Published:Updated:

கம்பெனி ஸ்கேன் : ரேமண்ட் லிமிடெட்!

கம்பெனி ஸ்கேன் : ரேமண்ட் லிமிடெட்!

கம்பெனி ஸ்கேன் : ரேமண்ட் லிமிடெட்!

கம்பெனி ஸ்கேன் : ரேமண்ட் லிமிடெட்!

Published:Updated:

இந்த வாரம் நாம் ஸ்கேன் செய்யப்போகும் நிறுவனம் ரேமண்ட் லிமிடெட். ஏறக்குறைய அனைவருக்குமே பரிச்சயமானது இந்த நிறுவனத்தின் தயாரிப்புகள் எனலாம்.

1925-ம் ஆண்டு தானேயில் தி ரேமண்ட் வுல்லன் மில் என்ற பெயரில் ஆரம்பிக்கப்பட்டது இந்த நிறுவனம். 1944-ல் லாலா கைலாஷ்பட் சிங்கானியா இந்த மில்லை வாங்கினார்.

ஆரம்ப காலத்தில் தேவைகளுக்கு ஏற்ற விலையில் வுல்லன் போர்வைகள், வுல்லன் ஃபேப்ரிக்குகளைத் தயாரித்து வந்தது இந்த நிறுவனம். 1950-ம் ஆண்டு நவீன ரக இன்ஜினீயரிங் டூல்கள் தயாரிப்புக்காக ஒரு தொழிற்சாலையை அமைத்தது இந்த நிறுவனம். இன்று உலகளாவிய அளவில் இந்த ஃபைல் மற்றும் டூல் தொழிற்சாலை மிகப் பெரியதாகத் திகழ்கின்றது.

ஒட்டுமொத்த விகடனுக்கும் ஒரே ஷார்ட்கட்!

1968-ம் ஆண்டு ஆயத்த ஆடை தயாரிப்பினைத் துவக்கிய இந்த நிறுவனம், தற்சமயம் ஆயத்த ஆடை உலகில் ஒரு முக்கியமான நிறுவனமாகத் திகழ்கிறது.  சிங்கானியா  குடும்பத்தினரால் தற்சமயம் நடத்தப்பட்டு வருகிறது இந்த நிறுவனம்.

கம்பெனி ஸ்கேன் : ரேமண்ட் லிமிடெட்!

 தொழில் எப்படி?

ஜவுளித்துறை இந்திய ஜிடிபி-ல் ஏறக்குறைய 5 சதவிகிதம் வரையிலான பங்களிப்பைச் செய்துவருகிறது. அதேபோல், இந்திய ஏற்றுமதியில் ஏறக்குறைய 17 சதவிகிதம் வரையிலான பங்களிப்பைத் தருகிறது. ஜவுளித்துறை ஏறக்குறைய 35 மில்லியன் வரையிலான தொழிலாளர்களைக் கொண்டிருக்கும் துறை  எனலாம்.

இந்தியா ஜவுளி ஏற்றுமதியில் நல்லதொரு இடத்தைத் தக்கவைத்துக் கொண்டிருக்கிறது. பொருளாதார வளர்ச்சிக்கு ஏற்ப ஜவுளி விற்பனையும் அதிகரிக்கவே செய்யும் எனலாம். பொருளாதார மந்தநிலை தொடர்ந்து இருந்த வேளையில் ஜவுளித் துறையின் பங்களிப்பு குறையவே செய்தாலும் எதிர்வரும் காலத்தில் பொருளாதார வளர்ச்சி நகர ஆரம்பிக்கும்போது இந்தத் துறை வளர்ச்சியைச் சந்திக்கும் என்பதில் சந்தேகம் ஏதுமில்லை.

கம்பெனி ஸ்கேன் : ரேமண்ட் லிமிடெட்!

ஜவுளித்துறை மட்டுமல்லாது ஆட்டோகாம்ப்போனென்ட் தயாரிப்பு போன்ற இன்ஜினீயரிங் துறை சிலவற்றிலும் ரேமண்ட்ஸ் கால் பதித்துள்ளது என்பது குறிப்பிடத்தக்க ஒரு விஷயமாகும். இந்தத் துறைகளிலும் வருமானம் பொருளாதார நிகழ்வுகளுக்கு ஏற்றாற்போலவே இருக்கும் வாய்ப்பு அதிகமாக இருக்கிறபடியால் தொழில்ரீதியாக சில கஷ்டநஷ்டங்கள் சேர்ந்தாற்போலவே இந்த நிறுவனத்துக்கு வருவதற்கான வாய்ப்புகள் இருக்கிறது.

 கம்பெனி எப்படி?

ஜவுளித்துறையில் இன்றைக்கு முழுக்க முழுக்க வெர்ட்டிக்கல் மற்றும் ஹரிசான்டல் இன்டெக்ரேஷனைக் கொண்ட நிறுவனமாக ரேமண்ட் நிறுவனம் திகழ்வது ஒரு தனிச்சிறப்பு. ஜவுளித்துறையில் ரேமண்ட், பார்க் அவென்யு, பார்க்ஸ், மேக்கர்ஸ் மற்றும் நாட்டிங் ஹில் போன்ற பிரபல பிராண்டு களைத் தன்வசத்தே கொண்டுள்ளது இந்த நிறுவனம். ஜவுளி உற்பத்தியும் அதை விற்பதற்குத் தேவையான ரேமண்ட் ஷாப் என்ற ஷோரூம்களையும் தன்வசத்தே கொண்டிருப்பது கூடுதல் வசதியளிப்பதாக உள்ளது எனலாம்.

ஜவுளித்துறையில் வொர்ஸ்ட்டட் சூட்டிங், ஆயத்த ஆடைகள், டெனிம், ஜீன்ஸ், ஷர்ட்டிங், ரெடிமேடு சட்டைகள், வுல்லன் கோட்டுகள் போன்றவற்றைத் தயாரித்து விற்பனை செய்துவருகிறது இந்த நிறுவனம். சூட்டிங் துணிவகைகளில் உலகின் மிகப் பெரிய வெர்ட்டிக்கல் மற்றும் ஹரிசான்டல் இன்டெக்ரேட்டட் உற்பத்தி வசதியைக் கொண்ட நிறுவனம் இது என்பது ஒரு தனிச்சிறப்பாகும். அதேபோல், ரீடெயில் ஷோரூமினுள் நுழைந்தால் ஓர் ஆணுக்குடைய ஜவுளி சம்பந்தப்பட்ட எல்லா தேவைகளையும் பூர்த்திசெய்யும் நிறுவனமாகத் திகழ்கின்றது இந்த நிறுவனம்.

கடைசியாக வாபி என்ற இடத்தில் நிறுவப்பட்ட தொழிற்சாலைக்குப் பின்னர் ஆண்டொன்றுக்கு 33  மில்லியன் மீட்டர் சூட்டிங் ஜவுளியைத் தயாரிக்க வல்லதாக மாறியுள்ளது இந்த நிறுவனம். அதேபோல், டெனிம் ஜவுளி வகையில் ஆண்டொன்றுக்கு ஏறக்குறைய 40 மில்லியன் மீட்டர் துணியை உற்பத்தி செய்யும் திறன் இந்த நிறுவனத்துக்கு உண்டு.

கம்பெனி ஸ்கேன் : ரேமண்ட் லிமிடெட்!

இதைத் தவிர்த்து மிகவும் மதிப்புக்கூட்டிய பருத்தித் துணிவகை களைத் தயாரிப்பதற்காக இத்தாலிய நிறுவனத்துடன் 50:50 கூட்டமைத்து ஒரு தொழிற்சாலையை நிறுவிவருகிறது. பெங்களூரில் மூன்று கார்மென்ட்  தொழிற்சாலைகளையும் நிறுவியுள்ளது ரேமண்ட் நிறுவனம். முழுமையான வார்ட்ரோப்தனை வழங்கும் முயற்சியாக பார்க் அவென்யு, மன்சோனி மற்றும் பார்க்ஸ் போன்ற பிராண்டுகளை வழங்கிவரும் ரேமண்ட் நிறுவனம் அதிக வாய்ப்புகள் இருக்கும் ஆயத்த ஆடைத் தொழிலான குழந்தைகள் ஆயத்த ஆடையில் ‘ஜேப்’ என்ற பிராண்டுடன் களமிறங்கியுள்ளது.

முழுமையாக ஆண்களுக்கான ஆடைகள் என்றில்லாமல் பார்க் அவென்யு வுமன் என்ற பிராண்டில் பெண்களுக்கான பிரீமியம் பிசினஸ் ஆடைகளையும், கலர்பிளஸ் பிராண்டில் பெண்களுக்கான ஸ்மார்ட் கேஷுவல் வியர் துணிவகைகளையும் வழங்கி வருகின்றது இந்த நிறுவனம். சிறப்பு, தரம் மற்றும் தலைமை என்ற கொள்கை களோடு செயல்பட்டுவருவதாய் ரேமண்ட் நிறுவனம் தன்னுடைய செயல்பாட்டுக்கொள்கை குறித்துச் சொல்லும் போது பெருமிதப்படுகின்றது.

கம்பெனி ஸ்கேன் : ரேமண்ட் லிமிடெட்!

ரிஸ்க் ஏதும் உண்டா?

ஜவுளித்துறை பொருளாதாரச் சிக்கல்களால் பெரிய அளவில் பாதிப்படைவதில்லை என்ற போதிலும் ரேமண்ட் விற்பனை செய்யும் பிரீமியம் பிராண்டுகளில் சிலவற்றின் விற்பனை சற்று பாதிப்படைய வாய்ப்புள்ளது. அதேபோல் ரேமண்ட் நிறுவனத்தின் ஒரு தனிக் குணமான, அவ்வப்போது தான் செய்யும் மிகப் பெரிய தொழிலுக்கு சற்றும் சம்பந்தமில்லாத தொழில்களில் முதலீடு செய்வது என்பது சில சமயம் ரிஸ்க்கை அதிகப்படுத்திவிடும் வாய்ப்புகள் உள்ளது. ஆட்டோ காம்ப்போனென்ட் போன்ற மாற்றுத் தொழில் முதலீடுகள் பொருளாதார நசிவு ஏற்பட்டால் மிகவும் வேகமாக லாப அளவை இழப்பதற்கு வாய்ப்புகள் உள்ளன.

ஏற்றுமதியும் செய்யப்படுவதால் கரன்சிகளுடைய மதிப்பு மாறுதல்களும்கூட ரேமண்ட்ஸ் நிறுவனத்தின் லாபத்தை நன்றாகவே பதம்பார்த்துவிடும் வாய்ப்புகள் உள்ளன.
இருப்பினும் தான் இருக்கிற தொழிலில் மிகப் பெரியதொரு நிறுவனமாக இந்த நிறுவனம் திகழ்வதால் மட்டுமே முதலீட்டாளர்கள் இந்த நிறுவனத்தின் பங்கு விலையை ட்ராக் செய்து ஏதாவது ஒரு காலகட்டத்தில் ஏற்படும் அசாதாரண விலை இறக்கத்தின்போது இந்தப் பங்குகளை சிறிய எண்ணிக்கையில் வாங்கி நீண்டகால முதலீட்டுக்காக வைத்துகொள்ளலாம்.

- நாணயம் ஸ்கேனர்.

(குறிப்பு: இந்தப் பகுதி  இன்றைய விலையிலேயே வாங்க வேண்டிய பங்கு பரிந்துரை பகுதி அல்ல. இதில் சொல்லப்பட்டுள்ள பங்குகளை வாங்குவது முதலீட்டாளர்களின்  தனிப்பட்ட  முடிவாகும்)