Published:Updated:

பிலிப்ஸ் கார்பன் பிளாக் லிமிடெட்! NSE SYMBOL: PHILIPCARB, BSE CODE: 506590

பிலிப்ஸ் கார்பன் பிளாக் லிமிடெட்!
பிரீமியம் ஸ்டோரி
பிலிப்ஸ் கார்பன் பிளாக் லிமிடெட்!

அறிவோம் பங்கு நிறுவனம்...

பிலிப்ஸ் கார்பன் பிளாக் லிமிடெட்! NSE SYMBOL: PHILIPCARB, BSE CODE: 506590

அறிவோம் பங்கு நிறுவனம்...

Published:Updated:
பிலிப்ஸ் கார்பன் பிளாக் லிமிடெட்!
பிரீமியம் ஸ்டோரி
பிலிப்ஸ் கார்பன் பிளாக் லிமிடெட்!

இந்த வாரம் நாம் அறிமுகப்படுத்தும் நிறுவனம் பிலிப்ஸ் கார்பன் பிளாக் லிமிடெட். கார்பன் பிளாக்குகளை உள்நாட்டிலேயே உற்பத்தி செய்ய ஆரம்பிக்கப் பட்ட நிறுவனம் இது.

கார்பன் பிளாக்குகள் என்றால்..?

கார்பன் பிளாக்குகள் என்பவை ரப்பர் மற்றும் ஸ்பெஷாலிட்டி பிளாஸ்டிக்குகள், கேபிள் மற்றும் பைபர்கள், இங்க் மற்றும் பெயின்ட்டுகள் போன்றவை உற்பத்தியில் பயன்படுத்தப்படுகின்றன. டயர்கள் உற்பத்தியில் டயர்களின் இழுவிசை வலிமையைக் கூட்டுவதற்காகவும், தேய்மானத்தைக் குறைப்பதற்காகவும், ரப்பருடன் கார்பன் பிளாக் சேர்க்கப்படுகிறது.

ரப்பரால் ஆன கன்வேயர் பெல்ட்டுகள், ஹோஸ்கள், பைப்புகள் போன்றவற்றில் சீரான வெளிப்புறத்தோற்றம் கிடைப்பதற்காகவும் வளைந்துகொடுக்கும் தன்மையைக் கூட்டு வதற்காகவும் கார்பன் பிளாக் ரப்பருடன் சேர்க்கப்படுகிறது. உலக அளவில் ஆண்டுக்கு 17.5 மில்லியன் டன் அளவிலான கார்பன் பிளாக்கின் ஒட்டுமொத்த நிர்மாணிக்கப்பட்ட உற்பத்தித் திறன் இருக்கிறது. இந்த ஒட்டுமொத்த உற்பத்தித்திறனில் ஆண்டுக்கு 0.60 மில்லியன் டன் அளவிலான நிர்மாணிக்கப்பட்ட உற்பத்தித்திறனைக் கொண்டு இன்றைக்கு கார்பன் பிளாக் உற்பத்தியில் ஏழாவது பெரிய நிறுவனமாக இது திகழ்கிறது.

பிலிப்ஸ் கார்பன் பிளாக் லிமிடெட்! NSE SYMBOL: PHILIPCARB, BSE CODE: 506590

நிறுவனத்தின் சிறப்பு...

60-க்கும் மேற்பட்ட வகையிலான கார்பன் பிளாக்குகளை உற்பத்தி செய்து வருகிறது இந்த நிறுவனம். வாடிக்கையாளர்களின் தேவைக்கு ஏற்ப பல்வேறு ரக கார்பன் பிளாக்குகளை உற்பத்தி செய்யும் நிறுவனமாகவும், வாடிக்கை யாளர்களுக்கு அருகிலேயே உற்பத்தி மையங்களைக் கொண்ட நிறுவனமாகவும் திகழ்கிறது இந்த நிறுவனம். எம்.ஆர்.எஃப், சியட், குட் இயர், ப்ரிட்ஜ் ஸ்டோன், அப்போலோ, மிஷிலின், க்ளேரியன்ட், கான்டினென்டல் உள்ளிட்ட நிறுவனங்கள் பிலிப்ஸ் கார்பன் பிளாக் நிறுவனத்தின் வாடிக்கையாளராக இருக்கின்றன.

துர்க்காபூரில் ஆண்டுக்கு வெறும் 14,000 மெட்ரிக் டன் அளவிலான கார்பன் பிளாக் உற்பத்தி என்ற நிர்மாணிக்கப்பட்ட அளவில் ஆரம்பிக்கப்பட்டது இந்த நிறுவனம். 2020-ம் ஆண்டில் 60 ஆண்டு செயல்பாட்டைப் பூர்த்தி செய்து, இன்றைக்கு ஆண்டுக்கு 6,03,000 மெட்ரிக் டன் கார்பன் பிளாக்குகளை உற்பத்தி செய்யும் அளவிலான நிர்மாணிக்கப் பட்ட உற்பத்தி வசதியுடன் இயங்கிவருகிறது.

மேலும், 84 மெகாவாட் அளவிலான பசுமை சார்ந்த மின்சார உற்பத்தியையும் செய்து வருகிறது. 40-க்கும் மேற்பட்ட நாடுகளில் தயாரிப்புகளை விற்கும் நிறுவனமாக வெற்றிகரமாகச் செயல்பட்டுவரும், இந்த நிறுவனத்தின் உற்பத்தி வசதிகள் மேற்கு வங்கத்தில் துர்க்காபூர், குஜராத்தில் பலேஜ் மற்றும் முந்த்ரா, கேரளாவில் உள்ள கொச்சி போன்ற இடங்களில் செயல்பட்டு வருகிறது.

1960-ம் ஆண்டில் அமெரிக்க நிறுவனமான பிலிப்ஸ் பெட்ரோலியம் எனும் நிறுவனத்துடன் கூட்டணி அமைத்து ஆரம்பிக்கப்பட்ட இந்த நிறுவனம், 1962-ம் ஆண்டில் துர்க்காபூரில் கார்பன் பிளாக் உற்பத்தியை ஆரம்பித்தது. 1974-ம் ஆண்டில் துர்க்காபூரில் செயல்பட்டுவந்த உற்பத்தி வசதியின் நிர்மாணிக்கப்பட்ட உற்பத்தி அளவு ஆண்டுக்கு 36,000 மெட்ரிக் டன் என்ற அளவுக்கு உயர்த்தப்பட்டது. 1988-ம் ஆண்டில் அமெரிக்க நிறுவனமான கொலம்பியன் கெமிக்கல் கம்பெனி எனும் நிறுவனத்துடன் தொழில்நுட்பக் கூட்டணியை அமைத்தது இந்த நிறுவனம். மேலும், அதே ஆண்டில் துர்க்காபூரில் நான்கு மெகாவாட் அளவிலான கோ-ஜெனரேஷன் மின்சார உற்பத்தி வசதியை நிறுவியது.

1995-ம் ஆண்டில் துர்க்காபூரில் செயல்பட்டுவந்த உற்பத்திப் பிரிவு ஆண்டுக்கு 78,000 மெட்ரிக் டன் என்ற அளவுக்கு உயர்த்தப்பட்டது. 1996-ம் ஆண்டில் குஜராத் கார்பன் லிமிடெட் என்ற பலேஜ் எனும் இடத்தில் செயல்பட்டுவந்த நிறுவனத்தைக் கையகப்படுத்திய இந்த நிறுவனம், அதன் மூலம் தன்னுடைய நிர்மாணிக்கப்பட்ட உற்பத்தி வசதியை மேலும் ஆண்டுக்கு 25,000 மெட்ரிக் டன் அளவுக்கு உயர்த்திக்கொண்டது.

1998-ம் ஆண்டில் கொச்சியைச் சார்ந்த நிறுவனமான கார்பன் அண்ட் கெமிக்கல் இந்தியா லிமிடெட் என்ற நிறுவனத்தைக் கையகப்படுத்தியதன் மூலம் மேலும் ஆண்டுக்கு 36,000 மெட்ரிக் டன் என்ற அளவிலான உற்பத்தி வசதி அதிகரித்தது. அதே ஆண்டில் கொச்சியில் 2.5 மெகாவாட் அளவிலான மின்சார உற்பத்தி வசதியை நிறுவியது இந்த நிறுவனம்.

2004-ம் ஆண்டில் பலேஜ் எனும் இடத்தில் செயல்பட்டு வந்த உற்பத்தி வசதியின் அளவில் மேலும் ஆண்டுக்கு 70,000 மெட்ரிக் டன் அதிகப்படுத்திய இந்த நிறுவனம், 2005-ம் ஆண்டில் பலேஜில் 12 மெகாவாட் அளவிலான மின் உற்பத்தி வசதியை நிறுவியது. 2009-ம் ஆண்டில் துர்க்காபூரில் 30 மெகாவாட் அளவிலான மின்சார உற்பத்தி வசதியை நிறுவிய இந்த நிறுவனம், 2009-ம் ஆண்டில் முந்த்ரா எனும் இடத்தில் ஆண்டுக்கு 90,000 மெட்ரிக் டன் அளவிலான கார்பன் பிளாக் உற்பத்தி செய்யும் வசதிக்கான உற்பத்தி வசதியை கிரீன் ஃபீல்ட் விரிவாக்கம் மூலம் செய்தது.

2010-ம் ஆண்டில் முந்த்ராவில் 16 மெகாவாட் அளவிலான மின் உற்பத்தி வசதியையும், 2011-ம் ஆண்டில் கொச்சியில் 10 மெகாவாட் அளவிலான மின் உற்பத்தி வசதியையும், 2012-ம் ஆண்டில் முந்த்ராவில் 6 மெகாவாட் மின் உற்பத்தி வசதியையும் நிறுவியது.

2012-ம் ஆண்டில் துர்க்காபூர் உற்பத்தி வசதியில் ஆண்டுக்கு 12,000 மெட்ரிக் டன் உற்பத்தி வசதிக்கான விரிவாக்கத்தையும், 2013-ம் ஆண்டில் கொச்சியில் 50,000 மெட்ரிக் டன் அளவிலான உற்பத்தி வசதியையும் நிர்மாணித்தது. 2018-ம் ஆண்டில் உற்பத்தி வசதிகளில் இருந்த இடர்ப்பாடுகளைக் களைவதன் மூலம் 43,000 மெட்ரிக் டன் அளவிலான உற்பத்திக்கான விரிவாக்கத்தைச் செய்து கொண்டது.

2018-ம் ஆண்டில் இங்க் கிரேடு கார்பன் பிளாக்குகளை உற்பத்தி செய்ய ஆரம்பித்த இந்த நிறுவனம், 2019-ம் ஆண்டில் பலேஜ் எனும் இடத்தில் 8 மெகா வாட் அளவிலான கிரீன் பவர் பிளான்ட்டை நிறுவியது. அதே ஆண்டில் முந்த்ராவில் இருக்கும் உற்பத்தி வசதியில் 56,000 மெட்ரிக் டன் அளவிலான உற்பத்திக்கான விரிவாக்கத்தை செய்து முடித்தது. 2021-ம் ஆண்டில் பலேஜ் உற்பத்தி வசதியில் 32,000 மெட்ரிக் டன் அளவிலான உற்பத்திக்கான விரிவாக்கத்தையும் செய்து முடித்தது. குஜாராத்திலும் பெல்ஜியம் நாட்டிலும் ஆராய்ச்சி மையங்கள் செயல்பட்டு வருகின்றன.

பிலிப்ஸ் கார்பன் பிளாக் லிமிடெட்! NSE SYMBOL: PHILIPCARB, BSE CODE: 506590

ரிஸ்க்குகள் என்னென்ன?

கார்பன் பிளாக்குகள் உற்பத்தித் துறையில் செயல்படும் நிறுவனங் களுக்கே உரித்தான அனைத்து ரிஸ்க்குகளும் இந்த நிறுவனத்துக்கும் உண்டு. கார்பன் பிளாக்குக்கான டிமாண்ட் என்பது ஆட்டோமொபைல் உற்பத்தி அதிகரிப்பு, கேபிள்கள் மற்றும் பைப்புகள் உற்பத்தி அதிகரிப்பு, கட்டுமானம் மற்றும் எலெக்ட்ரானிக்ஸ் துறை சார்ந்த தொழிற்சாலைகளுக்கான தேவை அதிகரிப்பு என்பதைப் பொறுத்தே அமைவதாகும். இவை அனைத்தும் பொருளாதார வளர்ச்சியைச் சார்ந்து வளரும் துறைகளே.

எனவே, ஏதாவது ஒரு காரணத்தால் பொருளாதார வளர்ச்சி எதிர்பார்த்த அளவுக்கு இல்லாமல்போனாலோ, தேக்கநிலையைச் சந்தித்தாலோ அது இந்த நிறுவனத்தின் செயல்பாடுகளைப் பாதிக்க வாய்ப்புள்ளது. போட்டி நிறுவனங்களின் செயல்பாடுகள், புதிய தொழில்நுட்பம், அந்நியச் செலாவணி மதிப்பு மாறுதல், மூலப் பொருள்கள் விலை ஏற்றம் மற்றும் அரசாங்கத்தின் கொள்கை முடிவுகள் போன்றவையும் இந்த நிறுவனத்துக்கான ரிஸ்க்குகளே.

பிலிப்ஸ் கார்பன் பிளாக் லிமிடெட்! NSE SYMBOL: PHILIPCARB, BSE CODE: 506590

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப் படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்கும் முன்பும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே, முதலீட்டு நடவடிக்கைகளை நீங்கள் எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism