Published:Updated:

செப்டம்பர் காலாண்டு முடிவுகள் எப்படி?

செப்டம்பர் காலாண்டு முடிவுகள் எப்படி?

செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?

 செப்டம்பர் காலாண்டு முடிவுகள் எப்படி?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
##~##

 2013 செப்டம்பர் காலாண்டில் நிதி நிலை முடிவுகள் வெளியான சுமார் 2050 கம்பெனிகளை, 2012 செப்டம்பர் காலாண்டு முடிவுகளுடன் ஒப்பிடும்போது விற்பனை 9.45% அதிகரித்துள்ளது. இந்த வளர்ச்சி அதற்கு முந்தைய ஆண்டின் இதே காலாண்டில் 13.30% ஆக இருந்திருக்கிறது.

நிகர லாப வளர்ச்சி என்கிறபோது, 2013 செப்டம்பர் காலாண்டில் 23.40% அதிகரித்துள்ளது. இந்த வளர்ச்சி அதற்கு முந்தைய ஆண்டின் இதே காலாண்டில் 63.58% ஆக இருந்திருக்கிறது.  

இந்தியாவின் மிகப் பெரிய வங்கியான ஸ்டேட் பேங்க் ஆஃப் இந்தியாவுக்கு (எஸ்.பி.ஐ) செப்டம்பர் காலாண்டு மோசமான காலாண்டாக அமைந்திருக்கிறது. அதன் நிகர லாபம் இந்த காலாண்டில் 35% குறைந்துள்ளது. மிக முக்கிய காரணம், வாராக்கடனுக்கு ரூ.2,645 கோடி ரூபாய் ஒதுக்கப்பட்டிருப்பதுதான்.  

இந்திய வங்கிகளைப் பொறுத்தவரையில், வாராக் கடன் என்பது பெரும் பிரச்னையாக உருவெடுத்து வருகிறது. பட்டியலிடப்பட்ட வங்கிகளில் 40 வங்கி களின் நிகர வாராக்கடன் 38% உயர்ந்து 1,28,533 கோடி ரூபாயாக அதிகரித்துள்ளது. இது 2014, மார்ச் இறுதிக்குள் ரூ.1.5 லட்சம் கோடியாக அதிகரிக்கும் அபாயம் இருக்கிறது.

செப்டம்பர் காலாண்டு முடிவுகள் எப்படி?

அதேநேரத்தில், நாட்டின் மிகப் பெரிய தனியார் வங்கியான ஐ.சி.ஐ.சி.ஐ பேங்கின் நிகர லாபம் இரண்டாம் காலாண்டில் 20% அதிகரித்து 2,352 கோடியாக அதிகரித்துள்ளது. இதன் நிகர வட்டி லாப வரம்பு 3%லிருந்து 3.31% ஆக உயர்ந்துள்ளது.

சர்வதேச சந்தையில் பெட்ரோல், டீசல் விலை உயர்ந்தவுடன் இந்தியாவிலும் அதிகரிக்கப்பட்டுவிடுகிறது. அப்படி இருந்தும் இரண்டாம்  காலாண்டில் பாரத் பெட்ரோலியம் கார்ப்பரேஷன் நிறுவனத்தின் (பி.பி.சி.எல்) நிகர லாபம் 81% வீழ்ச்சி அடைந்திருக்கிறது. ரூபாய் மதிப்பு வீழ்ச்சியால் இதன் கரன்சி இழப்பு ரூ.1,100 கோடியாக அதிகரித்ததே மூலக்காரணம்.

ரூபாய் மதிப்பு வீழ்ச்சி டாடா பவர் நிறுவனத்தையும் விட்டுவைக்கவில்லை. இரண்டாம் காலாண்டில் அதன் ஃபாரக்ஸ் இழப்பு ரூ.355 கோடியாக உள்ளது. முந்தைய ஆண்டின் இதே காலாண்டில் இது வெறும் 32 கோடி ரூபாயாகத்தான் இருந்தது.

செப்டம்பர் காலாண்டு முடிவுகள் எப்படி?

ஐ.ஆர்.பி. இன்ஃபாவின் நிகர லாபம் 12% குறைந்து ரூ.107 கோடியாக உள்ளது. இதன் மொத்த செலவு 11.3% அதிகரித்ததே நிகர லாபம் குறைவுக்கான காரணமாக இருக்கிறது. குறிப்பாக, வட்டிச் செலவு 20%, வரிச் செலவு 18.3% அதிகரித்துள்ளது.

இதேபோல், செலவு அதிகரிப்பால் லாபம் குறைந்துபோன மற்றொரு நிறுவனம் ஹெச்.டி.ஐ.எல், இதன் நிகர லாபம் இரண்டாம் காலாண்டில் 69.4% குறைந்து ரூ.43 கோடியாக குறைந்துள்ளது.

ஐ.டி.சி. நிறுவனத்தின் விற்பனை வளர்ச்சி 9 சதவிகிதம் உயர்ந்துள்ள நிலையில் அதன் நிகர லாபம் 21.5% அதிகரித்து 2,230 கோடியாக உயர்ந்துள்ளது. அதாவது, செலவுகளை கணிசமாக குறைத்து இந்நிறுவனம் லாபத்தை உயர்த்தி இருக்கிறது.

இரண்டாம் காலாண்டில் முன்னணி ரியல் எஸ்டேட் நிறுவனங்களின் விற்பனை 40 முதல் 70% வரை வீழ்ச்சிகண்டுள்ளது. குறிப்பாக, டி.எல்.எஃப், ஓபராய் ரியால்டி, ஆர்பிட் கார்ப்., கோத்ரெஜ் ப்ராபர்ட்டீஸ் உள்ளிட்ட நிறுவனங்களின் விற்பனை குறைத்துள்ளது.

இந்த நிறுவனங்கள் சலுகைகள் மற்றும் விலை தள்ளுபடி செய்தும் விற்பனை அதிகரிக்கவில்லை என்பது குறிப்பிடத்தக்கது.  

இழப்பிலிருந்து லாபத்துக்கு வந்த நிறுவனங்கள்!

முடிவுகள் வெளியான சுமார் 2,050 நிறுவனங்களில் 190 நிறுவனங்கள் இழப்பிலிருந்து லாபத்துக்கு திரும்பியுள்ளன.

உதாரணமாக, கெய்ர்ன் இந்தியா 2012-ம் ஆண்டு செப்டம்பர் காலாண்டில் 25.01 கோடி ரூபாய் நிகர நஷ்டத்தைச் சந்தித்தது. இந்நிறுவனம், 2013 செப்டம்பர் காலாண்டில் 2,236 கோடி ரூபாயை நிகர லாபமாக ஈட்டி உள்ளது. ரூபாய் மதிப்பு சரிவு மற்றும் உற்பத்தி அதிகரிப்பு இதற்கு காரணங்களாக இருக்கின்றன.  

- சி.சரவணன், சே.புகழரசி.

செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?
செப்டம்பர் காலாண்டு முடிவுகள் எப்படி?

 கலைச்சொற்கள்!

 பட்டியலிடப்பட்ட நிறுவனங்களின் காலாண்டு முடிவுகளை சட்டெனப் புரிந்துகொள்ள இங்கே முக்கிய கலைச்சொற்களுக்கான அர்த்தத்தைத் தந்திருக்கிறோம்.

 முக மதிப்பு! (Face Value)

ஒரு நிறுவனப் பங்கின் முக மதிப்பு என்பது, பங்கின் மூலம் பங்கு மூலதனத்துக்குப் போய்ச் சேரும் நிதியைக் குறிப்பதாகும். இந்த மதிப்புக்குதான் டிவிடெண்ட் வழங்கப்படுகிறது. இந்த முக மதிப்பு 1, 2, 5, 10 ரூபாய் என்பதுபோல் இருக்கும்.

செயல்பாட்டு லாப வரம்பு! (Operating Profit Margin)

நிறுவனத்துக்கு இருக்கும் வழக்கமான செலவுகளான மூலப்பொருட்கள் விலை, பணியாளர் சம்பளம், வரிகள் மற்றும் தேய்மானத்துக்கு முந்தைய செலவு போன்றவற்றை அதன் விற்பனை வருமானத்திலிருந்து கழித்தபின் கிடைக்கும் லாபம் செயல்பாட்டு லாபம். இது விற்பனை வருமானத்தில் எத்தனை சதவிகிதம் என்பதே செயல்பாட்டு லாப வரம்பு.

செப்டம்பர் காலாண்டு முடிவுகள் எப்படி?

மார்க்கெட் கேப்பிட்டலைசேஷன்! (Market Capitalization)

ஒரு நிறுவனத்தின் அங்கீகரிக்கப்பட்ட மற்றும் வெளியிடப்பட்ட மற்றும் முதலீட்டாளர்கள் வசம் உள்ள மொத்தப் பங்குகளின் சந்தை மதிப்பு மார்க்கெட் கேப்பிட்டலைசேஷன். ஒரு நிறுவனம் எந்த அளவுக்குப் பெரியது என்பதை இது குறிப்பிடும்.

புத்தக மதிப்பு! (Book Value)

ஒரு நிறுவனத்தின் மொத்தச் சொத்து மதிப்பிலிருந்து அதன் அனைத்து கடன்களைக் கழித்தால் கிடைக்கும் மதிப்புதான் புத்தக மதிப்பு. சுருக்கமாகச் சொல்வது என்றால், ஒரு நிறுவனத்தை விற்றால் என்ன தொகைக் கிடைக்குமோ, அதுதான் அந்த கம்பெனியின் புத்தக மதிப்பு.

இ.பி.எஸ்.! (Earning per share)

ஒரு நிறுவனப் பங்கு சம்பாதித்து தரும் லாபமே இ.பி.எஸ். எனப்படுகிறது. குறிப்பிட்ட காலத்தில் (காலாண்டு, அரையாண்டு, ஓராண்டு என்பதுபோல்) ஒரு பங்கின் மூலம் எவ்வளவு வருமானம் கிடைத்திருக்கிறது என்பதைக் குறிப்பது இது.

நிறுவனத்தின் நிகர லாபத்தை, அதன் மொத்தப் பங்குகளின் எண்ணிக்கையால் வகுத்தால் இது கிடைக்கும். இ.பி.எஸ். அதிகமாக இருக்கும் பங்குகளை வாங்கினால் அதிக லாபம் கிடைக்க வாய்ப்புண்டு.  

பி/இ விகிதம்! (Price to Earnings Ratio)

ஒரு நிறுவனப் பங்கின் சந்தை விலைக்கும், அந்தப் பங்கின் இ.பி.எஸ்-க்கும் உள்ள விகிதம்தான் பி/இ விகிதம். இந்த விகிதம் குறைவாக இருக்கும் பங்குகளை வாங்கினால் கூடுதல் லாபம் கிடைக்க வாய்ப்பு இருக்கிறது.

பி/பி.வி.! (Price to book Value)

நிறுவனப் பங்கின் விலைக்கும் புத்தக மதிப்புக்கும் உள்ள விகிதம் இது. அதாவது, பங்கின் சந்தை விலையை, அந்தப் பங்கின் புத்தக மதிப்பால் வகுக்கக் கிடைப்பது. இந்த விகிதம் குறைவாக இருந்தால் கூடுதல் லாபம் கிடைக்க வாய்ப்பு உண்டு.  

- சி.சரவணன்.

செப்டம்பர் காலாண்டு முடிவுகள் எப்படி?