Published:Updated:

கமாடிட்டி டிரேடிங்! அக்ரி கமாடிட்டி - சந்தை நிலவரம்

கமாடிட்டி

பிரீமியம் ஸ்டோரி

மென்தா ஆயில், காட்டன், சென்னா போன்ற அக்ரி கமாடிட்டிகளின் போக்கு இந்த வாரம் எப்படி இருக்கும் எனப் பார்ப்போம்.

மென்தா ஆயில்

மென்தா ஆயில், ஒவ்வொரு வாரமும் தொடர்ந்து இறங்கிக் கொண்டே இருக்கிறது எனக் கடந்த வாரம் சொன்னோம். அவ்வபோது ஏறுவது எல்லாமே, ஒரு இறக்கத்தின் ஏற்றமாகவே இருந்து வருகிறது. இந்த இறக்கத்தின் ஏற்றத்தை நாம் ‘புல்பேக் ரேலி’ என்று சொல்லி வருகிறோம். அவ்வாறு ஏறும் ‘புல்பேக் ரேலி’யை, வியாபாரிகள் சரியாகக் கணித்து விற்று வாங்கும் முறையில் களத்தில் இறங்கினால் நல்ல லாபமே.

கமாடிட்டி டிரேடிங்! அக்ரி கமாடிட்டி - சந்தை நிலவரம்

‘புல்பேக் ரேலி’ இரண்டு விதமாக நடக்கலாம். ஒன்று, நல்ல இறக்கத்திற்குப் பிறகு, இறக்கத்தின் ஒருபகுதியை மீட்டெடுக்கும் வகையில் ஏறுவது. மற்றது, நல்ல இறக்கத்திற்குப் பிறகு மீண்டெழாமல், பக்கவாட்டு நகர்விலேயே சிலகாலம் நகர்ந்து விட்டு, பின் இறக்கத்தைத் தொடர்வது. மென்தா ஆயில் கடந்த வாரத்தில், 1243 என்ற எல்லையிலிருந்து 1176 என்ற எல்லை வரை இறங்கி, பிறகு 1213 வரை ஏறியுள்ளது.

சென்ற வாரம் சொன்னது… “மென்தா ஆயில் நன்கு இறங்கியிருந்தாலும், முடிவு விலையில் அடிப்படையில் 1245-ஐ உடைக்கவில்லை. எனவே, அது வலிமையான ஆதரவாக மாறியுள்ளது. இருந்தாலும், நாம் ஃபில்டரை உபயோகித்து 1230-ஐ ஆதரவாக எடுக்கிறோம். மேலே 1275 வலிமையான தடைநிலை ஆகும்.’’

மென்தா ஆயில் சென்ற வாரம் நாம் கொடுத்திருந்த ஆதரவு நிலையான 1230-ஐ உடைத்து, பின் வலிமையாக இறங்கியது. சென்ற வாரத்தின் முதல்நாளான திங்களன்றே வலிமைகுன்றி 1224 என்ற புள்ளியில் ஆரம்பித்து, பின் அதே நாளில் வலிமையாக இறங்கி, 1185 என்ற புள்ளியைத் தொட்டது. திங்களன்று வலிமையாக இறங்கிய மென்தா ஆயில், அதன்பின் இறக்கம் தடுக்கப்பட்டு, படிப்படியாக ஏற ஆரம்பித்தது. ஆனாலும், இந்த ஏற்றம் என்பது ஒரு பலமற்ற புல்பேக் ரேலியே ஆகும்.

இனி என்ன செய்யலாம்? 

மென்தா ஆயில் முன்பு நாம் கொடுத்திருந்த ஆதரவு நிலையான 1230-ஐ உடைத்து இறங்கிய பிறகு, அதுவே தற்போது தடைநிலையாக மாறியுள்ளது. இந்த நிலையில், 1165 என்பது உடனடி ஆதரவாக மாறியுள்ளது. இது உடைக்கப்பட்டால் இறக்கம் தொடரலாம்.

காட்டன்

காட்டன் ஜூன் 2019-ன் முதல் வார முடிவில் இருந்து ஏறுமுகமாக இருந்துவந்தது. அந்த ஏற்றம் ஜூன் மாதம் மூன்றாம் வாரத்திலேயே முடிவுக்கு வந்தது. அதாவது, 21000 என்ற குறைந்தபட்ச புள்ளியிலிருந்து ஏற ஆரம்பித்த காட்டன் விலையானது, மூன்றாம் வார முடிவில் உச்சமாக 22440-ஐ தொட்டபிறகு வலிமையாக இறங்க ஆரம்பித்தது. அது இன்னமும் தொடர்கிறது.

சென்ற வாரம் சொன்னது... “காட்டன் தற்போது 21290 என்ற எல்லையை ஆதரவாகக் கொண்டுள்ளது. மேலே 21850 என்ற எல்லையைத் தடைநிலையாகக் கொண்டுள்ளது.’’

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

காட்டன் சென்ற வாரம் நாம் கொடுத்திருந்த ஆதரவு எல்லையான 21290 என்ற எல்லையை உடைத்து இறங்கி, கீழே 20970 என்ற புள்ளியைத் தொட்டு, தொடர் இறக்கத்தை ஊர்ஜிதம் செய்தது. சென்ற வாரத்தின் முதல் இரண்டு நாள்கள் வலிமையாக இறங்கி 20970-ஐ தொட்ட பிறகு, தற்போது மீண்டும் ஒரு புல்பேக் ரேலியில் உள்ளது.

இனி என்ன செய்யலாம்?

கமாடிட்டி டிரேடிங்! அக்ரி கமாடிட்டி - சந்தை நிலவரம்

காட்டன் தற்போது 20020 என்ற எல்லையை ஆதரவாகவும் மேலே 21350 என்ற எல்லையை முக்கியத் தடைநிலையாகவும் கொண்டுள்ளது. ஒருவேளை 21350-ஐ உடைத்து ஏறினால் மட்டுமே, காட்டன் புதிய ஏற்றத்திற்கு மாறலாம்.

சென்னா

சென்னா என்.சி.டெக்ஸ் சந்தையில் வியாபாரம் ஆகிறது. 

சென்ற வாரம் சொன்னது… “சென்னா, மீண்டும் பக்கவாட்டு நகர்வுக்கு மாறியுள்ளது. மேலே 4300-ஐ தடைநிலையாகவும் கீழே 4160-ஐ ஆதரவாகவும் கொண்டுள்ளது.”

சென்னா, தொடர்ந்து பக்கவாட்டு நகர்வில் தான் இருந்து வருகிறது. சென்றவாரம் நாம் கொடுத்திருந்த தடைநிலையான 4300 என்ற எல்லையைத் தாண்டியது. இந்த ஏற்றம் ஒரு கேப்அப்பில் நடந்தது. அதிகபட்சமாக 4419 என்ற புள்ளியைத் தொட்டது. ஆனால், பிறகு தொடர்ந்து இறங்கி, மீண்டும் பக்கவாட்டு நகர்வுக்குள் வந்துவிட்டது.

இனி என்ன செய்யலாம்?

சென்னா தற்போது குறுகிய எல்லைக்குள் 4250 என்ற எல்லையை ஆதரவாகவும் மேலே 4360-ஐ தடைநிலையாகவும் கொண்டுள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு