Published:Updated:

கம்பெனி டிராக்கிங் : நவ்நீத் எஜுகேஷன் லிமிடெட்!

நவ்நீத் எஜுகேஷன் லிமிடெட்
பிரீமியம் ஸ்டோரி
News
நவ்நீத் எஜுகேஷன் லிமிடெட்

(NSE SYMBOL: NAVNETEDUL)

றிவு வளர்ச்சி சார்ந்த தொழிலான அச்சுவடிவம் மற்றும் டிஜிட்டல் வடிவத்தினாலான புத்தகங்களை அச்சிட்டு வெளியிட்டுவரும் நவ்நீத் எஜுகேஷன் லிமிடெட் எனும் நிறுவனத்தைத்தான் இந்த வாரம் நாம் டிராக்கிங்குக்கு எடுத்துக்கொண்டுள்ளோம்.

நிறுவனத்தின் பின்னணி

இந்த நிறுவனத்தின் நிறுவனர் 1959-ம் ஆண்டில் மும்பையில் காலேஜ் புக் டெப்போ எனும் பெயரில் ஒரு நிறுவனம் ஆரம்பித்தார். அவை வேகமாக விற்பனையாவதைப் பார்த்து, தொடர்ந்து புத்தகங்களைப் பதிப்பிக்கத் தொடங்கினார். காலப்போக்கில் நவீன காலத்துக்கு ஏற்றாற்போல் டிஜிட்டல் வடிவத்தில் புத்தகங்களை வெளியிட ஆரம்பித்துள்ளது இந்த நிறுவனம். பள்ளிகளுக்கான பாடத்திட்டம் சார்ந்த புத்தகங்கள் மற்றும் பாடத் திட்டம் சாராத புத்தகங்கள் என்ற இரண்டையும் வெளியிட்டு வரும் இந்த நிறுவனம் ‘ஸ்காலஸ்டிக்’ எனும் பிராண்டில் காகிதம் சார்ந்த ஸ்டேஷனரிகள் மற்றும் காகிதம் அல்லாத ஸ்டேஷனரிகளையும் உற்பத்தி செய்து விற்பனை செய்துவருகிறது. தவிர, பொதுவான புத்தகங்கள், சிறுவர்களுக்கான புத்தகங்கள் போன்றவற்றையும் வெளியிட்டு வருகிறது.

கம்பெனி டிராக்கிங் : நவ்நீத் எஜுகேஷன் லிமிடெட்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

நிறுவனத்தின் சிறப்பு

தொழில்ரீதியாக நீண்ட அனுபவத்தைக் கொண்டிருப்பதால் பல தசாப்தங்களாக இந்த நிறுவனத்தின் புத்தகங்கள் ஆசிரியர்கள் மற்றும் மாணவர்களிடையே பிரசித்தி பெற்றதாக இருக்கிறது. சிறுவர்களின் மத்தியில் இந்த நிறுவனத்தின் பிராண்டுகளான விகாஸ் வொர்க் புக்ஸ், காலா பிராக்டிஸ் புக்ஸ் மற்றும் யுவா ஃபூல்-ஸ்கேப்ஸ் நோட்டுப் புத்தகங்கள் போன்றவை பிரசித்திபெற்றதாக இருக்கின்றன. இந்த நிறுவனம் பிரசித்திபெற்று இருப்பதற்கு அதன் தரம் முக்கியமானதொரு காரணமாக இருக்கின்றபோதிலும் நைன்டீஸ் கிட்ஸ்களின் சிறுபிராய நினைவலைகளும் (nostalgia) அதனுடன் இணைந்துகொள்வதால், இந்த பிராண்டுகள் அதிமுக்கியத்துவம் வாய்ந்ததாகத் திகழ்கின்றன.

2016-ம் ஆண்டில் என்சைக்ளோ பீடியா பிரிட்டானிக்கா (இந்தியா) பிரைவேட் லிமிடெட் நிறுவனத்தைக் கையகப்படுத்தியதன் மூலம் மண்டல அளவிலான கல்வி பயிற்றுவித்தல், அதற்கு உதவும் டிஜிட்டல் தீர்வுகளை வழங்குதல் போன்ற பணிகளையும் செய்ய ஆரம்பித்தது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

நிறுவனத்தின் செயல்பாடுகள்

மாநிலங்கள் (State Board) அளவிலான பாடத் திட்டங்கள் (நவ்நீத், விகாஸ்), பாடத்திட்டங்கள் அல்லாத புத்தகங்கள் (சிறுவர்களுக்கான மற்றும் பொதுவான புத்தகங்கள்), சி.பி.எஸ்.இ பாடத்திட்டங்கள், ஸ்டேஷனரி, இ-சென்ஸ் எனும் இ-லேர்னிங் பிரிவு மற்றும் ஏற்றுமதி வர்த்தகத்தில் K12 வகுப்புகளுக்கான ஸ்டேஷனரிகள் போன்றவை இந்த நிறுவனத் தயாரிப்புகள்.

கம்பெனி டிராக்கிங் : நவ்நீத் எஜுகேஷன் லிமிடெட்!

மாநில பாடத்திட்டங்களுக்கான பிரிவில் மேற்கிந்திய மாநிலங்களுக்கான பாடத்திட்டம் சார்ந்த புத்தகங்கள் மற்றும் பாடத்திட்டம் அல்லாத புத்தகங்கள் பிரிவில் பல்வேறு முன்னணி ஆசிரியர்கள் எழுதிய பாடப் புத்தகங்களைப் பதிப்பித்து விற்பனை செய்துவருகிறது. கிட்டத்தட்ட 225-க்கும் மேற்பட்ட புத்தக ஆசிரியர்களைத் தன்வசத்தே கொண்டிருப்பதால் பாடத்திட்டத்துக்குத் துணையாக இருக்கும் புத்தகங்களைப் பதிப்பித்து விற்பனை செய்வதிலும் இந்த நிறுவனம் ஒரு முன்னணி நிறுவனமாகத் திகழ்கிறது.

கம்பெனி டிராக்கிங் : நவ்நீத் எஜுகேஷன் லிமிடெட்!

2016-17-ம் நிதியாண்டில் இந்திய அளவில் விற்பனை செய்துகொண்டிருந்த என்சைக்ளோ பீடியா பிரிட்டனிக்கா (இந்தியா) பிரைவேட் லிமிடெட் நிறுவனத்தைக் கையகப்படுத்தியதன் மூலம் தன்னுடைய சி.பி.எஸ்.இ பாடத் திட்டத்துக்கான புத்தகங்களை குஜராத், மகாராஷ்டிராவில் சந்தைப்படுத்துவதில் மேலும் முனைப்புடன் செயல்படவும், இந்திய அளவில் தன்னுடைய சி.பி.எஸ்.இ புத்தகங்களை விற்பனை செய்வதற்கான அனுகூலத்தையும் இந்த நிறுவனம் பெற்றது. மேற்கு இந்தியா மாநிலங்களில் மாநிலப் பாடத் திட்டங்களுக்கான புத்தகங்கள், வொர்க் புக்குகள், கைடுகள், பரிட்சைக்கு முன் படிக்க வேண்டிய திருப்புதலுக்கான புத்தகங்கள் போன்றவற்றை வெளியிடுகிறது இந்த நிறுவனம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

1993-ம் ஆண்டில் ஸ்டேஷனரி துறையில் இந்த நிறுவனம் கால்பதித்தது. அதன்பின்னர், படிப்படியாக நல்லதொரு வளர்ச்சியையே இந்தத் தொழில் பிரிவில் இந்த நிறுவனம் கண்டுவருகிறது. மாணவர்களுக்கான தரமான பெரிய நோட்டுப் புத்தகங்கள், சாதாரண வகை நோட்டுப் புத்தகங்கள், டிராயிங் நோட்டுகள், ஸ்க்ராப் புக்குகள் போன்றவற்றைத் தயாரிக்கும் இந்த நிறுவனம், அலுவலகப் பயன்பாட்டுக்கான ஸ்டேஷனரிகளையும் தயாரித்து விற்பனை செய்துவருகிறது. இந்தப் பிரிவில் 23 மாநிலங்களில் உள்ள 1,130 நகரங்களில் தன்னுடைய வர்த்தகத்தைச் செய்துவரும் இந்த நிறுவனம், 1,236 டிஸ்ட்ரிப்யூட்டர்களையும், 46,569 ரீடெயில் கடைகளையும் தன்வசத்தே கொண்டுள்ளது. தவிர, இ-சென்ஸ் எனும் இ-லேர்னிங் சொல்யூஷனையும் இந்த நிறுவனம் வழங்கி வருகிறது.

கம்பெனி டிராக்கிங் : நவ்நீத் எஜுகேஷன் லிமிடெட்!

ரிஸ்க்குகள் ஏதும் உண்டா?

பள்ளிப்பாட புத்தகங்கள் மற்றும் ஸ்டேஷனரி துறையில் செயல்படும் அனைத்து நிறுவனங்களுக்கும் உரித்தான ரிஸ்க்குகள் இந்த நிறுவனத்துக்கும் உண்டு எனலாம். அரசாங்கத்தின் நிலைப்பாடுகள், பாடத் திட்டத்தில் செய்யப்படுகிற மாற்றங்கள், தொழில்நுட்ப ரீதியிலான மாற்றங்கள், அதிகரிக்கும் போட்டி நிறுவனங்கள், அந்நிய செலாவணி மதிப்பு மாறுதல் போன்றவையும் இந்த நிறுவனத்துக்கு உரித்தேயான ரிஸ்க்குகள் ஆகும்.

கம்பெனி டிராக்கிங் : நவ்நீத் எஜுகேஷன் லிமிடெட்!

ரிஸ்க்குகள் பல இருக்கின்றபோதிலும் தொழில்ரீதியாக நீண்ட அனுபவத்தையும், வாடிக்கையாளர்கள் மத்தியில் நன்மதிப்பையும் பெற்றிருக்கும் நிறுவனம் இது. இந்த நிறுவனத்தின் பங்குகளை சந்தை ஏதாவது ஒரு காரணத்தால் நல்லதொரு வீழ்ச்சியைச் சந்திக்கும்போது வருகிற கணிசமானதொரு விலை இறக்கத்தில் மட்டும் மிகமிகக் குறைவான எண்ணிக்கையில் வாங்க பரிசீலிக்கலாம். தங்களுடைய ஐந்து ஆண்டுகளுக்கும் மேலான போர்ட்ஃபோலியோவில் சேர்த்துக் கொள்வதற்காக மிக அதிக அளவிலான ரிஸ்க் எடுக்கும் திறன் கொண்ட முதலீட்டாளர்கள் மட்டும் தொடர்ந்து டிராக் செய்துவரலாம்.

ஏற்கெனவே, இதே துறையில் செயல்படும் பங்குகளை அதிகமாகக்கொண்ட போர்ட்ஃபோலியோவை வைத்திருப்பவர்களும் பங்கை வாங்கிய பிறகு, தாங்களாகவே இந்த நிறுவனம் மற்றும் அது செயல்படும் துறை என்ற இரண்டையும் டிராக் செய்துகொள்ள முடியாதவர்களும் இந்தப் பங்கைத் தவிர்ப்பதே மிகமிக நல்லது.

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of the document? – No; 3. Whether the research analyst or his relatives has any other material conflict of interest? – No; 4. Whether research analyst has received any compensation from the subject company/ies in the past 12 months and nature of products / services for which such compensation is received? – No; 5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One-year Price history of the daily closing price of the securities covered in this report is available in the following URL (https://www.nseindia.com/get-quotes/equity?symbol= NAVNETEDUL #info-historicaldata) – in this URL select historical data and then click on 1Y and click Filter to get one year price of the stock.