Published:Updated:

விசாகா இண்டஸ்ட்ரீஸ் லிமிடெட்! (NSE SYMBOL: VISAKAIND, BSE CODE: 509055)

விசாகா இண்டஸ்ட்ரீஸ்
பிரீமியம் ஸ்டோரி
விசாகா இண்டஸ்ட்ரீஸ்

அறிவோம் பங்கு நிறுவனம்... - K N O W Y O U R C O M P A N Y

விசாகா இண்டஸ்ட்ரீஸ் லிமிடெட்! (NSE SYMBOL: VISAKAIND, BSE CODE: 509055)

அறிவோம் பங்கு நிறுவனம்... - K N O W Y O U R C O M P A N Y

Published:Updated:
விசாகா இண்டஸ்ட்ரீஸ்
பிரீமியம் ஸ்டோரி
விசாகா இண்டஸ்ட்ரீஸ்

இன்றைக்கு வளைவுகளால் அமைந்த (corrugated) சிமென்ட் ஷீட்டுகள், ஃபைபர் சிமென்ட் போர்டுகள், ஹைபிரிட் சோலார் கூரைகள், பைபர் யார்ன்கள் போன்றவற்றைத் தயாரித்து விற்பனை செய்யும் விசாகா இண்டஸ்ட்ரீஸ் லிமிடெட் எனும் நிறுவனத்தைத் தான் இந்த வாரம் நாம் பார்க்கப் போகிறோம்.

தொழில் பிரிவுகள்...

1983-ம் ஆண்டில் ஆரம்பிக்கப்பட்ட நிறுவனம் இது. இன்றைக்கு நீண்ட கால ரீதியில் நிலையான உற்பத்தி மற்றும் விற்பனையாகக்கூடிய(sustainable products) தயாரிப்புகளை உற்பத்தி செய்து உலக அளவில் உள்ள வாடிக்கையாளர்களுக்கு விற்பனை செய்துவருகிறது இந்த நிறுவனம்.

இந்த நிறுவனம் செயல்பட்டுவரும் தொழில் பிரிவுகள் என்று பார்த்தால், விநெக்ஸ்ட், ஏ.டி.யு.எம் (ATUM), வொண்டர் யார்ன், சிமென்ட் ரூஃபிங் ஷீட்டுகள் என்பது போன்ற நான்கு பெரும் பிரிவுகள் ஆகும்.

விநெக்ஸ்ட் எனும் பிரிவில் ஃபைபர் சிமென்ட் போர்டுகளை உற்பத்தி செய்துவருகிறது இந்த நிறுவனம். நான்கு மில்லி மீட்டர் முதல் 25 மில்லி மீட்டர் வரையிலான தடிமன் கொண்ட இந்த விநெக்ஸ்ட் ஃபைபர் போர்டுகள் முழுமையாகக் கட்டடங்களுக்கு உள்ளே மற்றும் குறைந்தபட்ச அளவிலான வெளிப் பயன்பாட்டுக்கான தடுப்புகள் அமைப்பதற்காக வாடிக்கையாளர் களால் பயன்படுத்தப்படுகிறது.

விநெக்ஸ்ட் போர்டுகள் இந்தியா உள்ளிட்ட மத்திய கிழக்கு, ஆப்பிரிக்கா போன்ற நாடுகளில் விற்பனை செய்யப்பட்டுவருகிறது. எளிதில் தீப்பிடிக்காத தன்மை, எளிதில் தண்ணீரில் ஊறாமல் இருக்கும் குணம், கறையான் போன்ற பூச்சிகளால் பாதிக்கப்படாத அளவில் இருக்கும் உறுதித்தன்மை மற்றும் சுற்றுச்சூழலுக்கு நட்பான ரீதியிலான கட்டமைப்பு மற்றும் உற்பத்தி போன்றவை விநெக்ஸ்ட் போர்டுகளின் தனிச் சிறப்பாகும்.

விசாகா இண்டஸ்ட்ரீஸ் லிமிடெட்! (NSE SYMBOL: VISAKAIND, BSE CODE: 509055)

சோலார் கூரைகள்...

ஏ.டி.யு.எம் எனும் பிரிவில் புதுப்பிக்கத்தக்க சக்தியான மின்சார உற்பத்திக்கான சோலார் மின் உற்பத்திக்கான கூரைகளை உற்பத்தி செய்து விற்பனை செய்துவருகிறது இந்த நிறுவனம். மரபு சார்ந்த கூரை களைப் போலவே பயன்படுத்தக்கூடிய வகையிலான இந்த வகை கூரைகள், வெயில் மழைக்கான தடுப்பு என்ற வேலையையும் தாண்டி மின்சார உற்பத்திக்கும் உதவுகிறது.

மேலும், இந்தக் கூரையை அமைப்பதால், கட்டடங்களின் அழகும் குறையாத அளவுக்கு இந்தக் கூரைகள் வடிவமைக்கப்பட்டுள்ளது ஒரு தனிச் சிறப்பான விஷயமாகும். ஒரு க்யுபிக் மீட்டருக்கு 1,250 கிலோ கிராம் என்ற அளவிலான எடையைக் கொண்டிருக்கும் இந்த ஏ.டி.யு.எம் கூரைகள் அது வேயப்பட்டிருக்கும் கட்டடங்களின் உள்ளே இருக்கும் வெப்பம் வெளியே இருக்கும் வெப்பத்தைவிட 35 - 40% வரை குறைவாக இருக்கும்படி செயல் படுகிறது.

அளவு ரீதியாக பெரிய ஆர்டர்கள் தரும் வாடிக்கையாளர்களுக்கு அவர்களுடைய தேவைக்கு ஏற்ப வடிவமைப்பை (அளவு ரீதியாக) செய்து தர முடிவது, இன்வர்ட்டர் மற்றும் பேட்டரி உற்பத்தியாளர் களுடன் இணைந்து செயல்படுவதால் அவர்களுடைய தேவைக்கேற்ப சோலார் பேனல்களை வடிவமைத்துத் தர முடிவது போன்றவை இந்த நிறுவனத்தின் தனிச் சிறப்புகள் என்று கூறலாம்.

அதிக உற்பத்தித்திறன் கொண்டிருக்கும் தரமான ஏ.டி.யு.எம் போர்டுகள் சகாயமான விலையில் விற்கப்படுவதால் வாடிக்கை யாளர்கள் இந்த போர்டுகளை வாங்கி சூரிய ஒளியில் இருந்து மின்சாரம் தயாரிக்க முயலும்பட்சத்தில் குறுகிய காலத்திலேயே அவர்களுடைய முதலீட்டை மீட்டெடுக்க முடியும்.

நீண்டகாலத்துக்குத் துருப்பிடிக் காமல் உழைப்பது, எளிதில் தீப்பிடிக்காத குணத்துடன் திகழ்வது, குறைந்த அளவிலான ஒலியை மட்டுமே கட்டடத்துக்குள் கடத்துவது போன்றவை ஏ.டி.யு.எம் ஷீட்களை வாடிக்கையாளர்கள் தேர்வு செய்வதற்கான காரணங்களில் ஒன்றாக இருக்கிறது.

மற்றுமொரு பிரிவான நூல் உற்பத்திப் பிரிவில் ரா வொயிட் (ECRU) யார்ன்கள், டோப் டைடு யார்ன்கள் (Dope dyed yarn) மற்றும் மிலேஞ்ச் யார்ன்கள் போன்ற இரண்டு ரகங்களை உற்பத்தி செய்து விற்பனை செய்து வருகிறது இந்த நிறுவனம்.

ரா வொயிட் (ECRU) பிரிவில் 100% பாலியஸ்டர் செமி டல், 100% பாலியஸ்டர் ஆப்டிக் வொயிட், எளிதில் தீப்பிடிக்காத 100% பாலியஸ்டர், பாலியஸ்டர் விஸ்கோஸ் 65/35 மற்றும் 52/48, 100% விஸ்கோஸ், பாலியஸ்டர் லோ மெல்ட் ப்ளண்ட், பாலியஸ்டர் நேச்சுரல்/ப்ளீச்டு லினன் ப்ளெண்டட் 85/15 போன்ற ரக நூல்களை உற்பத்தி செய்து விற்பனை செய்துவருகிறது.

டோப் டைடு யார் மற்றும் மிலேஞ்ச் யார்ன் பிரிவில் 100% பாலியெஸ்டர், பாலியெஸ்டர் விஸ்கோஸ் 65/35 மற்றும் 52/48, 100% விஸ்கோஸ் நூல்களை உற்பத்தி செய்து விற்பனை செய்துவருகிறது இந்த நிறுவனம்.

இந்த நிறுவனத்தின் காட்டன் டச் ஏர்ஜெட் ஸ்பன் பாலியஸ்டர் நூல்கள் அமெரிக்கா மற்றும் யுகேவில் டேபிள் நாப்கின்கள் உற்பத்தியில் பஞ்சு நூலுக்குப் பதிலாகப் பயன்படுத்தப்பட்டு வருகிறது.

பெல்ஜியத்தில் மெத்தை, திரைச்சீலை, மேஜை நாற்காலி முதலியவற்றில் பயன்படுத்தப் படும் விரிப்புகளின் உற்பத்தியில் உபயோகப்படுத்தப்பட்டு வந்த பஞ்சு நூல் மற்றும் டுவிஸ்டட் நூல்களுக்கு மாற்றாகப் பயன் படுத்தப்பட்டு வருகிறது.

மற்றுமொரு தயாரிப்பான மேட் லுக் நூல் இத்தாலி, பிரான்ஸ் மற்றும் அமெரிக்காவில் உயர்தர மேல்சட்டைகள் மற்றும் குறைந்த எடை கொண்ட கால்சட்டைகள் தயாரிப்பில் பயன்படுத்தப்பட்டு வருவது குறிப்பிடத்தக்க விஷயமாகும்.

விசாகா இண்டஸ்ட்ரீஸ் லிமிடெட்! (NSE SYMBOL: VISAKAIND, BSE CODE: 509055)

சிமென்ட் ரூஃபிங் ஷீட்டுகள்...

இந்த நிறுவனத்தின் மற்றுமொரு பிரிவான சிமென்ட் ரூஃபிங் ஷீட்டுகள் பிரிவில் பைபர் சிமென்ட் ஷீட்டுகள் உற்பத்தி செய்யப்பட்டு வருகின்றன. இந்த நிறுவனம் இன்றைக்கு எட்டு உற்பத்தி வசதிகளில் சிமென்ட் ரூஃபிங் ஷீட்டுகளை உற்பத்தி செய்துவருகிறது.

1985-ம் ஆண்டில் ஆண்டொன்றுக்கு வெறும் 36,000 டன்கள் என்று நிர்மாணிக்கப் பட்ட அளவில் இருந்து வந்த இந்த நிறுவனத்தின் சிமென்ட் ஆஸ்பெஸ்டாஸ் ஷீட் உற்பத்தி வசதி 2015-ம் ஆண்டில் ஆண்டொன்றுக்கு 8,02,000 டன்கள் என்ற அளவுக்கு உயர்ந்தது.

கடந்த நிதியாண்டின் இறுதி நிலவரப்படி, சிமென்ட் ஆஸ்பெஸ்டாஸ் ஷீட்டுகள் விற்பனையில் இந்தியாவில் இரண்டாவது பெரிய நிறுவன மாகவும் (18% சந்தைப் பங்களிப்பு), விநெக்ஸ்ட் பிரிவில் முதலாவது பெரிய நிறுவனமாகவும் (32% சந்தைப் பங்களிப்புடன்), யார்ன் பிரிவில் (ட்வின் ஏர்ஜெட் யார்ன் செக்மென்டில்) முதலாவது நிலையில் உள்ள நிறுவன மாகவும் (80% ட்வின் ஏர்ஜெட் யார்ன் சந்தைப் பங்களிப்புடன்) சோலார் ரூஃபிங்கில் (ஏ.யு.டி.எம்) முதலாவது பெரிய நிறுவன மாகவும் செயல்பட்டு வருகிறது.

இந்த நிறுவனத்தின் தயாரிப்பான ஆஸ்பெஸ்டாஸ் ஷீட்டுகள் விசாகா, சக்தி என்ற பிராண்டுகளிலும், போர்டுகள், பேனல்கள் மற்றும் ப்ளாங்க்ஸ்கள் விநெக்ஸ்ட் என்ற பிராண்டிலும், சோலார் பேனல்கள் ஏ.டி.யு.எம் என்ற பிராண்டிலும் விற்பனை செய்யப்பட்டு வருகிறது.

விசாகா இண்டஸ்ட்ரீஸ் லிமிடெட்! (NSE SYMBOL: VISAKAIND, BSE CODE: 509055)

ரிஸ்க்குகள் என்னென்ன?

ஆஸ்பெஸ்டாஸ், சூரிய ஒளிக்கான பேனல்கள் மற்றும் நூல்தயாரிக்கும் நிறுவனங்களுக்கு உரித்தான அனைத்து ரிஸ்க்குகளும் இந்த நிறுவனத்துக்கும் உண்டு. வேகமாக மாறி வரும் தொழில் நுட்பம், மூலப்பொருள்கள் விலை உயர்வு, போட்டி, வாடிக்கையாளரின் தேவை மற்றும் ரசனை, அந்நிய செலாவணி மதிப்பு மாறுதல், எதிர்காலத்தில் வரக்கூடிய அரசாங்கத்தின் கொள்கை முடிவுகள் போன்றவற்றையும் இந்த நிறுவனத்துக்கான ரிஸ்க்குகள் என்றே கொள்ள வேண்டும்.

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர் களுக்குப் பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம்.

பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்கும்முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவு செய்த பின்னரே முதலீட்டு நடவடிக்கைகளை நீங்கள் எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism