Published:Updated:

கோட்டக் மஹிந்திரா பேங்க்!

கோட்டக் மஹிந்திரா பேங்க்!
பிரீமியம் ஸ்டோரி
கோட்டக் மஹிந்திரா பேங்க்!

கம்பெனி பயோடேட்டா

கோட்டக் மஹிந்திரா பேங்க்!

கம்பெனி பயோடேட்டா

Published:Updated:
கோட்டக் மஹிந்திரா பேங்க்!
பிரீமியம் ஸ்டோரி
கோட்டக் மஹிந்திரா பேங்க்!

கம்பெனி பயோடேட்டா பகுதியில் நாம் இந்த வாரம் அலசப் போகும் நிறுவனம், கோட்டக் மஹிந்திரா பேங்க் லிமிடெட் எனும் வங்கியினுடையது. 1985-ம் ஆண்டில் கோட்டக் மஹிந்திரா ஃபைனான்ஸ் லிமிடெட் என்ற பெயரில் பில் டிஸ்கவுன்டிங் செய்யும் சேவையுடன் ஆரம்பிக்கப்பட்ட நிறுவனம்தான் இன்றைய கோட்டக் மஹிந்திரா பேங்க் நிறுவனத்துக்கான ஆரம்பப்புள்ளி. பல்வேறு சூழ்நிலைகளில் சிறப்பாகச் செயல்பட்டு இன்றைக்கு வெற்றிகரமான ஒரு வங்கியாக வாடிக்கையாளர்கள் மத்தியில் நன்மதிப்புடனும் நம்பிக்கையுடனும் செயல்பட்டு வருகிறது இந்த வங்கி.

வங்கியின் வரலாறு...

1987-ம் ஆண்டில் ஹையர் பர்ச்சேஸ் துறை யில் கால்பதித்த இந்த நிறுவனம் 1990-ம் ஆண்டில் ஆட்டோமொபைல்களுக்கான கடன்களை வழங்கும் பிரிவை ஆரம்பித்தது. பின்னர், 1991-ம் ஆண்டில் இன்வெஸ்ட்மென்ட் பேங்கிங் பிரிவை ஆரம்பித்த இந்த நிறுவனம், 1995-ம் ஆண்டில் கோல்டுமேன் சேச் நிறுவனத்துடன் இந்தப் பிரிவில் இணைந்து செயல்படுவதற்கான ஒப்பந்தத்தைச் செய்து கொண்டது. 1996-ம் ஆண்டில் கோட்டக் மஹிந்திரா ப்ரைமஸ் லிமிடெட் (தற்போது கோட்டக் மஹிந்திரா ப்ரைம் லிமிடெட் என்ற பெயரில் இயங்கிவருகிறது) எனும் நிறுவனத்தை ஃபோர்டு கிரெடிட் நிறுவனத்துடன் இணைந்து தொடங்கியது.

1998-ம் ஆண்டில் கோட்டக் மஹிந்திரா அஸெட் மேனேஜ்மென்ட் கம்பெனியை நிறுவிய இந்த நிறுவனம், 2001-ம் ஆண்டில் கோட்டக் மஹிந்திரா ஓல்டு மியூச்சுவல் லைஃப் இன்ஷூரன்ஸ் லிமிடெட் எனும் நிறுவனம், ஓல்டு மியூச்சுவல் பி.எல்.சி எனும் நிறுவனத்துடன் கூட்டணி அமைத்தது.

2003-ம் ஆண்டில் இந்திய வரலாற்றிலேயே முதன்முதலாக ஒரு வங்கியல்லாத நிதி சேவைகளை வழங்கும் நிறுவனமான கோட்டக் மஹிந்திரா ஃபைனான்ஸ் லிமிடெட் ஒரு கமர்ஷியல் வங்கியாக (கோட்டக் மஹிந்திரா பேங்க் லிமிடெட் என) ரிசர்வ் வங்கியின் அனுமதியுடன் மாற்றியமைக்கப்பட்டது.

2006-ம் ஆண்டில் கோல்டுமேன் சேச் நிறுவனம் வைத்திருந்த கோட்டக் செக்யூரிட்டீஸ் லிமிடெட் மற்றும் கோட்டக் மஹிந்திரா இன்வெஸ்மென்ட் பேங்கிங் பிரிவின் பங்குகளை முழுமையாக வாங்கியது கோட்டக் மஹிந்திரா வங்கி. 2008-ம் ஆண்டில் துபாயில் தன்னுடைய அயல்நாட்டு அலுவலகத்தை ஆரம்பித்தது. 2009-ம் ஆண்டில் பென்ஷன் ஃபண்ட் ஒன்றை நேஷனல் பென்ஷன் ஸ்கீமின்கீழ் இந்தக் குழுமம் ஆரம்பித்தது.

கோட்டக் மஹிந்திரா பேங்க்!

2014-ம் ஆண்டில் மல்ட்டி கமாடிட்டி எக்ஸ்சேஞ்ச் ஆஃப் இந்தியா லிமிடெட் நிறுவனத்தின் 15% பங்குகளை வாங்கிய இந்த நிறுவனம், அதே ஆண்டில் இந்த நிறுவனத்தின் 100% துணை நிறுவனமான கோட்டக் மஹிந்திரா அஸெட் மேனேஜ்மென்ட் கம்பெனி லிமிடெட் நிறுவனம் மூலமாக பைன் பிரிட்ஜ் மியூச்சுவல் பண்ட் எனும் நிறுவனத்தின் இந்திய மியூச்சுவல் ஃபண்ட் ஸ்கீம்களைக் கையகப்படுத்தும் ஒப்பந்தத்தைச் செய்தது.

டெக்னாலஜியில் வேகம்...

2015-ம் ஆண்டில் வாடிக்கையாளர்களுக்கு சிறந்த சேவை வழங்குவதற்கு ஏதுவாக டெக்னாலஜி மற்றும் ப்ளாட் ஃபார்ம்களில் முதலீடுகளைச் செய்த கோட்டக் மஹிந்திரா பேங்க் பல்வேறு அதிநவீன கணினி சார்ந்த தொழில் நுட்பங்களை வாடிக்கையாளர்களுக்கு வழங்குகிற சேவைகளில் உபயோகத்துக்காக அறிமுகப்படுத்தியது. ஜிஃபி எனும் ஒருங்கிணைந்த அக்கவுன்ட் வசதி, கேபே எனும் உடனடியாகப் பணத்தை வேறு கணக்குக்கு மாற்றும் வசதி போன்ற வசதிகள் இந்த டெக்னாலஜி முன்னெடுப்பு களின் கீழ் அடங்குபவையாகும்.

2018-ம் ஆண்டில் கோட்டக் இன்ஃப்ராஸ்ட்ரக்சர் டெட் ஃபண்ட் லிமிடெட் என்ற நிறுவனத்தை ஆரம்பித்த இந்த நிறுவனம், அதே ஆண்டில் கோட்டக் மஹிந்திரா ஓல்டு மியூச்சுவல் லைஃப் இன்ஷூரன்ஸ் லிமிடெட் நிறுவனத்தில் ஓல்டு மியூச்சுவல் பி.எல்.சி யுகே லிமிடெட் செய்திருந்த 26% முதலீட்டை வாங்கியது.

ஒருங்கிணைந்த நிதி மற்றும் நிதி சார்ந்த சேவைகள் அனைத்தையும் வழங்கும் ஒரு வங்கியாக வெற்றிகரமாக இயங்கிவரும் இந்த வங்கி, கடந்த நிதியாண்டின் இறுதியில் ரூ.2,78,871 கோடி அளவிலான டெபாசிட்டுகளையும், ரூ.2,52,188 கோடி அளவிலான கடனையும் வழங்கி வெற்றி கரமாகச் செயல்பட்டு வருகிறது. 781 ஊர்களில் 1,604 கிளை களுடனும், 2,598 ஏ.டி.எம்-களுடனும் (கடந்த நிதியாண்டின் இறுதி நிலவரப்படி) வெற்றிகரமாகச் செயல்பட்டு வருகிறது இந்த வங்கி.

இந்தியாவில் குஜராத்தில் இருக்கும் கிஃப்ட் சிட்டி மற்றும் துபாயில் உள்ள துபாய் இன்டர்நேஷனல் ஃபைனான்ஷியல் சென்டர் என்ற இரண்டு இடங்களிலும் அலுவலகங்கள்/கிளைகளுடன் செயல்பட்டு வருகிறது இந்த வங்கி. 17.8 மில்லியன் டெபிட் கார்டுகள் மற்றும் 2.4 மில்லியன் கிரெடிட் கார்டுகள் போன்றவற்றை அகில இந்திய ரீதியாகக் கொடுத்துள்ளது இந்த நிறுவனம்.

கன்ஸ்யூமர் பேங்கிங், ஹோல் சேல் பேங்கிங், கமர்ஷியல் பேங்கிங் மற்றும் ஏனைய பைனான்ஷியல் சர்வீசஸ் என்ற நான்கு பெரும்பிரிவுகளில் செயல்பட்டுவருகிறது கோட்டக் மஹிந்திரா வங்கி. கன்ஸ்யூமர் பேங்க்கிங் பிரிவில் கிளைகள் வாயிலாக வழங்கும் சேவைகள், 811 என்ற பிரிவின் கீழ் வழங்கும் சேவைகள், ஹோம்லோன்கள் மற்றும் அசையாத சொத்து களுக்கு ஈடான கடன்கள் வழங்குதல், பர்சனல் லோன்கள், கன்ஸ்யூமர் ஃபைனான்ஸ், கிரெடிட் கார்டுகள், பிரையா ரிட்டி பேங்கிங் வசதி, சிறு தொழில்களுக்கான கடன்களை வழங்குதல், என்.ஆர்.ஐ-களுக் கான சேவைகளை வழங்குதல், தங்க நகைக் கடன், கிராமப் புறத்தில் வீடுகள் கட்டுவதற்கான கடன்கள் மற்றும் கிராமப்புறத்தில் சிறு தொழில்கள் செய்வதற்கான கடன்கள், ஃபாரெக்ஸ் கார்டுகள், ஃபாஸ்ட்டேக் போன்ற சேவை களை வழங்கிவருகிறது.

ஹோல்சேல் பேங்கிங் பிரிவில் பெரு நிறுவனங்களுக்கான கடன்களை வழங்குதல், டிரேட் ஃபைனான்ஸ், அன்றாட வர்த்தகத்துக்குத் தேவைப்படும் வங்கிச் சேவைகள், ஃபாரெக்ஸ்/ட்ரெஷரி, பண மேலாண்மை (கேஷ் மேனேஜ்மென்ட்) போன்ற வசதிகளை வழங்கிவருகிறது.

கோட்டக் மஹிந்திரா பேங்க்!
கோட்டக் மஹிந்திரா பேங்க்!

கடன் சேவை...

கமர்ஷியல் பேங்கிங் பிரிவின் கீழ் விவசாயத்துக்கான கடன்கள், டிராக்டர்கள் வாங்குவதற்கான கடன்கள், கமர்ஷியல் வாகனங்கள் வாங்குவதற்கான கடன்கள், கட்டுமானத் துறையில் பயன் படுத்தப்படும் இயந்திரங்களை வாங்குவதற்கான கடன்கள், மைக்ரோ ஃபைனான்ஸ் வசதி போன்ற சேவைகளை வழங்கி வருகிறது கோட்டக் மஹிந்திரா வங்கி. ஏனைய ஃபைனான்ஷியல் சேவைகள் பிரிவில் வெல்த் மேனேஜ்மென்ட், கார் மற்றும் இருசக்கர வாகனங்களுக்கான கடன்களை வழங்குதல், மியூச்சுவல் ஃபண்ட், ஆல்டர்நேட்டிவ் இன்வெஸ்ட்மென்டுகள், ஆஃப் ஷோர் ஃபண்டுகள், லைஃப் இன்ஷூரன்ஸ், ஜெனரல் இன்ஷூரன்ஸ், இன்வெஸ்ட் மென்ட் பேங்கிங், பங்குத் தரகு வசதிகள், ஷேர்களுக்கு ஈடாக கடன் வழங்கும் வசதி, அஸெட் ரீ-கன்ஸ்ட்ரக்‌ஷன் போன்ற சேவைகளை வழங்கி வருகிறது கோட்டக் மஹிந்திரா வங்கி.

ரிஸ்க்குகள் என்னென்ன?

வங்கித் துறையில் செயல்பட்டுவரும் நிறுவனங்கள் அனைத்துக்கும் உண்டான ரிஸ்க்குகள் இந்த நிறுவனத்துக்கும் உண்டு. வங்கித்துறை என்பது பொதுவாக பொருளாதார வளர்ச்சியைப் பெருமளவு சார்ந்து வளர்கிற துறையாகும். பொருளாதார வளர்ச்சி குறைந்தாலோ, தேக்க நிலை வந்தாலோ அது வியாபாரத்தின் வளர்ச்சியைக் குறைத்தும் அதே சமயம் வாராக்கடனை அதிகரிக்கவும் செய்துவிடும் வாய்ப்புள்ளது.

எனவே, ஏதாவது ஒரு காரணத்தால் பொருளாதாரம் எதிர்பார்த்த அளவில் வளராதுபோனால் அது இந்த நிறுவனத்தின் செயல்பாட்டை பாதிக்க வாய்ப்புள்ளது. மேலும் அரசாங்கத்தின் கொள்கை முடிவுகள், வட்டி விகிதச் சூழல், கடன்கள் பெறுவதில் வாடிக்கையாளர்கள் மத்தியில் இருக்கும் ஆர்வம் போன்றவையும் இந்த வங்கியின் செயல்பாட்டை பாதிக்கவே செய்யும்.

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப் படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கு உட்பட்டது என்ப தால், எந்தவொரு பங்கை வாங்கும் முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே முதலீட்டு நடவடிக்கைகளை நீங்கள் எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism