Published:Updated:

கமாடிட்டி! (மெட்டல் - ஆயில்)

சே.புகழரசி

 கச்சா எண்ணெய்!

'கச்சா எண்ணெய் விலை, 2013-ல் அதிகளவு ஏற்ற இறக்கத்துடன் காணப்பட்டது. குறிப்பாக, எம்.சி.எக்ஸ்-ல் ரூ.5,136-லிருந்து ரூ.7,784 வரை அதிகரித்தது. பின்னர் ரூ.5,752 ஆகச் சரிந்தது. இதுவே, 2014-ம் ஆண்டுத் தொடக்கத்தில் ரூ.5,640-லிருந்து ரூ.6,549 வரை அதிகரித்தது. இது தற்போது சுமார் ரூ.6,100 லெவலில் வர்த்தகமாகி வருகிறது. கடந்த வாரம் அதிகளவு ஏற்ற இறக்கத்துடனே காணப்பட்டது.  

லிபியாவில் கலவரக்காரர்களால் தடைபட்டுள்ள எண்ணெய் ஏற்றுமதி திரும்பவும் தொடங்கலாம் என்று எதிர்பார்க்கப்படுகிறது. இதனால் சர்வதேச அளவில் சப்ளை அதிகரிக்கும்.  இது, வரும் வாரத்தில் கச்சா எண்ணெய் விலையில் எதிரொலிக்கலாம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

மேலும், இந்த எதிர்ப்பாளர்களுக்கும் அரசாங்கத்துக்கும் இடையே நிலவிவந்த பிரச்னை இன்னும் சில நாட்களில் முடிவுக்கு வரலாம் என்று எதிர்பார்க்கப்படுகிறது. ஆக, இன்னும் சில நாட்களில் லிபியா துறைமுகத்திலிருந்து கச்சா எண்ணெய் சப்ளை அதிகரிக்கலாம். இதனை முதலீட்டாளர்கள் நினைவில்கொண்டு வர்த்தகம் செய்வது நல்லது.

கமாடிட்டி! (மெட்டல் - ஆயில்)

அமெரிக்காவில் கடந்த வியாழக்கிழமையன்று வெளியான உற்பத்தி அல்லாத பர்ச்சேஸிங் மேனேஜர் இண்டெக்ஸ் மார்ச் மாதத்தில் 53.1 புள்ளிகளாக அதிகரித்துள்ளது. இது, பிப்ரவரி மாதத்தில் 51.6 புள்ளிகளாக இருந்தது. ஆனால், மார்ச் மாதத்தில் எதிர்பார்த்ததோ 53.5 புள்ளிகள்தான்.

டெக்னிக்கல்படி, கச்சா எண்ணெய் சப்போர்ட் லெவல் ரூ.6,.030 - 5,930. ரெசிஸ்டன்ஸ் லெவல் ரூ.6,150. வார இறுதியில் வர்த்தகம் ரூ.6,150-க்கு மேல் முடிவடையும்பட்சத்தில் அடுத்த ரெசிஸ்டன்ஸ் லெவல் ரூ.6,230 - 6,280 - 6,350.

பரிந்துரை: ரூ.5,980 - 6,020 லெவலில் வாங்கலாம். கட்டாய ஸ்டாப்லாஸ்- ரூ.5,930. இலக்குவிலை- ரூ. 6,150.'

தங்கம்!

கமாடிட்டி! (மெட்டல் - ஆயில்)

கடந்த சில வாரங்களாகத் தொடர் இறக்கத்தையே கண்டுவந்த தங்கத்தின் விலை, கடந்த வாரமும் அமெரிக்கப் பொருளாதாரம் வளர்ச்சியடைந்து வருவதையடுத்து, மேலும் விலை வீழ்ச்சியைக் கண்டுவருகிறது. எனினும் அதிகளவு விலையிறக்கத்தால் குறைந்த விலையில் ஆபரணத் தங்கத்தை வாங்குவது அதிகரிக்கலாம். இதனால் அதிக விலையிறக்கம் தடுக்கப்படலாம்.

மேலும், இந்தியாவில் தங்கத்தின் பிரீமியம் குறையலாம் என்றும் எதிர்பார்க்கப்படுகிறது. தற்போதைய லெவலில் இருந்து அவுன்ஸுக்கு 30 டாலர் குறையலாம் என்றும், பின்னர் தங்கம் இறக்குமதி மீதான கட்டுப்பாடுகள் தளர்த்தப்படலாம் என்றும் எதிர்பார்க்கப்படுகிறது.

கடந்த வெள்ளிக்கிழமை அமெரிக்காவில் வெளியான விவசாயம் அல்லாத வேலைவாய்ப்பு குறித்த விவரங்கள் தங்கத்தின் விலையில் சிறிய ஏற்றத்தை ஏற்படுத்தின. வரும் வாரத்தில் இந்திய ரூபாயின் மதிப்பைப் பொறுத்து விலையில் மாற்றம் இருக்கும்.

வெள்ளி!

தங்கத்தின் விலை குறையும்போது வெள்ளியின் விலையும் குறையவே வாய்ப்பு அதிகம். இதை எதிர்பார்த்து முதலீட்டாளர்கள் வெள்ளியை விற்று வருகின்றனர். இதையடுத்து இதன்  விலை குறைய வாய்ப்பு அதிகம்.

கமாடிட்டி! (மெட்டல் - ஆயில்)

அடிப்படை உலோகங்கள்!

ஐரோப்பாவின் சில்லறை வர்த்தகம் குறித்த குறியீடுகள் அடிப்படை உலோகங்களுக்குச் சாதகமாக வெளியானதும், லண்டன் மெட்டல் எக்ஸ்சேஞ்சில் கையிருப்பும் குறைவாக இருந்ததையடுத்து கடந்த வாரம் அடிப்படை உலோகங்களின் விலை சற்று அதிகரித்தே வர்த்தகமானது.

கடந்த வெள்ளிக்கிழமையன்று வெளியான  அமெரிக்காவின் விவசாயம் அல்லாத வேலைவாய்ப்பு குறித்த குறியீடு எதிர்பார்த்த அளவுக்கு இல்லாததால் அதிக விலையேற்றம் தடுக்கப்படலாம்.

இந்திய கமாடிட்டி வர்த்தகத்தில் ரூபாயின் மதிப்பு குறையும்பட்சத்தில் அடிப்படை உலோகங்கள் விலை அதிகரிக்கலாம்.

கமாடிட்டி! (மெட்டல் - ஆயில்)

காப்பர்: லண்டன் மெட்டல் எக்ஸ்சேஞ்சில் காப்பர் இருப்பு 0.5% குறைந்து 2,60,100 டன்களாகக் குறைந்ததும், ஐரோப்பாவின் சில்லறை வர்த்தகம் குறித்த குறியீடு சாதகமாக இருந்ததும் அதிகளவு விலையிறக்கம் தடுக்கப்பட்டது.

அதேசமயம், ஜெர்மனி மற்றும் லண்டனிலிருந்து வரும் பேக்டரி ஆர்டர்கள் குறையலாம் என்றும் தெரி கிறது. ஆக, வரும் வாரத்தில் காப்பரின் அதிக விலையேற்றம் தடுக்கப்படும். ரூபாயின் மாற்றமும் காப்பரின் விலையில் எதிரொலிக்கலாம்.

நிக்கல்: சர்வதேச சந்தையில் நிக்கல் விலை கடந்த மாதத்தில் மட்டும் சுமார் 8% அதிகரித்துள்ளது. மார்ச்சுடன் முடிவடைந்த காலாண்டில் நிக்கல் அதிகளவு லாபத்தைக் கொடுத்துள்ளது. சுமார் 15% லாபத்தைக் கொடுத்துள்ளது.

நிக்கல் விலை இந்த ஆண்டில் அதிகரிக்கலாம் என்றே எதிர்பார்க்கப்படுகிறது. காரணம், இந்தோனேஷியா ஏற்றுமதியைத் தடை செய்ததே. மேலும், ரஷ்யா - உக்ரைன் இடையே நிலவிவரும் பிரச்னையால், ரஷ்யா நிக்கல் சப்ளையைத் தடை செய்யலாம் என்ற அச்சம் நிலவி வருகிறது. இது நிக்கல் விலையில் பிரதிபலிக்கலாம். வரும் வாரத்தில் நிக்கல் விலை அதிகரிக்க வாய்ப்புகள் அதிகம்.

இயற்கை எரிவாயு!

கடந்த வியாழக்கிழமையன்று வெளியான இயற்கை எரிவாயு தேவை குறியீட்டின்படி, இயற்கை எரிவாயு இருப்பு எதிர்பார்க்கப்பட்டதைவிடக் குறைந்ததால் விலை சற்று அதிகரித்து வர்த்தகமானது.

அமெரிக்காவில் தற்போது ஆரம்பமாகியுள்ள வசந்தகாலத்தையடுத்து வெப்பநிலையைச் சமன்படுத்த உதவும் இயற்கை எரிவாயு தேவையும் குறைந்துள்ளது. இதனால் வரும் வாரத்தில் இயற்கை எரிவாயு விலை குறைய வாய்ப்புகள் அதிகம்.

கமாடிட்டி! (மெட்டல் - ஆயில்)