Published:Updated:

ஓராண்டு இலக்கு... ஒளிவீசும் தீபாவளிப் பங்குகள்!

பங்குச் சந்தை

பிரீமியம் ஸ்டோரி

தீபாவளி சிறப்புப் பங்கு வர்த்தகமான, `முகூர்த்த வர்த்தகம்’ (Muhurat Trading) அக்டோபர் 27-ம் தேதி மாலையில் நடக்கிறது. இந்த நேரத்தில் பலர் புதிய முதலீட்டுக் கணக்கைத் தொடங்குவதை வழக்கமாகக்கொண்டிருக்கிறார்கள். தீபாவளி தினத்தில் நீங்களும் புதிய முதலீட்டை ஆரம்பித்து, லாபம் ஈட்ட நாணயம் விகடனின் வாழ்த்துகள். `தீபாவளியையொட்டி எந்தெந்தப் பங்குகளில் முதலீடு செய்யலாம்?’ என்று பங்குச் சந்தை நிபுணர்கள் சிலரிடம் கேட்டோம். அவர்கள், பங்குச் சந்தையின் போக்கை எடுத்துச் சொன்னதுடன், தீபாவளியையொட்டி எந்தெந்தப் பங்குகளை வாங்கலாம் என்ற பரிந்துரையையும் வழங்கினார்கள். முதலில், பங்குச் சந்தை நிபுணர் ரெஜி தாமஸைச் சந்தித்தோம்.

ஓராண்டு இலக்கு... ஒளிவீசும் 
தீபாவளிப் பங்குகள்!
ஓராண்டு இலக்கு... ஒளிவீசும் 
தீபாவளிப் பங்குகள்!

“தற்போது, இந்தியப் பங்குச் சந்தை ஏற்றத் தாழ்வுகளுடன் இருக்கிறது. வெளிநாட்டு முதலீட்டாளர்கள் முதலீடுகளை விற்றுவிட்டு வெளியேறுகிறார்கள். இந்தியப் பொருளாதாரத்தின் மந்தநிலை, இந்தியப் பங்குச் சந்தைக்குப் பாதகமான சூழலை ஏற்படுத்தியிருக்கிறது. இதனால் கடந்தகாலத்தைப்போல அல்லாமல், லாபம் தரும் சரியான பங்குகளை அடையாளம் காண்பதில் கடினமான சூழ்நிலை நிலவுகிறது. மேலும், உலகெங்கும் பொருளாதார வளர்ச்சியில் மந்தநிலை காணப்படுகிறது. இதன் தாக்கம் நமது நாட்டில் பல துறைகளிலும் எதிரொலிக்கிறது. நம் ரிசர்வ் வங்கி உட்பட மத்திய வங்கிகள் தொடர்ந்து வட்டி விகிதத்தைக் குறைத்துவருவதுடன், நாட்டின் பொருளாதாரத்தை மேம்படுத்தும் முயற்சிகளையும் மேற்கொண்டுவருகின்றன.

2008-ம் ஆண்டு நெருக்கடியைப்போல அல்லாமல், இந்த முறை மந்தநிலை பணப்புழக்கத்தை மையமாகக்கொண்டிருக்கிறது. வாகனங்களின் உற்பத்தி மற்றும் விற்பனை குறைந்துவிட்டது. தகவல் தொழில்நுட்பத் துறையில் மந்தநிலை; நிதிப் பற்றாக்குறை காரணமாக வங்கி மற்றும் நிதி நிறுவனங்கள் நிதி நெருக்கடியைச் சந்தித்துவருகின்றன. ஒரு நல்ல பங்கை அடையாளம் காண்பதில் சிக்கல் உருவாகியிருக்கிறது. இருந்தாலும் என்னைப் போன்ற சந்தை ஆலோசகர்கள், பங்குகளைத் தேர்ந்தெடுப்பதில் டெக்னோ-ஃபண்டமென்டல் அணுகுமுறையைக் கடைப்பிடிக்கிறோம்.

ஓராண்டு இலக்கு... ஒளிவீசும் 
தீபாவளிப் பங்குகள்!

அதன் அடிப்படையில் எரிசக்தி, தனியார் வங்கிகள் மற்றும் சேவைத் துறை நிறுவனப் பங்குகளில் முதலீட்டாளர்கள் கவனம் செலுத்துவது நல்லது. அதே நேரம், சற்று ரிஸ்க் அதிகம்கொண்ட மெட்டல் மற்றும் பார்மா துறை சார்ந்த பங்குகளையும் முதலீட்டாளர்கள் பரிசீலிக்கலாம். ஒரு நிறுவனம் கடனில் சிக்கி காணாமல் போவதைவிட, தடைகளைத் தாண்டி லாபம் சம்பாதிப்பது இன்றைய பொருளாதார நிலையில் மிகப் பெரிய சவாலாக இருக்கிறது.

ஓராண்டு இலக்கு... ஒளிவீசும் 
தீபாவளிப் பங்குகள்!

ஒரு நிறுவனத்தின் வருமானம் இரண்டு வகைகளில் கிடைக்கலாம். ஒன்று, வரிச் சலுகை கொடுப்பதால், பேலன்ஸ்ஷீட்டில் லாபம் அதிகமாகக் காட்டப்படும். இரண்டாவது, விற்பனை மூலம் நிறுவனத்தின் லாபம் அதிகரிக்கும். பெரும்பாலான நிறுவனங்கள், வரிச் சலுகையைக் காரணமாகவைத்து லாபத்தை அதிகப்படுத்திக் காட்டலாம், ஆனால், அதைவைத்து அந்த நிறுவனத்தின் பங்குகளை முதலீட்டாளர்கள் தேர்வுசெய்யக் கூடாது. சவாலான சூழலிலும் தனது நிறுவனத்தின் செயல்பாட்டைச் சிறப்பாக்கி, விற்பனையின் மூலம் லாபத்தை அதிகப்படுத்தியிருக்கும் நிறுவனப் பங்குகளைத் தேர்வுசெய்வதுதான் நீண்டகால லாபத்துக்கு வழிவகுக்கும்” என்ற ரெஜி தாமஸ், முதலீட்டுக்குத் தகுதியான மூன்று பங்குகளைப் பரிந்துரை செய்தார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஓராண்டு இலக்கு... ஒளிவீசும் 
தீபாவளிப் பங்குகள்!

செப்டம்பர் மாதத்துடன் முடிவடைந்த காலாண்டில் எம்.சி.எக்ஸ் நிறுவனத்தின் நிகர லாபம் இரண்டு மடங்கு அதிகரித்து, ரூ .71.75 கோடியாக உள்ளது. இதன் நிகர லாபம் முந்தைய ஆண்டின் இதே காலத்தில் 35.93 கோடி ரூபாயாக இருந்தது. கமாடிட்டி ஃப்யூச்சர் வருவாய் 27% அளவுக்கு வளர்ச்சி இருக்கிறது. இதனால், இதன் பங்கு விலை அதிகரிப்பு ஆரோக்கியமானதாக இருக்கும் என எதிர்பார்க்கப்படுகிறது. தொழில்நுட்பரீதியாகப் பார்த்தால், இந்தப் பங்கு விலை 25% ஏறக்கூடும். தற்போதைய சப்போர்ட் 1,010/970 ரூபாயாக இருக்கிறது. தற்போதைய சந்தைச் சூழ்நிலையில், எம்.சி.எக்ஸ் போன்ற தரமான பங்குகள் வாங்குவதை முதலீட்டாளர்கள் பரிசீலிக்கலாம்.

ஓராண்டு இலக்கு... ஒளிவீசும் 
தீபாவளிப் பங்குகள்!
ஓராண்டு இலக்கு... ஒளிவீசும் 
தீபாவளிப் பங்குகள்!

இதன் பங்கு கடந்த பத்தாண்டுகளில் 1,100% வருமானத்தை வழங்கியிருக்கிறது. நடப்பு நிதி ஆண்டின் முதல் காலாண்டில் இந்த வங்கியின் நிகர லாபம் 14% அதிகரித்திருக்கிறது. அதே காலத்தில் இந்தப் பங்கின் விலை 13% அதிகரித்தது. இந்த வங்கியின் சிறப்பான செயல்பாடுகளால் இரண்டாவது காலாண்டிலும் வலுவான முடிவுகளை வழங்கும் என்று எதிர்பார்க்கப் படுகிறது. குறுகியகாலத்தில் இந்தப் பங்கின் விலையில் சுமார் 12% ஏற்றத்தை எதிர்பார்க்கலாம். பலவீனமான சந்தைச் சூழலில், இந்தப் பங்கின் சிறப்பான செயல்பாடுகள் முதலீட்டாளர்களின் ஆர்வத்தைத் தூண்டுவதாக இருக்கின்றன.

இந்தியாவில், நேரடி மின்னணு மற்றும் ஆன்லைன் - கேஸினோ கேமிங் துறையில் பட்டியலிடப்பட்ட ஒரே நிறுவனம் டெல்டா கார்ப் நிறுவனம்தான். தற்போதைய நிலையில், இந்த நிறுவனத்தின் வருமானம் நல்ல முறையில் இருந்துவருகிறது. மேலும், இரண்டு கேஸினோ நிலையத்தை அமைக்க இந்த நிறுவனம் திட்டமிட்டிருக்கிறது. இதனால் இதன் வருமானம் மேலும் அதிகரிக்கும் என எதிர்பார்க்கப்படுகிறது. எனவே, இந்தப் பங்கின் விலையும் உயரக்கூடும். நீண்டகால அடிப்படையில் நல்ல லாபத்தை இந்தப் பங்கின் மூலம் எதிர்பார்க்கலாம்.

பிரபல பங்குச் சந்தை நிபுணரும் ஐ.டி.பி.ஐ கேப்பிட்டல் நிறுவனத்தின் ஈக்விட்டி ரிசர்ச் பிரிவின் தலைவருமான ஏ.கே.பிரபாகர், ஃபினோலெக்ஸ், ஹெச்.டி.எஃப்.சி லைஃப் மற்றும் ஐ.டி.சி ஆகிய மூன்று பங்குகளைப் பரிந்துரை செய்தார்.

ஃபினோலெக்ஸ், ஹவுஸிங் மற்றும் பிளம்பிங் தேவைகளுக்கான பி.வி.சி குழாய்களை அதிக அளவில் உற்பத்தி செய்துவரும் நிறுவனம். இதன் மொத்த வருவாயில் 30%, ஹவுஸிங் தேவைகளுக்கான பி.வி.சி குழாய்கள் விற்பனையிலிருந்து வருகிறது.

மேலும், வளர்ந்துவரும் தேவையைப் பூர்த்தி செய்ய அடுத்த மூன்று ஆண்டுகளில் பைப்பிங் மற்றும் பொருத்துதல் பிரிவில் உற்பத்தித்திறனை 35% அதிகரிக்க இந்த நிறுவனம் திட்டமிட்டிருக்கிறது. இதனால் இதன் உற்பத்தி 3,70,000 மெட்ரிக் டன்னிலிருந்து 4,50,000 மெட்ரிக் டன்னாக அதிகரிக்கும். விவசாயத்திலும் பி.வி.சி குழாய்களின் தேவை அதிகரித்திருக்கிறது.

உள்நாட்டுத் தேவை அதிகரித்துவருவதால், இந்த நிறுவனத்தின் வளர்ச்சி ஆரோக்கியமாக இருக்கும் என எதிர்பார்க்கப்படுகிறது. 2019-21-ம் நிதி ஆண்டுகளில் இந்த நிறுவனத்தின் நிகர விற்பனை 10.9 சதவிகிதமாகவும், எபிட்டா

9.6 சதவிகிதமாகவும், வரிக்குப் பிந்தைய வருமானம் 16 சதவிகிதமாகவும் இருக்கும் எனக் கணிக்கப்பட்டு உள்ளது. 2019-20-ம் நிதி ஆண்டில் இந்த நிறுவனத்தின் மொத்த வருமானம் ரூ.34,413 மில்லியனாக இருக்கும் எனக் கணிக்கப்பட்டிருக்கிறது.

ஹெச்.டி.எஃப்.சி லைஃப், உள்நாட்டு ஆயுள் காப்பீட்டுத் துறையில் முன்னணி நிறுவனங்களில் ஒன்று. பாதுகாப்பு, ஓய்வூதியம், சேமிப்பு, முதலீடு போன்ற தனிநபர் மற்றும் குழுக் காப்பீட்டுத் திட்டங்களை வழங்கிவருகிறது. இந்த நிறுவனம் தனது போர்ட்ஃபோலியோவைப் பலதரப்பட்ட பிரிவுகளில் பராமரிப்பதால், 2015-16-ம் நிதி ஆண்டில் 19.9 சதவிகிதமாக இருந்த புதிய வணிகத்தின் மார்ஜின் 2018-19-ம் ஆண்டில்ல் 24.6 சதவிகிதமாக அதிகரித்திருக்கிறது. இந்த நிறுவனத்தின் பிராண்ட் வேல்யூ சிறப்பாக இருப்பதால், வாடிக்கையாளர்களை எளிதாகக் கவர முடிகிறது. புதிய திட்டங்களைத் தனது வாடிக்கையாளர்களுக்கு இந்த நிறுவனத்தால் விற்க முடிகிறது. இதனால் இனி வரும் காலங்களில் இந்த நிறுவனத்தின் வளர்ச்சி சிறப்பாகவே இருக்கும்.

தற்போதைய நிலையில், ஐ.டி.சி பங்குகளில் 30% பங்குகளை பிரிட்டிஷ் அமெரிக்கன் டொபாக்கோ வைத்திருக்கிறது. 2019-ம் நிதி ஆண்டின் தொடக்கத்தில் நிறுவனத்தின் வளர்ச்சியில் முன்னேற்றம் இருந்த போதிலும், காலாண்டு வருவாய் எதிர்பார்ப்புக்குக் கீழே இருந்தது. புகையிலை விலை அதிகரித்ததன் காரணமாக நிறுவனத்தின் எபிட்டா வருமானம் குறைந்தது. ஐ.டி.சி பங்கின் விலை தற்போது 50 சதவிகிதத்துக்கும் மேல் இறங்கி கவர்ச்சிகரமாக இருக்கிறது. நிறுவனத்தின் வருவாய் அதிகரிக்கும் என எதிர்பார்க்கப்படுவதால், பங்கின் விலையும் உயர வாய்ப்பிருக்கிறது.

ஓராண்டு இலக்கு... ஒளிவீசும் 
தீபாவளிப் பங்குகள்!

பி.என்.பி பரிபாவின் ஷேர்கான் பங்கு தரகு நிறுவனத்தின் தீபாவளிப் பங்குப் பரிந்துரைகள்...

ரிலையன்ஸ் இண்டஸ்ட்ரீஸ் நிறுவனம் கச்சா எண்ணெய் சுத்திகரிப்பு, பெட்ரோ கெமிக்கல்ஸ், ரீடெய்ல் மற்றும் டிஜிட்டல் சேவைகளை வழங்கி வருகிறது. 2018-19-ம் நிதி ஆண்டின் எபிட்டா வருமானத்தில் சுத்திகரிப்பு மற்றும் பெட்ரோ கெமிக்கல் பிரிவுகளின் பங்கு மட்டுமே 69% ஆகும். இந்த நிறுவனம் மக்களால் அதிகம் நுகரப்படும் ரீடெய்ல் மற்றும் டிஜிட்டல் சேவைப் பிரிவுகளில் அதிக கவனம் செலுத்தத் திட்டமிட்டிருக்கிறது. இந்த நிறுவனத்தின் வருமானம் தொடர்ந்து அதிகரித்துவருகிறது. 2018-19-ம் ஆண்டில் ரூ.5.67 லட்சம் கோடியாக அதிகரித்தது.

2019-20-ல் ரூ.5.90 லட்சம் கோடியாக இருக்கும் என கணிக்கப்பட்டிருக்கிறது.

நேச்சுரல்ஸ் பிரிவில் நுழைதல், குழந்தைகளுக்கான பொருள்கள் மற்றும் புத்துணர்ச்சி தரும் பொருள்கள் தயாரிப்புகளில் மேம்பட்ட கவனம் மற்றும் ஏற்கெனவே இருக்கும் தயாரிப்புகளுக்கான விளம்பரங்கள் போன்ற நிறுவனத்தின் சமீபத்திய நடவடிக்கைகள், இதன் போட்டி நிறுவனங்களான பதஞ்சலி போன்ற சில புதிய நிறுவனங்களிலிருந்து இதை வேறுபடுத்திக் காட்டியிருக்கிறது.

நிறுவனத்தின் புதிய மேலாண்மை இயக்குநர் ராம் ராகவன் தலைமையில் மேற்கொள்ளப்பட்டுவரும் நடவடிக்கைகளும் உத்திகளும் நிறுவனத்தின் வளர்ச்சியைத் தற்போதைய 3-4% வளர்ச்சியிலிருந்து 5-7 சதவிகிதமாக உயர்த்தும் என எதிர்பார்க்கப்படுகிறது. மேலும், கார்ப்பரேட் வரி 33 சதவிகிதத்திலிருந்து 25.2 சதவிகிதமாகக் குறைக்கப்பட்டதன் விளைவாக வருவாய் 11% அதிகரிக்கும்.

பாட்டா இந்தியா, இந்தியாவின் மிகப்பெரிய சில்லறை விற்பனை மற்றும் காலணி உற்பத்தி நிறுவனம். இது, ஆண்டுக்கு 47 மில்லியன் ஜோடி காலணிகளை விற்பனை செய்கிறது. வழக்கமான காலணி தயாரிப்பு நிறுவனம் என்ற தோற்றத்திலிருந்து, நவீன தயாரிப்பு நிறுவனமாகத் தன்னைத் தகவமைத்துக்கொண்டிருக்கிறது. ஷோரூம் லே-அவுட்டுகளை மேம்படுத்தி, பிரீமியம் தயாரிப்புகளை அறிமுகப்படுத்தியிருக்கிறது.

தற்போதைய 6-8% விற்பனை வளர்ச்சி தொடர்ந்து இருக்கும் என எதிர்பார்க்கப்படுகிறது. மேலும், கார்ப்பரேட் வரி 33 சதவிகிதத்திலிருந்து 25.2 சதவிகிதமாகக் குறைக்கப்பட்டதன் விளைவாக இதன் வருவாய் 12-13% அதிகரிக்கும் என எதிர்பார்க்கப்படுகிறது.

* பங்குகளின் விலை 17.10.19 நிலவரப்படி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு