Published:Updated:

கம்பெனி டிராக்கிங்: கன்டெய்னர் கார்ப்பரேஷன் ஆஃப் இந்தியா!

Container Corporation of India
பிரீமியம் ஸ்டோரி
News
Container Corporation of India

(NSE SYMBOL: CONCOR)

ன்டெய்னர் கார்ப்பரேஷன் ஆஃப் இந்தியா லிமிடெட் 1988-ம் ஆண்டு மார்ச் மாதம் ஆரம்பிக்கப்பட்டு, 1989-ம் ஆண்டு நவம்பர் மாதம் முதல் செயல்பட ஆரம்பித்த மத்திய அரசு நிறுவனம் ஆகும். இந்திய ரயில்வேயின் ஏழு இன்லேண்ட் கன்டெய்னர் டெப்போக்களை தனியே பிரித்து ஒருங்கிணைத்ததன்மூலம் ஆரம்பிக்கப்பட்டதுதான் இந்த நிறுவனம்.

டாக்டர் எஸ்.கார்த்திகேயன்
டாக்டர் எஸ்.கார்த்திகேயன்

நிறுவனத்தின் வளர்ச்சி

சுமார் 30 ஆண்டுகளுக்குப்பின் இந்த நிறுவனம் இன்றைக்கு தொழில்ரீதியாக இந்திய அளவில் மிகப் பெரிய நிறுவனமாகத் திகழ்கிறது. மத்திய அரசு நிறுவனமான இது ஒரு ‘நவரத்னா’ அந்தஸ்து பெற்ற நிறுவனம் என்பது குறிப்பிடத்தக்கது. இன்றைக்கு இந்த நிறுவனம் 83 இன்லேண்ட் கன்டெய்னர் டெப்போக்கள்/கன்டெய்னர் ஃப்ரெய்ட் ஸ்டேஷன்ஸ்களுடன் (75 டெர்மினல்கள் மற்றும் எட்டு ஸ்ட்ராட்டஜிக் கூட்டணிகளுடன் ஆன வகையில்) வெற்றிகரமாக இயங்கிவருகிறது. கன்டெய்னர்களை உள்நாட்டில் ரயில்களில் கொண்டுசெல்வதற்கான சேவைகளை வழங்குவதைத் தாண்டி துறைமுகங்களை சரக்குகள் கையாள்வதில் நிர்வகித்தல், ஏர் கார்கோ காம்ப்ளெக்ஸ்கள் மற்றும் கோல்டு செயின்களை நிர்மாணித்தல் போன்ற துறைகளிலும் செயல்பட்டு வருகிறது.

தொழில் பிரிவுகள்

ரயில்மூலம் எடுத்துச்செல்லும் கன்டெய்னர்களைக் கையாள்வதே கன்டெய்னர் கார்ப்பரேஷன் ஆஃப் இந்தியா நிறுவனத்தின் பிரதான தொழிலாகும். இந்த நிறுவனத்தின் கன்டெய்னர் டெர்மினல்கள் அனைத்துமே ரயில்மூலம் இணைக்கப்பட்ட டெர்மினல்களாகும். ரயில் மூலம் இணைக்கப்பட்ட இந்த டெர்மினல்களில் இருந்து சரக்குகளை அனுப்பும் மற்றும் பெறும் வாடிக்கையாளர்களின் இடத்திற்குச் சாலை வழியாகவும் கன்டெய்னர்களை இந்த நிறுவனம் கையாள்கிறது. ரயில்மூலம் கன்டெய்னர்களை எடுத்துச்செல்வது ஏனைய முறையில் எடுத்துச் செல்வதைவிட, செலவுரீதியாகக் குறைவான செலவு கொண்டதொரு முறையாதலால், இந்தவித குறைவான செலவை வாடிக்கையாளர்கள் சுலபமாக ஏற்றுக்கொள்கின்றனர். இதனாலேயே ஏனைய போட்டி நிறுவனங்களைவிட குறைவான கட்டணத்தில் சரக்குகளை வாடிக்கையாளர் சார்பாக ஓரிடத்திலிருந்து மற்றோர் இடத்திற்கு இந்த நிறுவனத்தினால் கொண்டுசெல்ல முடிகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கம்பெனி டிராக்கிங்: கன்டெய்னர் கார்ப்பரேஷன் ஆஃப் இந்தியா!

ரயில் மூலமாக கன்டெய்னர்களைக் கொண்டு செல்வதே பிரதான தொழிலாக இருந்தாலும், இந்த நிறுவனத்தின் சில டெர்மினல்கள் முழுக்க முழுக்க சாலை வழியாக இணைக்கப்பட்டதாகவும் இருக்கிறது. இந்தவித சாலைவழி இணைக்கப் பட்ட டெர்மினல்கள் வாடிக்கையாளர்களின் நிறுவன வாசலில் சரக்குகளை எடுத்து அவர்கள் சொல்லும் இடத்தில் உள்ள வாடிக்கையாளரின் நிறுவன வாசலிலேயே பொருள்களைக் கொண்டு சேர்க்கும் சேவைக்காக ஏற்படுத்தப்பட்டவை ஆகும். இடைப்பட்ட நீண்ட தூரத்தை ரயில் மூலமாகவும் சரக்கை எடுக்கவும் போக வேண்டிய இடத்திற்கு ரயில்வே டெர்மினல்களில் இருந்துகொண்டு சேர்க்கவும் இந்தவித சாலை களால் இணைக்கப்பட்ட டெர்மினல்கள் இந்த நிறுவனத்திற்கு உதவியாக இருக்கிறது. மேலும், எங்கெல்லாம் செயல்பாட்டுரீதியாக வசதியாகவும் மற்றும் எங்கெல்லாம் சாலை வழி போக்குவரத்துக்கு ஆகும் செலவு குறைவாகவும் இருக்கிறதோ, அங்கேயெல்லாம் சாலை வழியாக சரக்குகளைக் கையாண்டு வருகிறது இந்த நிறுவனம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

இந்த நிறுவனத்தின் மற்றுமொரு தொழில் பிரிவு, கன்டெய்னர் டெர்மினல்கள் மற்றும் கன்டெய்னர் ப்ரெயிட்ச் ஸ்டேஷன்களாகும். 1989-ம் ஆண்டு ஏழு உள்நாட்டு கன்டெய்னர் டெப்போக்களுடன் ஆரம்பிக்கப்பட்ட இந்த நிறுவனம், இன்றைக்கு 83 டெர்மினல்கள் அடங்கிய 14 ஏற்றுமதி இறக்குமதி கன்டெய்னர் டெப்போக்களையும், தனியாருடன் கூட்டாக அமைத்த எட்டு கூட்டு நிறுவனங்களுடனும், 24 தனிப்பட்ட உள்நாட்டு கன்டெய்னர் டெப்போ களுடனும், 37 உள்நாட்டு மற்றும் ஏற்றுமதி சரக்குகளைக் கையாளும் டெர்மினல்களுடனும் இயங்கிவருகிறது. கன்டெய்னர் கார்ப்பரேஷன் நிறுவனத்தின் சுங்கத்தீர்வையுடன்கூடிய டெப்போக்கள் (Customs Bonded Inland Container depots) வாடிக்கையாளர்களின் வாசலுக்கே சுங்கத்தீர்வை சேவையைக் கொண்டுவந்து தருகிறது. இந்தவித டெர்மினல்களும் பெரும்பாலும் ரயில் மூலம் இணைக்கப் பட்டுள்ளவையேயாகும். எனவே, அதிக அளவிலான சரக்குகளை இலகுவாக இந்த நிறுவனம் கையாள்கிறது.

கம்பெனி டிராக்கிங்: கன்டெய்னர் கார்ப்பரேஷன் ஆஃப் இந்தியா!

கன்டெய்னர் கார்ப்பரேஷன் நிறுவனத்தின் டெர்மினல்கள் வேர்ஹவுஸிங், கன்டெய்னர் பார்க்கிங், கன்டெய்னர்களைப் பராமரித்தல் (ரிப்பேர்) மற்றும் வாடிக்கையாளர்கள் தங்களுடைய அலுவலகப் பணிகளைச் செய்து கொள்வதற்கான இடம் போன்றவற்றை கொண்டதாக இருப்பது ஒரு தனிச்சிறப்பாகும். மேலும், ஒரு கன்டெய்னர் ஃப்ரெயிட் நிறுவனமாக கன்டெய்னர் கார்ப்பரேஷன் நிறுவனம் டிரான்சிட் வேர்ஹவுஸிங் (ஏற்றுமதி/இறக்குமதி செய்யும் வாடிக்கையாளர்களுக்காக), பாண்டட் வேர்ஹவுஸிங் (இறக்குமதி செய்யப்பட்ட பொருள் களுக்கு ஒட்டுமொத்தமாக சுங்கத்தீர்வைச் செலுத்தாமல் தற்போதைக்குத் தேவைப்படும் அளவு பொருள்களுக்குத் தேவையான அளவில் மட்டும் சுங்கத்தீர்வை செலுத்தி எடுத்துக்கொள்ளும் வசதியுடன்), ஒரு கன்டெய்னர் கொள்ளும் அளவிற்கு சரக்குகள் இல்லாத வாடிக்கையாளர்கள் கூட சரக்குகளை ஒப்படைக்கும் வசதி (Less than Container Load), ஏர் கார்கோ கிளியரன்ஸ் போன்ற சேவைகளையும் தங்களுடைய வாடிக்கையாளர் களுக்கு வழங்கிவருகிறது.

உள்நாட்டு சேவைகளில் இந்த நிறுவனத்தின் வாடிக்கையாளரின் வாயிலுக்கே சென்று சரக்கு களை எடுப்பதும் கொடுப்பதும் மிகவும் பிரசித்தி பெற்றதாக இருக்கிறது. அதேபோல், ஹப்-அண்டு-ஸ்போக் மாடல் என்ற முறையில் செயல்படுவதால், ஒரே வாடிக்கையாளர் பல்வேறு இடங்களுக்கான சரக்குகளை இந்த நிறுவனத்தின் மூலம் ஒரே நேரத்தில் அனுப்பமுடியும். ஒரு முழுமையான சரக்கு சேவை நிறுவனமாக இருப்பதால், சரக்குப் போக்குவரத்தில் அணுக வேண்டிய சுங்கம், துறைமுகங்கள், ரயில்வே, சாலைவழிப் போக்குவரத்து நிறுவனங்கள், கஸ்டம்ஸ் ஹவுஸ் ஏஜென்டுகள் மற்றும் ஷிப்பிங் லைன்கள் போன்ற அனைத்து சேவைகளையும் தருகிற ஒரு ஒற்றைச்சாளரமாக இந்த நிறுவனம் விளங்குவது சிறப்பான அம்சமாகும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ரிஸ்க்குகள் ஏதும் உண்டா?

வர்த்தக ரீதியான சரக்குப் போக்குவரத்து என்பது பொருளாதாரத்தின் ஒரு முக்கிய அங்கமாகும். இந்தத் துறையில் செயல்படும் அனைத்து நிறுவனங்களுக்கும் உண்டான ரிஸ்க்குகள் அனைத்தும் இந்த நிறுவனத்திற்கும் உண்டு. சரக்குகளைக் கையாளுதல் என்பது முழுக்க முழுக்க பொருளாதார வளர்ச்சி சார்ந்த (உள்நாட்டு மற்றும் உலக) விஷயமாகும். எனவே, பொருளாதார வளர்ச்சி என்பது எதிர்பார்த்த அளவு இல்லாது போனாலோ அல்லது தேக்கநிலை தோன்றினாலோ, இந்த நிறுவனத்தின் செயல் பாடுகளும் பாதிக்கப்பட வாய்ப்பிருக்கிறது என்பதை நினைவில்கொள்ள வேண்டும்.

கம்பெனி டிராக்கிங்: கன்டெய்னர் கார்ப்பரேஷன் ஆஃப் இந்தியா!

போட்டி மற்றும் புதுப்புது டெக்னாலஜி அறிமுகம் போன்றவையும் இந்தத் துறையில் செயல்படும் நிறுவனங்களுக்கான ரிஸ்க்குகள் ஆகும். இப்படிப் பல ரிஸ்க்குகள் இருக்கின்ற போதிலும் நீண்ட அனுபவத்தையும் வாடிக்கையாளர் மத்தியில் நன்மதிப்பையும் பெற்றுள்ள நிறுவனம் இது. இந்த நிறுவனத்தின் பங்குகளைக் கொஞ்சம் அதிக அளவிலான ரிஸ்க் எடுக்கக்கூடிய திறன் கொண்ட வாசகர்கள் மட்டும் சந்தை ஏதாவது ஒரு காரணத்தால், கடும் வீழ்ச்சியைச் சந்திக்கும் போது வருகிற நல்லதொரு விலை இறக்கத்தில் மட்டும் வாங்குவதற்குப் பரிசீலனை செய்யலாம். மிக மிகக் குறைந்த எண்ணிக்கையில் வாங்கி, மூன்று முதல் ஐந்தாண்டுக்காலத்திற்கான போர்ட்ஃபோலியோவில் சேர்த்துக்கொள்ள தொடர்ந்து டிராக் செய்துவரலாம்.

ஏற்கெனவே இதே துறையில் செயல்படும் நிறுவனங்களின் பங்குகளை அதிகம் கொண்டிருக்கும் போர்ட்ஃபோலியோவை வைத்திருக்கும் வாசகர்களும், இந்தப் பங்கினை வாங்கியபிறகு தாங்களாகவே இந்த நிறுவனம் மற்றும் இந்த நிறுவனம் செயல்படும் துறையை டிராக் செய்துகொள்ள முடியாத வாசகர்களும் இந்தப் பங்கினைத் தவிர்ப்பதே நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol : CONCOR) /name of company/time duration)