Published:Updated:

ரிலையன்ஸ், ஐ.டி.சி, ஐ.சி.ஐ.சி.ஐ பேங்க்... ரிசல்ட் எப்படி? முதலாம் காலாண்டு முடிவுகள்...

காலாண்டு முடிவுகள்
பிரீமியம் ஸ்டோரி
காலாண்டு முடிவுகள்

Q 1 R E S U L T S

ரிலையன்ஸ், ஐ.டி.சி, ஐ.சி.ஐ.சி.ஐ பேங்க்... ரிசல்ட் எப்படி? முதலாம் காலாண்டு முடிவுகள்...

Q 1 R E S U L T S

Published:Updated:
காலாண்டு முடிவுகள்
பிரீமியம் ஸ்டோரி
காலாண்டு முடிவுகள்

நிறுவனங்கள் ஜூன் காலாண்டு முடிவுகளை வெளியிட்டு வருகின்றன. முடிவுகள் வெளியான நிறுவனங்கள் சில...

ரிலையன்ஸ் இண்டஸ்ட்ரீஸ் (Reliance Industries)

இந்த நிறுவனத்தின் நிகர லாபம் வருடாந்தர அடிப்படையில் சென்ற ஜூன் காலாண்டில் 66.7% உயர்ந்து, ரூ.13,806 கோடியாக உள்ளது. நிறுவனத்தின் நிகர வருமானமும் வருடாந்தர அடிப்படையில் 57.4% உயர்ந்து, ரூ.1,58,862 கோடியாக உள்ளது. பல சந்தை வல்லுநர்களின் கணிப்பைவிட சிறப்பான காலாண்டு முடிவுகளை ரிலையன்ஸ் நிறுவனம் வெளியிட்டுள்ளது. தொலைத் தொடர்புத் துறையில் ஜியோ நிறுவனம் 1.43 கோடி நிகர வாடிக்கை யாளர்களைப் புதிதாகச் சேர்த் துள்ளது. ரீடெய்ல் துறையில் புதிதாக 123 கடைகளை நாட்டின் பல்வேறு பகுதிகளில் இந்த நிறுவனம் திறந் துள்ளது. காலாண்டு முடிவுகளுக்குப் பிறகு, இந்த நிறுவனப் பங்குகள் வரும் காலத்தில் கணிசமான ஏற்றம் பெறும் எனச் சொல்லப்படுகிறது.

ஹிந்துஸ்தான் யூனிலீவர் (Hindustan Unliver)

இந்த நிறுவனத்தின் நிகர லாபம் வருடாந்தர அடிப்படையில் சென்ற ஜூன் காலாண்டில் 10.48% உயர்ந்து, ரூ.2,097 கோடியாக உள்ளது. நிறுவனத்தின் நிகர வருமானமும் 13.63% உயர்ந்து, ரூ.12,194 கோடியாக உள்ளது. இந்தப் பங்கின் இ.பி.எஸ் ரூ.8.08-லிருந்து ரூ.8.92-ஆக உயர்ந்துள்ளது.

ரிலையன்ஸ், ஐ.டி.சி, ஐ.சி.ஐ.சி.ஐ பேங்க்... ரிசல்ட் எப்படி? முதலாம் காலாண்டு முடிவுகள்...

அல்ட்ராடெக் சிமென்ட் (Ultratech Cement)

இந்த நிறுவனத்தின் நிகர லாபம் வருடாந்தர அடிப்படையில் சென்ற ஜூன் காலாண்டில் 113.51% உயர்ந்து, ரூ.1,702.63 கோடியாக உள்ளது. நிகர வருமானமும் 54.97% உயர்ந்து, ரூ.11,829.84 கோடியாக உள்ளது. இந்த நிறுவனத்தின் இ.பி.எஸ் ரூ.27.65 என்ற சென்ற ஆண்டின் அளவிலிருந்து 59.02 ரூபாயாக உயர்ந்துள்ளது. இந்த நிறுவனத்தின் பங்குகள் கடந்த ஒரு மாதமாக கணிசமாக உயர்ந்து, காலாண்டு முடிவுகளுக்குப் பிறகு, அதன் உச்ச விலையில் வர்த்தகமாகி வருகிறது.

பஜாஜ் ஆட்டோ (Bajaj Auto)

இந்த நிறுவனத்தின் நிகர லாபம் வருடாந்தர அடிப்படையில் சென்ற ஜூன் காலாண்டில் 195.86% உயர்ந்து, ரூ.1,179.17 கோடியாக உள்ளது. இந்த நிறுவனத்தின் நிகர வருமானமும் 139.87% உயர்ந்து, ரூ.7,386.04 கோடியாக உள்ளது. நிறுவனத்தின் எபிட்டா சென்ற காலாண்டில் 93.92% உயர்ந்து, ரூ.1,447.26 கோடியாக உள்ளது. இந்த நிறுவனம் வெளிநாடுகளுக்கு வாகனங்களை ஏற்றுமதி செய்வதில் தனிக்கவனம் செலுத்தத் தொடங்கி யுள்ளது. சென்ற காலாண்டில் மிக அதிகமாக 20.5 லட்சம் வாகனங்களை ஏற்றுமதி செய்துள்ளது.

இந்துஸ்தான் ஜிங்க் (Hindustan Zinc)

வேதாந்தா குழுமத்தைச் சார்ந்த மெட்டல் துறை சார்ந்த நிறுவனம் இது. இந்த நிறுவனத்தின் நிகர வருமானம் ஜூன் காலாண்டில் 63.73% உயர்ந்து, ரூ.6,531 கோடியாக உள்ளது. இந்த நிறுவனத்தின் நிகர லாபம் 45.92% உயர்ந்து, ரூ.1,983 கோடியாக உள்ளது. இந்த நிறுவனத்தின் இ.பி.எஸ் ரூ.3.22 என்ற சென்ற ஆண்டின் அளவிலிருந்து ரூ.4.69-ஆக உயர்ந்துள்ளது. நிறுவனத்தின் எபிட்டா சென்ற காலாண்டில் 72.88% உயர்ந்து ரூ.3,907 கோடியாக உள்ளது.

லார்சன் & டியூப்ரோ (Larsen & Toubro)

இந்த நிறுவனத்தின் நிகர வருமானம் ஜூன் காலாண்டில் 38% உயர்ந்து, ரூ.29,335 கோடியாக உள்ளது. இந்த நிறுவனத்தின் நிகர லாபமும் 287% உயர்ந்து, ரூ.1,174 கோடியாக உள்ளது. இந்த நிறுவனத்திடம் நிகர ஒப்பந்தங்களின் அளவாக ரூ.3.2 லட்சம் கோடி உள்ளது. இதில், 20% வெளிநாடு சார்ந்த ஒப்பந்தங்கள்.

ஐ.டி.சி (ITC)

இந்த நிறுவனத்தின் நிகர வருமானம் வருடாந்தர அடிப்படையில் சென்ற ஜூன் காலாண்டில் 45.7% உயர்ந்து, ரூ.14,240.76 கோடியாக உள்ளது. இந்த நிறுவனத்தின் நிகர லாபமும் 30.49% உயர்ந்து, ரூ.3,276.48 கோடியாக உள்ளது. நிறுவனத்தின் எபிட்டா சென்ற காலாண்டில் 26.35% உயர்ந்து, ரூ.4,890.78 கோடியாக உள்ளது. இந்த நிறுவனத்தில் இந்திய அரசு 7.93% பங்குகளைக் கொண்டு உள்ளது. இதை விற்பனை செய்வதற்கு இந்திய அரசு நடவடிக்கை எடுத்து வருகிறது. இதன் மூலம் அரசுக்கு ரூ.21,000 கோடி ரூபாய் வரை வருமானம் கிடைக்க வாய்ப்புள்ளது.

ராலிஸ் இந்தியா (Rallis India)

விவசாயத்துறை சார்ந்த டாடா குழுமத்தைச் சேர்ந்த முன்னணி நிறுவனம். இந்த நிறுவனத்தின் நிகர வருமானம் வருடாந்தர அடிப்படையில் சென்ற ஜூன் காலாண்டில் 11.74% உயர்ந்து, ரூ.662.70 கோடியாக உள்ளது. இந்த நிறுவனத்தின் நிகர லாபம் 10.37% குறைந்து, ரூ.82.34 கோடியாக உள்ளது. இந்த நிறுவனத்தின் இ.பி.எஸ் ரூ.4.72 என்ற சென்ற ஆண்டின் அளவிலிருந்து ரூ.4.23-ஆகக் குறைந்துள்ளது.

கோட்டக் மஹிந்திரா பேங்க் (Kotak Mahindra Bank)

இந்த வங்கியின் நிகர வட்டி வருமானம் வருடாந்தர அடிப்படையில் சென்ற ஜூன் காலாண்டில் 8.32% உயர்ந்து ரூ.4,793.45 கோடியாக உள்ளது. இந்த வங்கியின் நிகர லாபம் 2.51% குறைந்து, ரூ.1,806.09 கோடியாக உள்ளது. இந்த நிறுவனத்தின் இ.பி.எஸ் ரூ.9.57 என்ற சென்ற ஆண்டின் அளவிலிருந்து ரூ.9.11-ஆக குறைந்துள்ளது.

ஃபெடரல் பேங்க் (Federal Bank)

இந்த வங்கியின் நிகர வட்டி வருமானம் வருடாந்தர அடிப்படையில் சென்ற ஜூன் காலாண்டில் 10.85% உயர்ந்து, ரூ.1,524.82 கோடியாக உள்ளது. இந்த வங்கியின் நிகர லாபம் 12.88% குறைந்து, ரூ.356.76 கோடியாக உள்ளது. இந்த நிறுவனத்தின் இ.பி.எஸ் ரூ.2.25 என்ற சென்ற ஆண்டின் அளவில் இருந்து ரூ.1.79-ஆக குறைந்துள்ளது.

யெஸ் பேங்க் (Yes Bank)

தனியார்துறை சார்ந்த வங்கி இது. இந்த வங்கியின் நிகர வட்டி வருமானம் ஜூன் காலாண்டில் 26.59% குறைந்து, ரூ.1,401.24 கோடி யாக உள்ளது. இந்த வங்கியின் நிகர லாபம் 498.41% உயர்ந்து, ரூ.203.76 கோடியாக உள்ளது. இந்தப் பங்கின் இ.பி.எஸ் ரூ.0.03 என்ற சென்ற ஆண்டின் அளவி லிருந்து ரூ. 0.08-ஆக உயர்ந்துள்ளது.

கிளான்ட் பார்மா (Gland Pharma)

இந்த நிறுவனத்தின் நிகர வருமானம் வருடாந்தர அடிப்படையில் சென்ற ஜூன் காலாண்டில் 30.5% உயர்ந்து, ரூ.1,153.90 கோடியாக உள்ளது. இந்த நிறுவனத்தின் நிகர லாபம் 11.82% உயர்ந்து, ரூ.350.65 கோடியாக உள்ளது. நிறுவனத்தின் எபிட்டா சென்ற காலாண்டில் 12.01% உயர்ந்து, ரூ.498.12 கோடியாக உள்ளது.

ஐ.சி.ஐ.சி.ஐ பேங்க் (ICICI Bank)

இந்த வங்கியின் நிகர வட்டி வருமானம் வருடாந்தர அடிப்படையில் சென்ற ஜூன் காலாண்டில் 17.85% உயர்ந்து, ரூ.10,935.76 கோடியாக உள்ளது. இந்த வங்கியின் நிகர லாபம் 77.6% உயர்ந்து, ரூ.4,616.02 கோடியாக உள்ளது. இந்த நிறுவனத்தின் இ.பி.எஸ் ரூ.4.01 என்ற சென்ற ஆண்டின் அளவிலிருந்து ரூ.6.67-ஆக உயர்ந்துள்ளது. இந்த வங்கியின் காலாண்டு முடிவு களுக்குப் பிறகு, பல தரகு நிறுவனங்கள் இந்த வங்கியின் பங்கு விலை 15% வரை உயரும் என்கின்றன.

தொகுப்பு: எஸ்.பிரமேஷ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism