Published:Updated:

திரிவேணி டர்பைன் லிமிடெட்! (NSE SYMBOL: TRITURBINE, BSE CODE: 533655) அறிவோம் பங்கு நிறுவனம்...

திரிவேணி டர்பைன்
பிரீமியம் ஸ்டோரி
திரிவேணி டர்பைன்

K N O W Y O U R C O M P A N Y

திரிவேணி டர்பைன் லிமிடெட்! (NSE SYMBOL: TRITURBINE, BSE CODE: 533655) அறிவோம் பங்கு நிறுவனம்...

K N O W Y O U R C O M P A N Y

Published:Updated:
திரிவேணி டர்பைன்
பிரீமியம் ஸ்டோரி
திரிவேணி டர்பைன்

இந்த வாரம் திரிவேணி டர்பைன் லிமிடெட் எனும் தொழிற்சாலைகளுக்குத் தேவையான மின் உற்பத்திக் கான ஸ்டீம் டர்பைன்களை உற்பத்தி செய்யும் நிறுவனம் குறித்து பார்க்கப் போகிறோம்.

நிறுவனத்தின் செயல்பாடுகள்...

இந்த நிறுவனம் தொழிற்சாலை களுக்குத் தேவையான ஸ்டீம் டர்பைன்களின் இந்தியச் சந்தையில் கிட்டத்தட்ட 60% அளவிலான சந்தைப் பங்களிப்பைக் கொண்டு உள்ளது. உலக அளவில் 5 முதல் 30 மெகா வாட் வரையிலான மின் உற்பத்திக்கான ஸ்டீம் டர்பைன்களை உற்பத்தி செய்யும் நிறுவனங்களில் இரண்டாவது பெரிய நிறுவனமாகத் திகழ்கிறது திரிவேணி டர்பைன் நிறுவனம்.

இந்த நிறுவனம் தயாரித்த 4,000-க்கும் மேற்பட்ட ஸ்டீம் டர்பைன்கள் ஐரோப்பா, ஆப்பிரிக்கா, மத்திய மற்றும் லத்தீன் அமெரிக்கா, தென்கிழக்கு ஆசிய நாடுகள், சார்க் (SAARC) நாடுகள் உள்ளிட்ட பல நாடுகளில் இருபதுக்கும் மேலான தொழில்துறைகளில் செயல்பட்டு வரும் உற்பத்தி நிறுவனங்களில் நிறுவப்பட்டுள்ளது.

இந்த நிறுவனத்தின் டர்பைன்கள் தனிப்பட்ட பயோமாஸ் மின்சார உற்பத்தி நிறுவனங்கள், நகராட்சி களின் திடக்கழிவு சார்ந்த தனிப்பட்ட மின்சார உற்பத்தி நிறுவனங்கள், பாம் ஆயில் உற்பத்தி, காகித உற்பத்தி, சர்க்கரை உற்பத்தி, கப்பல்கள், ஜவுளி உற்பத்தி, உலோக உற்பத்தி, சிமென்ட் உற்பத்தி, கார்பன் பிளாக் உற்பத்தி, சால்வென்ட் எக்ஸ்ட்ராக்‌ஷன், மருந்து உற்பத்தி, கெமிக்கல்கள் உற்பத்தி, பெட்ரோ கெமிக்கல்கள் உற்பத்தி, உர உற்பத்தி, எண்ணெய், எரிவாயு மற்றும் நகராட்சிகளின் திடக்கழிவுகள் என்ற மூன்றையும் உபயோகித்து செய்யப்படும் மின்சார உற்பத்தி எனப் பல்வேறு தொழிலில் ஈடுபட்டுள்ள நிறுவனங்கள் தங்களின் சொந்த உபயோகத்துக்காகச் செய்து கொள்ளும் மின்சார உற்பத்திக்காகப் பயன்படுத்தப்பட்டு வருகிறது.

திரிவேணி டர்பைன் லிமிடெட்! (NSE SYMBOL: TRITURBINE, BSE CODE: 533655) அறிவோம் பங்கு நிறுவனம்...

திரிவேணி டர்பைன் நிறுவனம் தனது கொள்கையான ஒவ்வொரு வாடிக்கையாளருக்கும் மிக அதிகமான மதிப்பை அளித்து அவர் களுடன் நீண்டகால அளவிலான நட்பை வளர்க்கும் வண்ணம் அவர்களைக் கையாள்வதே இந்த நிறுவனத்தின் மிகப்பெரும் வெற்றிக்கு காரணமாகும் என்று சொல்கிறது.

மேலும், ஒவ்வொரு தனிப்பட்ட தொழிலுக்கும் தேவைப்படும் சிறப்பு இயல்புகளுடன்கூடிய டர்பைன் களை அவர்களின் தேவையறிந்து உற்பத்தி செய்து தருவதும் இந்த நிறுவனத்தின் சிறப்பான செயல் பாட்டுக்கு வித்திடும் ஒரு விஷயமாக இருக்கிறது. இதனாலேயே இன்றைக்கு எழுபதுக்கும் மேற்பட்ட நாடுகளில் உள்ள இருபதுக்கும் மேற்பட்ட தொழில்துறைகளில் 13,000 மெகாவாட் அளவுக்கும் அதிகமான மின் உற்பத்தி செய்கிற 4,000-க்கும் (2019-20 நிதியாண்டின் இறுதி நிலவரப்படி) மேற்பட்ட ஸ்டீம் டர்பைன்களை விற்பனை செய்துள்ளது இந்த நிறுவனம். இந்தியாவைப் பொறுத்தவரை, ஸ்டீம் டர்பைன் உற்பத்தியில் இந்த நிறுவனம் முதல் இடத்தை வகிக்கும் முன்னணி நிறுவனமாகத் திகழ்கிறது.

நிறுவனத்தின் வளர்ச்சி...

1968-ம் ஆண்டில் முதல் ஸ்டீம் டர்பைன் யுனைடெட் கிங்டம் சார்ந்த நிறுவனமான பீட்டர் ப்ரதர்ஹுட் நிறுவனத்திடம் லைசென்ஸ் பெற்று உற்பத்தி செய்து கொடுத்த இந்த நிறுவனம், 1970-ம் ஆண்டிலேயே ஒரு டர்பைன் சப்ளையர் என்ற நிலையிலிருந்து மாறி தீர்வைத் தரும் (solution provider) நிறுவனம் என்ற நிலையை எட்டியது. 1980-ம் ஆண்டில் முதல் ஹீட் மற்றும் பார் ஜெனரேஷனுக்கான முதல் ஸ்டீம் டர்பைன் ஜெனரேட் டரைத் தன்னுடைய வாடிக்கை யாளருக்காக நிறுவியது.

1983-ம் ஆண்டில் முதல் ஸ்டீம் டர்பைன் ஜெனரேட்டரை ஒரு கோஜெனரேஷன் நிறுவனத்துக்காக ஏற்றுமதி செய்த இந்த நிறுவனம், 1990-ம் ஆண்டில் ஜெனரல் எலெக்ட்ரிக் நிறுவனத்துடன் பேக்கேஜிங் அக்ரிமென்டை செய்துகொண்டது. 1991-ம் ஆண்டில் ஜி.இ.சி-அல்ஷ்த்தாம் நிறுவனத்துடன் கூட்டணி அமைத்தது. 1999-ம் ஆண்டில் தனக்கென சொந்தமாக ஓர் ஆராய்ச்சி வசதியை நிறுவியது. 2003-ம் ஆண்டில் முதன்முதலாக 10 மெகாவாட் ரேட்டிங் கொண்ட டர்பைனை செய்து கொடுத்தது.

இந்த நிறுவனம் 2010-ம் ஆண்டில் ஜி.இ ஆயில் & கேஸ் நிறுவனத்துடன் கூட்டணி அமைத்து, ஜி.இ-திரிவேணி லிமிடெட் என்ற நிறுவனத்தை ஆரம்பித்து, அந்த நிறுவனத்தில் 30 - 100 மெகாவாட் அளவிலான டர்பைன்களை உற்பத்தி செய்வதற்கு அடித்தளம் அமைத்தது. 2011-ம் ஆண்டில் ஸ்டீல் மில்லுக்கான 35 மெகாவாட் டர்பைனை முதன்முதலாக டெலிவரி செய்தது.

2014-ம் ஆண்டில் தன்னுடைய முதல் அந்நிய நாட்டு அலுவலகத்தை யுகேயில் தொடங்கியது. பின்னர், 2015-ல் துபாயில் விற்பனை அலுவலகத்தைத் தொடங்கியது. 2016-ல் தாய்லாந்து, தென் ஆப்பிரிக்கா, இந்தோனேசியாவில் விற்பனை மற்றும் சர்வீஸுக்கான அலுவலகத்தைத் தொடங்கியது.

இன்றைக்கு இந்தியாவில் 60% சந்தைப் பங்களிப்புடன் இருக்கும் இந்த நிறுவனம் மொத்தமாக இதுவரை 13 கிகாவாட் அளவிலான மின்சாரத்தை உற்பத்தி செய்யும் அளவுக்கான டர்பைன்களை நிறுவியுள்ளது. இரண்டு அதிநவீன உற்பத்தி வசதிகளுடன் இயங்கிவருகிற இந்த நிறுவனம், மிகவும் நவீன மான டிசைன் டூல்கள் மற்றும் சாஃப்ட்வேர்களைக் கொண்டிருப்பது ஒரு குறிப்பிடத்தக்க விஷயமாகும்.

மேலும், அனுபவம் மிக்க டிசைன் மற்றும் ஏரோ டொமைன் நிபுணர்களையும் தன்வசத்தே கொண்டுள்ளது இந்த நிறுவனம். டர்பைன்கள் டிசைன் செய்யும் டெக்னாலஜி முதல் முழுக்க முழுக்க டர்பைன்களைத் தானியங்கி முறையில் செயல் படுத்தும் வகையிலான அனைத்து விஷயங்களையும் ஒருங்கிணைத்த ஆராய்ச்சி வசதிகளை இந்த நிறுவனம் கொண்டிருப்பது தனிச் சிறப்பாகும்.

வாடிக்கையாளர்களின் தேவையை முழுமையாகப் புரிந்து கொண்டு அதிநவீன தொழில் நுட்பத்தைக் கொண்டு அதிக உற்பத்தித்திறன் கொண்ட டர்பைன்களை உற்பத்தி செய்து தருகிற இந்த நிறுவனம், வாடிக்கை யாளர்கள் மத்தியில் மிகவும் ஆவலுடன் வர்த்தகம் செய்ய விரும்பும் ஒரு நிறுவனமாகத் திகழ்கிறது.

டர்பைன்கள் உற்பத்தி செய்வ துடன், 360 டிகிரி ரீதியிலான விற்பனைக்குப் பிந்தைய வாடிக்கை யாளர் சேவையை வழங்குவதிலும் இந்த நிறுவனம் முன்னணியில் இருக்கிறது. இந்தப் பிரிவின்கீழ் ஸ்டீம் டர்பைன்களுக்கான வருடாந்தரப் பராமரிப்புக்கான ஒப்பந்தங்களை வழங்குதல், டர்பைன்களின் நிலைமை குறித்து பரிசீலித்து சொல்லுதல், நாள்பட்ட டர்பைன்களில் செயல் திறனை மீட்டெடுத்துத் தருதல், ரீ-இன்ஜினீயரிங், ஓவர் ஹாலிங் போன்ற சேவைகளையும் வழங்கி வருகிறது இந்த நிறுவனம்.

திரிவேணி டர்பைன் லிமிடெட்! (NSE SYMBOL: TRITURBINE, BSE CODE: 533655) அறிவோம் பங்கு நிறுவனம்...

ரிஸ்க்குகள் என்னென்ன?

மின்சார உற்பத்திக்கான ஸ்டீம் டர்பைன்கள் உற்பத்தி செய்யும் நிறுவனங்களுக்கு உரித்தான ரிஸ்க்குகள் அனைத்தும் இந்த நிறுவனத்துக்கும் உண்டு. இந்த நிறுவனம் ஈடுபட்டு வரும் தொழிலான டர்பைன் உற்பத்தியில் டர்பைனின் பல பகுதிகளை கான்ட்ராக்டர்கள் உற்பத்தி செய்து தருவதால், இவர்கள் அனைவரும் ஒன்றுகூடி விலை ஏற்றத்துக்கான அழுத்தத்தைத் தருவதற்கான வாய்ப்பு இருப்பதும் ஒரு வகையிலான ரிஸ்க்தான்.

மூலப் பொருள்கள் விலை உயர்வு, அந்நியச் செலாவணி மதிப்பு மாறுதல், புதிய கான்ட்ராக்டர்களைப் பெறுவதில் ஏனைய நிறுவனங்கள் எதிர்காலத்தில் தரக்கூடிய கடுமையான போட்டி, தொழில் நுட்பத்தில் வரக்கூடிய மாறுதல்கள், ஏனைய புதுப்பிக்கக்கூடிய வகையிலான மின்சார உற்பத்திக்கான வழிகளை வாடிக்கையாளர்கள் தேர்ந்தெடுப்பதற்கான வாய்ப்புகள் போன்றவையும் இந்த நிறுவனத் துக்கான ரிஸ்க்குகள்தான்.

திரிவேணி டர்பைன் லிமிடெட்! (NSE SYMBOL: TRITURBINE, BSE CODE: 533655) அறிவோம் பங்கு நிறுவனம்...

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கும் உட்பட்டது என்பதால், எந்தவொரு பங்கை வாங்கும்முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே முதலீட்டு நடவடிக்கைகளை நீங்கள் எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism