Published:Updated:

பங்குச் சந்தையின் போக்கில் லாபம் ஈட்டும் மொமென்டம் ஃபண்ட்..!

பங்குச் சந்தை
பிரீமியம் ஸ்டோரி
பங்குச் சந்தை

பங்குச் சந்தை

பங்குச் சந்தையின் போக்கில் லாபம் ஈட்டும் மொமென்டம் ஃபண்ட்..!

பங்குச் சந்தை

Published:Updated:
பங்குச் சந்தை
பிரீமியம் ஸ்டோரி
பங்குச் சந்தை

சிந்தன் ஹரியா, தலைவர், திட்ட மேம்பாடு & உத்தி, ஐ.சி.ஐ.சி.ஐ புரூடென்ஷியல் ஏ.எம்.சி

பங்குச் சந்தைபங்குச் சந்தை சார்ந்த முதலீடு என்கிற போது, பல்வேறு வகையான முதலீட்டுப் பாணிகள் (Investment Styles) உள்ளன. ஒரு முழுமையான பங்குச் சந்தைச் சுழற்சியில் ஒவ்வொரு பாணியும் பல்வேறு காலகட்டங் களைக்கொண்டிருக்கும்.

சிந்தன் ஹரியா 
தலைவர், திட்ட மேம்பாடு & உத்தி, 
ஐ.சி.ஐ.சி.ஐ புரூடென்ஷியல் ஏ.எம்.சி
சிந்தன் ஹரியா தலைவர், திட்ட மேம்பாடு & உத்தி, ஐ.சி.ஐ.சி.ஐ புரூடென்ஷியல் ஏ.எம்.சி

பங்கின் விலைப்போக்கு...

பரந்த பங்குச் சந்தை குறியீடுகளைவிட ஒரு நிறுவனப் பங்கானது அதன் போக்கில் (Trend) நன்றாகச் செயல்பட்டுக்கொண்டிருக்கும். அதன் போக்கு உடைக்கப்படும்போதுதான் பங்கு விலைப்போக்கு மாற்றத்துக்கு உள்ளாகும். அதுவரை அதன் செயல்திறன் சிறப்பாகத் தொடரும். இது மொமென்டம் (Momentum) அடிப்படையிலான முதலீட்டு அணுகு முறையின் அடிப்படைக் கொள்கை ஆகும்.

மொமென்டத்தைப் பயன்படுத்தி முதலீட்டாளர்கள், பங்கின் விலை ஏற்றப் போக்கில் (Uptrend) இருந்தால், நீண்ட கால முதலீட்டுக்குப் பங்குகளை வாங்குகிறார்கள். இதுவே பங்கின் விலைப் போக்கு இறக்கத்தில் (Downtrend) இருந்தால் பங்குகளை விற்று (Short Selling or Selling Shares) வாங்குகிறார்கள். அதாவது, ஒரு பங்கின் விலை ‘அப்டிரென்ட் மொமென்ட’த்தில் இருக்கிறது எனில், அதன் விலை உயர்ந்து வருகிறது என்று அர்த்தம். அதுவே பங்கின் விலை ‘டவுன்டிரென்ட் மொமென்ட’த்தில் இருக்கிறது எனில், விலை சீராக இறங்கி வருகிறது என்று அர்த்தம். இந்த ‘அப்டிரென்ட்’ மற்றும் ‘டவுன்டிரெட்ன்ட்’ இரு நிலைகளிலும் அனுபவம் மிக்க முதலீட் டாளர்கள் லாபம் ஈட்ட முடியும்; ஈட்டியும் வருகிறார்கள்.

பங்குச் சந்தையில் டெக்னிக்கல் அனாலிசிஸில் ஆர்வமுள்ளவர்கள் ஒரு பழமொழியைச் சொல்வார்கள். அது ‘சந்தை யின் போக்கு உங்கள் நண்பன், அது கடைசியில் வளையும் நிலை தவிர’ (‘Trend is your friend except at the end where it bends’). இதைப் புரிந்து அறிந்து செயல்படும் முதலீட்டாளர்கள் பங்குச் சந்தை சார்ந்த முதலீடுகளில் (நிறுவனப் பங்குகள் மற்றும் பங்குச் சந்தை சார்ந்த மியூச்சுவல் ஃபண்டுகள்) நல்ல லாபம் ஈட்டி வருகிறார்கள். இது மொமென்டம் சார்ந்த முதலீட்டு அணுகு முறைக்கு பொருத்தமாக இருக்கும்.

அதிக வருவாயை உருவாக்கும் மொமென்டம் உத்தியின் திறனை, பங்குச் சந்தை நிபுணர் யூஜின் ஃபாமா (Eugene Fama) விவரித்து சொல்லியிருக்கிறார். மொமென்டம் உத்தி மூலம் பங்கு முதலீட்டில் அதிக வருமானத்தைப் பெற முதலீட்டாளர்கள் ஆரம்பத்தில் பங்கு விலைகளை பாதிக்கும் செய்தி களுக்கு அதிக முக்கியத்துவம் கொடுக்காமல் இருப்பதாகும். செய்திகளின் தாக்கம் பெரும்பாலும் பங்குகளில் விலைகளில் உடனடியாக பிரதிபலிப்பதில்லை. படிப்படியாகதான் வெளிப்படுத்துகின்றன. அதற்கேற்ப முதலீட்டாளர்கள் அவசரப்படாமல் நிதானமாகச் செயல் படுவது அவசியமாகும்.

பங்குச் சந்தையின் போக்கில் லாபம் ஈட்டும் மொமென்டம் ஃபண்ட்..!

தொழில்நுட்ப குறிகாட்டிகளின் உதவி...

மொமென்டத்தை அடிப் படையாகக் கொண்ட முதலீட்டுப் பாணியில் செயல் படும் முதலீட்டாளர் ஒருவர், ஒரு பங்கில் எப்போது முதலீடு செய்ய வேண்டும், எப்போது அதிலிருந்து லாபத்துடன் வெளியேற வேண்டும் என்பதை டெக்னிக்கல் அனாலிசிஸ் உதவியுடன் கண்டறிய முயற்சி செய்கிறார். முதலீட்டாளர்கள், பங்கின் விலைப்போக்கு எவ்வளவு காலம் நீடித்தாலும், அது முடிவடையும் வரை அந்தப் போக்கில் இருப்பதன் மூலம் லாபம் அடைகிறார்கள்.

மேலும், முதலீட்டாளர் சந்தையின் ஏற்ற இறக்கத்தில் (Volatility) பயனடைகிறார். பங்குகளை ஏற்ற நிலையில் விற்பதன் மூலம் பங்கு முதலீட்டுத் தொகையை மூலதனத்தை (Capital) அதிகரிக்கிறார்.

பங்குச் சந்தையின் போக்கில் லாபம் ஈட்டும் மொமென்டம் ஃபண்ட்..!

மொமென்டம் உத்தி குறியீடு...

இந்த விதிமுறையின் அடிப் படையில், பங்குச் சந்தைக் குறியீட்டை உருவாக்குபவர் கள், மொமென்டம் உத்திக் குறியீட்டை (Momentum Strategy Index) அறிமுகப்படுத்தி யுள்ளனர். எடுத்துக்காட்டாக, நிஃப்டி 200 மொமென்டம் 30 இண்டெக்ஸ் (Nifty 200 Momentum 30 Index) அதில் குறிப்பிடத்தக்கதாகும். அது அதிக இயல்பான வேகப்போக்கு கொண்ட நிறுவனப் பங்குகளை உள்ளடக்கியது ஆகும். இந்த மொமென்டம் ஸ்கோர் பங்கின் 6 - 12 மாத வருமானத் தின் அடிப்படையில் கணக் கிடப்படுகிறது. மேலும், அதன் தினசரி வருமான ஏற்ற இறக்கம் ஈடுகட்டப்பட்டு, இந்த ஸ்கோர் நிர்ணயம் செய்யப் படுகிறது. ஒரு குறியீட்டில் பங்கின் வெயிட்டேஜ், பங்கின் வர்த்தகமாகும் மதிப்பு ஆகியவையும் கணக்கில் எடுத்துக்கொள்ளப் படுகிறது. இந்த நிஃப்டி 200 மொமென்டம் 30 இண் டெக்ஸ், ஆண்டுக்கு இரண்டு முறை அலசி ஆராயப்பட்டு தேவைப்பட்டால் குறியீட்டில் இடம் பெற்றிருக்கும் பங்குகள் மாற்றப்படுகின்றன.

இந்த மொமென்டம் குறியீட்டில் 30 நிறுவனப் பங்குகள் இடம்பெற்றுள்ளன. இவை என்.எஸ்.இ 200 குறியீட்டிலிருந்து தேர்ந் தெடுக்கப்படுகின்றன. பங்குச் சந்தையில் பட்டியலிடப் பட்டு குறைந்தபட்சம் ஓராண்டு கடந்திருக்க வேண்டும்; மேலும், எஃப் அண்ட் ஓ பிரிவில் கட்டாயம் வர்த்தகமாகி வர வேண்டும் என்பது போன்ற நிபந்தனை கள் மற்றும் விதிமுறைகள் உள்ளன.

2022 ஜூன் மாத இறுதியில், மொமென்டம் குறியீட்டில் மின் துறையின் வெயிட்டேஜ் 14.8% என அதிகமாக இருந்தது. இதைத் தொடர்ந்து 14.5% எண்ணெய் மற்றும் எரிவாயு மற்றும் 12.2% மூலதனப் பொருள்கள் துறையாக உள்ளன. நிஃப்டி 200 குறியீட்டுடன் ஒப்பிடும்போது, தற்போது உலோகம், நுகர்வோர் சேவைகள், எரிசக்தி மற்றும் மூலதனப் பொருள்கள் துறைகளில் மொமென்டம் இண்டெக்ஸ் அதிக வெயிட்டேஜுடன் உள்ளது.

மொமென்டம் குறியீட்டில் ஒரு குறிப்பிட்ட துறையின் வெயிட்டேஜ் இயற்கையில் மாறும் தன்மையைக் கொண்டது. குறிப்பிட்ட துறையின் வெயிட்டேஜ் இடையிடையே மாற்றங் களைக் கண்டுவந்திருக்கிறது. உதாரணமாக, 2020 மற்றும் 2021-ம் ஆண்டுகளில் கோவிட் உச்சநிலை யின்போது ஹெல்த்கேர் துறையானது மொமென்டம் குறியீட்டில் 30 - 35% வெயிட்டேஜைக் கொண்டிருந்தது. ஆனால், பொருளாதாரம் மீண்டு வரும்போது, ஹெல்த்கேர் துறையின் வெயிட்டேஜ் 5 சதவிகித மாகக் குறைந்தது. நீண்ட காலத்தில், நிஃப்டி 200 மொமென்டம் 30 இண்டெக்ஸின் வருமானமானது, நிஃப்டி 200 மற்றும் நிஃப்டி 50 குறியீட்டைவிட 2% - 3% அதிகமாக உள்ளது.

கடந்த 10 ஆண்டுகளில் மொமென்டம் மொத்த வருவாய் குறியீடு (Momentum Total Return Index) எட்டு ஆண்டுகளாக சிறப்பாகச் செயல்பட்டிருக்கிறது. கடந்த பத்து ஆண்டுகளில், நிஃப்டி 200 மொமென்டம் 30 மொத்த வருவாய் குறியீடு, ஆண்டுக்கு சராசரியாக (CAGR) 19.8% வருமானத்தை அளித்திருக்கிறது.

கடந்த பத்தாண்டுகளில் மொமென்டம் குறியீட்டின் ரிஸ்க் - ஈடுகட்டப்பட்ட வருமானம் (Risk - Adjusted Return) 1.1 சதவிகிதமாக இருந்தது. அதே சமயம் இது நிஃப்டி 50 குறியீட்டில் 0.8 சதவிகித மாக இருந்தது. இது மொமென்டம் குறியீடா னது அதிக ரிஸ்க் - ஈடு கட்டப்பட்ட வருமானத் தைக் கொண் டிருப்பதை சுட்டிக் காட்டுகிறது. இதனால் முதலீட்டாளர் களுக்கு நல்ல வருமானம் கிடைக்கவே செய்யும்.

தற்போது, இந்த மொமென்டம் குறியீட்டின் அடிப்படையில் சில முதலீட்டுத் திட்டங்கள் உள்ளன. இந்தத் திட்டத்தை அதிக முதலீட்டாளர்களுக்குக் கொண்டு செல்வதற்கான வழிமுறையாக, ஐ.சி.ஐ.சி.ஐ புரூடென்ஷியல் இ.டி.எஃப் (ETF) மற்றும் இண்டெக்ஸ் ஃபண்ட் ஆகிய வற்றை நிஃப்டி 200 மொமென்டம் 30 குறியீட்டை அடிப்படையாகக் கொண்டு தற்போது புதிய ஃபண்டாகத் தொடங்கியுள்ளது.