Published:Updated:

கேலக்ஸி சர்பெக்டென்ட்ஸ் லிமிடெட்! (NSE: GALAXYSURF, BSE: 540935)

அறிவோம் பங்கு நிறுவனம்... K N O W Y O U R C O M P A N Y

பிரீமியம் ஸ்டோரி

கேலக்ஸி கெமிக்கல்ஸ் என்ற பெயரில் 1980-ம் ஆண்டில் ஆரம்பிக்கப்பட்டு, 41 ஆண்டு களாக வெற்றிகரமாகச் செயல்பட்டுவரும் நிறுவனமான கேலக்ஸி சர்பெக்டென்ட்ஸ் லிமிடெட் என்ற நிறுவனம் குறித்து இந்த வாரம் நாம் அறிந்து கொள்ளப் போகிறோம்.

நிறுவனத்தின் வளர்ச்சி...

இந்தியாவைத் தலைமையகமாகக் கொண்டு இயங்கும் ஒரு பன்னாட்டு நிறுவனமாக இந்த நிறுவனம் உருவெடுத்துள்ளது. இருநூறுக்கும் மேற்பட்ட தயாரிப்புகளையும், எண்பது நாடுகளைச் சார்ந்த 1,750-க்கும் மேலான நிறுவன ரீதியிலான வாடிக்கையாளர்களையும் கொண்டிருக்கிறது. தனிநபர் அழகு மற்றும் சுகாதாரப் பராமரிப்பு மற்றும் வீட்டு உபயோகம் மற்றும் பராமரிப்புக் கான தயாரிப்புகளில் பயன்படுத்தப் படும் வேதிப்பொருள்களை உற்பத்தி செய்து விற்பனை செய்துவருகிறது இந்த நிறுவனம்.

சர்பெக்டென்ட்ஸ் என்பது சர்பேஸ் ஆக்டிவ் ஏஜென்ட் என்னும் தண்ணீர் போன்ற திரவங்களின் மேற்பரப்பில் இருக்கும் இறுக்கமான விசை (surface tension) குறைத்து, ஈரப்பதத்தை எந்த ஒரு பொருளின் மீதும் வேகமாகப் பரப்ப உதவும் வேதிப்பொருளாகும். இந்தியாவில் ஐந்து, அமெரிக்காவில் ஒன்று மற்றும் எகிப்து நாட்டில் ஒன்று என ஏழு உற்பத்தி மையங்களைக் கொண்டு இயங்கி வருகிறது இந்த நிறுவனம்.

அகில இந்திய ரீதியாகப் பத்தில் ஒன்பது வாடிக்கையாளர்கள் இந்த நிறுவனத்தின் தயாரிப்பு அடங்கிய பொருளை உபயோகிக்கின்றனர் என்பது குறிப்பிடத்தக்க விஷயமாகும். சர்பெக்டென்ட்ஸ்களில் ஒன்றான அமினோ ஆசிட் சர்பெக்டென்ட்ஸை (லேசான சர்பெக்டென்ட்ஸ்) உற்பத்தி செய்வதில் பசுமை சார்ந்த வழிமுறை களைக் கடைப்பிடித்து வருகிற இந்த நிறுவனம், இதற்கான விருதையும் பெற்றுள்ளது. 2000-ம் ஆண்டில் இருந்து இந்த நிறுவனம் 77 காப்புரிமை களைப் பெற்றுள்ளது தனிச்சிறப்பான விஷயமாகும்.

1980-ம் ஆண்டில் ஆரம்பிக்கப்பட்ட இந்த நிறுவனம், 1984-ம் ஆண்டில் தாராப்பூரில் புதிய உற்பத்தி மையத்தைத் தொடங்கியது. 1997-ம் ஆண்டில் மும்பையில் கேலக்ஸி ஆய்வு மையத்தைத் தொடங்கிய இந்த நிறுவனம், 1998-ம் ஆண்டில் தலோஜாவில் புதிய உற்பத்தி மையத்தைத் தொடங்கியது. 1999-ம் ஆண்டில் தன்னுடைய முதலாவது வெளிநாட்டு அலுவலகத்தைத் தாய்லாந்தில் உள்ள பாங்காங்கில் தொடங்கியது. 2004-ம் ஆண்டில் தலோஜாவில் முழுக்க முழுக்க ஏற்றுமதிக்கான உற்பத்தியை மட்டும் செய்யும் (EOU) மையத்தை நிறுவியது இந்த நிறுவனம்.

2009-ம் ஆண்டில் அமெரிக்க நிறுவனமான டி.ஆர்.ஐ.கே எனும் நிறுவனத்தைக் கையகப்படுத்தியது இந்த நிறுவனம். 2011-ம் ஆண்டில் குஜாராத்தில் உள்ள ஜகாடியா எனும் இடத்திலும், எகிப்து நாட்டில் உள்ள சூயஸ் எனும் இடத்திலும் அதிநவீன தொழில்நுட்பத்துடன்கூடிய உற்பத்தி மையத்தை நிறுவியது இந்த நிறுவனம். 2018-ம் ஆண்டில் இந்த நிறுவனம், மும்பை மற்றும் தேசிய பங்குச் சந்தையில் பட்டியலிடப்பட்டது. அதே ஆண்டில் இந்த நிறுவனம் சீனாவில் உள்ள ஷாங்காயில் தன்னுடைய அலுவலகத்தைத் தொடங்கியது.

தற்போதைய நிலவரப்படி, மகா ராஷ்டிராவில் உள்ள தாராப்பூரில் ஆண்டொன்றுக்கு 33,467 MTPA அளவிலும், தலோஜாவில் 1,53,741 MTPA என்ற அளவிலும், குஜராத்தில் உள்ள ஜகாடியாவில் 1,31,000 MTPA என்ற அளவிலும், எகிப்தில் உள்ள சூயஸ் எனும் இடத்தில் 1,17,500 MTPA என்ற அளவிலும், அமெரிக்காவில் உள்ள நியூ ஹாம்ப்ஷயர் எனும் இடத்தில் 600 MTPA என்ற அளவிலுமான நிர்மாணிக்கப்பட்ட உற்பத்தி மையத்தைக்கொண்டு இயங்கிவருகிறது இந்த நிறுவனம்.

கேலக்ஸி சர்பெக்டென்ட்ஸ் லிமிடெட்! (NSE: GALAXYSURF, BSE: 540935)

நிறுவனத்தின் தயாரிப்புகள்...

இந்த நிறுவனத்தின் தயாரிப்புகள் கேசப் பராமரிப்பில் ஷாம்பூ, கண்டிஷனர், கேசத்துக்கான நிற சாயங்கள், ஸ்டைலிங் ஜெல்கள் போன்றவற்றிலும், பல் பாதுகாப்பில் பற்பசை, பல்பொடி, மவுத் வாஷ் போன்றவற்றிலும், வீட்டுப் பராமரிப்பில் கார்பெட் க்ளீனர், டாய்லெட் க்ளீனர், டிடெர்ஜென்ட்டுகள், பேப்ரிக் க்ளீனர்கள், கிளாஸ் மற்றும் கதவுகள் சுத்தம் செய்யும் பொருள்கள் போன்றவற்றிலும், சருமப் பாதுகாப்பு பிரிவில் சன்கேர், ஃபேர்னெஸ் க்ரீம், மாய்ஸ்ட்சரைசிங் க்ரீம்கள், ஆன்ட்டி-ஏஜிங் க்ரீம்ஸ் போன்றவற்றிலும், காஸ்மெட்டிக்ஸ் பிரிவில் நெயில் பாலிஷ், உதட்டு சாயங்கள், பவுண்டேஷன்கள் போன்றவற்றிலும், டாய்லெட்டரிஸ் பிரிவில் ஹேண்ட் வாஷ், டாய்லெட் சோப், பாடி வாஷ், ஷேவிங் க்ரீம் மற்றும் லோஷன்கள் போன்றவற்றிலும் இந்த நிறுவனம் தயாரிக்கும் வேதிப்பொருள்கள் உபயோகிக்கப்படுகின்றன.

உற்பத்தி செய்யும் வேதிப் பொருள் களின் பிரிவு ரீதியாகப் பார்த்தால், ஃபேட்டி ஆல்கஹால் சல்பேட்ஸ் மற்றும் ஈத்தர் சல்பேட்ஸ், ஃபேட்டி ஆல்கஹால் ஈத்தாக்சிலேட்ஸ் மற்றும் லீனியர் ஆல்கைல்பென்சீன் சல்போனேட், ஃபோம் மற்றும் விஸ்காசிட்டி பூஸ்டர்கள், மைல்டு சர்பெக்டென்ட்ஸ், பியர்லைசர்ஸ், சர்பெக்டென்ட் ப்ளென்ட்ஸ், சின்டெட் அண்ட் சிபிபி, சன் ஸ்க்ரீன்ஸ், ஃபங்ஷனல் ஆக்டிவ்ஸ் மற்றும் ப்ரிசர்வேட்டிவ்ஸ் அண்ட் ப்ளென்ட்ஸ் போன்ற வகை வேதிப்பொருள்களை உற்பத்தி செய்து தன்னுடைய வாடிக்கையாளர்களுக்கு வழங்கிவருகிறது.

கேலக்ஸி சர்பெக்டென்ட்ஸ் லிமிடெட்! (NSE: GALAXYSURF, BSE: 540935)

வியாபார வாய்ப்புகள்...

உலகளவில் சந்தையின் ஒட்டு மொத்த அளவீட்டில் சருமப் பாதுகாப்பு என்பது அமெரிக்க டாலர் அளவீட்டில் 140 பில்லியன் டாலர் அளவிலான சந்தை யாகவும், கேசப்பாதுகாப்பு என்பது 80 பில்லியன் டாலர் அளவிலான சந்தையாகவும், சூரிய ஒளியிலிருந்து பாதுகாக்க உதவும் க்ரீம்கள் 13 பில்லியன் டாலர் அளவிலான சந்தை யாகவும், பல் பாதுகாப்பு என்பது 45 பில்லியன் டாலர் அளவிலான சந்தையாகவும், வீட்டு பராமரிப்பு என்பது 150 பில்லியன் டாலர் அளவிலான சந்தையாகவும் இருக்கிறது. இதனால் இந்த நிறுவனத்தின் தயாரிப்புகளுக்கு தொடர்ந்து தேவைகள் இருக்கவே செய்யும்.

இந்த நிறுவனம் தன்னுடைய தேவைக்கான ஆராய்ச்சி மையத்தையும் நிறுவியுள்ளது. இந்த ஆராய்ச்சி மையத்தில் என்ஜினீயர்கள், கெமிஸ்ட்டுகள் மற்றும் முனைவர் பட்டம் பெற்றவர்கள் என 74 பேர் கொண்ட குழு ஒன்று பணியில் இருக்கிறது. இந்தியாவில் 16 காப்புரிமைகளையும், அமெரிக்காவில் 17 காப்புரிமைகளையும், ஐரோப்பா வில் 5 காப்புரிமைகளையும், ஆர்.ஓ.டபிள்யூ நாடுகளில் (சீனா, ரஷ்யா, பிரேசில், தென் ஆப்பிரிக்கா, ஆஸ்திரேலியா மற்றும் துருக்கி) ஒன்பது காப்புரிமைகளையும் பெற்றுள்ளது இந்த நிறுவனம்.

உலக அளவில் இந்த நிறுவனத்தின் வாடிக்கையாளர்களாக யூனிலீவர், டாபர், ப்ராக்டர் அண்ட் கேம்பிள், கோல்கேட் பாமோலிவ், ரெக்கிட் பென்சர், ஹிமாலயா, ஹென்கெல், இமாமி, லோரியல், கவின் கேர் உள்ளிட்ட பல முன்னணி நிறுவனங் கள் இருக்கின்றன. 2020 நிதியாண்டில் இருந்த மொத்த விற்று வரவில் பன்னாட்டு நிறுவனங்களின் வாயிலாக ஈட்டிய வருவாய் 51% அளவிலும், மண்டல அளவிலான நிறுவனங்களிடம் இருந்து ஈட்டிய வருவாய் 11% அளவிலும் உள்நாட்டு வாடிக்கையாளர்களிடம் இருந்து ஈட்டிய வருவாய் 34% அளவிலும் இருந்தது.

கேலக்ஸி சர்பெக்டென்ட்ஸ் லிமிடெட்! (NSE: GALAXYSURF, BSE: 540935)

ரிஸ்க்குகள் ஏதும் உண்டா?

இந்த நிறுவனத்தின் தயாரிப்புகளை வாங்கும் நிறுவனங்கள் பெரும்பாலும் எஃப்.எம்.சி.ஜி நிறுவனங்களாக இருப்பதால், இந்த நிறுவனங்களுக்கு உரித்தான அனைத்து ரிஸ்க்குகளும் இந்த நிறுவனத்துக்கும் உண்டு. கெமிக்கல்கள் உற்பத்தி என்பதால் அரசாங்கத்தின் சுற்றுச்சூழல் சார்ந்த கொள்கைகளில் ஏற்படும் மாறுதல்கள், தொழில்நுட்ப மாறுதல், போட்டி நிறுவனங்கள் ஏற்படுத்தும் விலை சார்ந்த போட்டி, மூலப் பொருள்கள் விலை உயர்வு, அந்நிய செலாவணி மதிப்பு மாறுதல் போன்ற வையும் இந்த நிறுவனத்துக்கு உரித்தான ரிஸ்க்குகளேயாகும்.

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்கும்முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே முதலீட்டு நடவடிக்கைகளை நீங்கள் எடுக்க வேண்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு