தொடர்பு கொள்ள முடியாத பட்சத்தில் இடைநிலை நிறுவனங்கள் மூலம் அதை விற்கலாம். பல பங்குத் தரகு நிறுவனங்கள்கூட இந்த வேலையைச் செய்துதருவார்கள்.

குளோஸ்ட் எண்டட் மியூச்சுவல் ஃபண்ட் திட்ட யூனிட் என்றால், அதை பங்குச் சந்தையில்தான் விற்கமுடியும். இதைத் தரகர்கள் மூலமும், ஆன் லைன் டிரேடிங் வசதி இருந்தால் நேரடியாக நீங்களேகூட விற்றுவிடலாம்.

பொதுவாக அந்த யூனிட்டின் நிகரச் சொத்து மதிப்பை விட சற்றே குறைவான விலையில்தான் சந்தையில் விற்பனை யாகும். ஆனால், இந்தத் திட்ட இலக்கு காலம் முடியும் தருவாயில் நிகரச் சொத்து மதிப்பில் அந்த நிறுவனத்திடமே விற்கலாம்.

ஈ.எல்.எஸ்.எஸ். எனப்படும் சிறப்பு ஓபன் எண்டட் திட்ட யூனிட்களை மட்டும் வாங்கி மூன்று வருடங்களுக்கு விற்க முடியாது. மற்ற எந்த மியூச்சுவல் ஃபண்ட் திட்ட யூனிட்டாக இருந்தாலும் விரும்பிய நேரத்தில் விற்று காசாக்கிக்கொள்ள முடியும். திட்டத்தில் இருந்து விலக, கட்டணம் ஏதாவது அறிவிக்கப்பட்டிருந்தால் அதைச் செலுத்தியாக வேண்டும்.’’

‘‘எஸ்.ஐ.பி. திட்டத்தில் முதலீடு செய்ய செக் கொடுக்கும்போது, சிறுநகரங்களில் இருப்பவர்களின் செக்கை வாங்க மறுக்கிறார்கள். ஃபண்ட் அலுவலகம் உள்ள ஊரில் இருக்கும் வங்கி செக் கேட்கிறார்கள். இதற்கு ஏதாவது மாற்று ஏற்பாடு உண்டா?’’

- க.கலைவாணி, மயிலாடுதுறை.

தனியாரா... பொதுத்துறையா... எது சேஃப்டி?

‘‘சிறு கிராமங்களில் உள்ள வங்கிகளின் ‘செக்’குகள் ஏற்கப்படுவதில்லைதான். அதற்குக் காரணம் செக் கலெக்ஷனுக்குப் போய் வரும்போது அதற்கான கட்டணங்கள் செக் தொகையில் இருந்துதான் கழிக்கப்படும். உள்ளூர் செக்குகளுக்கு இந்தக் கட்டணங்கள் கிடையாது. ஆனால், இப்போது, ‘கோர் பேங்கிங்’ (சிஷீக்ஷீமீ ஙிணீஸீளீவீஸீரீ) வசதி கொண்ட வங்கியின் செக் கொடுத்தால் இந்தப் பிரச்னை இருக்காது. இந்த செக்குகளை எல்லா வங்கிகளிலும் பணமாக மாற்றத்தக்க வசதிகள் தற்போது உள்ளன. அடுத்து, ‘குறிப்பிட்ட தினத்தில் கணக்கில் இருந்து குறிப்பிட்ட தொகையை எடுத்து, செலுத்திவிடலாம்’ என்று ஒரு வங்கிக்கு தகவல் கொடுத்துவிட்டு, அதை மியூச்சுவல் ஃபண்ட் நிறுவனத்துக்கும் சொல்லிவிடலாம்.

பொதுவாக எல்லா வங்கிகளிலும் உள்ள இந்த வசதியைப் பயன்படுத்திக்கொண்டால் உங்கள் பிரச்னைக்குத் தீர்வுகிடைக்கும். அத்துடன் பல வங்கிகள் இப்போது மற்ற ஊர்களிலும் முகமதிப்பிலேயே மாற்றத்தகுந்த ‘செக்’களை (டிமாண்ட் டிராஃப்ட் போல) வழங்கத் தொடங்கியுள்ளன. இவை உள்ளூர் செக் போலவே மற்றவர்களாலும் கருதப்படுகின்றன.’’

‘‘அதிக அளவு பணம் திரண்டதாக சமீபத்தில் விளம்பரம் செய்த ‘ரிலையன்ஸ் மியூச்சுவல் ஃபண்ட்’ அதில் ‘ஹெட்ஜ் ஃபண்ட்’ என்றும் ஒன்றைக் குறிப்பிட்டிருந்தது. அதற்குப் பொருள் என்ன?’’

- சரஸ்வதி இராசேந்திரன், மன்னார்குடி.

‘‘‘ஹெட்ஜ் ஃபண்ட்’ என்பதும், ஒருவகையான முதலீட்டு திட்டம்தான். ஆனால் இதில் ரிஸ்க் இன்னும் அதிகம். ‘அதிக வருமானம் ஈட்டவேண்டும்’ என்ற நோக்கத்தில் ஹெட்ஜ் ஃபண்ட் கம்பெனிகள் அதீத துணிச்சலுடன் ஊக வணிகம் போன்ற பலவகையிலும் ஈடுபடுவார்கள். மியூச்சுவல் ஃபண்ட்களுக்கு இருப்பது போல, ஹெட்ஜ் ஃபண்ட்கள் செபி போன்ற எந்த கண்காணிப்பு அமைப்புகளிடம் பதிவு பெற வேண்டியதில்லை. அதனால் இவற்றின் நடவடிக்கைகளைக் கட்டுப்படுத்த ஆட்கள் இருக்காது.ஹெட்ஜ் ஃபண்ட்களும் சிறு முதலீட்டாளர்களை நாடுவதில்லை. ‘நஷ்டம் வந்தாலும் பரவாயில்லை’ என்ற நிலையில் உள்ள பெரிய பணக்காரர்கள், நிறுவனங்கள் போன்றவைதான் இந்த ஹெட்ஜ் ஃபண்ட்களின் வாடிக்கையாளர்களாக இருப்பார்கள்.’’

‘‘வருமான வரி செலுத்தாத ஒருவர் ஒரு மியூச்சுவல் ஃபண்ட் திட்டத்தில் தன் பெயரில் எவ்வளவு வேண்டுமானாலும் முதலீடு செய்ய முடியுமா? அல்லது அதற்கு லிமிட் ஏதாவது உண்டா?’’

- எம்.மணி, ஆத்தூர்.

‘‘மியூச்சுவல் ஃபண்டில் முதலீடு செய்வதற்கும், வருமான வரி செலுத்துவதற்கும் நேரடி தொடர்பு எதுவுமில்லை. ஆனால் 50 ஆயிரம் ரூபாயும், அதற்கு மேலுமான தொகையை ஒருவர் மியூச்சுவல் ஃபண்டில் முதலீடு செய்ய விரும்பினால், வருமான வரித்துறை வழங்கும் அடையாள அட்டையான ‘பான் கார்டைப் ( PAN CARD ) பெற்று அதில் இருக்கும் எண்ணை விண்ணப்பத்தில் குறிப்பிடவேண்டும். அல்லது ‘வருமான வரி வரம்புக்குள் இவரது வருமானம் இடம் பெறவில்லை’ என அறிவிக்கும் ‘ஃபார்ம் 60’ எனப்படும் சான்றிதழைப் பெற்றுத்தரவேண்டும். அதன்பிறகு முதலீட்டாளர் தன் விருப்பம் போல எவ்வளவு தொகையை வேண்டுமானாலும் மியூச்சுவல் ஃபண்டில் முதலீடு செய்யலாம்.’’

‘‘ஒரு மியூச்சுவல் ஃபண்ட் திட்டத்தில் செய்த முதலீட்டை பல ஆண்டுகள் தொடர்ந்து அப்படியே இருக்க அனுமதிக்கலாமா? அல்லது, குறிப்பிட்ட கால இடைவெளியில் வெளியேறி அதை வேறு திட்டங்களில் மறுமுதலீடு செய்ய வேண்டுமா?

- சோ.ராமகிருஷ்ணன், கும்பகோணம்.

தனியாரா... பொதுத்துறையா... எது சேஃப்டி?

‘‘இது முதலீடு செய்பவரின் தனிப்பட்ட முடிவுதான். ஆனால், பொதுவாக நீண்டகால அடிப்படையில் முதலீடு செய்வதுதான் ஆரோக்கியமானதும், அதிக வருமானம் தருவதாகவும் இருக்கும். சாதாரண வகை ஓப்பன் எண்டட் மியூச்சுவல் ஃபண்ட் திட்ட யூனிட்களை எந்த நேரத்திலும் விற்றுவிட்டு, மற்ற திட்டங்களின் யூனிட்களில் மறுமுதலீடு செய்ய முடியும்.

ஆனால் இப்படி செய்யும் ஒவ்வொரு முறையும் நுழைவு கட்டணம், வெளியேறும் கட்டணம் என இரண்டையும் செலுத்த வேண்டியிருக்கும். இவை உங்கள் முதலீட்டின் மீதான லாபத்தைக் குறைத்துவிடும். ஆனால் நீங்கள் முதலீடு செய்த மியூச்சுவல் ஃபண்ட் திட்ட வளர்ச்சி, இதுபோன்ற மற்ற திட்டங்களின் வளர்ச்சியுடன் ஒப்பிடும்போது குறைவாகவே இருந்தால் (அதிக அளவு இழப்பு இருப்பதாக நீங்கள் கருதினால்), அந்தத் திட்டத்தில் தொடர்வதை மறுபரிசீலனை செய்யவேண்டும்.’’

‘‘யூனிட்கள் என்பது மியூச்சுவல் ஃபண்ட், இன்ஷூரன்ஸ் ஆகிய இரண்டு துறைகளிலும் பயன்படுத்தப்படுகிறதே... இரண்டும் ஒரே விஷயத்தைத்தான் குறிக்கின்றனவா... இவற்றில் தனியார்த்துறை வெளியீடுகளை நாடுவது சரியா? அல்லது பொதுத்துறை நிறுவனங்களின் திட்டங்களை நாடுவதுதான் பாதுகாப்பானதா?’’

- வினாயகமூர்த்தி, நெய்வேலி.

‘‘இ ன்ஷூரன்ஸ் நிறுவனங்கள் வெளியிடும், ‘யூனிட் லிங்க்டு இன்ஷூரன்ஸ் பாலிசி’ யூனிட்களும், மியூச்சுவல் ஃபண்ட் விற்பனை செய்யும் யூனிட்களும் திரட்டும் பணத்தை பங்குச் சந்தையில் முதலீடு செய்கின்றன என்ற அளவில் ஒரேமாதிரியானவை. இருந்தாலும், இறுதி இலக்கில் இரண்டும் மாறுபட்டவை.

மூலதன வளர்ச்சியும், இடையில் கிடைக்கும் டிவிடெண்ட் வருமானமும்தான் மியூச்சுவல் ஃபண்ட் யூனிட்டின் நோக்கம். ஆயுள் காப்பீட்டு பாதுகாப்பு வழங்கும் பணியைச் செய்வதுதான் யுலிப் திட்ட யூனிட் களின் முக்கிய நோக்கம். மூலதன வளர்ச்சி அடுத்த பட்சம்தான். இந்த இருவகை நிறுவனங்களையும் கண்காணிக்க செபி, ஐ.ஆர்.டி.ஏ போன்ற அமைப்புகள் இருக்கின்றன. அதனால் இந்த இருவகை யூனிட்களிலும் முதலீடு செய்வதற்குமுன் அதைத் தரும் நிறுவனம் பொதுத்துறையா தனியார் துறையா என்று பார்க்க வேண்டியதில்லை. அந்தந்த நிறுவனத்தின் கடந்தகால நடவடிக்கைகளை அலசி ஆராய்ந்து முடிவு செய்யுங்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism