Published:Updated:

ஆர்.இ.சி லிமிடெட்! (NSE SYMBOL: RECLTD BSE CODE: 532955)

ஆர்.இ.சி. லிமிடெட்!
பிரீமியம் ஸ்டோரி
ஆர்.இ.சி. லிமிடெட்!

அறிவோம் பங்கு நிறுவனம்...

ஆர்.இ.சி லிமிடெட்! (NSE SYMBOL: RECLTD BSE CODE: 532955)

அறிவோம் பங்கு நிறுவனம்...

Published:Updated:
ஆர்.இ.சி. லிமிடெட்!
பிரீமியம் ஸ்டோரி
ஆர்.இ.சி. லிமிடெட்!

இந்த வாரம் நாம் அறிமுகப்படுத்தும் நிறுவனம் இந்திய அரசால் நவரத்னா என்ற அங்கீகாரம் பெற்ற நிறுவனமான ஆர்.இ.சி லிமிடெட் (முந்தைய பெயர், ரூரல் எலெக்ட்ரிஃபிகேஷன் கார்ப்பரேஷன் லிமிடெட்) எனும் நிறுவனமாகும்.

நிறுவனத்தின் வரலாறு...

1969-ம் ஆண்டில் பருவமழை பொய்த்ததால் ஏற்பட்ட கடுமையான வறட்சியின் காரணமாக வெறுமனே பருவமழையை மட்டுமே நம்பி விவசாயத்தைச் செய்யாமல் மின்சாரத்தால் இயக்கப்படும் பம்ப் செட்டுகள் மூலம் நிலத்தடி நீரை உபயோகித்து விவசாயம் செய்வது என்பது அவசியமானது. இந்த நோக்கத்தை மனதில் கொண்டு அதிகரிக்கும் மின்சாரத் தேவையைப் பூர்த்தி செய்வதற்காக நிர்மாணிக்கப்பட வேண்டிய மின்சார உற்பத்தி வசதிகளுக்கான கடன்களை வழங்குவதற்காக உருவாக்கப்பட்டதுதான் ஆர்.இ.சி லிமிடெட் நிறுவனமாகும்.

நாளடைவில் மின் உற்பத்தி, மின் கடத்துதல் மற்றும் விநியோகம் போன்ற துறைகளில் இயங்கும் நிறுவனங்களுக்கு கடனுதவி செய்யும் தொழிலிலும் கால்பதித்தது இந்த நிறுவனம். மத்திய மின்சார அமைச்சகத்தின் கீழ் இயங்கும் இந்த நிறுவனம், ஏற்கெனவே கூறியதைப் போல், ஒரு நவரத்னா அந்தஸ்த்தைப் பெற்ற இன்ஃப்ராஸ்ட்ரக்சர் ஃபைனான்ஸ் நிறுவனம் ஆகும். கிரெடிட் ரேட்டிங் நிறுவனமான கிரிசில், ஐ.சி.ஆர்.ஏ, ஐ.ஆர்.பி.பி.எல் மற்றும் கேர் போன்ற நிறுவனங்களிடமிருந்து நல்லதொரு ரேட்டிங்கைத் தன்னுடைய கடன் பத்திரங்களுக்குப் பெற்றுள்ளது இந்த நிறுவனம் என்பது குறிப்பிடத்தக்கது.

ஆர்.இ.சி லிமிடெட்! (NSE SYMBOL: RECLTD BSE CODE: 532955)

1998-ம் ஆண்டில் இருந்து லாபத்தை ஈட்டி டிவிடெண்ட் தந்து வருகிற இந்த நிறுவனம், தற்போது ரூ.45,000 கோடி அளவிலான நிகர சொத்துகளைக் கொண்டிருக்கிறது (Net-worth). மத்திய அரசின் திட்டங்களான செளபாக்யா (Pradhanmantri Sahaj Bijli Har Gar Yojna), டி.டி.யு.ஜி.ஜே.ஒய் (தீன்தயாள் உபாத்யாயா கிராம் ஜோதி யோஜ்னா) போன்ற மக்களுக்கு எல்லா நாள்களிலும் மின்சாரத்தைத் தருவதற்கு வழிவகை செய்யும் திட்டங்களை நடைமுறைப் படுத்தும் பொறுப்பை (Nodal agency) இந்த நிறுவனத்திடமே மத்திய அரசு தந்துள்ளது தனிச் சிறப்பாகும்.

இது தவிர, உதய் (Ujwal Discom Assurance Yojna) எனும் நாடெங்கிலும் உள்ள மின்சாரத்தை விநியோகம் செய்யும் நிறுவனங்களை மறுசீரமைக்கும் திட்டத்திலும் இந்த நிறுவனம் முக்கிய பங்கை ஆற்றிவருகிறது. இந்த நிறுவனத்தின் துணை நிறுவனமான ஆர்.இ.சி பவர் டிஸ்ட்ரிப்யூஷன் கம்பெனி லிமிடெட் எனும் நிறுவனம். மின் விநியோகம் மற்றும் கடத்துதல் பணியைச் செய்யும் நிறுவனங்களுக்கு தொழில்நுட்ப ஆலோசனைகளை வழங்கி வருகிறது. இந்த நிறுவனம் அகில இந்திய ரீதியாக 22 மாநிலங்களில் தன்னுடைய அலுவலகங்களைக் கொண்டு இயங்கிவருகிறது.

ஆர்.இ.சி லிமிடெட்! (NSE SYMBOL: RECLTD BSE CODE: 532955)

நிறுவனத்தின் தொழில் பிரிவுகள்...

மின் உற்பத்திக்கான வசதிகளை உருவாக்கத் தேவையான கடன் வசதிகளை வழங்குதல், உற்பத்தி செய்யப்பட்ட மின் கடத்துவதற்கான புதிய அமைப்புகளை நிர்மாணித்தல் மற்றும் ஏற்கெனவே இருக்கும் டிரான்மிஷன் நெட்வொர்க்கைப் புனரமைப்பு செய்தல் போன்றவற்றுக்கான கடன்களை வழங்குதல், மின் விநியோகத்துக்கான நெட்வொர்க்கை அமைப்பதற்கான கடன்களை வழங்குதல் போன்ற புராஜெக்ட் ஃபைனான்ஸ் துறையிலும், புராஜெக்ட்டுக்கான கடனை வழங்கி அதன்மூலம் செயல்பட்டுவரும் புராஜெக்ட்டுகளுக்குத் தேவையான செயல்பாட்டுக்கான பணத்தேவைக்கான கடன்களை (working capital) வழங்குதல் போன்ற பிரிவுகளிலும் இயங்கி வருகிறது இந்த நிறுவனம்.

மின் உற்பத்தி வசதிகளை உருவாக்குவதற்கான கடன்களை வழங்கும் பிரிவில் தெர்மல், ஹைட்ரோ மற்றும் எரிவாயுவை உபயோகிப்பதன் மூலம் மின்சார உற்பத்தி செய்யும் புதிய மின் உற்பத்தி நிலையங்களை அமைத்தல் மற்றும் இந்த மின்சார உற்பத்திக்குத் தேவையான ஏனைய வசதிகளான நிலக்கரி சுரங்கங்களைத் தோண்டுதல் போன்றவற்றுக்கான கடன் வசதிகளையும் வழங்கி வருகிறது இந்த நிறுவனம்.

மேலும், ஏற்கெனவே செயல்பட்டுவரும் மின்சார உற்பத்தி நிலையங்களில் காலத்துக்கேற்ப அறிமுகப்படுத்தப்படும் புதிய நவீன தொழில்நுட்ப முன்னேற்றங்களைச் செய்வதற் கான கடன்களை வழங்குதல், புதுப்பிக்கத்தக்க ரகமான மின் உற்பத்தியான சூரிய ஒளியில் இருந்து மின்சார உற்பத்தி, காற்றாலைகள், சிறிய ஹைட்ரோ மின்சார உற்பத்தி வசதிகள், பயோமாஸ் மூலம் மின் உற்பத்தியைச் செய்யும் மின்சார உற்பத்தி மையங்கள் போன்றவற்றை நிறுவுவதற்கான கடன்களையும் வழங்கி வருகிறது இந்த நிறுவனம்.

உற்பத்தி செய்யப்பட்ட மின்சாரத்தைக் கடத்தும் கட்டுமானங்களுக்கான கடன்களை வழங்கும் பிரிவில் புதியதாக நிர்மாணிக்கப்பட்டிருக்கும் மின் உற்பத்தி மையங்களில் இருந்து மின்சாரத்தைக் கடத்துவதற்குத் தேவைப்படும் நெட்வொர்க்கை அமைப்பதற்கான கடன்கள் மற்றும் ஏற்கெனவே இருக்கும் மின்கடத்துதலுக்கான நெட்வொர்க்கைச் சீரமைத்தல் மற்றும் வலுப்படுத்தலுக்கான பணிகளுக்கான கடன்கள் போன்றவற்றுக்கான கடன்களை வழங்கிவருகிறது இந்த நிறுவனம்.

மின்சாரத்தை விநியோகிக்கத் தேவைப்படும் சப்-டிரான்மிஷன் மற்றும் டிஸ்ட்ரிப்யூஷன் சிஸ்டத்தை உருவாக்குதல், லோ-வோல்ட்டேஜ் (LVDS) மற்றும் ஹை-வோல்ட்டேஜ் பயன்பாட்டுக்்கான கட்டுமானங்களை அமைத்தல் (HVDS) போன்றவற்றுக்கான கடனுதவிகளையும், ஏற்கெனவே செயல்பட்டுவரும் மின் கடத்துதல் மற்றும் விநியோகம் செய்யும் நெட்வொர்க்குக்கான நவீனமயமான கருவிகளை வாங்குதல் மற்றும் மேம்படுத்தலுக் கான செலவுக்கான கடன்களை வழங்குதல் உள்ளிட்ட பல வகையான பணிகளுக்குத் தேவைப்படும் பணத்துக்கான கடன்களை வழங்குதல் போன்ற வற்றையும் செய்துவருகிறது.

மேற்சொன்ன புராஜெக்ட்டு களுக்குத் தேவைப்படும் குறுகிய கால மற்றும் நீண்டகால அளவிலான எரிபொருளை வாங்குவது, அதிக மின்சாரம் தேவைப்படும் வேளைகளில் பற்றாக்குறையைப் பூர்த்தி செய்ய மின்சாரத்தை வாங்குவது உள்ளிட்ட பல்வேறு பணிகளுக் கான கடன்களையும் (working capital) வழங்கிவருகிறது.

கடன்கள் மற்றும் நிதி முதலீட்டை வழங்கும் பிரிவு வாரியாகப் பார்த்தால், நீண்ட காலத்துக்கான கடன்கள், குறுகிய காலத்துக்கான கடன்கள், நடுத்தர காலத்துக்கான கடன்கள், வங்கிகள் போன்ற ஏனைய நிதி நிறுனவங்கள் மின் துறைக்காகக் கொடுத்த கடனை அடிப்படை யாகக் கொண்டு தரப்படும் கடன்கள் (Refinancing), மின் உற்பத்தி மற்றும் விநியோக நிறுவனங்களுக்கு பங்கு முதலீடுகள் தேவைப்படும்போது அவற்றின் பங்குகளில் முதலீடு செய்தல், மின் உற்பத்தித் துறைக்கான உபகரணங்கள் மற்றும் இயந்திரங் களை உற்பத்தி செய்யும் நிறுவனங் களுக்கு அவை செயல்படத் தேவையான கடன்களை வழங்குதல் போன்றவற்றிலும் இந்த நிறுவனம் ஈடுபட்டு வருகிறது.

இந்திய அளவில் ‘AAA’ ரேட்டிங்கைப் பெற்றும், உலக அளவில் ‘Baa3’ மற்றும் ‘BBB-’ ரேட்டிங்குகளை முறையே மூடிஸ் மற்றும் ஃபிட்ச் நிறுவனங்களிடம் பெற்றுள்ளது இந்த நிறுவனம். அனுபவமிக்க பணியாளர்கள், இந்திய மின்சார உற்பத்தித் துறையில் இதுவரையிலும் செய்து வந்துள்ள அதிக அளவிலான சிறப்பான பங்களிப்பு, பொதுத் துறை மற்றும் தனியார் துறையில் செயல்படும் மின்சார உற்பத்தி நிறுவனங்களிடம் வைத்திருக்கும் சுமுகமான தொழில் ரீதியிலான உறவு, என்.பி.எஃப்.சி (NBFC), பி.எஃப்.ஐ (PFI) மற்றும் ஐ.எஃப்.சி-யாக (IFC) பதிவைப் பெற்றிருத்தல் மற்றும் வருமான வரிச்சட்டத்தின் 54EC பிரிவின் கீழ் முதலீட்டு லாபத்துக்கு வரிவிலக்கு அளிக்கப்பட்ட கடன் பத்திரங்களை வெளியிடத் தகுதியான நிறுவனம் என்ற அந்தஸ்த்தைப் பெற்றிருத்தல் போன்றவை இந்த நிறுவனத்தின் தனிச் சிறப்பு.

ஆர்.இ.சி லிமிடெட்! (NSE SYMBOL: RECLTD BSE CODE: 532955)

ரிஸ்க்குகள் என்னென்ன?

மின் துறைக்கான (உற்பத்தி, கடத்துதல் மற்றும் விநியோகம்) கடனை வழங்கும் நிறுவனங்களுக்கே உரித்தான அனைத்து ரிஸ்க்குகளும் இந்த நிறுவனத்துக்கு உண்டு. பெரும்பாலும், மாநில அளவிலான மின் உற்பத்தி மற்றும் விநியோக அமைப்புகளுக்கு கடன் வழங்குதலும், மின்சாரத்துக்கான தேவை முழுக்க முழுக்க பொருளாதார வளர்ச்சியைச் சார்ந்தே இருப்பதும் ஓரளவுக்கு ரிஸ்க்கு களாகவே பார்க்கப்பட வேண்டும். அரசின் கொள்கைகள், எதிர்பாராமல் வரக்கூடிய பொருளாதார மந்தநிலை போன்றவையும் இந்த நிறுவனத்தின் செயல்பாடுகளுக்கான ரிஸ்க்குகளேயாகும்.

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப் படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்கும் முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே முதலீட்டு நடவடிக்கைகளை எடுக்க வேண்டும்!