Published:Updated:

ப்ராஜ் இண்டஸ்ட்ரீஸ் லிமிடெட்! அறிவோம் பங்கு நிறுவனம்..!

ப்ராஜ் இண்டஸ்ட்ரீஸ்
பிரீமியம் ஸ்டோரி
ப்ராஜ் இண்டஸ்ட்ரீஸ்

K N O W Y O U R C O M P A N Y - (NSE SYMBOL: PRAJIND, BSE CODE: 522205)

ப்ராஜ் இண்டஸ்ட்ரீஸ் லிமிடெட்! அறிவோம் பங்கு நிறுவனம்..!

K N O W Y O U R C O M P A N Y - (NSE SYMBOL: PRAJIND, BSE CODE: 522205)

Published:Updated:
ப்ராஜ் இண்டஸ்ட்ரீஸ்
பிரீமியம் ஸ்டோரி
ப்ராஜ் இண்டஸ்ட்ரீஸ்

இன்றைக்கு பயோ-பேஸ்டு டெக்னாலஜி மற்றும் இன்ஜினீயரிங் துறையில் உலக அளவில் முன்னணி நிறுவனமாகச் செயல்பட்டு வருகிற ப்ராஜ் இண்டஸ்ட்ரீஸ் லிமிடெட் எனும் நிறுவனத்தைத்தான் இந்த வாரம் நாம் அறிமுகப்படுத்துகிறோம்.

நிறுவனத்தின் வளர்ச்சி...

ஆரம்ப காலத்தில் எத்தனால் உற்பத்தி செய்வதற்கான இயந்திரங் களை உற்பத்தி செய்து சப்ளை செய்யும் ஒரு சிறிய நிறுவனமாக ஆரம்பிக்கப்பட்ட இந்த நிறுவனம், இன்றைக்கு உலக அளவில் பயோ எனர்ஜி உற்பத்தி, மிகவும் சுத்தமான தண்ணீர் உற்பத்தி (மருந்து தயாரிப்பு போன்ற துறைகளில் பயன்படுத்து வதற்கான), முக்கியமான பிராசஸ் இயந்திரங்கள், மதுபான வடிப்பகங்கள் (breweries) மற்றும் தொழிற்சாலைகளில் பயன்படுத்தப்படும் கழிவு நீர் சுத்திகரிப்புக்கான இயந்திரங்கள் போன்றவற்றை உற்பத்தி செய்து விற்பனை செய்வதில் ஒரு முன்னணி நிறுவனமாகத் திகழ்கிறது.

மகாராஷ்டிராவில் உள்ள பூனாவைத் தலைமையகமாகக் கொண்டு செயல்படும் இந்த நிறுவனம், உலக அளவில் 75 நாடு களில் தன்னுடைய தொழிலுக்கான தொடர்புகளைக் கொண்டு வாடிக்கையாளர்களின் தேவை களைப் பூர்த்தி செய்து தருகிறது.

ப்ராஜ் இண்டஸ்ட்ரீஸ்
ப்ராஜ் இண்டஸ்ட்ரீஸ்

தொழில் பிரிவுகள்...

தொழில் பிரிவுகள் ரீதியாகப் பார்த்தால், பயோ எனர்ஜி தொழில் பிரிவில் எத்தனால் உற்பத்தி செய்வதற்கான இயந்திரங்களை உற்பத்தி செய்துவருகிறது இந்த நிறுவனம். உலக அளவில் எத்தனால் என்பது வாகனங்களில் பயன்படுத்தப் படும் எரிபொருளில் கலப்பதற்காகப் பெருமளவில் உற்பத்தி செய்யப்பட்டு உபயோகிக்கப்படுகிறது.

சுற்றுச்சூழல் மாசுகுறைவான எரிபொருளுக்கான தேவை அதிகரிப்பும், கச்சா எண்ணெய்யைச் சார்ந்து செயல்படுவதைக் குறைப்பதற் கான சூழலும் உலகில் உள்ள அறுபதுக்கும் மேற்பட்ட நாடுகளில் எத்தனால் எரிபொருளைக் கலந்து உபயோகிப்பது வாடிக்கையான ஒன்றாக ஆகிவிட்டது. சர்க்கரை முதல் ஸ்டார்ச் வரையிலான மூலப்பொருள்களை உபயோகித்து எத்தனால் உற்பத்தி செய்வதற்கான இயந்திரங்களை உற்பத்தி செய்து தருவதிலும், இரண்டாம் தலைமுறை மூலப்பொருள்கள் எனப்படும் ஏனைய விவசாயப் பொருள்களின் சக்கையிலிருந்து எத்தனாலை உற்பத்தி செய்வதற்கான இயந்திரங் களை உற்பத்தி செய்து தருவதிலும் இந்த நிறுவனம் முன்னணியில் இருக்கிறது.

இந்த நிறுவனத்தின் இன்னோ வேஷன் சென்டர் இந்த வகை தொழில்நுட்பத்தைக் கண்டு பிடிப்பதில் பெரும்பங்கு வகிக்கிறது. இந்த வகை தொழில்நுட்பத்தைத் தாண்டி புதுப்பிக்கத்தக்க எரிபொருள்கள் மற்றும் வேதிப் பொருள்களைக் கண்டறியவும் இந்த நிறுவனம் பல முயற்சிகளை முன்னெடுத்து வருகிறது. இரண்டா வது தலைமுறை மூலப் பொருள்களில் இருந்து எத்தனால் உற்பத்தி செய்யப்படுவதற்கான தொழில் நுட்பத்தை இந்த நிறுவனம் சொந்தமாகவே கண்டுபிடித்தது என்பது கவனத்தில் கொள்ள வேண்டிய ஒரு விஷயமாகும். இந்த நிறுவனம் வடிவமைத்துத் தருகிற டெக்னாலஜி சொல்யூஷன்களை இயந்திரங்களாக வடிவமைக்க மகாராஷ்டிராவில் புனே மற்றும் மும்பைக்கு அருகே இருக்கும் வாடா எனும் இடத்திலும், குஜராத்தில் கன்ட்லா எனும் இடத்திலும் உற்பத்தி வசதிகள் நிறுவப்பட்டுள்ளன. இந்த நிறுவனம் ஆண்டொன்றுக்கு 16,500 டன்கள் அளவிலான இயந்திரங்களை பேப்ரிக்கேஷன் செய்யும் வசதியைக் கொண்டுள்ளது. இந்த நிறுவனம் 1,200-க்கும் மேற்பட்ட புரஃபஷனல் களைப் பணியில் அமர்த்தி தனது தொழிலைச் செய்துவருகிறது.

இதன் மற்றுமொரு தொழில் பிரிவான ஹை ப்யூரிட்டி சிஸ்டம்ஸில் (அதிக அளவிலான தூய்மையான தண்ணீர்) பார்மா, பயோடெக், காஸ்மெட்டிக்ஸ் மற்றும் உடல்நலம் பேணுதல் (wellness) தொழிற்சாலைகளில் பயன்படுத்தப்படும் அதிக அளவிலான தூய்மையான தண்ணீர் மற்றும் ஹைஜீனிக் சிஸ்டம்ஸை உற்பத்தி செய்து தருகிறது இந்த நிறுவனம். தனித்துவம் நிறைந்த இந்தத் தொழில் பிரிவில் இந்திய மற்றும் உலகளாவிய அளவிலான பெரிய பார்மா நிறுவனங்களுக்கு ஹைப்யூரிட்டி வாட்டர் சிஸ்டத்தை வடிவமைத்தும் உற்பத்தி செய்தும் தருகிறது இந்த நிறுவனம்.

மூன்றாவது தொழில் பிரிவான அதிமுக்கிய உபகரணங்கள் மற்றும் சிஸ்டம்கள் உற்பத்தியில் எண்ணெய் மற்றும் எரிவாயு, பெட்ரோ கெமிக்கல்ஸ், ஃபெர்டிலைசர் மற்றும் கெமிக்கல் தொழிற்சாலைகளுக்குத் தேவையான உபகரணங்களை வடிவமைத்து உற்பத்தி செய்து தருகிறது இந்த நிறுவனம்.

நான்காவது தொழில் பிரிவான புரூவரிஸ் பிரிவில் 90-களில் இருந்தே இந்த நிறுவனம் கால்பதித்து செயல்பட்டு வருகிறது. இயந்திரங்கள் உற்பத்தியில் கருத்துருவாக்கம் எனும் நிலையில் ஆரம்பித்து, டெக்னாலஜி, டிசைன், பிளான்ட் இன்ஜினீயரிங் மற்றும் பிளான்ட்டை அமைத்து இயக்கித் தருதல் போன்ற அனைத்துப் பணி களையும் இந்த நிறுவனம் தன்னுடைய வாடிக்கையாளர்களுக்குச் செய்து தருகிறது. குறைந்த பொருள் செலவில் அதிக தரம் கொண்ட பீரை உற்பத்தி செய்யும் பிளான்ட்டுகளை இந்த நிறுவனம் தன் வாடிக்கை யாளர்களுக்கு வடிவமைத்துத் தருகிறது. இந்த நிறுவனம் உற்பத்தி செய்து தரும் பீர் உற்பத்திக்கான பிளான்ட்டுகள் குறைந்த தண்ணீர் செலவு, குறைந்த மின்சாரச் செலவு மற்றும் குறைந்த கார்பனை வெளியிடுதல் போன்ற குணாதிச யங்களைக் கொண்டுள்ளது தனிச் சிறப்பாகும்.

இந்த நிறுவனம் செயல்படும் ஐந்தாவது தொழில் பிரிவான கழிவுநீர் மேலாண்மைக்கான சிஸ்டங்களை உற்பத்தி செய்யும் பிரிவு தொழிற்சாலைகளின் மத்தியில் மிகவும் பிரசித்திபெற்ற ஒன்றாக இருக்கிறது. பல்வேறு துறைகளில் இயங்கும் தொழிற் சாலைகளுக்கான கழிவுநீர் மேலாண்மை சிஸ்டமை (இயந்திரங்களின் கூட்டமைப்பு) உற்பத்தி செய்துதரும் இந்த நிறுவனம் கழிவுநீரில் இருந்து நல்ல நீரைப் பிரித்தல், ஆலைக் கழிவு நீரைச் சுத்திகரித்து மறு உபயோகம் செய்யும் வகையில் மாற்றித் தருதல் மற்றும் இறுதியாக வெளியேற்றப்படும் கழிவுநீரில் முற்றிலும் கெமிக்கல்கள் இல்லாத வண்ணம் வடிகட்டுதல் (ஜீரோ டிஸ்சார்ஸ்) போன்றவற்றுக்கான இயந்திரங்களை வடிவமைத்து உற்பத்தி செய்துதருகிறது.

இந்தியாவில் மட்டுமல்லாது உலகில் உள்ள 75 நாடுகளில் உள்ள பல்வேறு தொழில் நிறுவனங்களுக்குத் தன்னுடைய தயாரிப்புகளை விற்பனை செய்கிறது இந்த நிறுவனம்.

தான் இயங்கும் துறையில் புதிய தொழில்நுட்பத்தைக் கண்டறியும் வண்ணம் தனக்குத் தேவையான ஆராய்ச்சிகளை செய்துகொள்ளத் தேவையான ஆராய்ச்சி வசதிகளைக் கொண்டு இயங்குகிறது இந்த நிறுவனம். இந்த வசதிகளை இந்த நிறுவனம் ஆரம்பித்த முதல் 10 ஆண்டுகளிலேயே தொடங்கிய இந்த நிறுவனம், மைக்ரோ பயாலஜி, மாலிக்யூலர் பயாலஜி, பயோ பிராசஸ் டெக்னாலஜி, பிராசஸ் இன்ஜினீயரிங், கெமிக்கல் சயின்சஸ் போன்ற பிரிவுகளில் 16 அதிநவீன வேதியியல் ஆய்வகங்களைக் கொண்டுள்ளது. இந்த ஆராய்ச்சி வசதியில் தொண்ணூறுக்கும் மேற்பட்ட ஆராய்ச்சியாளர்கள் பணியாற்றுகின்றனர்.

சார்ட்
சார்ட்

ரிஸ்க்குகள் ஏதும் உண்டா?

புதிய டெக்னாலஜிகளின் அறிமுகம் மற்றும் ஆராய்ச்சியில் தொடர் வெற்றி என்பதை முதன்மையாகக் கொண்டு இயங்குகிற தொழில் பிரிவுகளில் செயல்படும் நிறுவனம் என்பதால், போட்டி நிறுவனங் கள் தங்களுடைய ஆராய்ச்சியில் பெறுகிற வெற்றி மற்றும் அறிமு கப்படுத்தும் புதிய தொழில்நுட்பம் போன்றவை இந்த நிறுவனத் துக்கான முதன்மையான ரிஸ்க்குகளாகும்.

அரசாங்கத்தின் கொள்கை முடிவுகள், மூலப்பொருள்கள் விலை உயர்வு, அந்நியச் செலாவணி மதிப்பு மாறுதல் போன்றவையும் இந்த நிறுவனத்துக்கான ரிஸ்க்குகள் என்றே சொல்லலாம். மேலும், இந்த நிறுவனத்தில் இயந்திரங்கள் மற்றும் தொழில்நுட்பங்கள் போன்றவற்றை வாங்கி உபயோகிக்கும் நிறுவனங்கள் இயங்கும் துறைகள் சில பொருளாதார வளர்ச்சியைச் சார்ந்தே முன்னேற்றம் அடைய வாய்ப்புள்ள துறைகளாகும். எனவே, ஏதாவது ஒரு காரணத்தில் பொருளாதார வளர்ச்சி எதிர்பார்த்த அளவு இல்லாதுபோனாலோ, தேக்க நிலையைச் சந்தித்தாலோ அது இந்த நிறுவனத்தின் செயல்பாட்டை ஓரளவு பாதிக்கும் என்றே எதிர்பார்க்கலாம்.

புள்ளி விவரம்
புள்ளி விவரம்
புள்ளி விவரம்
புள்ளி விவரம்

முதலீட்டாளர்கள் என்ன செய்ய வேண்டும்..?

இந்தப் பகுதி பங்குகளைப் பரிந்துரை செய்யும் பகுதி அல்ல. முதலீட்டாளர் களுக்கு பங்குகளை அறிமுகப்படுத்துதல் மற்றும் கல்வியே இந்தப் பகுதியின் நோக்கம். பங்கு முதலீடுகள் சந்தை அபாயத்துக்கு உட்பட்டது என்பதால், எந்தவொரு பங்கை வாங்குவதற்கு முன்னாலும் செபி பதிவு பெற்ற முதலீட்டு ஆலோசகரைக் கலந்து ஆலோசித்து அந்தப் பங்கில் முதலீடு செய்வதில் இருக்கும் ரிஸ்க் உங்களுக்கு உகந்ததுதானா என்பதை முடிவுசெய்த பின்னரே நடவடிக்கைகளை நீங்கள் எடுக்க வேண்டும்.

பிட்ஸ்

டந்த ஆண்டில் நல்ல லாபம் கண்டதன் விளைவாகத் தன் ஊழியர்களுக்கு 10 நாள் சம்பளத்தை போனஸாகத் தந்து அசத்தி இருக்கிறது ஹெச்.சி.எல் நிறுவனம். இதை மற்ற ஐ.டி நிறுவனங் களும் செய்யுமா?

பிட்ஸ்

ந்தியாவின் மிகப்பெரும் இன்ஜினீயரிங் நிறுவனமான எல் அண்ட் டி நிறுவனம், ஆன்லைன் மூலம் இன்ஜினீயரிங் தொடர்பான பயிற்சி வகுப்புகளை இனி அளிக்க இருக்கிறது. இன்ஜினீயரிங் துறையில் இதற்கு பெரும் வரவேற்பு இருக்கும் என்று எதிர்பார்க்கப் படுகிறது!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism