Published:Updated:

நிஃப்டி 50... வெற்றி நிறுவனங்களின் வீழ்ச்சிப் பயணம்..! அடையாளம் காண உதவும் ஐந்து படிநிலைகள்..!

பங்கு முதலீடு
பிரீமியம் ஸ்டோரி
பங்கு முதலீடு

S H A R E M A R K E T

நிஃப்டி 50... வெற்றி நிறுவனங்களின் வீழ்ச்சிப் பயணம்..! அடையாளம் காண உதவும் ஐந்து படிநிலைகள்..!

S H A R E M A R K E T

Published:Updated:
பங்கு முதலீடு
பிரீமியம் ஸ்டோரி
பங்கு முதலீடு

செளரப் முகர்ஜி , மார்செல்லஸ் இன்வெஸ்ட்மென்ட் மேனேஜர்ஸ் (பி) லிமிடெட்

ஒவ்வொரு பத்தாண்டுகளிலும் நிஃப்டி 50-யில் உள்ள கம்பெனிகளில் 50% கம்பெனிகள் வெளியேற்றப் பட்டு, புதிய கம்பெனிகள் உள்ளே வருகின்றன. ஏதாவது, ஒரு காரணத் தால் சில தொழில் நிறுவனங்கள் தங்கள் பிசினஸில் பின்தங்க ஆரம்பித்து, சரிவைச் சந்திப்பதால் தான் இப்படி நடக்கிறது. பெரு நிறுவனங்கள் என்ன காரணங்களால் தங்கள் பிசினஸிலிருந்து பின்தங்கத் தொடங்கி, முன்னணி நிலையை இழக்கின்றன என்பதை ஆராய ஜிம் காலின்ஸ் என்பவர் எழுதிய ‘How the Mighty Fall And Why Some Companies Never Give In’ என்னும் புத்தகம் சொல்லியுள்ள வரையறைகள் நமக்கு உதவியாக இருக்கும்.

செளரப் முகர்ஜி 
மார்செல்லஸ் 
இன்வெஸ்ட்மென்ட் 
மேனேஜர்ஸ் 
(பி) லிமிடெட்
செளரப் முகர்ஜி மார்செல்லஸ் இன்வெஸ்ட்மென்ட் மேனேஜர்ஸ் (பி) லிமிடெட்

வெற்றிகரமாகத் திகழும் தொழில் நிறுவனங்கள் எப்படி அழிவுப் பாதையில் பயணிக்கத் தொடங்கு கின்றன என்பதை ஜிம் காலின்ஸ் ஐந்து படிநிலைகளைக் கொண்ட வரையறைமூலம் நமக்குத் தெளிவாக எடுத்துச் சொல்கிறார். அந்த ஐந்து படிநிலைகள் பற்றிப் பார்ப்போம்.

1. தொடக்கத்திலேயே வெற்றி கண்டதால் ஏற்படும் கர்வம்

ஆரம்ப நிலையில் போட்டியாளர் களிடமிருந்து வேறுபடுத்திக் காட்டும் ஏதாவது சிறப்பியல்பை (moat) இயற்கையாகக் கொண்டிருக்கும் (திறமையாலோ, திறமையுடன் அதிர்ஷ்டமும் கலந்ததாலோ) நிறுவனங்களுக்குத் தங்களுடைய தயாரிப்புகளை அதிக விலைக்கு சுலபத்தில் சந்தைப்படுத்த முடிகிற நிலை உருவாகும். இதனால், அதிக அளவு ‘ரிட்டர்ன் ஆன் கேப்பிடல் எம்ப்ளாயிட்டை’ப் பெற முடியும் [RoCE என்பது தொழிலில் செய்யப் பட்டிருக்கும் முதலீடுக்கு (பங்கு மற்றும் கடன்) ஈடாக ஈட்டும் வருமானம்].

இப்படி ஆரம்பம் முதலே அதிக வருமானம் ஈட்டும் நிறுவனங்களுக்கு கர்வம் தலைக்கேறிவிடுகிறது. தங்களுடைய வெற்றியில் அதிர்ஷ்டத் தின் பங்கு ஓரளவுக்கு இருந்தது என்பதை இந்த நிறுவனங்கள் முற்றிலுமாக மறந்துவிடுகின்றன. இதனால், ‘நாங்கள் எது செய்தாலும் வெற்றிதான்’ என்கிற கர்வத்துடன் இந்த நிறுவனங்கள் செயல்பட ஆரம்பித்துவிடுகின்றன. இதனால் தவறான முதலீட்டுப் பாதைகளைத் தேர்வு செய்து, அதில் முதலீடு செய்யும் நிலை உருவாகிறது. இந்தத் தவறான முதலீடுகள் ஆர்.ஓ.சி.இ-யைக் கொஞ்சம் கொஞ்சமாகக் குறைக்க ஆரம்பிக்கிறது. ஆனாலும், போட்டியாளர்கள் எட்ட முடியாத உயரத்தில் (பிராண்டை எட்டிப் பிடிக்க முடியாத தூரத்தில்) இருந்து இந்த நிறுவனங்கள் செய்யும் தொழில் இருப்பதால், சந்தையில் இந்த நிறுவனப் பங்குகளுக்கு அதிக விலை கிடைத்துக்கொண்டே இருக்கும்.

2. ஒழுங்கில்லாத விரிவாக்கங்கள்

கர்வத்தின் உச்சத்தில் செயல்படும் இந்த நிறுவனங்கள் தொழில்ரீதியாக முன்னணியில் இருப்பதால், பெருமளவு பணம் (கேஷ் ஃப்ளோ) இந்த நிறுவனத்தை நோக்கி ஓடோடி வரும். இது ஏற்கெனவே நன்கு எரியும் கர்வம் என்னும் நெருப்பை மேலும் கொழுந்துவிட்டு எரியவே உதவும். ‘நாம் எதைச் செய்தாலும் வெற்றிதான்’ என்ற எண்ணத்தில் நிறுவனம் செயல்பட ஆரம்பிக்கும். இதனால் சம்பந்தமில்லாத தொழில்களில் எல்லாம் முதலீடுகளைச் செய்யும் முடிவை நிறுவனங்கள் எடுக்கும். அடிப்படைத் தொழிலை பலப் படுத்துவதற்குப் பதிலாக, தேவை இல்லாத தொழில்களில் கவனத்தைச் செலுத்த வைக்கும். இந்த நடவடிக்கை நாளடைவில் தாங்கள் செய்யும் அடிப்படைத் தொழிலில் உருவாக்கும் தயாரிப்புகளை அதிக லாபத்துடன் விற்க முடியாத (Pricing power) நிலைக்குக் கொஞ்சம் கொஞ்சமாக நிறுவனத்தை இழுத்துச் செல்லும். இதனால் ஆர்.ஓ.சி.இ மற்றும் ஃப்ரீ கேஷ் ஃப்ளோவும் குறையும். இந்த நிலையில், அதிக லாபத்துக்கு விற்க முடியாத திறனை அந்த நிறுவனம் இழக்கத் தொடங்கிவிட்டது என்பதைப் பலரும் புரிந்துகொள்ளத் தொடங்கி விடுவார்கள்.

நிஃப்டி 50... வெற்றி நிறுவனங்களின் வீழ்ச்சிப் பயணம்..! அடையாளம் காண உதவும் ஐந்து படிநிலைகள்..!

3. ஆபத்தான நிலையில் செயல்படுகிறோம் என்பதைப் புரிந்துகொள்ள மறுப்பது

இந்தப் படிநிலையில் கம்பெனியின் நிலை குறித்து இரண்டு விதமான பிம்பங்கள் காட்டப்படும். ‘சந்தை சரியில்லை’, ‘பொருளாதாரம் சரியில்லை’, ‘பொருளாதார ஏற்ற இறக்கத்தில் இதெல்லாம் சகஜம்’, ‘ஒரேயடியாக எல்லாம் சரிந்துவிட்டது என்று நினைத்து விடாதீர்கள்; நிறுவனத்தின் இன்னென்ன தயாரிப்புகளில் எல்லாம் விற்பனை அதிகரித்துள்ளது’ எனப் பல்வேறு விதமான சாக்குகளும் சமாளிப்புகளும் வெளியாள்களுக்குச் சொல்லப்படும்.

ஆனால், நிறுவனத்தின் உள்ளே வேறு மாதிரியான பேச்சுகள் ஓடும். ‘உன்னால் தான் இந்த நிலை...’ என ஒவ்வொரு பிரிவினரும் மற்றொரு பிரிவின் மீது பழியைப் போட்டு சண்டை போட்டுக் கொண்டிருப்பார்கள். இந்த சண்டையைப் பார்த்து, புத்திசாலிப் பணியாளர்கள் நிறுவனத்தை விட்டு வெளியேற ஆரம்பிப்பார்கள். இவர்கள் வகித்த பதவிகளில் சராசரியான பணியாளர்கள் நிரப்பப்படுவார்கள். சராசரிப் பணியாளர்களின் எண்ணிக்கை அதிகரிக்க அதிகரிக்க, சூப்பராக செயல்பட்ட நிறுவனம், சராசரியாக செயல்படத் தொடங்கும் என்கிற நிலைக்குத் தள்ளப்படும்.

4. ரட்சகருக்காக ஏங்கும் நிலை

இந்தச் சூழலில் நிறுவனம், தான் கொண்டிருந்த அத்தனை சிறப்பியல்பு களையும் தொலைத்திருக்கும். இதனால் தன்னுடைய தயாரிப்பு களுக்கு நல்ல விலையும் வைத்து விற்க முடியாது. கடன் சுமையும் இந்த நேரத்தில் அதிகரித்திருக்கும் என்பதால், மூலப்பொருளில் ஆரம்பித்து எந்தவொரு சப்ளையரும் கடனுக்குப் பொருள்களைத் தர மறுப்பார். தயாரிப்புகளை விநியோகிக்கும் டிஸ்ட்ரிப்யூட்டர்களோ வாங்கிய பொருளுக்கான பணத்தைத் திரும்பத் தருவதற்கான நாள் களை அதிகரிப்பார்கள். லாபம் குறைந்து, ஆர்.ஓ.சி.இ-யும் குறைந்து, கேஷ் ஃப்ளோவும் தள்ளாட ஆரம்பித்துவிடும் என்பதால், நிறுவனப் பங்கின் விலை சந்தையில் சரிய ஆரம்பித்து விடும்.

நிறுவனத்தில் ஏற்பட்ட இந்தப் பிரச்னையை சரிசெய்ய புத்தம் புதிய ஸ்டார் பர்ஃபாமன்ஸ் கொண்ட சி.இ.ஓ-வை நிறுவனம் வேலைக்கு அமர்த்தும். அந்த சி.இ.ஓ நிறுவனத்தின் ‘பழம் பெருமையையும் புகழையும் மீட்டெடுக்கிறேன்’ என ஸ்ட்ராட்டஜி ரீதியாக இதுவரை எடுக்காத புது முயற்சிகளையும், நிர்வாகச் சீரமைப்பையும் செய்ய ஆரம்பிப்பார். இந்த விஷயங்கள் எதுவுமே பெரும்பாலும் எதிர் பார்த்த பலனை அளிக்காமல் போகும். இதனால் நிறுவனத்தின் நிதிநிலை இன்னும் மோசமாகும்.

5 (அ) இருந்த இடம் தெரியாமல் போவது அல்லது திவாலாகுதல்

புதிதாக வந்த சூப்பர் ஸ்டார் சி.இ.ஓ-வின் நடவடிக்கைகள் எடுபடாமல் போய் அதன் பின்னர் நிறுவனத்துக்கு எஞ்சி யிருந்த ஒன்றிரண்டு சிறப்பியல்பு களும் காணாமல் போய் கடன் மட்டுமே மிகப் பெரிய அளவில் பேலன்ஸ் ஷீட்டில் எஞ்சி நிற்கும்.

நிறுவனம் இந்த நிலைக்கு வந்த பின்னால் இரண்டே தீர்வுகள்தான் இருக்கும். ஒன்று, ஏதாவது ஒரு பெரு நிறுவனம் (போட்டி நிறுவனம்) இதை டேக்ஓவர் செய்வது அல்லது திவாலுக்கான நடவடிக்கைகளை எடுப்பது. இந்தச் சூழ்நிலையில் இந்த நிறுவனத்தின் பங்கில் முதலீடு செய்திருப்பவர்களுக்கு எக்கச்சக்கமான நஷ்டம் வரும்.

5 (ஆ) அழிவுப் பாதையிலிருந்து மீண்டுவருவதற்கான முயற்சிகள்

ஐந்தாவது படிநிலைக்கு போகாமல் மீண்டு வர நிறுவனம் சில நடவடிக்கைகளை புத்திசாலித்தனமாக எடுக்க வேண்டும். வெளியிலிருந்து சூப்பர் ஸ்டார் சி.இ.ஓ-வைத் தேர்வு செய்துகொண்டு வருவ தற்குப் பதிலாக, நிறுவனத்தின் உள்ளே இருக்கும் அனுபவசாலி ஒருவரை சி.இ.ஓ-வாகத் தேர்ந் தெடுக்கலாம். அவர், தேவை இல்லாத மற்றும் குறைந்த லாபம் மட்டுமே ஈட்டக்கூடிய பிசினஸ் களை விட்டு நிறுவனத்தை வெளியேறச் செய்து, நிறுவனத்தின் அடிப்படை பிசினஸை வளர்த்தெடுப்ப தற்கான வாய்ப்புள்ளது. அதுவும் அவருடைய நோக்கம், கேஷ் ஃப்ளோவை அதிகரித்து, கடனைத் தீர்த்து, நிறுவனத்தின் பழம்பெருமையை மீட்டெடுப்ப தாக மட்டும் இருக்கும்பட்சத்தில், நாளடைவில் இந்த நிறுவனம் முன்பிருந்த நிலைக்குத் திரும்ப வாய்ப்புள்ளது.

நிஃப்டி 50... வெற்றி நிறுவனங்களின் வீழ்ச்சிப் பயணம்..! அடையாளம் காண உதவும் ஐந்து படிநிலைகள்..!

இந்த 5 படிநிலைகள்படி செயல்பட்ட இரண்டு நிறுவனங் கள் பற்றிப் பார்ப்போம்.

பி.பி.எல் லிமிடெட்: இறக்கத்தைச் சந்தித்து வெளியேறிய நிறுவனம்...

1982-களில் கலர் டெலிவிஷன் இந்தியாவுக்குள் காலடி எடுத்து வைத்தபோது ஜப்பானின் மூன்றாவது பெரிய கன்ஸ்யூமர் எலெக்ட்ரானிக்ஸ் நிறுவனமான சான்யோ எலெக்ட்ரிக் நிறுவனத்தின் டெக்னாலஜி டிரான்ஸ்ஃபர் அடிப்படையில் அமைக்கப்பட்டது இந்த நிறுவனம். 2004-ம் ஆண்டில் அதே நிறுவனத்துடன் கூட்டணி நிறுவன மாகவும் மாறியது. 1990-களில் ரெஃப்ரெஜி ரேட்டர், வாஷிங் மெஷின், லைட்டிங் மற்றும் ஏனைய எலெக்ட்ரிக்கல் அப்ளை யன்ஸ்கள் உற்பத்தியில் கால்பதித்தது. எட்டு கோடி ரூபாய் செலவில் அமிதாப் பச்சனை பிராண்ட் அம்பாசடராகக் கொண்டு வேகமாக வளர்ந்து, 1990-களின் இறுதியில் இந்தியாவின் டாப் 10 கன்ஸ்யூமர் எலெக்ட்ரானிக்ஸ் பிராண்டு களில் ஒன்றாக உருவெடுத்தது. 1994 முதல் 1998 வரையிலான நிதியாண்டுகளில் விற்பனை 33% சி.ஏ.ஜி.ஆர் அளவிலும் வரிக்கு பிந்தைய டாக்ஸ் 34% சி.ஏ.ஜி.ஆர் அளவிலும் வளர்ச்சியடைந்தது.

இந்தவித வேகமான வளர்ச்சியால் கர்வம் தலைதூக்கியது. கன்ஸ்யூமர் எலெக்ட்ரானிக்ஸில் வந்த சூப்பர் கேஷ் ஃப்ளோவை வைத்துக்கொண்டு பணம் குடிக்கும் துறைகளான டெலிகாம் மற்றும் அல்கலைன் பேட்டரி உற்பத்தியில் கால்பதித்தது. நிறுவனத்தின் ஃபோகஸ் கன்ஸ்யூமர் எலெக்ட்ரானிக்ஸை விட்டு அகன்ற நேரத்தில், கொரியா மற்றும் ஜப்பானிய போட்டி நிறுவனங்களான எல்ஜி, சாம்சங், சோனி போன்றவை இந்திய சந்தைக்குள் நுழைந்து எல்.சி.டி மற்றும் எல்.இ.டி போன்ற அதி நவீன தொழில்நுட்பம் கொண்ட தயாரிப்புகளைக் களம் இறக்கின. பி.பி.எல் நிறுவனத்தின் இறுதி அத்தி யாயம் சான்யோவின் கூட்டணியை விட்டு விலகி. 2000-ம் ஆண்டுகளின் மத்தியில் கன்ஸ்யூமர் எலெக்ட் ரானிக்ஸ் துறையை விட்டே ஒட்டு மொத்தமாக வெளியேறியபோதே எழுதப்பட்டுவிட்டது. 1999 முதல் 2009 வரையிலான பத்து நிதியாண்டுகளில் –27% சி.ஏ.ஜி.ஆர் என்ற அளவில் விற்பனை வீழ்ச்சியும், 1999-ம் ஆண்டில் 104 கோடியாக இருந்த நிகர லாபம், 2009-ம் ஆண்டில் 14 கோடி நஷ்டம் என்ற நிலையையும் வந்தடைந்தது.

அசோக் லேலாண்ட் லிமிடெட் – வீழ்ச்சியும் மீட்பும்

2006-ம் ஆண்டு நிதியாண்டு வரையில் இந்த நிறுவனம் வெற்றி பெற்ற நிறுவனத்துக்கான எல்லா குணாதிசயங்களையும் கொண்டிருந்தது. 1998 முதல் 2002 வரையிலான கமர்ஷியல் வாகன விற்பனை வீழ்ச்சி காலத்தில் தன்னுடைய சிஸ்டத்தை சரிசெய்து உற்பத்தி செலவினங்களைக் குறைத்ததன் மூலம் 2003 முதல் 2006 வரையில் விற்பனை 25% (சி.ஏ.ஜி.ஆர்) அளவிலும், வரிக்குப் பிந்தைய லாபம் 33% (சி.ஏ.ஜி.ஆர்) அளவிலும், RoCE (வரிக்குப் முந்தைய) 21.1% அளவிலும் (அதற்கு முந்தைய அளவு 13.3%) இருந்தது. லாபம் அதிகரிக்க ஆரம்பித்தவுடன் 2007-ம் ஆண்டில் இந்த நிறுவனம் நிர்மாணிக்கப்பட்ட உற்பத்தி அளவை 100% அதிகரிக்கவும், தனக்குத் தொடர்பு இல்லாத முதலீடு களைச் செய்யவும் ஆரம்பித்தது. இதன் விளைவாக, 2007-ம் ஆண்டி லிருந்து வீழ்ச்சியைச் சந்தித்து 2014 நிதியாண்டில் ஆர்.ஓ.சி.இ -1.5% (2007: +25.9%) என்ற அளவுக்குக் குறைந்தது. இதே காலகட்டத்தில் கடன் 0.11x என்ற அளவில் இருந்து 0.97x என்ற அளவுக்கு அதிகரித்தது. இந்தக் காலகட்டத்தில் எம்.ஹெச்.சி.வி வாகனங்கள் (Medium and Heavy Commercial Vehicles) விற்பனையில் இருக்கும் காலசூழ்நிலை சார்ந்த ஏற்ற இறக்கங்களே (cyclicality) காரணம் என அசோக் லேலாண்ட் நிறுவனம் லாபக் குறைவுக்கான விளக்கத்தைத் தந்தது. மேலும், இது ஒரு தற்காலிக மான வீழ்ச்சியே என்றும் கூறியது.

ஆனால், அதிர்ஷ்டவசமாக சில முக்கியமான நடவடிக்கைகளை சரியாக எடுத்ததன் மூலம் இந்த நிறுவனம் மீண்டது. புதிய சி.இ.ஓ- வாக ஏற்கெனவே நிறுவனத்தில் பணிபுரிந்த விநோத் தசாரி என்பவர் பதவி உயர்த்தப்பட்டார். அவர் மிகவும் ஜாக்கிரதையாகப் புதிய விரிவாக்கம் எதையும் செய்யாமல் தேவையற்ற பிசினஸ்களை (அஸெட்) விற்று, கடனைக் குறைத்து, செயல் திறனைக் கூட்டி நிறுவனத்தை லாபப் பாதையில் திருப்பினார். இதன் மூலம் 2014-ம் ஆண்டில் கடும் சிக்கலான சூழலில் இருந்த இந்த நிறுவனம், 2018-ம் நிதியாண்டில் எம்.ஹெச்.சி.வி வாகனங்களில் தன்னுடைய சந்தைப் பங்களிப்பை 34% சதவிகிதமாக அதிகரித்து (2014: 24 %), ஆர்.ஓ.சி.ஒ-யை 30 சதவிகிதமாக (2014: -2%) உயர்த்தி நிறுவனத்தைக் கடனில்லா நிறுவனமாக மாற்றியது.

வெற்றி பெற்ற நிறுவனங்கள் ஒரே நாளில் வீழ்ச்சியடைந்துவிடாது. பல வருடங்களிலேயே இது நடக்கும். ஒரு முதலீட்டாளராக நீங்கள் நிறுவனத் தின் நடவடிக்கைகளை ஜிம் காலின்ஸ் சொன்ன ஐந்து படிநிலை வரையறை களை வைத்துக்கொண்டு அளவீடு செய்துகொண்டே இருக்கப் பழகிக் கொள்ள வேண்டும். அப்படிச் செய்தால் இதுபோன்ற நிறுவனங் களை சுலபத்தில் கண்டுபிடித்து, அதற்கான மாற்று நடவடிக்கைகளை நீங்கள் எடுக்க முடியும்.