Published:Updated:

இந்தியா க்ளைக்கால்ஸ் லிமிடெட்! (NSE SYMBOL: INDIAGLYCO, BSE CODE: 500201)

இந்தியா க்ளைக்கால்ஸ்
பிரீமியம் ஸ்டோரி
இந்தியா க்ளைக்கால்ஸ்

அறிவோம் பங்கு நிறுவனம்... K N O W Y O U R C O M P A N Y

இந்தியா க்ளைக்கால்ஸ் லிமிடெட்! (NSE SYMBOL: INDIAGLYCO, BSE CODE: 500201)

அறிவோம் பங்கு நிறுவனம்... K N O W Y O U R C O M P A N Y

Published:Updated:
இந்தியா க்ளைக்கால்ஸ்
பிரீமியம் ஸ்டோரி
இந்தியா க்ளைக்கால்ஸ்

இந்தியா க்ளைக்கால்ஸ் லிமிடெட் என்னும் மொத்த தனிக்கூறு ரசாயனங்கள் மற்றும் செயல்திறன் ரசாயனங்கள் (bulk speciality and performance chemicals), இயற்கையான பசைகள், திரவ ஆல்கஹால், தொழிற்சாலைகளுக்குத் தேவைப் படும் வாயுக்கள், சர்க்கரை மற்றும் ஊட்டச்சத்துகள் போன்றவற்றை உற்பத்தி செய்துவருகிறது இந்த நிறுவனம்.

நிறுவனத்தின் வளர்ச்சி...

இந்த நிறுவனத்தின் உற்பத்தி வசதிகள் பசுமைத் தொழில்நுட்பம் என்னும் சுற்றுச்சூழலுக்கு உகந்த அளவிலான தொழில்நுட்பம் கொண்ட உற்பத்தி வசதிகள் என்று சொல்கிறது இந்த நிறுவனம். 1983-ம் ஆண்டில் ஒற்றை மோனோ எத்திலீன் க்ளைக்கால் எனும் வேதிப்பொருளை உற்பத்தி செய்யும் நோக்கத்துடன் நிறுவப்பட்டது இந்த நிறுவனம். அதன்பின்னர், இந்தியா க்ளைக்கால்ஸ் நிறுவனம் அதிநவீன தொழில்நுட்பம், உற்பத்தி செய்யும் முறையில் புதுமைகள், உச்சபட்சத் தரத்தை நிர்ணயம் செய்வதில் கொண்டிருக்கும் பேரார்வம் போன்றவற்றால் இன்றைக்கு உலகளவில் வாடிக்கை யாளர்கள் பெருமளவில் விரும்பி வாங்கும் கெமிக்கல்களைத் தயாரித்து வழங்கிவருகிறது.

இந்த நிறுவனத்தின் அதிநவீன உற்பத்தி வசதிகளில் க்ளைக்கால்கள், ஈத்தாக்சிலேட்ஸ், க்ளைக்கால் ஈத்தர்ஸ் மற்றும் அசிட்டேட்டுகள் மற்றும் பல்வேறு வகை செயல்திறன் வேதிப்பொருள்கள் உற்பத்தி செய்யப் படுகின்றன. இந்த நிறுவனத்தின் தயாரிப்புகள் உலகளவில் வேதிப் பொருள்களுக்கான தரநிர்ணயம் செய்யும் நிறுவனமான டி.என்.வி [Det Norske Veritas (DNV)] உள்ளிட்ட பல்வேறு தர நிர்ணயம் செய்யும் நிறுவனங்களின் சான்றிதழ்களைப் பெற்றுள்ளது குறிப்பிடத்தக்கது.

இந்த நிறுவனத்தின் உற்பத்தி வசதிகள் டி.சி.எஸ் (distributed control systems) வாயிலாகக் கண்காணிக்கப் பட்டு தரம் உறுதி செய்யப்படுகிற வகையில் அமைக்கப்பட்டுள்ளது.

1983-ம் ஆண்டில் யுபி க்ளைக்கால்ஸ் லிமிடெட் என்ற பெயரில் ஆரம்பிக்கப்பட்ட இந்த நிறுவனம், 1986-ம் ஆண்டில் இந்தியா க்ளைக்கால்ஸ் லிமிடெட் என்று பெயர் மாற்றம் செய்யப்பட்டது. 1989-ம் ஆண்டில் மானோ எத்திலீன் க்ளைக்காலை வர்த்தக ரீதியாக உற்பத்தி செய்ய ஆரம்பித்தது இந்த நிறுவனம்.

இந்த நிறுவனத்தின் அப்போதைய நிர்மாணிக்கப்பட்ட உற்பத்தி வசதி 20,000 மெட்ரிக்டன் என்ற அளவி லானதாக இருந்தது. 1994-ம் ஆண்டில் 13,000 மெட்ரிக்டன் அளவிலான எத்திலீன் ஆக்சைட்டைச் சுத்தி கரிக்கும் வசதியை நிறுவியது இந்த நிறுவனம். அதே ஆண்டில் 20,000 மெட்ரிக்டன் அளவிலான ஈத்தாக்சிலேட் எனும் வேதிப் பொருளை உற்பத்தி செய்யும் வசதியையும் நிறுவியது. 1995-ம் ஆண்டில் தன்னுடைய மானோ எத்திலீன் க்ளைக்கால் உற்பத்தி வசதியில் சில மேம்படுத்துதலுக்கான (De-bottlenecking of MEG facility – ஆண்டொன்றுக்கு 20,000 மெட்ரிக் டன் என்ற அளவில் இருந்து 25,000 மெட்ரிக்டன் என்ற அளவுக்கு) பணிகளைச் செய்துமுடித்த இந்த நிறுவனம், 1997-ம் ஆண்டில் 10,000 மெட்ரிக்டன் அளவிலான பார் முலேஷன் வசதியை நிறுவியது.

1995-ம் ஆண்டில் மீண்டும் உற்பத்தி வசதியில் மேம்படுத்துதலைச் செய்தது இந்த நிறுவனம் (De-bottlenecking of MEG facility - ஆண்டொன்றுக்கு 25,000 மெட்ரிக் டன் என்ற அளவில் இருந்து 30,000 மெட்ரிக்டன் என்ற அளவுக்கு). அதே ஆண்டில் ஆண்டொன்றுக்கு 6,000 மெட்ரிக்டன் அளவிலான சல்போனேஷனைச் செய்யும் வசதியையும் நிறுவியது. 1999-ம் ஆண்டில் நாளொன்றுக்கு 85,000 கிலோ லிட்டர் உற்பத்தி வசதியைக் கொண்ட தொடர் பிராசஸ் டிஸ்ட்டிலரியை நிறுவியது. அதே ஆண்டில் தன்னுடைய உற்பத்தி வசதி மேம்படுத்துதலையும் (De-bottlenecking of MEG facility – ஆண்டொன்றுக்கு 30,000 மெட்ரிக்டன் என்ற அளவிலிருந்து 33,000 மெட்ரிக்டன் என்ற அளவுக்கு) செய்து முடித்தது இந்தியா க்ளைக்கால்ஸ் நிறுவனம்.

மேலும், மின்சார உற்பத்தி வசதியை ஆறு மெகாவாட் என்ற அளவில் இருந்து 18 மெகாவாட் என்ற அளவுக்கு அதே ஆண்டில் அதிகரிப்பதற்கான ஏற்பாடு களையும் செய்தது இந்த நிறுவனம். 2001-ம் ஆண்டில் க்ளைக்கால் ஈத்தர் உற்பத்தி வசதியைத் தொடங்கிய இந்த நிறுவனம், அதே ஆண்டில் கொத்தவரை யில் இருந்து பிசினை (guar gum) உற்பத்தி செய்வதற்காக ஆண்டொன்றுக்கு 12,000 மெட்ரிக்டன் அளவில் உற்பத்தி செய்யும் அளவுக்கு உற்பத்தி மையத்தையும் நிறுவியது.

2002-ம் ஆண்டில் பாட்லிங் பிளான்ட் ஒன்றை நிறுவிய இந்த நிறுவனம், அதே ஆண்டில் மானோ எத்திலீன் க்ளைக்கால் உற்பத்தி மையத்தை ஆண்டொன்றுக்கு 60,000 மெட்ரிக்டன் அளவுக்கு உயர்த்தியது. 2003-ம் ஆண்டில் அசிட்டேட் உற்பத்தி மையத்தையும், எக்ஸ்ட்ரா நியுட்ரல் ஆல்கஹால் (ENA) உற்பத்தி வசதியையும் நிறுவியது இந்த நிறுவனம்.

2005-ம் ஆண்டில் தன்னுடைய மானோ எத்திலீன் க்ளைக்கால் உற்பத்தி மையத்தை ஆண்டொன் றுக்கு ஒரு லட்சம் மெட்ரிக்டன் என்ற அளவுக்கு உயர்த்தியது. அதே ஆண்டில் ஏர் செப்பரேஷன் யூனிட்டையும் (ASU-III), ஆர்.ஏ.பி [RAB (concentrated sugarcane Juice)] உற்பத்தி வசதியையும் நிறுவியது.

2006-ம் ஆண்டில் கோரக்பூரில் புதியதொரு உற்பத்தி மையத்தைத் தொடங்கிய இந்த நிறுவனம், 2007-ம் ஆண்டில் ஷகும்பாரி சுகர் எனும் நிறுவனத்தைக் கையகப் படுத்தியது. 2008-ம் ஆண்டில் கார்பன்-டை-ஆக்சைடு உற்பத்தி வசதியை நிறுவிய இந்த நிறுவனம், அதே ஆண்டில் மானோ எத்திலீன் க்ளைக்கால் உற்பத்தியின் நிர்மாணிக்கப்பட்ட உற்பத்தி அளவை ஆண்டொன்றுக்கு 2,00,000 மெட்ரிக்டன் என்ற அளவுக்கு உயர்த்தியது. 2009-ம் ஆண்டில் டேராடூனில் என்னேச்சர் பயோ பார்மா என்ற வசதியைத் தொடங்கியது; DEEGEE அசிட்டேட் உற்பத்தி மையத்தை நிறுவியது. அதே ஆண்டில் தன்னுடைய பார்முலேஷன் உற்பத்தி வசதியையும் (CABs), ஈத்தாக்சிலேட் உற்பத்தி மையத்தையும் விரிவாக்கம் செய்தது இந்த நிறுவனம். 2010-ம் ஆண்டில் கோரக்பூரில் பயோ மாஸ் சார்ந்த மின்சார உற்பத்தி வசதியையும் நிறுவியது.

இந்தியா க்ளைக்கால்ஸ்
இந்தியா க்ளைக்கால்ஸ்

தொழில் பிரிவுகள்...

இண்டஸ்ட்ரியல் கெமிக்கல் களில் உலகளவில் Bio-EO (பயோ எத்திலீன்) உற்பத்தியில் மிகப் பெரிய உற்பத்தியாளராகத் திகழ்கிறது இந்த நிறுவனம். உலக அளவில் எத்திலீன் ஆக்சைட்டைப் பசுமை சார்ந்த வழியில் உற்பத்தி செய்யும் ஒரே நிறுவனமாகவும் இந்த நிறுவனம் திகழ்கிறது. யூத்தைல் ஆல்கஹால் உற்பத்தியிலும் (IMFL) செயல்பட்டு வரும் இந்த நிறுவனம் உத்தரப் பிரதேசம் மற்றும் உத்தர்காண்ட் மாநிலங்களில் மிகப்பெரிய அளவிலான சந்தைப் பங்களிப்பை (IMFL சந்தையில்) கொண்டு இயங்குகி்றது. நியூட்ரா சூட்டிக்கல்ஸ் பிரிவில் தயோ கோல்சிலியோசைட் உற்பத்தியில் உலகளவில் மிகப்பெரிய நிறுவனமாக இயங்கிவருகிறது இந்த நிறுவனம். இது தவிர, குவார்கம் (Guar gum -கொத்தவரங் காயில் இருந்து தயாரிக்கப்படும் பிசின்), க்ரையோஜினிக் கேஸ்கள் மற்றும் பவர் ஆல்கஹால் உற்பத்தியிலும் ஈடுபட்டு வருகிறது இந்த நிறுவனம்.

இந்தியா க்ளைக்கால்ஸ் லிமிடெட்!
(NSE SYMBOL: INDIAGLYCO, BSE CODE: 500201)

ரிஸ்க்குகள் ஏதும் உண்டா?

ரசாயன உற்பத்தித் துறையில் ஈடுபடும் நிறுவனங்களுக்கே உரித்தான ரிஸ்க்குகள் அனைத்தும் இந்த நிறுவனத் திற்கும் உண்டு. அரசாங்கத்தின் கொள்கை முடிவுகள், சுற்றுச்சூழல் சார்ந்த சட்டதிட்டங்கள், தொழில்நுட்ப மாறுதல்கள், போட்டி, மூலப்பொருள்கள் விலை ஏற்றம், அந்நியச் செலாவணி மதிப்பு மாறுதல் போன்ற வையும் இந்த நிறுவனத்துக்கு உரிய ரிஸ்க்குகளேயாகும். பொருளாதாரம் சார்ந்து வளர்ச்சி நன்றாக இருக்கு சூழலில் மட்டுமே செழிப்புடன் இயங்கும் நிறுவனங்கள் இந்த நிறுவனத்தின் தயாரிப்புகளை உபயோகிப்பதால், பொருளாதாரத்தில் எதிர்பார்த்த அளவு வளர்ச்சியோ, தேக்கநிலையோ வந்தால், அதுவும் இந்த நிறுவனத்தின் செயல் பாட்டைப் பாதிக்கவே செய்யும்.

இந்தியா க்ளைக்கால்ஸ் லிமிடெட்!
(NSE SYMBOL: INDIAGLYCO, BSE CODE: 500201)

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர் களுக்குப் பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்கும் முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே முதலீட்டு நடவடிக்கைகளை நீங்கள் எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism