Published:Updated:

மோல்டு டெக் பேக்கேஜிங் லிமிடெட்! (NSE SYMBOL: MOLDTKPAC, BSE CODE: 533080)

அறிவோம் பங்கு நிறுவனம்... KNOW YOUR COMPANY

பிரீமியம் ஸ்டோரி

பேக்கேஜிங் துறையில் 30 வருடங்களுக்கும் மேலான அனுபவம் கொண்ட நிறுவனமான மோல்டு டெக் பேக்கேஜிங் லிமிடெட் என்ற நிறுவனம் குறித்துதான் நாம் இந்த வாரம் தெரிந்துகொள்ளப் போகிறோம்.

பேக்கேஜிங் சந்தையில் பங்களிப்பு...

உணவுப் பொருள்களுக்கான பேக்கேஜிங்கில் சுமார் 4,000 டன் அளவிலான பேக்கேஜிங் பொருள் களை உற்பத்தி செய்துதருகிற இந்த நிறுவனத்துக்கு யூனிலீவர், கேட்பரி, பி&ஜி, அமுல், ஐ.டி.சி, ரெக்கிட் பென்சர், டாபர், மில்கிமிஸ்ட், அதானி வில்மர், ஆவின், பிரிட்டானியா, ஹட்சன், அடையாறு ஆனந்த பவன், வாடிலால், லயன் டேட்ஸ், ஜி.ஆர்.பி, எம்.டி.ஆர், பாம்பினோ உள்ளிட்ட பல உணவுப் பொருள்கள் உற்பத்தி செய்யும் முன்னணி நிறுவனங்கள் வாடிக்கை யாளர்களாக இருக்கின்றன.

தயாரிப்புகள் அளவிலான பெரும் பிரிவுகள் என்று பார்த்தால், சானிடைசர் கன்டெய்னர்கள், டிஸ்பென்சிங் பம்புகள், உணவுப் பொருள்களுக்கான கன்டெய்னர்கள், பெய்ன்ட் பேக்கேஜிங், லூப்ரிகண்ட் பேக்கேஜிங், பல்க் பேக்கேஜிங் போன்ற தயாரிப்புகளை உற்பத்தி செய்து விற்பனை செய்துவருகிறது.

மோல்டு டெக் பேக்கேஜிங் லிமிடெட்! (NSE SYMBOL: MOLDTKPAC, BSE CODE: 533080)

சானிடைசர் பம்ப் சந்தையில்...

சானிடைசர்களுக்கான டிஸ்பென்சர் பம்புகளை இறக்குமதி செய்து சானிடைசர், ஹேண்ட் வாஷ் மற்றும் சோப்புகளுக்கான கன்டெய்னர்களில் பொருத்தி விற்பனை செய்துகொண்டிருந்த இந்த நிறுவனம், தற்போது சானி டைசர்களுக்கான கன்டெய்னர் களில் 5, 10, 15 மற்றும் 17 லிட்டர் கொள்ளளவு கொண்ட கன்டெய்னர் களைத் தயாரிக்கிறது.

லாக்டெளன் என்ற முறையில் செயல்படும் டிஸ்பென்சிங் பம்புகள் உற்பத்தியில் மாதம் ஒன்றுக்கு 70 லட்சம் எண்கிற அளவில் தயாரிக்கும் உற்பத்தித் திறனையும், டிவிஸ்ட் & லாக் என்ற வகையில் செயல்படும் டிஸ்பென்சிங் பம்புகளில் மாதமொன்றுக்கு 30 லட்சம் என்கிற அளவில் தயாரிக்கும் உற்பத்தித் திறனையும் கொண்டு இயங்கிவருகிறது இந்த நிறுவனம்.

உணவுப் பொருள்களுக்கான கன்டெய்னர்கள் பிரிவில் ஐஸ்க்ரீம், நெய், தேன், வேர்க்கடலையில் இருந்து தயாரிக்கப்படும் வெண்ணெய், எண்ணெய், தயிர் மற்றும் யோகர்ட், பிரியாணி மற்றும் உணவகங்களில் ஏனைய உணவுப் பொருள்களை பேக்கேஜிங் செய்ய உதவும் கன்டெய்னர்கள், ஜாம், ஷ்ரீகண்ட், காபி, சூடான தண்ணீர் ஊற்றித் தயார் செய்யப்படும் பதார்த்தங்களுக்கான கன்டெய்னர் கள், எனர்ஜி ட்ரிங்க் பவுடர்கள், சாக்லேட் ஸ்ப்ரெட்கள், சாக்லேட் சிப்ஸ், மோர் மற்றும் தயிர் பேக் செய்து விற்கப்படும் கன்டெய்னர்கள் போன்றவற்றை உற்பத்தி செய்து விற்பனை செய்துவரும் இந்த நிறுவனம், இந்த வகை கன்டெய்னர்களில் 50 மில்லி லிட்டர் என்ற குறைந்தபட்ச அளவிலிருந்து 17 லிட்டர் (15 கிலோ) என்ற அதிகபட்ச அளவிலான கொள்திறன் கொண்ட கன்டெய்னர்களை உற்பத்தி செய்கிறது.

மற்ற தயாரிப்புகளுக்கான பேக்கேஜிங்...

உணவுப்பொருள்கள் அல்லாத பெயின்ட் போன்றவற்றுக்கான கன்டெய்னர்களையும் உற்பத்தி செய்யும் இந்த நிறுவனம் 1, 2, 5, 10, 20 கிலோ அளவில் பெயின்ட் கொள்ளும் திறன்கொண்ட கன்டெய்னர்களையும், 1, 4, 10, 20 லிட்டர் அளவிலான பெயின்ட் கொள்ளும் திறன் அளவுகொண்ட கன்டெய்னர்களையும் உற்பத்தி செய்கிறது.

இந்த நிறுவனம் உற்பத்தி செய்யும் கன்டெய்னர்கள் எமல்ஷன், டிஸ்டெம்பர் மற்றும் ஏனைய வகை பெயின்ட்டுகளை நிரப்பி, விற்பனை செய்வதற்காக பெயின்ட் தயாரிப்பு நிறுவனங்களால் உபயோகிக்கப் படுகிறது. இந்தப் பிரிவில் ஏசியன் பெயின்ட்ஸ், பெர்ஜர் பெயின்ட்ஸ், அக்சோ நோபல் உள்ளிட்ட பல முன்னணி நிறுவனங்கள் இந்த நிறுவனத்தின் வாடிக்கையாளராக இருக்கின்றன.

லூப்ரிக்கண்ட்டுகளுக்கான கன்டெய்னர்களில் 5 - 20 லிட்டர் வரையிலும், 2 - 20 கிலோ வரையிலுமான கொள்ளும் திறன் கொண்ட கன்டெய்னர் களை உற்பத்தி செய்து லூப்ரிக்கண்ட் உற்பத்தியாளர்களுக்கு வழங்கி வருகிறது இந்த நிறுவனம். இந்தப் பிரிவில் ஷெல், கல்ஃப், கேஸ்ட் ரால், ரிலையன்ஸ், இந்தியன் ஆயில், பாரத் பெட்ரோலியம், பெட்ரொநாஸ், ஹிந்துஸ்தான் பெட்ரோலியம், எக்சான்மோபில், கீமோலியம், பீபி உள்ளிட்ட பல முன்னணி நிறுவனங்கள் வாடிக்கை யாளர்களாக இருக்கின்றன.

டெக்னாலஜி ரீதியாகப் பார்த்தால், இன்மோல்டு லேபலிங் எனும் டெக்னாலஜி மூலம் உற்பத்தி செய்யும் இந்த நிறுவனம், உற்பத்தி செய்து தரும் கன்டெய்னர்கள் குளிர்சாதனப் பெட்டிகள் (deep freezers), மைக்ரோவேவ் ஓவன்கள் மற்றும் பல்வேறு விதமான வெப்பநிலையில் வைக்கப்படுவதற்கு உகந்தவையாக இருப்பதால், வாடிக்கை யாளர்கள் இந்த நிறுவனத்தின் கன்டெய்னர்களையே தங்களுடைய முதலாவது தேர்வாகக் கொண்டிருக் கின்றனர்.

அதே போல், இந்தியாவிலேயே இந்த ஒரே நிறுவனம் மட்டுமே கன்டெய்னர்கள் உற்பத்தியில் லேபிள்கள் தயாரித்தல், மோல்டிங் செய்தல் போன்ற படிநிலைகளை முழுக்க முழுக்க ஒருங்கிணைக்கப் பட்ட அளவில் கொண்டிருக்கிறது என்பதும் குறிப்பிடத்தகுந்த ஒரு விஷயமாகும். மேலும், ஹீட் - டிரான்ஸ்பர் லேபலிங் எனும் தொழில்நுட்பத்தைக் கொண் டிருப்பதால், தரமான தயாரிப்பு களைத் தங்களுடைய வாடிக்கை யாளர்களுக்கு இந்த நிறுவனத்தால் தரமுடிகிறது. இது தவிர, ஷ்ரிங்க் ஸ்லீவிங் (Shrink sleeving) மற்றும் ஸ்க்ரீன் பிரின்டிங் (Screen printing) என்ற இரண்டு வகையிலான கன்டெய்னர்கள் மீது செய்யப் படும் லேபிள் பிரின்டிங் தொழில் நுட்பத்தையும் கொண்டு இயங்கி வருகிறது இந்த நிறுவனம்.

இந்த நிறுவனத்துக்கு ஏழு பிராசஸிங் பிளான்ட்டுகளும், 70 இன்ஜெக்‌ஷன் மோல்டிங் பிளான்ட்டுகளும், தயாரிப்புகளை ஸ்டாக் செய்து வைக்க மூன்று கிடங்குகளும் இருக்கின்றன. ஆண்டொன்றுக்கு 18,000 மெட்ரிக் டன் அளவிலான பிராசஸிங் வசதியைக் கொண்டு இயங்கும் இந்த நிறுவனம், வாடிக்கையாளர் களின் தேவைக்கு இணங்க தயாரிப்புகளைக் குறித்த நேரத்தில் வழங்கி வருவதால், வாடிக்கை யாளர்கள் இந்த நிறுவனத்துடன் தொடர்ந்து விருப்பத்துடன் வர்த்தகம் செய்து வருகின்றனர்.

மோல்டிங் செய்வதற்கான குறைந்த பொருள் செலவு, அதிநவீன தொழில்நுட்பம் கொண்டு உற்பத்தி செய்வதால், குறைந்த அளவிலான மூலப்பொருள் விரயமாகுதல் மற்றும் உச்சபட்ச உற்பத்தித்திறன் என்ற மூன்றையும் கொண்டு இயங்குவதால், மோல்டு டெக் பேக்கேஜிங் நிறுவனத் தால் தன்னுடைய போட்டியாளர் களைவிட குறைந்த விலையில் தயாரிப்புகளை வாடிக்கையாளர் களுக்கு வழங்க முடிவது ஒரு குறிப்பிடத் தகுந்த விஷயமாகும். குறிப்பாக, ஸ்கொயர் (சதுரவடிவ) பேக்ஸ் மற்றும் போலிகள் தயாரிக்க முடியாத அளவிலான பேக்கேஜிங்கள் என்ற இரண்டு வகை சிறப்புகளைக் கொண்டிருக்கும் தயாரிப்புகளே இந்த நிறுவனத்தைப் பிரசித்திபெற்று திகழ வைப்பதற்கான இரண்டு முக்கியக் காரணிகளாக இருக்கின்றன.

மோல்டு டெக் பேக்கேஜிங் லிமிடெட்! (NSE SYMBOL: MOLDTKPAC, BSE CODE: 533080)

ரிஸ்க்குகள் ஏதும் உண்டா?

பேக்கேஜிங் மற்றும் பிளாஸ்டிக் துறையில் இயங்கும் நிறுவனங்களுக்கு உண்டான அனைத்து ரிஸ்க்குகளும் இந்த நிறுவனத்துக்கும் உண்டு. எஃப்.எம்.சி.ஜி துறைக்கான தயாரிப்பு களைப் பெருமளவில் தயாரிக்கிற போதிலும் லூப்ரிக்கன்ட்ஸ் மற்றும் பெயின்ட் நிறுவனங்களுக்கான பேக்கேஜிங் பொருள்களையும் இந்த நிறுவனம் செய்துவருவதால், பொருளாதார வளர்ச்சியைச் சார்ந்த ஏற்ற இறக்கங்கள் இந்த இரண்டு தயாரிப்புப் பிரிவுகளையும் பாதிக்க வாய்ப்பிருக்கிறது. மூலப் பொருள்கள் விலை உயர்வு, அந்நியச் செலாவணி மதிப்பு மாறுதல், புதிய தொழில்நுட்பம் மற்றும் போட்டி நிறுவனங்கள் செய்யும் இன்னோவேஷன் போன்றவையும் இந்த நிறுவனத் துக்கான ரிஸ்க்குகளே ஆகும். பிளாஸ்டிக் சம்பந்தப்பட்ட பொருள் களைத் தயாரிப்பதால், அரசின் சுற்றுச்சூழல் சார்ந்த கொள்கை முடிவுகளும் இந்த நிறுவனத்தின் செயல்பாடுகளில் தாக்கத்தை ஏற்படுத்த வாய்ப்புண்டு.

மோல்டு டெக் பேக்கேஜிங் லிமிடெட்! (NSE SYMBOL: MOLDTKPAC, BSE CODE: 533080)

முதலீட்டாளர்கள் என்ன செய்ய வேண்டும்?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர்களுக்குப் பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்கும் முன்னும் செபி பதிவு பெற்ற முதலீட்டு ஆலோசகரைக் கலந்தாலோசித்து, அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததா என்பதை முடிவு செய்தபின் முதலீட்டு முடிவை எடுக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு