Published:Updated:

சோலார் இண்டஸ்ட்ரீஸ் இந்தியா லிமிடெட்! (NSE SYMBOL: SOLARINDS, BSE CODE: 532725)

சோலார் இண்டஸ்ட்ரீஸ் இந்தியா
பிரீமியம் ஸ்டோரி
சோலார் இண்டஸ்ட்ரீஸ் இந்தியா

அறிவோம் பங்கு நிறுவனம்... K N O W Y O U R C O M P A N Y

சோலார் இண்டஸ்ட்ரீஸ் இந்தியா லிமிடெட்! (NSE SYMBOL: SOLARINDS, BSE CODE: 532725)

அறிவோம் பங்கு நிறுவனம்... K N O W Y O U R C O M P A N Y

Published:Updated:
சோலார் இண்டஸ்ட்ரீஸ் இந்தியா
பிரீமியம் ஸ்டோரி
சோலார் இண்டஸ்ட்ரீஸ் இந்தியா

இன்றைக்கு உலக அளவில் தொழில்துறையில் பயன் படுத்தப்படும் வெடி பொருள்கள் உற்பத்தியில் சிறப்பான அங்கீகாரத்தைப் பெற்றுள்ளது சோலார் இண்டஸ்ட்ரீஸ் நிறுவனம். 1995-ம் ஆண்டு ஒரே ஒரு தொழிற்சாலையுடன் ஆரம்பிக்கப் பட்ட நிறுவனமான இந்த நிறுவனத் தைத்தான் இந்த வாரம் நாம் பார்க்க இருக்கிறோம்.

நிறுவனத்தின் வளர்ச்சி...

சத்ய நாராயண் நந்த்லால் நுவால் என்பவரால் 1983-ம் ஆண்டில் ஒரு வெடிபொருள்கள் வர்த்தகம் செய்யும் நிறுவனமாக ஆரம்பிக்கப்பட்டு பின்னர் வெடிபொருள்கள் உற்பத்தியில் கால்பதித்தது இந்த நிறுவனத்தின் அடித்தளமாகும். 1995-ம் ஆண்டில் கம்பெனிச் சட்டத்தின் கீழ் பதிவு செய்யப்பட்டது இந்த நிறுவனம். 1996-ம் ஆண்டில் டெட்டோனேட்டர்கள் உற்பத்தியில் கால்பதித்தது இந்த நிறுவனம். 1998-ம் ஆண்டில் டெட்டோனேட்டிங் கார்டுகள், காஸ்ட் பூஸ்டர்கள் மற்றும் பி.இ.டி.என் எனும் ரக வெடிமருந்துகள் (Detonating Cord, Cast Booster and PETN) உற்பத்தியில் கால்பதித்தது. 2000-ம் ஆண்டில் பேக்கேஜ்டு வெடிமருந்துகள் உற்பத்தியை ஆரம்பித்த சோலார் இண்டஸ்ட்ரீஸ், 2001-ம் ஆண்டில் பல்க் எக்ஸ்ப்ளோசிவ்ஸ் உற்பத்தியை ஆரம்பித்தது. 2006-ம் ஆண்டில் மும்பை மற்றும் தேசிய பங்குச் சந்தை யில் பட்டியலிடப்பட்ட இந்த நிறுவனம் அதே ஆண்டில் ஏற்றுமதி வர்த்தகத்தையும் தொடங்கியது.

2007-ம் ஆண்டில் புதிய பல்க் எக்ஸ்ப்ளோசிவ் உற்பத்தி வசதிகளை நிறுவியதன் மூலம் இந்தியாவில் தன்னுடைய பல்க் எக்ஸ்ப்ளோசிவ் வர்த்தகத்தை விரிவாக்கம் செய்தது. 2009-ம் ஆண்டில் இந்தியாவின் மிகப் பெரிய எக்ஸ்ப்ளோசிவ் உற்பத்தி யாளர் என்ற நிலையை எட்டிய இந்த நிறுவனம் அதே ஆண்டில் சாம்பியா மற்றும் நைஜீரியாவில் உற்பத்தி வசதிகளை நிறுவியது.

2010-ம் ஆண்டில் பாதுகாப்புத் துறைக்கான வெடிபொருள்கள் உற்பத்தியில் (High Melting Explosives) ஹெச்.எம்.எக்ஸ் மற்றும் புரபெல் லன்ட்ஸ்) கால்பதித்தது இந்த நிறுவனம். 2012-ம் ஆண்டில் துருக்கி யில் ஓர் உற்பத்தி மையத்தை நிறுவியது. 2013-ம் ஆண்டில் மூன்று லேயர்கள் கொண்ட ஷாக்-டியூப்கள் உற்பத்தி, எலெக்ட்ரானிக் டெட்டோ னேடர்ஸ் உற்பத்தி, தரைக்கடியில் உபயோகிக்கப்படும் வகையில் உள்ள பல்க் எக்ஸ்ப்ளோசிவ்ஸ் உற்பத்தி போன்றவற்றை ஆரம்பித்தது. 2015-ம் ஆண்டில் ஹெச்.எம்.எக்ஸ் மற்றும் ஹெச்.எம்.எக்ஸின் கலவைகள் போன்றவற்றை சப்ளை செய்ய ஆரம்பித்த இந்த நிறுவனம், 2016-ம் ஆண்டில் பினகா மார்க்-2 எனும் ராக்கெட்டுக்கான வார்ஹெட் பில்லிங், பைரோஸ், இங்னிட்டர்ஸ், புரபெபல்லன்ட்ஸ் போன்றவற்றை (Warhead Filling, Pyros, Ignitors, Propellants for Pinaka Mark-II) உற்பத்தி செய்ய ஆரம்பித்தது.

சோலார் இண்டஸ்ட்ரீஸ் இந்தியா லிமிடெட்! (NSE SYMBOL: SOLARINDS, BSE CODE: 532725)

இந்தியா, துருக்கி, சாம்பியா, நைஜீரியா, கானா மற்றும் தென் ஆப்பிரிக்கா உள்ளிட்ட ஆறு நாடுகளில் உற்பத்தி மையங்களுடன் செயல்பட்டுவரும் இந்த நிறுவனம், 51-க்கும் மேற்பட்ட நாடுகளுக்கு தன்னுடைய தயாரிப்புகளை ஏற்றுமதி செய்து வருகிறது. இந்தியா வில் ராஜஸ்தான், மத்தியப் பிரதேசம், ஜார்க்கண்ட், மகாராஷ்டிரா, சத்தீஸ்கர், ஒடிசா, மேற்குவங்கம் உள்ளிட்ட மாநிலங்களில் தன்னு டைய 34 உற்பத்தி மையங்களைக் கொண்டிருக்கும் இந்த நிறுவனம், மார்ச் 2020 நிலவரப்படி, 6,134 பணியாளர்களைக் கொண்டு இயங்கி வருகிறது.

இந்த நிறுவனத்தின் தயாரிப்பு களுக்கு 179-க்கும் மேலான நிறுவன ரீதியிலான வாடிக்கையாளர்களை (10 ஆண்டுகளுக்கும் மேலாக வாடிக்கையாளர்களாக இருக்கிற நிறுவனங்கள் என்னும் கணக்கீட்டின் அடிப்படையில்) கொண்டு இந்த நிறுவனம் இயங்கி வருகிறது. தன்னுடைய தொழிலுக்கு தேவை யான ஆராய்ச்சிகளைச் செய்து கொள்வதற்கான ஆராய்ச்சி வசதி களையும் தன்வசத்தே கொண்டுள்ளது இந்த நிறுவனம். இந்த நிறுவனத்தின் ஆராய்ச்சி வசதிகள் இந்திய அரசின் என்.ஏ.பி.எல் மற்றும் அறிவியல் மற்றும் தொழில்நுட்பத் துறையின் அங்கீகாரத்தைப் பெற்றுள்ளது.

நிறுவனத்தின் செயல்பாடுகள்...

இந்தியாவில் செயல்படும் வெடி மருந்து உற்பத்தி செய்யும் நிறுவனங் களின் மத்தியில் ஆண்டொன்றுக்கு மூன்று லட்சம் மெட்ரிக் டன் என்ற உற்பத்தி அளவைத் தாண்டிய நிலையில் (கடந்த நிதியாண்டின் இறுதியில் 4,50,000 மெட்ரிக் டன் என்ற உற்பத்தி அளவீட்டில்) இருக்கும் முதல் நிறுவனம் என்ற பெருமையையும் இந்த நிறுவனம் கொண்டிருக்கிறது.

தொழில் துறையில் பயன்படுத்தப் படும் வெடிபொருள்கள் பிரிவில் பேக்கேஜ்டு வெடிமருந்துகள் (பொது வான, அனுமதியல்லாத வெடிமருந்துகள், அனுமதிபெற்று மட்டுமே வாங்கி பயன்படுத்தக்கூடிய வகையிலானவை), அனுமதிக்கப்பட்ட வெடிமருந்துகள், நிலத்தில் அதிர்வை ஏற்படுத்துவதற்காகப் பயன்படுத்தக்கூடிய வெடிமருந்துகள் (சுரங்கங்களில் பயன்படுத்தப்படும் வகை யிலானவை), பல்க் வெடிமருந்துகள், இனிஷியேட்டிங் சிஸ்டம்ஸ் (டெட்டோ னேட்டர்ஸ் போன்றவை) போன்ற வற்றைத் தயாரித்து விற்பனை செய்து வருகிறது.

பேக்கேஜ்டு எக்ஸ் ஃப்ளோசிவ்ஸ் பிரிவில் சூப்பர் பவர் 90, சூப்பர் பவர் 80, சோலார் ப்ரைம், சோலார் ஜெல், சோலார் ஜெல்-இ, சோலார் ப்ரைம்-இ, சோலார் பவர் கோல்டு போன்ற பிராண்டுகளில் தன்னுடைய தயாரிப்புகளை விற்பனை செய்து வருகிறது இந்த நிறுவனம். அனுமதிக்கப்பட்ட வெடி மருந்து களில் சூப்பர்கோல்-1, சூப்பர் கோல்-2, சூப்பர்கோ-5 என்ற பிராண்டுகளில் தன்னுடைய தயாரிப்புகளை விற்பனை செய்து வருகிறது இந்த நிறுவனம்.

பாதுகாப்புத் துறைக்கான வெடிமருந்துகள் உற்பத்தியில் மிலிட்டரி எக்ஸ்ஃப்ளோசிவ் பிரிவில் ட்ரைநைட்ரோ டொலுயீன் (TNT), ஆர்டிஎக்ஸ் மற்றும் அதன் கலவைகள், ஹை பர்ஃபாமன்ஸ் எக்ஸ்ஃப்ளோ சிவ்ஸ் எனும் ஹெச்.எம்.எக்ஸ் போன்றவற்றை உற்பத்தி செய்கிறது இந்த நிறுவனம்.

பாம்கள் மற்றும் வார்ஹெட்ஸ் பிரிவில் ஏர்பாம்கள், ராக்கெட்கள், டார்பிடோஸ் (Torpedos), ராக்கெட் மற்றும் மிசைல்களுக்கான வார் ஹெட்கள் (War Heads for Rockets and Missiles) போன்றவற்றை உற்பத்தி செய்கிறது.

சோலார் இண்டஸ்ட்ரீஸ் இந்தியா லிமிடெட்! (NSE SYMBOL: SOLARINDS, BSE CODE: 532725)

ரிஸ்க்குகள் என்னென்ன?

கெமிக்கல் மற்றும் வெடி பொருள்கள் உற்பத்தியில் ஈடுபடும் நிறுவனங்கள் அனைத்துக்கும் உண்டான ரிஸ்க்குகள் இந்த நிறுவனத்துக்கும் உண்டு. வேதிப் பொருள்கள் உற்பத்தியில் ஆராய்ச்சி யின் பங்கு அதிகம் இருப்பதால், ஆராய்ச்சிகளில் தொடர்வெற்றி அடைய வேண்டியது என்பது கட்டாயமான ஒன்றாக இது போன்ற நிறுவனங்களுக்கு இருக்கவே செய்கிறது.

அரசாங்கத்தின் கொள்கை முடிவு களில் வரக்கூடிய மாறுதல்களும் இந்த நிறுவனத்துக்கு ரிஸ்க்கைக் கொண்டுவருவதாய் இருந்துவிடுவதற்கான வாய்ப்புகள் உண்டு. மூலப் பொருள்களின் விலை உயர்வு என்பது இந்தத் துறையில் செயல்படும் நிறுவனங்களுக்கு உரித்தான முக்கிய ரிஸ்க்காகும்.

அந்நியச் செலாவணி மதிப்பு மாறுதல், நிலுவையில் இருக்கும் வழக்கு, அரசாங்கங்களிடம் இருந்து ஆர்டர்கள் கிடைப்பதில் ஏற்பட வாய்ப்புள்ள நடைமுறைக்கு எடுத்துக் கொள்ளப்படும் கால அவகாசத்தில் வரக்கூடிய மாறு தல்கள் போன்ற வையும் இந்த நிறுவனத்துக்கான ரிஸ்க்குகளில் ஒன்றேயாகும்.

இது தவிர, இந்த நிறுவனம் செயல்பட்டுவரும் தொழில்துறையில் பயன்படுத்தப்படும் வெடிபொருள்கள் விற்பனை என்பது பொருளாதார வளர்ச்சியைச் சார்ந்து இயங்கும் ஒரு பிரிவாகும்.

எனவே, பொருளாதார வளர்ச்சி யில் எதிர்பாராத தொய்வோ, தேக்கநிலையோ தோன்றுதல் அல்லது இந்த நிறுவனத்தின் தயாரிப்புகள் பெருமளவில் பயன்படுத்தப்படும் துறையான சுரங்கத் துறையில் எதிர்பாராத விதமாகக் குறைவான வளர்ச்சி நடைபெறுதல் போன்றவை யும் இந்த நிறுவனத்தின் செயல்பாட்டை பாதிக்கக்கூடிய அளவிலான ரிஸ்க்குகளேயாகும்.

சோலார் இண்டஸ்ட்ரீஸ் இந்தியா லிமிடெட்! (NSE SYMBOL: SOLARINDS, BSE CODE: 532725)

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம்.

பங்கு முதலீடுகள் சந்தை அபாயத்துக்கு உட்பட்டது என்ப தால், எந்தவொரு பங்கை வாங்கும் முன்னும் செபி பதிவு பெற்ற முதலீட்டு ஆலோசகரைக் கலந்து ஆலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவு செய்த பின்னரே முதலீட்டு நடவடிக்கைகளை நீங்கள் எடுக்க வேண்டும்.