Published:Updated:

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

##~##

சிறப்பான நிர்வாகம், வலிமையான பிசினஸ் கொண்ட நல்ல நிறுவனங்களின் பங்குகளைத் தேர்ந்தெடுத்து முதலீடு செய்தால், நல்ல வருமானத்தைப் பெற முடியும்.

வாழ்க்கையில் ஏற்றஇறக்கம் சாதாரணம் என்பதுபோல், முதலீட்டிலும் ஏற்றஇறக்கம் என்பது சாதாரணம். இதை ஒரு முதலீட்டாளர் புரிந்து கொண்டால் முதலீட்டின் மூலம் நல்ல லாபத்தை அறுவடை செய்ய முடியும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

2014-ம் ஆண்டுக்கான முதலீட்டு உத்திகளைப் பற்றி பார்க்கும்முன், முதலீடுகள் குறித்த பொதுவான பயனுள்ள விஷயங்களைத் தெரிந்துகொண்டால், நம் முதலீடு மேலும் சிறக்க அதிக வாய்ப்புகள் உள்ளன.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

முதலீட்டு உத்திகள்!

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

• ரியல் எஸ்டேட், கடன் சார்ந்த திட்டங்கள்,  தங்கம் மற்றும் பங்குச் சந்தை போன்ற அனைத்து சொத்துப் பிரிவுகளும் இயற்கையிலே சுழற்சி முறையைக் கொண்டிருக்கின்றன. ஒரு குறிப்பிட்ட காலத்தில் ரியல் எஸ்டேட் நன்கு செயல்படும்; ஒரு குறிப்பிட்ட காலத்தில் பங்குச் சந்தை சிறப்பாகச் செயல்படும். ஆனால், இந்தக் காலகட்டத்தைக் கணிப்பது அவ்வளவு சுலபமல்ல. இந்தக் காலகட்டம் சில சமயம் ஓராண்டாகவோ, பல சமயம், 4-5 ஆண்டுகளாகவோ இருக்கும்.  

• முதலீட்டைப் பிரித்து செய்வது என்பது மிக முக்கியமான விஷயம். இது ஒருவரின் ரிஸ்க் எடுக்கும் திறனைப் பொறுத்து அமைவது அவசியம். அதேநேரத்தில், சரியான அசெட் அலகேஷனுக்கு எளிய ஃபார்முலா எதுவும் கிடையாது.

• ஒரே வயது, வருமானம், சொத்து கொண்ட இரு முதலீட்டாளர்களை எடுத்துக்கொண்டால், அவர்களின் ரிஸ்க் எடுக்கும் திறன் மற்றும் தேவையைப் பொறுத்து அவர்களின் அசெட் அலகேஷன் மாறுபடும்.

• முதலீட்டின் மதிப்பு குறைந்தால், பதற்றப்படாமல் இருப்பது மிக அவசியம். பங்கு முதலீட்டில்,  மூலதனம் 30% அளவுக்கு குறைந்தாலும் அதனை ஜீரணித்துக்கொள்ளும் குணம் ஒரு முதலீட்டாளருக்கு இருக்கவேண்டும். அப்படி இல்லை என்றால், முதலீட்டாளரின் ஆலோசகர் எவ்வளவு திறமையானவராக இருந்தாலும், அந்த முதலீட்டாளர் பங்கு முதலீட்டை தவிர்ப்பது நல்லது.

• முதலீட்டை விற்று உடனடியாக பணமாக்குவது என்பது மிக முக்கியம். அந்தவகையில் அடுத்த மூன்றாண்டுகளுக்கு ரியல் எஸ்டேட் முதலீட்டை தவிர்ப்பது நல்லது.

• உங்களின் ஓய்வுக்காலத் தேவையை ஈடுகட்டும் விதமாக உங்களின் கடன் சார்ந்த முதலீடுகள் மீதான வருமானம் (பணவீக்கம் மற்றும் வரிக்குப் பிந்தைய நிலையில்) இல்லை என்றால் அந்தக் கடன் சார்ந்த முதலீடுகளைத் தவிர்ப்பது நல்லது.

• முதலீட்டை பொறுத்தவரையில், கடந்த காலத்தில் கிடைத்த வருமானம் அல்லது இப்போது கிடைக்கும் வருமானம் எதிர்காலத்திலும் கிடைக்கும் என்பதற்கு எந்த உத்தரவாதமும் கிடையாது. மேலும், இன்றைய தேதியில் கடந்த கால செயல்பாட்டின் அடிப்படையில் முதலீட்டை மேற்கொள்வது லாபகரமாக இருக்க வாய்ப்பில்லை. நாம் ஏற்கெனவே குறிப்பிட்டதுபோல், ஒவ்வொரு முதலீடும் ஒரு சுழற்சியைக் கொண்டது.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

அண்மையில் சந்தை மிகவும் இறங்கி, மீண்டும் வேகமாக ஏறியிருந்தால் வருமானம் அதிகம் கிடைத்திருப்பதுபோல் காட்டும். இந்த நிலையில், இப்போது நீங்கள் முதலீடு செய்தால் அதிக லாபம் பார்க்க முடியாது. அந்த வகையில் சுழற்சி இறக்கத்தில் இருக்கும்போது முதலீடு செய்வது புத்திசாலித்தனம். சுமார் 80% முதலீட்டாளர்கள், கடந்த கால செயல்பாட்டை பார்த்துக் கண்ணை மூடிக்கொண்டு முதலீடு செய்து இழப்பைச் சந்திக்கிறார்கள்.

ரியல் எஸ்டேட், தங்கம், கடன் சந்தை, பங்குச் சந்தை ஆகியவற்றில் நம் முதலீடு எப்படி இருக்கும் என்பதை இனி அலசுவோம். முதலில், பங்குச் சந்தை முதலீடு பற்றி பார்ப்போம்.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!
கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

2014: பங்குச் சந்தை முதலீடு!

இந்திய பங்குச் சந்தையின் வருமானத்தைக் குறியீடுகளின் அடிப்படையில் பார்க்கும்போது, கடந்த மூன்று மற்றும் ஐந்தாண்டுகளில் வருமானம் எதையும் அளிக்கவில்லை. அதாவது, குறியீட்டின் புள்ளிகளில் ஏற்றம் எதுவும் இல்லை. அதுவே, கடந்த 35 ஆண்டுகளை எடுத்துக்கொண்டால், சென்செக்ஸ் ஆண்டுக்கு சராசரியாக 17% வருமானத்தை அளித்திருக்கிறது. அதாவது, 35 ஆண்டுகளுக்கு முன்பு பங்குச் சந்தையில் 100 ரூபாய் முதலீடு செய்திருந்தால் அது இன்றைக்கு ரூ.21,000-ஆக அதிகரித்திருக்கும்.

சென்செக்ஸ் முதல்முறையாக 2007, டிசம்பர் 11-ம் தேதி 20000 புள்ளிகளைத் தாண்டியது. அதன்பின் இறங்கிய சந்தை இதே புள்ளிகளுக்கு 2013 ஜூலை 15-ம் தேதிதான் வந்தது. இந்த ஐந்தரை ஆண்டு காலத்தில் ஏற்றஇறக்கம் இருந்தாலும், மொத்தத்தில் ஏற்றம் எதுவும் இல்லை. அதேநேரத்தில், சென்செக்ஸ் புள்ளிகள் கணக்கிட எடுத்துக்கொள்ளப்படும் 30 நிறுவனப் பங்குகள் பலவற்றின் வருமானம் அமோகமாக இருக்கிறது. ஐந்து பங்குகள் 100%-க்கு மேல் வருமானம் தந்து அசத்தி இருக்கின்றன.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!
கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

இதே காலகட்டத்தில் ஐடிசி நிறுவனப் பங்கு சுமார் 275% வருமானம் தந்திருக்கிறது. இதேபோல், டிசிஎஸ் (216%), ஹிந்துஸ்தான் யுனிலீவர் (192%), எம் அண்டு எம் (137%), சிப்லா (109%)  அதிக லாபத்தைத் தந்துள்ளன. அதேநேரத்தில், 10 பங்குகளின் விலை சுமார் 35 முதல் 80% வரை வீழ்ச்சிகண்டிருக்கின்றன.

குறிப்பிட்ட சில பங்குகளின் விலை அதிகரித்தும், சில பங்குகளின் விலை குறைந்தும் காணப்பட்டது என்பதை ரத்தினச் சுருக்கமாக சொல்லவேண்டுமெனில், வருமான வளர்ச்சி கண்ட நிறுவனங்களின் பங்குகள் விலை அதிகரித்துள்ளதை நாம் கவனிக்க முடியும். இதேபோல், வருமானம் குறைந்துபோன நிறுவனங்களின் பங்குகள் விலை வீழ்ச்சிகண்டுள்ளதை நாம் பார்க்க முடிகிறது.

இதிலிருந்து நாம் ஒரு விஷயத்தைத் தெரிந்துகொள்ள முடியும். அதாவது, ஆண்டுக்கு நிகர லாபம் 20% அதிகரிக்கக்கூடிய நிறுவனத்தின் பங்கில் முதலீடு செய்தால், அடுத்த 5 / 10 / 15 ஆண்டுகளில், சந்தையின் எதிர்காலம் எப்படி இருந்தாலும் இந்தப் பங்கு முதலீட்டின் மூலம் ஆண்டுக்கு சுமார் 20% வருமானத்தை முதலீட்டாளர் பெற முடியும்.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

ஆண்டுக்கு 20% வருமானம் என்பது உலகின் முன்னணி முதலீட்டு குருவான வாரன் பஃபெட் பெறும் வருமானமாக இருக்கிறது. கடந்த 40 ஆண்டுகளில் அவர் பங்கு முதலீட்டின் மூலம் ஆண்டுக்கு சுமார் 20% வருமானம் பெற்றுள்ளார். அதேநேரத்தில், அவருடைய வருமானம் ஏற்றஇறக்க சந்தையில் சில வருடங்கள் - 10-40% ஏற்றஇறக்கத்துடன் இருந்துள்ளது.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

ரூ.1 லட்சம் முதலீடு செய்து, அதற்கு ஆண்டுக்கு 20% வருமானம் கிடைத்தால், 40 ஆண்டுகளில் ரூ.15 கோடியாக அதிகரித்திருக்கும். இதுவே, 15% என்றால் ரூ.2.5 கோடி, 10%  என்றால் ரூ.45 லட்சமாக அதிகரித்திருக்கும். பவர் ஆஃப் காம்பவுன்டிங்படி, நீண்டகாலத்தில் முதலீடு என்பது மிக அதிகமாகப் பெருகி இருக்கும்.

நீண்டகாலத்தில் பங்குச் சந்தையின் செயல்பாடு, நிறுவனங்களின் லாப அதிகரிப்பைப் பொறுத்தே அமைகிறது. அந்தவகையில், சந்தையின் கணிப்பு என்பது டெக்னிக்கல் சார்ந்த விஷயங்களான எஃப்ஐஐ முதலீடு, அரசியல் நிகழ்வுகள், தேர்தல், அரசு நடவடிக்கைகள், குறுகியகால வட்டி விகித மாற்றங்கள், உலகச் சந்தை நிலவரங்களைக் கொண்டு அமையாமல், நிறுவனத்தின் செயல்பாடு, அது சார்ந்த துறையின் செயல்பாடு, பொதுவான பொருளாதார நிலை ஆகியவற்றை பொறுத்தே அமையவேண்டும்.

மேலும், நீங்கள் நீண்டகால மற்றும் பொறுமையான முதலீட்டாளர்கள் என்கிறபட்சத்தில் வலிமையான நிர்வாகம் கொண்ட, நீண்டகாலம் தொழிலை சிறப்பாக நடத்திவரும் பல நிறுவனங்களின் பங்குகளில் கலவையாக முதலீட்டை மேற்கொள்ளலாம். பெரும்பாலான முதலீட்டாளர்கள் சந்தையின் வருமானத்தைவிட அதிக வருமானம் ஈட்ட,  டைமிங் தி மார்க்கெட்,  தனிப்பட்ட துறைகள்,  தனிப்பட்ட நிறுவனங்களின் பங்குகளில் முதலீடு, வர்த்தகம் செய்து முதலீட்டையே இழக்கிறார்கள். இந்த இழப்பும் நீண்ட கால  முதலீட்டாளர்களின் லாபமாக மாறுகிறது.

சென்செக்ஸ் புள்ளிகள் அதன் பழைய உச்சத்துக்கு மீண்டும் வந்துவிட்டது. லார்ஜ் கேப் பங்குகளில் பல அவற்றின் பழைய விலைக்கு உயர்ந்துவிட்ட நிலையில், ஸ்மால் கேப் / மிட் கேப் பங்குகளின் விலை மேலே ஏறவில்லை. அனைத்து சந்தை சுழற்சியிலும், லார்ஜ் கேப் பங்குகளைவிட ஸ்மால் கேப் / மிட் கேப் பங்குகளின் விலையில் அதிக ஏற்றஇறக்கம் இருக்கும். எனவே, சென்செக்ஸ் புள்ளிகள் உயர ஆரம்பித்தால் முதலீட்டாளர்களின் கவனம் சந்தையில் திரும்ப வரும்போது ஸ்மால் கேப் / மிட் கேப் பங்குகளின் விலை அதிகரிக்க ஆரம்பித்துவிடும். ஏனென்றால், பல சிறு முதலீட்டாளர்கள்  கடந்த சில ஆண்டுகளாக அதிகம் விற்றது, இந்த ஸ்மால் கேப் மற்றும் மிட் கேப் பங்குகளைத்தான். காளைச் சந்தையில் சென்செக்ஸைவிட ஸ்மால் கேப் / மிட் கேப் பங்குகளின் விலை அதிகரிப்பு அதிகமாக இருக்கும்.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

பங்குச் சந்தை எதிர்பார்ப்பு!

சென்செக்ஸ் புள்ளிகள் புதிய உச்சத்தில் இருந்தாலும், அது ஏறக்குறைய  2007-ம் ஆண்டு நிலையிலேயே இருக்கிறது. சென்செக்ஸில் இடம் பெற்றிருக்கும் 30 நிறுவனங்களை ஒரே ஒரு நிறுவனமாக எடுத்துக்கொண்டால், ரூ.800 வருமானம் கொண்ட இதன் சந்தை மதிப்பு ரூ.20,000-ஆக உள்ளது.  இப்போது வருமானம் படிப்படியாக அதிகரித்து, ரூ.1,300-ஆக உள்ளது. வரும் ஆண்டுகளில் இந்த உயர்வு இன்னும் அதிகமாக இருக்கும். கடந்த ஆறு ஆண்டுகளின் வருமானம் 60%, விற்பனை இருமடங்கு, புத்தக மதிப்பு 80 சதவிகித வளர்ச்சி கண்டிருக்கிறது. ஆனால், சந்தை மதிப்பு அதே ரூ. 20,000 நிலையில் இருக்கிறது.

கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!
கைகொடுக்கும் 2014 லாபகரமாக சொத்து சேர்க்க சூப்பர் ஃபார்முலா!

சென்செக்ஸ் வர்த்தகச் சுழற்சியை எடுத்துக்கொண்டால், முந்தைய மூன்றாண்டுகளில் வருமானம் எதுவும் இல்லை அல்லது நெகட்டிவ் வருமானம் என்கிறபோது அடுத்துவரும் மூன்றாண்டுகளுக்கு ஆண்டுக்கு சுமார் 22% வருமானம் தந்துள்ளது. அந்த வகையில் வருகிற மூன்றாண்டுகளில் சென்செக்ஸ் ஆண்டுக்கு சுமார் 22% வருமானத்தைத் தந்தால், அது இதர அனைத்து முதலீடுகளையும்விட அதிக வருமானமாக இருக்கும்.

சிறப்பான நிர்வாகம், வலிமையான பிசினஸ் கொண்ட நல்ல நிறுவனங்களின் பங்குகளைத் தேர்ந்தெடுத்து முதலீடு செய்தால், வரும் சந்தைச் சுழற்சியில் நீண்டகால பேசிவ் முதலீட்டாளர்கள் நல்ல வருமானத்தைப் பெற முடியும்.  

அடுத்த வாரத்தில் தங்கம், கடன் சந்தை, ரியல் எஸ்டேட் முதலீடுகளைப் பற்றி சொல்கிறேன்.    

தொகுப்பு: சி.சரவணன்,

படம்: வீ.நாகமணி.

ஆண்டுக்கு நிகர லாபம் 20% அதிகரிக்கக்கூடிய நிறுவனத்தின் பங்கில் முதலீடு செய்தால், அடுத்த 5 / 10 / 15 ஆண்டுகளில், சந்தையின் எதிர்காலம் எப்படி இருந்தாலும் இந்தப் பங்கு முதலீட்டின் மூலம் ஆண்டுக்கு சுமார் 20% வருமானத்தை முதலீட்டாளர் பெற முடியும்.