Published:Updated:

பொருளாதார மந்தநிலை... பங்குச் சந்தை ஏன் தொடர்ந்து உயர்கிறது? முதலீட்டாளர்களின் கேள்விக்கு பதில்...

S H A R E M A R K E T

பிரீமியம் ஸ்டோரி

வி.விஜயகுமார், நிறுவனர், Zebuetrade.com

''கொரோனா காரணமாக எல்லாத் தொழில்களும் சிரமத்தில் உள்ளன. ஜி.டி.பி வளர்ச்சி குறைகிறது. வங்கிகளின் கடன் கொடுக்கும் விகிதம் குறைந்துவருகிறது. இருந்தாலும் வங்கிப் பங்குகள் உயர்கிறதே...’’ என்ற கேள்வியைப் பலரும் கேட்கிறார்கள். இந்தக் கேள்விக்கான பதில் என்ன?

வி.விஜயகுமார் 
நிறுவனர், 
Zebuetrade.com
வி.விஜயகுமார் நிறுவனர், Zebuetrade.com

பொதுவாக, பங்குச் சந்தை என்பது நிறுவனங்களின் நேற்றைய செயல்பாட்டை வைத்துக்கொண்டு இயங்குவதில்லை. நிறுவனங்களின் நாளைய (வரும்கால) செயல்பாட்டின் மீதான எதிர்பார்ப்பின் அடிப்படையிலேயே செயல்படுகிறது.

அப்படியெனில், தற்போது நடக்கும் பல விஷயங்களைக் கொண்டு சந்தையைக் கருத்தில் கொள்ளக்கூடாதா என்று நீங்கள் கேட்கலாம். நிறுவனங்களின் தற்போதைய, எதிர்கால செயல்பாட்டின் அடிப்படையில்தான் பங்குச் சந்தையின் ஏற்றம் இருக்கிறது. இருந்தாலும், இதைத் தாண்டி வேறு ஒரு விஷயமும் இருக்கிறது. அதன் காரணமாகவே பங்குச் சந்தை தற்போது உயர்ந்து வருகிறது.

பொருளாதார மந்தநிலை... பங்குச் சந்தை ஏன் தொடர்ந்து உயர்கிறது? முதலீட்டாளர்களின் கேள்விக்கு பதில்...

பங்குச் சந்தை என்பது பல்வேறு விதமான முதலீட்டாளர் களை உள்ளடக்கியது. நன்கு விஷயம் தெரிந்த முதலீட்டாளர்கள், ஆர்வக்கோளாறுடன் புதிய முதலீட்டாளர்கள், லாபம் மட்டுமே பார்க்க நினைக்கும் முதலீட்டாளர்கள், லாபமோ / நஷ்டமோ எதுவானாலும் சரி, இரண்டில் ஒன்று பார்த்துவிடுவோம் என்று நினைத்து செயல்படும் டிரேடர்கள், நேரடியாக முதலீடு செய்யாமல் மியூச்சுவல் ஃபண்டுகள், பி.எம்.எஸ் மூலம் முதலீடு செய்பவர்கள் எனப் பலரும் கூடும் இடம் இது.

இப்படிப் பல்வேறுவிதமான முதலீட்டாளர்களை அடுக்கிக்கொண்டே போகலாம். வேறு மாதிரியாகப் பார்த்தால், சரியானவற்றைச் செய்து லாபம் பார்க்க நினைப்பவர்கள், தவறானவற்றைச் செய்து நஷ்டமடைந்து விடக் கூடாது என்று நினைப்பவர்கள், பிறரைத் தவறு செய்யத் தூண்டி அதில் லாபம் பார்க்க நினைப்பவர்கள், இந்த மூன்று பிரிவினருக்கும் நடுவே புகுந்து லாபம் பார்க்க நினைப்பவர்கள் எனப் பல பிரிவாகக்கூட இவர்களைப் பிரிக்கலாம்.

இதுபோல, பலர் இயங்கும் இந்த இடத்தில் முதலீட்டுக்கான விளைவு என்பது 2+2=4 என்று வெளிப்படையாகத் தெரியும் அளவுக்கு இருக்கவே இருக்காது என்பதை நீங்கள் ஒப்புக்கொள்வீர்கள்.

அப்படியெனில், முதலீட்டில் வெற்றி என்பது ஓர் அறிவியல் இல்லையா என்று கேட்பீர்கள். அறிவியல்தான். ஆனால், அந்த அறிவியல் என்பது எல்லோராலும் ஒரே மாதிரியாகப் புரிந்துகொள்ளப் பட்டிருக்கும் ஒரு விஷயமாக இல்லாமல் இருப்பதுதான் சந்தையின் விந்தை.அதுவும் தவிர, இந்த சயின்ஸ் என்பது வெவ்வேறு மாதிரியான நபர்களுக்கு வெவ்வேறு விளைவுகளை உருவாக்கு வதும் விநோதமான ஒன்றே.

உதாரணமாக, போர்ட்ஃபோலியோ தியரியை எடுத்துக்கொள்வோம். இந்தத் தியரி எழுதப்பட்ட காலகட்டத்தில் கண்டம் விட்டு கண்டம் முதலீடுகள் செல்லும் வழக்கம் இல்லை. எனவே, முதலீட்டில் முதல் விஷயமான ரிஸ்க் ஃப்ரி-ரேட் (risk free rate) (முதலுக்கு மோசம் ஒருக்காலும் இல்லாத அளவில் தரப்படும் ரிட்டர்ன்) ஒரு நாட்டில் இருக்கும் முதலீட்டாளர் அனைவருக்கும் ஒன்றாக இருந்தது. அதாவது, அமெரிக்க முதலீட்டாளர்கள் அமெரிக்க வட்டி விகிதத்தைக் கணக்கில் கொண்டு தன்னுடைய முதலீடுகளையும், இந்திய முதலீட்டாளர் இந்திய வட்டி விகிதத்தைக் கருத்தில் கொண்டு தங்களுடைய முதலீட்டையும் செய்து வந்த காலம் அது.

பி/இ (P/E) போன்ற விகிதா சாரங்களுக்கும் இதற்கும் பெரிய அளவிலான தொடர்புகள் உண்டு. இன்றைக்கு கண்டம் விட்டு கண்டம் முதலீடுகள் பாய்கிறது. இந்தச் சூழ்நிலையில், ஒரு சந்தையில் முதலீடு செய்யும் பல்வேறு விதமான நபர்கள் பல்வேறு விதமான ‘ரிஸ்க் ஃப்ரீ ரேட்’டைக் கணக்கில் கொண்டு முதலீடு செய்கின்றனர். அதாவது, ஒவ்வொரு நாட்டிலும் ஒவ்வொரு விதமான வட்டி விகிதம் நிலவுகிறது.

இது ஒரு புறமிருக்க நலிந்த பொருளாதாரத்தை மேம்படுத்துவ தற்காக வளர்ந்த நாடுகளின் அரசுகள் வட்டி விகிதத்தைச் செயற்கையாகக் குறைத்து வைத்துள்ளன. இந்தவித செயற்கையான வட்டி விகிதக் குறைப்பு என்பது கண்டம் விட்டு கண்டம் முதலீடுகள் பாய தூண்டுகோலாக அமைந்து விடுகிறது. வெளிநாட்டு முதலீடு களுக்கு இந்தியச் சந்தை வாய்ப்பு உள்ளதாகத் தோன்றுவதால், முதலீடுகள் குவிகின்றன.

இப்படி வெளிநாட்டு முதலீடு வரும்போது, வேறு சில சிக்கல்களும் உள்ளன. கரன்சி எக்ஸ்சேஞ்ச் ரிஸ்க் இருக்கிறது. தவிர, எங்கிருந்து முதலீடு வருகிறதோ, அந்த நாட்டில் வட்டி விகிதம் மாற்றி அமைக்கும்போது முதலீடுகள் வெளியே செல்லலாம். தவிர, இந்தியாவைவிட சிறப்பாகச் செயல்படும் வேறு மார்க்கெட் இருந்தால், முதலீடு அந்த நாட்டுக்குச் சென்றுவிடும். அதாவது, சந்தையில் வெளி நாட்டு முதலீடு வருவதற்குப் பல காரணிகள் உள்ளன.

இதனாலேயே நடப்புக்கும் சந்தைக்கும் சம்பந்தமில்லாத ஒரு செயற்கை நிலை சந்தையில் நிலவுகிறது. முதலீடுகளில் லாபம் பார்ப்பது அறிவியல் எனில், இது போன்ற செயற்கை வட்டிக் குறைப்பு (மேலும் பணத்தை வளர்ந்த நாடுகள் ஏராளமாக சர்க்குலேஷனில் வைத்திருப்பது) ஆச்சர்யமாக நடக்கும் விஷயங் களே. இந்த ஆச்சர்யங்கள் எத்தனை நாள் நடக்கிறதோ, சந்தையும் அந்தக் காலகட்டம் அளவுக்கு அசாதாரண சூழ்நிலையிலேயே இருக்கும்.

சரி, அப்படியெனில், ஒரு சாதாரண முதலீட்டாளராக நான் என்ன செய்வது என்று நீங்கள் கேட்கிறீர்களா? இந்த ஆச்சர்யமான நிலை பற்றி நாம் ஏற்கெனவே சொன்னது போல, பல விதமான காரணிகளால் நடக்கிறது. இந்த ஆச்சர்யம் எவ்வளவு நாளைக்கு இருக்கும், அடுத்த சில மாதங்கள் குறைந்து, காணாமல் போய்விடுமா என்பது பற்றி என்றெல்லாம் யோசித்து, குழப்பிக்கொள்வதைவிட, நல்ல அடிப்படை உள்ள பங்குகளை மட்டும் தேர்வு செய்து நீண்டகால நோக்கில் முதலீடு செய்வதே நல்லது.

நல்ல அடிப்படை கொண்ட நிறுவனங்களில் செய்யப்படும் முதலீடு களில் இந்தவகை ஆச்சர்யங்கள் இருந்தாலும் இல்லாவிட்டாலும் நமக்குப் பெரிய பெரிய அளவிலான பாதிப்புகளை ஏற்படுத்திவிடாது. ஆக, ஆச்சர்யங்கள் தொடரட்டும் அல்லது தொடராமல் போகட்டும், நம் வேலை நல்ல அடிப்படை கொண்ட பங்குகள் வாங்குவது மட்டுமே என்று இருப்போம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு