Published:Updated:

கமாடிட்டி! (மெட்டல் - ஆயில்)

சே.புகழரசி

கமாடிட்டி! (மெட்டல் - ஆயில்)

சே.புகழரசி

Published:Updated:

 தங்கம்!

அமெரிக்கப் பொருளாதாரம் சற்று வளர்ச்சியடைந்து வருவதையடுத்து, ஃபெடரல் ரிசவ் வங்கி மாதாமாதம் வாங்கும் கடன் பத்திர அளவை 10 பில்லியன் டாலர் குறைத்து 55 பில்லியன் டாலராக ஆக்கியுள்ளது. 2015-ல் வட்டி விகிதம் அதிகரிக்கப் படலாம் என்றும் ஃபெடரல் வங்கியின் தலைவர் ஜேனட் யெலன் கூறியுள்ளார். இதனால் தங்கத்தின் விலை கடந்த சில தினங்களாகக் குறைந்தே காணப்பட்டது.

இரண்டாவது பெரிய பொருளாதார நாடான சீனாவில் தங்கத்தின் தேவை தற்போது மங்கலாகவே காணப்பட்டது. ஃபெடரல் ரிசர்வ் பேங்க் ஆஃப் பிலடெல்பியா, உற்பத்தி குறியீடு 9.0 புள்ளிகளாக இருக்கலாம் என்று எதிர்பார்க்கப்படுகிறது. இது கடந்த பிப்ரவரி மாதத்தில் 6.3 புள்ளிகளாக இருந்தது. இதையடுத்து வரும் வாரத்தில் தங்கத்தின் விலை குறைய வாய்ப்புகள் அதிகம்.

ஒட்டுமொத்த விகடனுக்கும் ஒரே ஷார்ட்கட்!

சர்வதேச சந்தையில் தங்கத்தின் விலை அதிகரித்தாலும், இந்திய கமாடிட்டி வர்த்தகத்தில் தங்கத்தின் விலை ரூபாயின் மதிப்பைப் பொறுத்தே வர்த்தகமாவதால், இந்திய ரூபாயின் மதிப்பைப் பொறுத்தே இருக்கலாம்.

கமாடிட்டி! (மெட்டல் - ஆயில்)

வெள்ளி!

அமெரிக்க டாலரின் மதிப்பு அதிகரித்து வருவதையடுத்து, வெள்ளியின் விலை குறையவே வாய்ப்புகள் அதிகம். மேலும், சீனாவில் நிலவிவரும் பொருளாதார மந்தநிலை காரணமாக வெள்ளியின் பயன்பாடு குறையவே வாய்ப்பு இருப்பதால்,  வரும் வாரத்தில் வெள்ளியின் விலை குறையவே வாய்ப்பு அதிகம்.

கமாடிட்டி! (மெட்டல் - ஆயில்)

அடிப்படை உலோகங்கள்!

காப்பர்: காப்பரை அதிகளவு பயன்படுத்தும் சீனாவில் தொடர்ந்து பொருளாதார நிலை மந்தமாக இருந்து வருவதையடுத்து, சீனாவில் காப்பரின் தேவை குறையலாம் என்றும் எதிர்பார்க்கப்படுகிறது. மேலும், அமெரிக்க பொருளாதாரம் வளர்ச்சியடைந்து வருவதையடுத்து, வட்டி விகிதத்தில் மாற்றம் வரலாம் என்கிற எண்ணம் வர்த்தகர்கள் மத்தியில் எழுந்திருக்கிறது. இதன் எதிரொலி காப்பர் தேவையில் பிரதிபலிக்கும்  என்று எதிர்பார்க்கப்படுகிறது.

நிக்கல்: லண்டன் மெட்டல் எக்ஸ்சேஞ்ச்-ல் நிக்கல் இருப்பு தொடர்ந்து அதிகமாகவே இருந்து வருகிறது. தற்போது நிக்கல் கையிருப்பு 12,138 டன் அதிகரித்துள்ளது. மொத்த இருப்பில் இது சுமார் 4% ஆகும்.  சர்வதேச அளவில் சுரங்கங்களின் மூலம் வெட்டியெடுக்கப்படும் நிக்கல் உற்பத்தியில் ஆசியா முக்கியப் பங்கு வகிக்கிறது. இதன் மூலமான நிக்கல் உற்பத்தி 9.7% அதிகரித்திருக்கிறது.

கமாடிட்டி! (மெட்டல் - ஆயில்)

ஜிங்க்: சர்வதேச சந்தையில் எந்தவித மாற்றமும் இல்லாத நிலையில், ஜிங்கின் இருப்பு குறைவாக உள்ளது. அதேசமயம் தேவை அதிகரித்துள்ளது. சர்வதேச அளவில் சுரங்கங்களில் சப்ளை, கடந்த இரு ஆண்டுகளில் இல்லாத அளவு குறைந்துள்ளது. இதனால் வரும் வாரத்தில் அதிக விலை இறக்கம் தடுக்கப்படலாம்.

கச்சா எண்ணெய்!

அமெரிக்க ஃபெடரல் வங்கி ஒவ்வொரு மாதமும் வாங்கும் கடன் பத்திர அளவு குறைத்துள்ளதையடுத்து கடந்த வாரம் கச்சா எண்ணெய் விலை குறைந்தே வர்த்தகமானது. மேலும், ரஷ்யா மற்றும் உக்ரைன் இடையே நிலவி வரும் பதற்றத்தின் எதிரொலி கச்சா எண்ணெய் விலையில் காணப்படும்.

கமாடிட்டி! (மெட்டல் - ஆயில்)

சர்வதேச சந்தையில் விலை எப்படி இருப்பினும், இந்திய கமாடிட்டி வர்த்தகத்தில் ரூபாயின் மதிப்பு அதிகரிக்கும் பட்சத்தில் கச்சா எண்ணெய் விலை குறைய வாய்ப்புகள் அதிகம்.

கமாடிட்டி! (மெட்டல் - ஆயில்)

இயற்கை எரிவாயு!

இயற்கை எரிவாயுவை அதிகளவு உபயோகப்படுத்தும் அமெரிக்காவில் தட்பவெட்ப நிலையில் மாற்றம் ஏற்பட்டு வருவதால் வீடுகள் மற்றும் அலுவலகங்களில் வெப்பநிலையைச் சமன்படுத்த உதவும் இயற்கை எரிவாயுவின் தேவை குறைந்துள்ளது.

இதையடுத்து வரும் வாரத்தில் இயற்கை எரிவாயு விலை குறைய வாய்ப்புகள் அதிகம்.

கமாடிட்டி! (மெட்டல் - ஆயில்)
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism