Published:Updated:

கமாடிட்டி டிரேடிங்! - மெட்டல், ஆயில் & அக்ரி கமாடிட்டி

கமாடிட்டி
பிரீமியம் ஸ்டோரி
News
கமாடிட்டி

கமாடிட்டி

ங்கம், வெள்ளி, கச்சா எண்ணெய், காப்பர், மென்தா ஆயில், காட்டன், சென்னா போன்ற கமாடிட்டிகள் இந்த வாரம் எப்படி இருக்கும் எனப் பார்ப்போம்.

தங்கம் (மினி) 

தங்கம், சென்ற வாரம் ஒரு ஈவினிங் ஸ்டார் தோற்றுவித்துள்ளது என்று கூறியிருந்தோம். அது நமக்குச் சொல்லும் செய்தி, ஏற்றம் முடிந்து இறக்கம் ஆரம்பித்துள்ளது என்பது ஆகும். அதன்பின் தொடர்ந்து இரண்டு வாரங்களாகத் தங்கம் இறங்க ஆரம்பித்துள்ளது. தங்கம் ஜூன், ஜூலை மற்றும் ஆகஸ்ட் 2019 என்று மூன்று மாதங்களில் ஒரு தங்க ஓட்டத்தை ஏற்படுத்தி, 39500 புள்ளிகளுக்கு மேலாக ஏறி வரலாறு படைத்தது என்பதைப் பார்த்தோம். ஆனால், செப்டம்பர் 2019, ஏற்றத்தை முடிவுக்குக் கொண்டுவந்து நல்ல இறக்கதையும் காட்டியுள்ளது.

தி.ரா.அருள்ராஜன்
தலைவர், பங்குச் சந்தை, கமாடிட்டி சந்தைப் பயிற்சி மையம், www.ectra.in
தி.ரா.அருள்ராஜன் தலைவர், பங்குச் சந்தை, கமாடிட்டி சந்தைப் பயிற்சி மையம், www.ectra.in

சென்ற வாரம் சொன்னது… “தங்கம், நல்ல ஏற்றத்திற்குப்பிறகு, ஏற்றத்தின் மூன்றில் ஒரு பகுதியைத் தற்போது இழந்துள்ளதால், இந்த இறக்கத்திற்கான ஒரு புல்பேக் ரேலிகூட வரலாம். தற்போது 37500 என்பது உடனடி ஆதரவாகவும், மேலே 38200 வலிமையான தடைநிலையாகவும் உள்ளது.”

தங்கம் சென்ற வாரம் நாம் கொடுத்த தடைநிலையான 38200 என்ற எல்லையை நோக்கி நகர்ந்துள்ளது. இது ஒரு புல்பேக் ரேலிக்கான முயற்சியாகும். இந்த முயற்சியில் 38188 வரைச் சென்று, அதற்குமேல் போகமுடியாமல் தடுத்து நிறுத்தப்பட்டுள்ளது. சென்ற வாரத்தின் திங்கள் அன்றே ஏறிய தங்கம், அடுத்தடுத்த நாள்களில் வாரம் முழுவதும் தொடர்ந்து இறங்கிக்கொண்டே இருந்துள்ளது. இவ்வாறு நல்ல இறக்கம் நிகழ்ந்தாலும், அது நாம் கொடுத்த ஆதரவு எல்லையை நோக்கி வந்து உடைக்கும் முயற்சியில் ஈடுபட்டுள்ளது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கமாடிட்டி டிரேடிங்! - மெட்டல், ஆயில் & அக்ரி கமாடிட்டி

தங்கம் ஒரு ஹெட் அண்டு ஷோல்டர் அமைப்பைத் தோற்றுவித்துள்ளது. எனவே, நெக்லைன் எனப்படும் 37130 என்ற எல்லையை உடைத்தால் வலிமையான இறக்கம் வரலாம். மேலே 37860 என்ற எல்லை உடனடித் தடைநிலையாக உள்ளது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

வெள்ளி (மினி)

வெள்ளி, தங்கத்தைப் போன்று நகர்ந்து கொண்டிருந்தாலும் அதன் வேகமும், வீழ்ச்சியும் தங்கத்தைவிட சற்றே குறைவாக இருந்து வந்துள்ளது. பொதுவாக வெள்ளி நகரும் வேகத்துக்குத் தங்கத்தை ஒப்பிட்டால் எதிர்மறையாகவே இருந்து வந்துள்ளது.

கமாடிட்டி டிரேடிங்! - மெட்டல், ஆயில் & அக்ரி கமாடிட்டி

சென்ற வாரம் சொன்னது… “வெள்ளி தற்போது 46750 என்ற ஆதரவையும் மேலே 48250-ஐ தடைநிலையாகவும் கொண்டுள்ளது.’’

வெள்ளி சென்ற வாரம் நாம் கொடுத்த ஆதரவு நிலையான 46750-ஐ உடைத்து இறங்கினாலும், மீண்டும் மீண்டெழுந்து, சற்றே வலிமைக் காட்டி ஏறி 47476 வரை ஏறியது. அதன்பின் மீண்டும் இறங்க ஆரம்பித்தது. ஆனாலும், இந்த இறக்கம் மிக மென்மையான இறக்கங்களைக் கொண்டுள்ளதால், அவை ஸ்பின்னிங் டாப் உருவமைப்பைத் தோற்றுவித்தது.

இந்த நிலையில் வெள்ளி 45600 என்ற எல்லையை ஆதரவாகவும், மேலே 47400 என்ற எல்லையைத் தடைநிலையாகவும் கொண்டுள்ளது.

கமாடிட்டி டிரேடிங்! - மெட்டல், ஆயில் & அக்ரி கமாடிட்டி

கச்சா எண்ணெய் (மினி)

கச்சா எண்ணெய், நாம் கொடுத்த தடை நிலையான 3990-ஐ உடைத்து, மிக வலிமையாக ஏறி உச்சமாக 4556-ஐ தொட்டது. சவுதி அரேபிய எண்ணெய்ச் சுத்திகரிப்பு ஆலையின்மீது, ட்ரோன் மூலம் நடந்த சேதமே காரணம். ஆனாலும், அடுத்தடுத்த நாள்களில் அதேபோல் வலிமையாக இறங்கி, எங்கிருந்து ஏறியதோ, அதே இடத்திற்கு வந்துவிட்டது.

கச்சா எண்ணெய் தற்போது 4090 என்ற எல்லையை ஆதரவாகவும். மேலே 4250 என்ற எல்லையை உடனடித் தடைநிலையாகவும் கொண்டுள்ளது.

கமாடிட்டி டிரேடிங்! - மெட்டல், ஆயில் & அக்ரி கமாடிட்டி

காப்பர்

மெகா லாட் அளவு அதிகரிக்கப்பட்டுள்ளது, கவனமாக வியாபாரம் செய்யவும்.

காப்பர், சென்ற வாரம் நாம் கொடுத்த தடைநிலையான 459-ஐ தக்கவைத்துக்கொண்டு, கீழே கொடுக்கப்பட்ட ஆதரவு எல்லையான 449-ஐ உடைத்து இறங்கியது. இந்த இறக்கம் எல்லா நாள்களும் தொடர்ந்து இறங்கி 445 என்ற இலக்கை நோக்கி நகர்ந்துள்ளது.

காப்பர், டெலிவரி பீரியடுக்குள் நுழைவதால், நாம் அக்டோபர் மாத கான்ட்ராக்ட்டை எடுத்துக் கொள்வோம். காப்பர் தற்போது 447-ஐ உடனடி ஆதரவாகவும், மேலே 453-ஐ உடனடித் தடைநிலையாகவும் கொண்டுள்ளது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மென்தா ஆயில்

மென்தா ஆயில், நல்ல ஏற்றத்திற்குப் பிறகு, இறங்க ஆரம்பித்தபோது, அது ரீடிரேஸ்மென்டாக இருக்கலாம் என்று எதிர்பார்த்தோம். அதன்பின் தொடர்ந்து இறங்கியதால், அதுவே தொடர் இறக்கமாக மாறுமோ என்ற சந்தேகத்தைக் கொடுத்துள்ளது, என்று கூறியிருந்தோம். அதை நிரூபிக்கும் வகையில் மென்தா ஆயில் நகர்ந்து கொண்டிருக்கிறது. 20.08.19 அன்று உச்சமாக 1349-ஐ தொட்டு இறங்கி, கீழே 1257 வரை இறங்கியது. பின் ஒரு புல்பேக் ரேலியாக மேலே ஏறி 1320-ஐ தொட்டு கீழ்நோக்கி திரும்பியது. இறக்கத்தின் அளவு (1349 – 1257) மொத்தம் 92 புள்ளிகள் ஆகும். அதன்பின் ஏற்றம் என்பது 1257-லிருந்து 1320 ஆகும். எனவே, 92 புள்ளி இறக்கத்தின் ஏற்றமான 63 புள்ளிகள் என்பது புல்பேக் ரேலியைக் குறிக்கிறது. இந்த புல்பேக் ரேலி சுமார் 60% ஆகும். அதன்பின் மென்தா ஆயில் தொடர்ந்து இறங்கிக்கொண்டிருக்கிறது.

மென்தா ஆயில் சென்ற வாரம், நாம் கொடுத்த தடைநிலையான 1290-ஐ உடைத்து ஏறி உச்சமாக 1320-ஐ தொட்டது. ஆனால், தொடர்ந்து ஏற முடியாமல் இறங்க ஆரம்பித்தது. இந்த இறக்கம் ஒவ்வொரு நாளும் தொடர்ந்து கீழே நாம் கொடுத்த ஆதரவு எல்லையான 1250-ஐ நோக்கி நகர்ந்துள்ளது. இந்த இறக்கத்தில் மென்தா ஆயில் குறைந்தபட்சப் புள்ளியாக 1262-ஐ தொட்டது.

மென்தா ஆயில் செப்டம்பர் மாத கான்ட்ராக்ட் முடிவுக்கு வருவதால், நாம் அக்டோபர் மாத கான்ட்ராக்ட்டை எடுத்துக்கொள்வோம். மென்தா ஆயிலும் ஒரு ஹெட் அண்டு ஷோல்டர் அமைப்பைத் தோற்றுவித்துள்ளது. முக்கிய ஆதரவு 1275 ஆகும். உடைத்தால் நல்ல இறக்கம் வரலாம். மேலே 1295 உடனடித் தடைநிலையாகும்.

காட்டன்

காட்டன் நல்ல இறக்கத்திற்குப் பிறகு, ஒரு குறுகிய எல்லைக்குள் சுழல ஆரம்பித்தது. தற்போது அந்தக் குறுகிய எல்லையின் மேல்பகுதியை உடைத்து ஏற முயற்சி செய்துள்ளது. ஆனாலும், பெரிய அளவில் ஏற முடியாமல், தொடர்ந்து அடுத்தகட்ட பக்கவாட்டு நகர்வில் உள்ளது.

காட்டன் முந்தைய வாரம் கொடுத்த ஆதரவு எல்லையான 19320-ஐ தக்கவைத்துள்ளது. மேலே கொடுக்கப் பட்ட தடைநிலையான 19610 உடைத்து ஏறி அதிகபட்சமாக 19980 என்ற புள்ளியைத் தொட்டது. அதன்பின் தொடர்ந்து ஏற முடியாமல் தற்போது ஒரு பக்கவாட்டு நகர்வுக்குள் இருந்து வருகிறது.

காட்டன் தற்போது சற்றே ஏறுமுகமாக மாறிய நிலையில் மேலே 19920 என்ற எல்லையை உடனடித் தடைநிலையாகக் கொண்டுள்ளது. உடைத்தால் நல்ல ஏற்றம் வரலாம். கீழே 19610 என்பது முக்கிய ஆதரவு ஆகும்.

சென்னா

சென்னா என்.சி.டெக்ஸ் சந்தையில் வியாபாரம் ஆகிறது.  

சென்னா, முந்தைய வாரம் நாம் கொடுத்த ஆதரவு எல்லையான 3920-ஐ தக்கவைத்துக் கொண்டுள்ளது. மேலே கொடுக்கப்பட்ட தடைநிலையான 4030-ஐ உடைத்து ஏறி உச்சமாக 4056-ஐ தொட்டுள்ளது.

சென்னா செப்டம்பர் கான்ட்ராக்ட் முடிவுக்கு வருவதால், இனி அக்டோபர் கான்ட்ராக்ட்டை எடுத்துக்கொள்ளலாம். சென்னா தற்போது ஒரு கப் மற்றும் ஹேண்டில் அமைப்பைத் தோற்று வித்துள்ளது. எனவே, மேலே தடைநிலையான 4080-ஐ உடைத்தால் வலிமை யான ஏற்றம் வரலாம். கீழே 4020 என்பது உடனடி ஆதரவு ஆகும்.