Published:Updated:

நிறுவனங்களின் கேஷ் ஃப்ளோவை புரிந்துகொள்வது எப்படி..?

பங்குச் சந்தை
பிரீமியம் ஸ்டோரி
பங்குச் சந்தை

பங்குச் சந்தை

நிறுவனங்களின் கேஷ் ஃப்ளோவை புரிந்துகொள்வது எப்படி..?

பங்குச் சந்தை

Published:Updated:
பங்குச் சந்தை
பிரீமியம் ஸ்டோரி
பங்குச் சந்தை

B.அன்டன் மைக்லோ

பங்குச் சந்தையில் முதலீடு செய்யும் பெரு முதலீட்டாளர்கள் டெக்னிக்கல் அனாலிசிஸை விட ஃபண்டமென்டல் அனாலிசிஸையே அதிகம் விரும்புகிறார்கள். ஃபண்டமென்டல் அனாலிசிஸ் அடிப்படையில் ஒரு நிறுவனப் பங்கை ஆய்வு செய்யும்போது, பல விஷயங் கள் கவனமாக அலசி ஆராயப்படுகின்றன. அதில் ஒன்றுதான், கேஷ் ஃப்ளோ என்னும் பணப்புழக்கம் அல்லது பண ஓட்டம்.

ஒரு நிறுவனம் முதலீடு செய்வதற்கு ஏற்றதா, இல்லையா என்பதை இந்த பண ஓட்டத்தை வைத்து சொல்லிவிடுவார்கள் பங்கு சந்தை நிபுணர்கள். நிறுவனங் களும் தங்களை சுயசோதனை செய்துகொள்ள பண ஓட்டத்தைத்தான் ஆழமாக ஆராய்கின்றன. எனவே, இந்தப் பண ஓட்டத்தை முதலீட்டாளர்கள் சரியாகப் புரிந்துகொள்வது அவசியம்.

நிறுவனங்களின் கேஷ் ஃப்ளோவை
புரிந்துகொள்வது எப்படி..?

பண ஓட்டம் என்றால்..?

ஒரு நிறுவனத்தின் உள்ளேயும் வெளியேயும் பாயும் பண அளவைக் குறிப்பதுதான் அது. எவ்வளவு பணம் உள்ளே வருகிறது, எவ்வளவு பணம் வெளியே செல்கிறது என்பதைச் சொல்வதே பண ஓட்டம்.

சிலர் பண ஓட்டத்தையும் லாபத்தையும் ஒன்று என்று நினைக்கிறார்கள். லாபம் என்பது ஒரு நிறுவனத்தின் செலவுகளை ஒட்டுமொத்த வருவாயிலிருந்து கழித்தபிறகு உங்களிடம் உள்ள பணமாகும். ஆனால், பண ஓட்டம் என்பது எவ்வளவு பணம் வந்து, போகிறது என்பதை மட்டுமே குறிக்கிறது.

பண ஓட்டத்தின் வகைகள்...

மூன்று வகையான பண ஓட்டங்கள் உண்டு.

1. இயக்க நடவடிக்கைகளில் (Operational activities) இருந்து பண ஓட்டம்

2. முதலீட்டு நடவடிக்கை களில் (Investment activities) இருந்து பண ஓட்டம்

3. நிதி நடவடிக்கைகளில் இருந்து பண ஓட்டம் (Financial activities)

இந்த மூன்று வகை பண ஓட்டத்தைப் பற்றி நன்கு ஆராய்ந்தால், வணிகத்தின் தற்போதைய நிலை குறித்து ஓரளவுக்கு சரியான முடிவை எடுக்க முடியும். பண ஓட்டத் தின் வகையைப் பொறுத்து, உள்ளே வரும் எல்லா பணமும் பாசிட்டிவ் விஷய மாகவும், செலவு செய்யும் பணம் அனைத்தும் நெகட்டிவ் விஷயமாகவும் இருக்க வேண்டியதில்லை.

பண ஓட்டத்தை ஏன் கவனிக்க வேண்டும்?

ஒவ்வொரு வணிகத்துக்கும் பணப்புழக்கப் பகுப்பாய்வு முக்கியம். ஏனெனில், ஒரு நிறுவனம் போதிய அளவு பணத்தைக் கையில் வைத்திருப்பது அவசியமாகிறது. நிறுவனத்தை விஸ்தரிப்பதற்கும், கடன்களைத் திரும்ப செலுத்துவதற்கும், முதலீட்டாளர்களுக்கு டிவிடெண்ட் கொடுப்பதற்கும், பிற நிறுவனங்களில் முதலீடு செய்வதற்கும், நிறுவனத்தின் தவிர்க்க முடியாத செலவுகளைச் சமாளிப்பதற்கும், பிறருக்கு நிதி அளிப்பதன் மூலன் வருவாயைப் பெருக்குவதற்கும் போதுமான பணம் கையிருப்பில் இருப்பது அவசியம். பண ஓட்டத்தில் கோட்டைவிடும் நிறுவனங்கள் கடன்களைச் செலுத்த முடியாத நிலையை அடைந்து, இறுதியில் திவால் அடையும் நிலைக்குச் செல்ல வாய்ப்பு உண்டு.

புதிய வணிகங்கள் வளர்ச்சி அடைவதற்கு அதிகம் செலவு செய்வதால், அதன் செயல்பாடுகளில் நெகட்டிவ்வான பண ஓட்டத்தைக் கொண்டிருக்கலாம். அடுத்தகட்ட நகர்வுகளுக்கு அந்த நிறுவனம் பண ஓட்ட விகிதத்தை பாசிட்டிவ்வாக மாற்றுவது அவசியம். அந்த நடவடிக்கைக்கு முதலீட்டாளர்கள் மற்றும் கடன் வழங்குபவர்கள் ஆதரவு தந்தால், அந்தப் பிரச்னையில் இருந்து வெளியே வந்துவிடலாம். இல்லை எனில், அந்த நிறுவனம் தப்புவது கடினம்.

பாசிட்டிவ் பண ஓட்டம் கொண்ட நிறுவனம் எனில், எவற்றிலிருந்து நிறுவனத்துக்குப் பணம் உள்ளே வருகிறது என்பதைக் கவனிக்க வேண்டும். வணிகத்தின் ஆரோக்கியமான வங்கிக் கணக்கு இருப்பு, விற்பனை, கடன் அல்லது பிற நிதியுதவி யிலிருந்து உள்ளதா என்பதைப் புரிந்துகொள்ள பண ஓட்டத்தைப் பற்றி அலசி ஆராய வேண்டும்.

அதேபோல, நெகட்டிவ்வான பண ஓட்டம் இருந்தபோதிலும், சில செலவினங்கள் ஏற்றுக் கொள்ளத்தக்கதாகவே இருக்கின்றன. தொழில் விஸ்தரிப்பு, கடன்களை திரும்ப செலுத்துதல், ஊழியர் எண்னிக்கை அதிகரிப்பு, வரி செலவினங்கள், பிற நிறுவனங்களைக் கையகப்படுத்துதல், பிற நிறுவனங்களில் முதலீடு செய்தல், நிதி அளித்தல் போன்றவை முதலீட்டாளர்களால் ஏற்றுக்கொள்ளப் படுகின்றன.

பண ஓட்டமானது நேர்முக மற்றும் மறைமுக கணக்கிடுதல் என்னும் இரு வழிகளில் கணக்கிடப் படுகிறது. பண ஓட்டத்தைக் கணக்கிடுதல் தொடர்பான சில விகிதங்களைப் பார்ப்போம்.

நிறுவனங்களின் கேஷ் ஃப்ளோவை
புரிந்துகொள்வது எப்படி..?

1. பண ஓட்ட கவரேஜ் விகிதம் (Cash flow Coverage ratio)

இது ஒரு கடன் விகிதம் எனக் குறிப்பிடப்படுகிறது மற்றும் இது ஒரு நீண்ட கால விகிதமாகும். ஒரு நிறுவனம் அதன் மொத்தக் கடனை ஒரு வருடத்துக்கும் மேலாக முதிர்ச்சியுடன் செலுத்த முடியுமா என்பதை இந்த விகிதம் கணக்கிடுகிறது.இது நிறுவனத்தின் தற்காலிகத் தொய்வைக் கண்டறிய உதவுகிறது.

2. பண ஓட்ட விளிம்பு விகிதம் (cash flow margin ratio)

பண ஓட்ட மார்ஜின் விகிதம் என்பது ஒரு லாப விகிதமாகும், இது ஒரு குறிப்பிட்ட காலப்பகுதியில் இயக்க நடவடிக்கைகளில் இருந்து விற்பனையின் வருவாயின் சதவிதமாக வணிகத்தின் பணத்தை அளவிட உதவுகிறது. இது போட்டியாளர்களுடன் ஒப்பீடு செய்யவும், விற்பனையைப் பணமாக மாற்றும் திறத்தையும் காட்டுகிறது.

3. நடப்புப் பொறுப்பு கவரேஜ் விகிதம் (Current liability coverage ratio)

இந்த விகிதமானது, ஒரு வருடத்துக்குள் செலுத்த வேண்டிய கடன்களை அடைக்கப் பயன்படுத்தக்கூடிய பணத்தை உருவாக்குவதில் வணிகத்தின் செயல்பாடுகளின் திறனைக் குறிக்கிறது. இது காலப்பயணத்தில் நிறுவனத்தின் வளர்ச்சியைக் காட்டுகிறது. இந்த விகிதம் உயரும்போது, நிறுவனத்தின் வளர்ச்சி நன்கு உயரும் என எதிர்பார்க்கலாம்.

4. விலை மற்றும் பண ஓட்ட விகிதம் (Price to cash flow ratio)

விலை மற்றும் பண ஓட்ட விகிதம் என்பது ஒரு நிறுவனத் தின் விலையை அதன் அடிப்படை பண ஓட்டத்துடன் ஒப்பிடும் ஒரு லாப விகிதமாகும். இது அதிகம் பயன்படுத்தப்படும் விகிதம் மற்றும் முதலீட் டாளர்கள் முதலீடு செய்யும் போது, ​​நிறுவனம் அதன் அடிப்படைச் செயல்பாடு களில் இருந்து உருவாக்கும் பணத்தைப் பொறுத்து நிறுவனத்தின் மதிப்பீட்டைத் தெரிந்துகொள்ள இந்த விகிதம் பயன்படுகிறது.

5. பண வட்டி கவரேஜ் விகிதம் (Cash interest coverage ratio)

இந்த விகிதமானது, வணிகத்தின் கடன் நிதியுதவியின் மீதான வட்டிச் செலுத்துதலைச் சந்திக்கும் திறனை அளவிட உதவுகிறது. இது எந்தவொரு நிறுவனமும் அதன் கடன் சுமைகளை சந்திக்கும் திறனை காட்டுகிறது. இதனால் நிறுவனத்தின் நிலைப்புத்தன்மையை அறிந்து கொண்டு முதலீடு செய்ய முடியும்.