Published:Updated:

ஐ.பி.ஓ-வில் பங்கு ஒதுக்கீடு கிடைக்கவில்லையா... கவலை வேண்டாம்..!

ஐ.பி.ஓ
பிரீமியம் ஸ்டோரி
ஐ.பி.ஓ

ஐ.பி.ஓ

ஐ.பி.ஓ-வில் பங்கு ஒதுக்கீடு கிடைக்கவில்லையா... கவலை வேண்டாம்..!

ஐ.பி.ஓ

Published:Updated:
ஐ.பி.ஓ
பிரீமியம் ஸ்டோரி
ஐ.பி.ஓ

நம்மில் பெரும்பாலானோருக்கு புதிய பங்கு வெளியீடு (ஐ.பி.ஓ) மீது அதீத ஆர்வம் இருக்கிறது. அண்மைக் காலத்தில் வெளியான சில ஐ.பி.ஓ-க்கள் பங்குச் சந்தையில் பட்டியலிடப்பட்ட அன்றே கணிசமான லாபம் தந்ததைத் தொடர்ந்து, ஐ.பி.ஓ-விலேயே பங்கு ஒதுக்கீடு பெற்று, லாபம் பார்த்துவிட வேண்டும் எனப் பலரும் நினைக்கிறார்கள்.

சி.பாரதிதாசன் 
நிதி ஆலோசகர், 
www.wmsplanners.com
சி.பாரதிதாசன் நிதி ஆலோசகர், www.wmsplanners.com

ஆனால், அண்மைக் காலத்தில் பெரும்பாலான ஐ.பி.ஓ-க்களுக்கு பன்மடங்கு ஆதரவு இருப்ப தால், சிறுமுதலீட்டாளர்களுக்கு ஒதுக்கீடு கிடைப்பது குதிரைக் கொம்பாக இருக்கிறது. இதனால், பலர் ஏமாற்றத்தைச் சந்திக்கிறார்கள். அண்மைக் காலத்தில் ஸொமேட்டோ, ஹேப்பியஸ்ட் மைண்ட்ஸ், பர்கர் கிங் போன்ற ஐ.பி.ஓ-க்கள் அமோக வரவேற்பைப் பெற்றன. இவற்றில் பலருக்கு ஒதுக்கீடு கிடைத்திருப்பது கஷ்டம்தான். இது போன்றவர்கள் ஐ.பி.ஓ-வில் பங்கு ஒதுக்கீடு கிடைக்கவில்லையே என்று கவலைப்படத் தேவையில்லை. இவர்கள் எடெல்வைஸ் ரீசென்ட்லி லிஸ்டட் ஐ.பி.ஓ ஃபண்டை (Edelweiss Recently Listed IPO Fund) முதலீட்டுக்குப் பரிசீலிக்கலாம். இந்த ஃபண்ட் கடந்த ஓராண்டுக் காலத்தில் சுமார் 75% வருமானம் கொடுத்திருக்கிறது.

ஐ.பி.ஓ-விலேயே முதலீடு செய்யும் ஃபண்ட் நிறுவனம்...

புதிய பங்கு வெளியீட்டில் சிறுமுதலீட்டாளர் களுக்கு குறிப்பிட்ட சதவிகிதப் பங்கு ஒதுக்கீடு செய்யப்படுவது போல, மியூச்சுவல் ஃபண்ட் நிறுவனங்களுக்கும் குறிப்பிட்ட சதவிகிதப் பங்குகள் ஒதுக்கப்படுகின்றன. ஐ.பி.ஓ-வில் ஆங்கர் என்கிற பெரிய முதலீட்டாளர்கள் அல்லது தகுதி வாய்ந்த நிறுவன முதலீட்டாளர்கள் பிரிவின் கீழ் மியூச்சுவல் ஃபண்ட் நிறுவனங்கள் விண்ணப்பம் செய்து, அந்த ஒதுக்கீட்டில் பங்குகளைப் பெறுகிறது. இது தவிர, ஐ.பி.ஓ பங்கு பட்டியலிடப்பட்ட பிறகு, அதன் விலை மதிப்பீட்டின் அடிப்படையில் கவர்ச்சிகரமாக இருந்தாலும் அந்தப் பங்குகளில் இந்த ஃபண்ட் முதலீடு செய்கிறது.

100 நிறுவனப் பங்குகளில் முதலீடு...

இந்த ஃபண்டில் திரட்டப்படும் நிதியானது அண்மையில் பங்குச் சந்தையில் பட்டியலிடப்பட்டிருக்கும் 100 நிறுவனப் பங்குகளில் முதலீடு செய்யப்படும் முதலீட்டுக் கலவையைக் (போர்ட்ஃபோலியோ) கொண்டிருக்கிறது. ஆனால், ஒரு குறிப்பிட்ட நேரத்தில் இந்த ஃபண்டில் 30 முதல் 40 நிறுவனப் பங்குகளில் முதலீடு செய்வதுபோல் இதன் போர்ட்ஃபோலியோ வடிவமைக்கப்பட்டிருக்கிறது.

இந்த ஃபண்ட் ஈக்விட்டி ஃபண்ட் பிரிவைச் சேர்ந்ததாகும். இது எப்போது வேண்டுமானாலும் முதலீடு செய்யும் மற்றும் முதலீட்டை வெளியே எடுக்கும் ஓப்பன் எண்டட் பங்குச் சந்தை சார்ந்த திட்டமாகும். முதலீடு செய்து ஆறு மாதங் களுக்குள் வெளியேறினால் வெளியேறும் கட்டணம் 2% இருக்கிறது. நுழைவுக் கட்டணம் கிடையாது.

இந்தத் திட்டம் 2018-ம் ஆண்டு குளோஸ்ட் எண்டட் ஃபண்டாக ஆரம்பிக்கப்பட்டது. 2021 ஜூன் 29-ம் தேதி முதல் ஓப்பன் எண்டட் ஃபண்டாக மாறியிருக் கிறது. இதன் பழைய பெயர் எடெல்வைஸ் மெய்டன் ஆப்பர்ச்சூனிட்டீஸ் ஃபண்ட் ஆகும்.

ஐ.பி.ஓ-வில் பங்கு ஒதுக்கீடு கிடைக்கவில்லையா... கவலை வேண்டாம்..!

எஸ்.ஐ.பி முதலீடு...

இந்த ஃபண்டின் செலவு விகிதம் கொஞ்சம் அதிகமாக உள்ளது. ரெகுலர் பிளானில் 2.42 சதவிகிதமாகவும் டைரக்ட் பிளானில் 1.27 சதவிகிதமாகவும் உள்ளது. குறைந்தபட்ச முதலீடு 5,000 ரூபாயாக உள்ளது. எஸ்.ஐ.பி முறையில் குறைந்தபட்ச முதலீடு 500 ரூபாயாக உள்ளது. 2021 ஜூலை 31-ம் நிலவரப்படி ரூ.596 கோடியை நிர்வகித்து வருகிறது.

ஃபண்ட் தரும் வருமானம்...

இதன் வருமான ஒப்பீட்டு பெஞ்ச்மார்க் இண்டெக்ஸ், இந்தியா ரீசென்ட் 100 ஐ.பி.ஓ இண்டெக்ஸ் டி.ஆர்.ஐ ஆகும். பெரும்பாலான காலகட்டத்தில் இந்த ஃபண்ட் அதன் பெஞ்ச் மார்க் இண்டெக்ஸைவிட அதிக வருமானம் கொடுத்து வருகிறது.

கடந்த ஓராண்டு மற்றும் மூன்று காலத்தில் எடெல்வைஸ் ரீசென்ட்லி லிஸ்டட் ஐ.பி.ஓ ஃபண்ட் முறையே கிட்டத்தட்ட 77% மற்றும் 22% வருமானம் கொடுத்திருக்கிறது. இதே காலகட்டத்தில் இதன் பெஞ்ச்மார்க் முறையே 56% மற்றும் 13% வருமானம் கொடுத்திருக்கிறது.

வருமானம் உத்தரவாதமில்லை...

இந்த ஃபண்ட் எல்லா காலக் கட்டத்திலும் நல்ல சிறப்பான பாசிட்டிவ் வருமானத்தைத்தான் கொடுக்கும் என எந்த உறுதியும் இல்லை. பங்குச் சந்தை சார்ந்த ஃபண்டுக்கே உரிய ரிஸ்க் இந்த ஃபண்டுக்கும் உண்டு. ஆனால், ஐந்து ஆண்டு மற்றும் அதற்கு மேற்பட்ட காலத்தில் நல்ல வருமானம் கொடுக்க அதிக வாய்ப்பிருக்கிறது.

இந்த ஃபண்டை பாரத் லாஹாடி மற்றும் பாவேஷ் ஜெயின் ஆகிய இருவரும் ஆரம்பம் முதலே நிர்வகித்து வருகிறார்கள்.

அதிக முதலீடு செய்யப்பட்டுள்ள பங்குகள்...

டிக்சன் டெக்னாலஜிஸ், அவென்யூ சூப்பர்மார்ட்ஸ், மெட்ரோபொலிஸ் ஹெல்த்கேர், க்ளான்ட் பார்மா, ஐ.சி.ஐ.சி.ஐ லொம்பார்ட் மற்றும் ஹெச்.டி.எஃப்.சி லைஃப் இன்ஷூ ரன்ஸ், கிளியரிங் கார்ப்பரேஷன் ஆஃப் இந்தியா, ஐ.ஆர்.சி.டி.சி ஆகிய பங்குகளில் அதிக முதலீடு செய்யப் பட்டிருக்கிறது.

டாப் 10 பங்குகளின் பங்களிப்பு மொத்த முதலீட்டில் 47 சதவிகிதத் துக்குமேல் இருக்கிறது. கடன் ஃபண்டுகளில் 4.55% முதலீடு செய்யப்பட்டிருக்கிறது. ரொக்கப் பணமாக 2.65% வைக்கப்பட்டிருக் கிறது. அனைத்து பங்குச் சந்தை மதிப்பு கொண்ட நிறுவனப் பங்கு களில் முதலீடு செய்யப்பட்டிருக் கிறது. லார்ஜ்கேப், மிட்கேப், ஸ்மால்கேப் ஃபண்டுகளில் கிட்டத்தட்ட சமமாக முதலீடு செய்யப்பட்டிருப்பதால், ரிஸ்க் பரவலாக்கப்பட்டிருக்கிறது.

2021 ஜூன் 30 நிலவரப்படி, இந்த ஃபண்டில் லார்ஜ்கேப், மிட் கேப் மற்றும் ஸ்மால்கேப் நிறுவனப் பங்குகளில் செய்யப்பட்டிருக்கும் முதலீடு முறையே 36%, 34% மற்றும் 30 சதவிகிதமாக உள்ளது. அந்த வகையில் இந்த ஃபண்டை மல்ட்டிகேப் அல்லது ஃப்ளெக்ஸி கேப் ஃபண்ட் எனக்கூட சொல்லலாம். நிதிச் சேவை, ஹெல்த்கேர், இன்ஷூரன்ஸ், ஐ.டி கேப்பிடல் கூட்ஸ் போன்ற துறை சார்ந்த நிறுவனங்களில் அதிக முதலீடு செய்யப் பட்டிருக்கிறது.

ஐ.பி.ஓ முதலீட்டைவிட இந்த ஃபண்டில் ரிஸ்க் குறைவு தான். காரணம், பலதரப்பட்ட நிறுவனப் பங்குகளில் முதலீடு செய்யப்பட்டிருப்பதாகும். இந்த ஃபண்டைப் பொறுத்தவரை கவனிக்க வேண்டிய ஒரே விஷயம், ஐ.பி.ஓ-வில் எதிர்பார்க்கும் லிஸ்ட்டிங் கெயின் இந்த ஃபண்டில் எதிர்பார்க்க முடியாது.

இந்த ஃபண்டில் ஐ.பி.ஓ வரும் அனைத்துப் பங்குகளிலும் முதலீடு செய்யப்படுவதில்லை. எதிர்காலத்தில் வளர்ச்சிக்கு வாய்ப்புள்ள பங்குகளை அலசி ஆராய்ந்துதான் முதலீடு செய்யப்படுகிறது. குறைந்தபட்சம் இரண்டு கால முதலீட்டு நோக்கத்துடன் இந்த ஃபண்டில் ஐ.பி.ஓ ஃபண்டுகளில் முதலீடு செய்யப்படுகிறது.

இந்த ஃபண்ட் லிஸ்ட்டிங் கெயின் பெரும்நோக்கத்துடன் உருவாக்கப்படவில்லை. புதிய தலைமுறை நிறுவனங்களின் பங்குகளில் முதலீடு செய்து நீண்ட காலத்தில் லாபம் பெறும் விதமாக வடிவமைக்கப்பட்டிருக்கிறது.

இந்த ஃபண்ட் ரிஸ்க்கைக் குறைக்கும் விதமாக எந்த ஒரு குறிப்பிட்டத் துறையிலும் அதிகபட்சம் 35 சதவிகிதத்துக்கு மேல் முதலீடு செய்யாது. மேலும், எந்தவொரு தனிப்பட்ட பங்கிலும் அதிகபட்சம் 3 - 5 சதவிகிதத்துக்கு மேல் முதலீடு செய்யாது. அதாவது, நிறுவனத்தின் வணிகம் சுழற்சி அடிப்படையிலானது எனில், அதிகபட்சம் 3% - 5 சதவிகிதம்தான் முதலீடு செய்யப்படுகிறது.

ஒரு முதலீட்டாளர் அதிக வருமானத்துக்காக அவரின் மொத்த முதலீட்டில் சுமார் 10% - 15% தொகையை இந்த ஃபண்டில் முதலீடு செய்யலாம்.

ஐ.பி.ஓ முதலீடு அதிக ரிஸ்க்கானது. ஆனால், இந்த ஃபண்ட் தேர்ந்தெடுக்கப்பட்ட ஐ.பி.ஓ-க்களில் மட்டுமே முதலீடு செய்வதால், ரிஸ்க் ஓரளவு குறைகிறது. நீண்ட கால முதலீட்டாளர்கள் இந்த ஃபண்டைப் பரிசீலிக்கலாம்.