Published:Updated:

அபார் இண்டஸ்ட்ரீஸ் லிமிடெட்! (NSE SYMBOL: APARINDS, BSE CODE: 532259) அறிவோம் பங்கு நிறுவனம்...

அபார் இண்டஸ்ட்ரீஸ்
பிரீமியம் ஸ்டோரி
அபார் இண்டஸ்ட்ரீஸ்

K N O W Y O U R C O M P A N Y

அபார் இண்டஸ்ட்ரீஸ் லிமிடெட்! (NSE SYMBOL: APARINDS, BSE CODE: 532259) அறிவோம் பங்கு நிறுவனம்...

K N O W Y O U R C O M P A N Y

Published:Updated:
அபார் இண்டஸ்ட்ரீஸ்
பிரீமியம் ஸ்டோரி
அபார் இண்டஸ்ட்ரீஸ்

பவர் கேபிள்ஸ் பிரைவேட் லிமிடெட் என்ற பெயரில் 1958-ம் ஆண்டு ஒரு லட்ச ரூபாய்க்கும் குறைவான முதலீட்டில் ஆரம்பிக்கப்பட்டதுதான் இன்றைய அபார் இண்டஸ்ட்ரீஸ் லிமிடெட் நிறுவனம்.

அபார் இண்டஸ்ட்ரீஸ் லிமிடெட்! (NSE SYMBOL: APARINDS, BSE CODE: 532259) அறிவோம் பங்கு நிறுவனம்...

நிறுவனத்தின் வளர்ச்சி...

60 ஆண்டுகளுக்கும் மேலாக வெற்றிகரமாகச் செயல்பட்டுவரும் இந்த நிறுவனம், இன்றைக்கு ஒன்பது உற்பத்தி வசதிகளுடன் 1,500-க்கும் மேற்பட்ட பணியாளர்களுடனும் 155 நாடுகளில் உள்ள 9,070 நிறுவன ரீதியான வாடிக்கையாளர்களுடன் வெற்றிகரமாக வர்த்தகம் செய்து வருகிறது.

இந்த நிறுவனத்தின் தொழில் பிரிவுகள் என்று பார்த்தால், மின்கடத்திகள் (conductors), மின் மாற்றிகளில் உபயோகிக்கிற சிறப்பு உபயோகத்துக்கான எண்ணெய் (speciality oils), மின்சார கேபிள்கள், பாலிமர்கள் மற்றும் லூப்ரிக்கண்ட்ஸ் போன்ற தயாரிப்புகளை உற்பத்தி செய்யும் தொழில் பிரிவுகளில் செய்து வருகிறது.

மின்கடத்திகள் உற்பத்தியில் உலக அளவில் ஒரு மிகப்பெரிய உற்பத்தி யாளராகத் திகழ்கிறது இந்த நிறுவனம். மின்கடத்திகள் உற்பத்தி செய்யும் நான்கு உற்பத்தி மையங்களில் இந்த நிறுவனம், தன்னுடைய உற்பத்தியில் 40% அளவிலான மின் கடத்திகளை 120 நாடுகளில் உள்ள வாடிக்கையாளர் களுக்கு ஏற்றுமதி செய்துவருகிறது.

மின்மாற்றிகளில் பயன்படுத்தப் படும் சி.டி.சி/பி.ஐ.சி.சி கன்டக்டர்கள் (conductors), மின்சார ரயில்கள் ஓடுபாதையில் மேலே இருக்கும் மின் இணைப்புக்கான கன்டக்டர்கள், காப்பர் ராடுகள், வயர்கள், பஸ் பார்கள் மற்றும் ஸ்ட்ரிப்புகள், ஆப்டிக்கல் கிரவுண்ட் வயர்கள் (optical ground wire), டிரான்ஸ்மிஷன் மற்றும் டிஸ்ட்ரிப்யூஷனில் பயன் படுத்தப்படும் கன்டக்டர்கள், அலுமினியம் அலாய் ராடுகள், ஸ்பெஷாலிட்டி வயர்கள் போன்ற வற்றை உற்பத்தி செய்கிறது இந்த நிறுவனம்.

அபார் இண்டஸ்ட்ரீஸ் லிமிடெட்! (NSE SYMBOL: APARINDS, BSE CODE: 532259) அறிவோம் பங்கு நிறுவனம்...

ஸ்பெஷாலிட்டி ஆயில்கள்...

1969-ம் ஆண்டில் ஸ்பெஷாலிட்டி ஆயில்கள் உற்பத்தியில் கால்பதித்தது இந்த நிறுவனம். மின் மாற்றிகளில் பயன்படுத்தப்படும் ஆயில்கள் (transformer oils) உற்பத்தியில் உலகளவில் மூன்றாவது பெரிய டிரான்ஸ்ஃபார்மர் ஆயில் உற்பத்தி யாளராகத் திகழும் இந்த நிறுவனம் நூற்றுக்கும் மேற்பட்ட நாடுகளுக்கு டிரான்ஸ்பார்மர் ஆயிலை ஏற்றுமதி செய்துவருகிறது. 2019-20-ம் நிதி யாண்டில் 3,47,786 கிலோ லிட்டர் அளவிலான டிரான்ஸ் ஃபார்மர் ஆயிலை விற்பனை செய்துள்ளது.

மின்மாற்றிகளில் உபயோகிக்கப் படும் பல்வேறு ரக ஆயில்களை உற்பத்தி செய்துவரும் இந்த நிறுவனம், உலகத்தின் பலநாடுகளிலும் நிர்ணயிக்கப்பட்டுள்ள தர நிர்ணய அடிப்படையிலான நாப்தெனிக் மற்றும் ஐசோ-பாராஃபினிக் கிரேடு ஆயில்களை உற்பத்தி செய்துவருகிறது. இது தவிர, வாடிக்கை யாளர்களுக்குத் தேவைப்படும் ரீதியிலான தனிப்பட்ட பயன் களுக்கான (specification based and customized) அளவிலான ஆயில் களையும் உற்பத்தி செய்து தருகிறது.

800 கிலோவாட் அளவிலான மின்சாரம் கடத்தும் டிரான்ஸ்மிஷன் கிரிட்டுகளில் பயன்படுத்தப்படு வதற்குத் தேவையான ஸ்பெஷல் நாப்தனிக் ஹைகிரேட் ஆயிலை இந்த நிறுவனம் தன்னுடைய ஆய்வு களின் மூலம் கண்டறிந்து உற்பத்தி செய்து விற்பனை செய்கிறது.

ஸ்பெஷாலிட்டி ஆயில்கள் பிரிவில் 50 ஆண்டுகளுக்கும் மேலாக சிறப்பாகச் செயல்பட்டுவரும் இந்த நிறுவனம், இந்தியாவில் நான்கு லட்சம் கிலோ லிட்டர் அளவிலான நிர்மாணிக்கப்பட்ட உற்பத்தி மையத்தையும் யு.ஏ.இ-யில் 1,20,000 கிலோ லிட்டர் அளவிலான நிர்மாணிக்கப்பட்ட உற்பத்தி வசதி யையும் கொண்டிருக்கிறது.

இந்த நிறுவனத்தின் ஆராய்ச்சி மையங்களில் கண்டுபிடிக்கப்பட்டு `பவர் ஆயில்’ என்ற பிராண்டில் சந்தைப்படுத்தப்படும் மின்மாற்றி களில் பயன்படுத்தப்படும் ஆயில் 125-க்கும் மேலான நாடுகளில் பல லட்சம் மின்மாற்றிகளில் பயன் படுத்தப்படுகிறது. வொயிட் ஆயில் எனப்படும் (Liquid Paraffins) மருந்து உற்பத்தித்துறை மற்றும் மனிதர்கள் உட்கொள்ளும் அளவிலான லிக்யுட் பாரபின்களை (வொயிட் ஆயில்கள்) ‘பவர்ஆயில் பியர்ல்’ எனும் பிராண்டில் உற்பத்தி செய்து விற்பனை செய்து வருகிறது. இதே பிரிவில், டெக்னிக்கல்-கிரேடு வொயிட் ஆயில்களை ‘பவர்ஆயில் டோபாஸ்’ எனும் பிராண்ட் பெயரில் உற்பத்தி செய்து விற்பனை செய்து வருகிறது.

பவர் ஆயில் பெர்ல்ஸ் என்பது பேபி ஆயில், மருந்து உற்பத்தி, அழகு சாதனங்கள், உணவு பேக்கேஜிங் மற்றும் கோட்டிங், கேசம் மற்றும் தோல் பாதுகாப்பு, பேக்கரி, பிளாஸ்டிக் உற்பத்தி போன்றவற்றில் பயன்படுத்தப்படுகிறது. பவர் ஆயில் டோபாஸ் என்பது ஜவுளி மற்றும் ரப்பர் உற்பத்தி, தெர்மோ பிளாஸ்டிக் உற்பத்தி, ஸ்ப்ரே ஆயில்கள், பாலிஷ் மற்றும் பெட்ரோலியம் ஜெல்லி போன்றவற்றை உற்பத்தி செய்வதில் பயன்படுத்தப்படுகிறது.

பவர் ஆயில் பெட்ரோலியம் ஜெல்லி எனும் தயாரிப்பையும் இந்த நிறுவனம் உற்பத்தி செய்கிறது. இந்த வகைத் தயாரிப்புகள் பெர்சனல் கேர், பார்மச் சூட்டிக்கல் பார்முலேஷன் (ஆயின் மென்ட்டுகளுக்கான அடித்தளம்), டெர்மட்டாலஜி பிரிவில் பயன்படுத்தப் படும் மருந்துகள் தயாரிப்பு, பேட்டரி களில் ஒயர்களை இணைக்கும் பகுதியில் பயன்படுத்தப்படும் ஜெல்லி, தோல் பதனிடும் துறை போன்றவற்றில் பயன்படுத்தப் படுகிறது. இந்தப் பிரிவில் உற்பத்தி செய்யப் படும் ஆயில்கள் மற்றும் ஜெல்லி 125 நாடுகளுக்கு ஏற்றுமதி செய்யப் பட்டு வருகிறது.

1999-ம் ஆண்டில் கேபிள் உற்பத்தியில் கால்பதித்த இந்த நிறுவனம், இன்றைக்கு இரண்டு உற்பத்தி மையங்களை கேபிள் உற்பத்திக்கெனவே பிரத்யேக மாகக் கொண்டிருக்கிறது. கேபிள்கள் பிரிவில் எம்.வி/ஹெச்.வி எக்ஸ்.எல்.பி.இ இன்சுலேட்டட் பவர் கேபிள்கள் - 66 கிலோவாட் வரையிலான ரகம், எல்.வி. எக்ஸ்.எல்.பி.இ இன்சுலேட்டட் பவர் கேபிள்கள் – 1000 மில்லி மீட்டர் அளவு வரையிலான ரகத்தில், எல்.வி.எக்ஸ்.எல்.பி.இ/பி.வி.சி இன்சுலேட்டட் கன்ட்ரோல் கேபிள்கள் – 61 கோர் வரையிலான ரகத்தில், எல்.வி மற்றும் எம்.வி ஏரியல் பஞ்ச் கேபிள்கள், இ.ஹெச்.வி/எம்.வி ஓவர்ஹெட் கவர்டு கண்டக்டர்கள் உள்ளிட்ட பல சிறப்பு உபயோகத்துக்கான கேபிள்களை உற்பத்தி செய்து விற்பனை செய்துவருகிறது.

இந்தத் தொழில் பிரிவின் தயாரிப்புகள் நூற்றுக்கும் மேற்பட்ட நாடுகளுக்கு ஏற்றுமதி செய்யப்படுகிறது. 2010-ம் ஆண்டில் லூப்ரிக்கன்ட்ஸ் தயாரிப்பில் கால்பதித்த இந்த நிறுவனம், ஆண்டொன்றுக்கு ஏறக்குறைய 3,47,786 கிலோ லிட்டர்கள் அளவிலான லூப்ரிக்கன்ட்ஸ்களை விற்பனை செய்துவருகிறது.

இந்த நிறுவனத்தின் மற்றும் ஓர் உற்பத்திப் பிரிவான பாலிமர் பிரிவில் தெர்மோ பிளாஸ்டிக் எலாஸ்டோ மர்ஸ், தெர்மோ பிளாஸ்டிக் வல்கனை சேட்ஸ், கேபிள் காம்பவுன்ட்ஸ் போன்ற தயாரிப்புகளை உற்பத்தி செய்து விற்பனை செய்துவருகிறது. மேலும், இந்தத் தொழில் பிரிவில் உலகளவில் இருக்கும் சில முன்னணி பிராண்டுகளின் தயாரிப்புகளை (மைலாஸ்டோமர், மிராத்தேன் உள்ளிட்டவை) இந்தியாவில் விநியோகம் செய்தும் வருகிறது இந்த நிறுவனம்.

ரிஸ்க்குகள் ஏதும் உண்டா?

மின்சாரம் கடத்துதல், மின் மாற்றிகளுக்கான ஆயில், கேபிள்கள் மற்றும் லூப்ரிக்கேஷன்கள் உற்பத்தி செய்யும் நிறுவனங்களுக்கு உரித்தான அனைத்து ரிஸ்க்குகளும் இந்த நிறுவனத்துக்கும் உண்டு.

மேலும், இந்த நிறுவனத்தின் தயாரிப்புகளை உபயோகிக்கும் நிறுவனங்கள் சார்ந்த துறைகள் அனைத்துமே பொருளாதார வளர்ச்சியை சார்ந்தே வளர்ச்சி யடையும் துறைகளாகும். எனவே, ஏதாவது ஒரு காரணத்தால் உலகத்தின் பொருளாதார வளர்ச்சி எதிர்பார்த்த அளவு இல்லாது போனாலோ, தேக்கநிலையை சந்தித்தலோ அது இந்த நிறுவனத்தின் செயல்பாட்டையும் பாதிக்க வாய்ப்புள்ளது.

மேலும், அந்நியச் செலாவணி மதிப்பு மாறுதல், அரசாங்கத்தின் கொள்கை முடிவுகள், கச்சா எண்ணெயின் விலை மாறுதல், மூலப்பொருள்களின் விலை மாறுதல் போன்றவையும் இந்த நிறுவனத்துக் கான ரிஸ்க்குகள் ஆகும்.

அபார் இண்டஸ்ட்ரீஸ் லிமிடெட்! (NSE SYMBOL: APARINDS, BSE CODE: 532259) அறிவோம் பங்கு நிறுவனம்...

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம்.

பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்கும்முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே முதலீட்டு நடவடிக்கைகளை நீங்கள் எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism