Published:Updated:

பி.இ விகிதத்தை மட்டும் பார்த்து பங்கை வாங்கலாமா..? முதலீட்டாளர்கள் கவனத்துக்கு...

பி.இ விகிதம்
பிரீமியம் ஸ்டோரி
பி.இ விகிதம்

S H A R E I N V E S T I N G

பி.இ விகிதத்தை மட்டும் பார்த்து பங்கை வாங்கலாமா..? முதலீட்டாளர்கள் கவனத்துக்கு...

S H A R E I N V E S T I N G

Published:Updated:
பி.இ விகிதம்
பிரீமியம் ஸ்டோரி
பி.இ விகிதம்

வி.விஜயகுமார், நிறுவனர், ZEBU Share and Wealth Managements (P) Ltd

பங்குச் சந்தையில் முதலீடு செய்யும் முறையானது ஒவ்வொரு காலகட்டத்திலும் மாறிக்கொண்டே இருக்கிறது. முதலீடு செய்யும் வழிகள் மட்டும் இல்லாமல் பங்குகளைத் தேர்ந்தெடுக்கும் முறையும் மாறி இருக்கிறது. சுமார் 20 ஆண்டுகளுக்கு முன்பு பல ரேஷியோக்களை (விகிதம்) அடிப் படையாக வைத்து முதலீட்டு முடிவுகள் எடுத்தார்கள். அதில் முக்கியமானது, பி.இ (P/E) விகிதம்.

வி.விஜயகுமார் 
நிறுவனர், 
ZEBU Share 
and Wealth 
Managements 
(P) Ltd
வி.விஜயகுமார் நிறுவனர், ZEBU Share and Wealth Managements (P) Ltd

அதாவது, ஒரு பங்கு ஈட்டக்கூடிய வருமானத்துக்கும் அந்தப் பங்கின் விலைக்கும் உள்ள விகிதமே பி.இ விகிதம் என அழைக்கிறோம். இந்த விகிதம் குறைவாக இருந்தால், முதலீட்டுக்கு ஏற்ற பங்கு என்றும், இந்த விகிதம் அதிகமாக இருந்தால் முதலீட்டை வெளியே எடுப்பதற்கான நேரம் வந்துவிட்டது எனப் பங்குச் சந்தை வல்லுநர்கள் கூறுவதைக் கேட்டிருப்போம். சிலர் இன்னும் ஒருபடி மேலே, சென்று நிஃப்டி பி.இ தொடர்ந்து உயர்கிறது எனில், இதை வைத்து ஒட்டுமொத்த சந்தையும் சரியும் நேரம் வந்துவிட்டது என்னும் கணிப்புகளும் வந்தன. 20 ஆண்டு களுக்கு முன்பு இந்தக் கணிப்புகள் நடக்கவும் செய்தன.

ஆனால், இவையெல்லாம் தகவல் தொழில்நுட்ப நிறுவனங்கள் பட்டிய லாகும் காலம் வரையில்தான். ஐ.டி நிறுவன பங்குகள் வர்த்தக மாகும்போது, இந்த விகிதத்தை முக்கியமானதாகக் கருதுபவர்களின் எண்ணிக்கை குறையத் தொடங்கியது. நாளடைவில் பி.இ விகிதமே அர்த்த மற்றவையாகி விட்டது. பி.இ விகிதம் குறித்து கவலைப்படாமல் எவ்வளவு அதிகமாக இருந்தாலும் முதலீடு செய்யத் தொடங்கினார்கள்.

பி.இ விகிதத்தை மட்டும் பார்த்து  பங்கை வாங்கலாமா..? முதலீட்டாளர்கள் கவனத்துக்கு...

பி.இ விகிதம் என்பது..?

ஏற்கெனவே கூறியதுபோல, பங்கின் விலைக்கும் வருமானத்துக்கும் உள்ள விகிதம்தான் இது. வேறு வகையில் பார்ப்பதென்றால், ஒரு நிறுவனத்துக்கு (பங்குக்கு), முதலீட் டாளர்கள் எவ்வளவு தொகையைக் கொடுக்க விரும்புகிறார்கள் என்பதைப் பொறுத்துதான் விலை நிர்ணயமாகிறது. ஒரு முதலீட்டாளர் கூடுதல் விலையைக் கொடுக்க முன்வருகிறார் எனில், எதிர்காலத்தில் கிடைக்கும் வருமானத்துக்கும் சேர்த்துதான் தற்போது கூடுதல் விலை கொடுக்கிறார்.

சில ஆண்டுகளுக்கு முன்பு வரை நிறுவனங்களின் வருமானம் என்பது சீராக உயர்ந்து வரும். ஆனால், டெக்னாலஜி யுகத்தில் வளர்ச்சிக்கான வாய்ப்பு மிக அதிகமாக இருப்பதால், முதலீட்டாளர்கள் அதிக தொகையைக் கொடுக்க முன்வரும் பட்சத்தில் பி.இ விகிதம் அதிகமாக இருக்கும். அடுத்தடுத்த ஆண்டுகளில் தொடர்ந்து வருமானத்துக்கு வாய்ப்பு இருக்கும்பட்சத்தில் அந்தப் பங்கின் பி.இ விகிதம் அதிகமாகவே இருக்கும்.

இதனால் பி.இ விகிதம் அதிகமாக இருப்பதால், முதலீட்டைத் தவிர்க்க லாம் என்றோ, பி.இ விகிதம் குறைவாக இருந்தால், முதலீட்டுக்கு ஏற்ற பங்குகள் என்றோ முதலீட் டாளர்கள் புரிந்துகொள்ளத் தேவை இல்லை. ஆனால், வளர்ச்சிக்கு வாய்ப்பு இல்லாத நிறுவனங்களின் பி.இ விகிதம் குறைவாகவே இருக்கும்.

கடந்த பல ஆண்டுகளாகத் தொடர்ந்து பி.இ விகிதம் அதிகமாக உள்ள பல பங்குகள் சந்தையில் இருக்கின்றன. எதிர்காலத்தில் வருமானம் ஈட்டுவது மற்றும் தொழிலில் உள்ள சாதகமான அம்சங்கள் (competitive advantage) காரணமாகக் கூடுதல் பிரீமியத்தில் முதலீடு செய்ய முன்வருகிறார்கள்.

முதலீட்டைத் தீர்மானிப்பதில் மற்றொரு முக்கியமான அம்சம், வட்டி விகிதம். உதாரணமாக, இந்தியாவில் ஃபிக்ஸட் டெபாசிட்டுக்கு சுமார் 5% வட்டி வழங்கப்படுகிறது. 5% வட்டிக்கு மேலே பங்குச் சந்தை மூலம் வருமானம் கிடைக்க வேண்டும் என்பது நமது எதிர்பார்ப்பாக இருக்கிறது. ஆனால், வெளிநாடுகளில் 0%, 1%, 2% என்னும் அளவில் வட்டி விகிதம் இருப்பதால், வெளிநாடுகளில் கிடைக்கும் வட்டி விகிதத்தைவிட சிறிதளவுக்குக் கூடுதலான வருமானம் கிடைத்தால் போதும் என வெளிநாட்டு முதலீட்டாளர்கள் கருதுவார்கள். அதனால் வருமானம் கிடைக்கும் பங்குகளுக்குக் கூடுதல் தொகையை முதலீடு செய்ய முன்வருவார்கள். அதிக நிதியானது பங்குச் சந்தைக்கு வருவதால், அப்போது இயல்பாகவே பி.இ விகிதம் ஏற்றத்திலே இருக்கும்.

எனவே, தற்போதைய காலகட்டத்தில் முதலீட்டுக்கான முடிவெடுப்பதில் பி.இ விகிதத்தின் பங்களிப்பு அதிகம் இல்லை எனச் சொல்லலாம். ஒரு பங்கில் முதலீடு செய்கிறோம் என்னும்பட்சத்தில், சம்பந்தபட்ட நிறுவனம் எந்தத் துறையில் இருக்கிறது, அந்தத் துறையின் எதிர்காலம் என்ன, குறிப்பிட்ட நிறுவனத்தின் வளர்ச்சி எப்படி இருக்கிறது, எதிர்காலத் திட்டமிடல் எப்படி இருக்கிறது என்பது தான் முக்கியம். ஏசியன் பெயின்ட்ஸ், சில தனியார் வங்கிப் பங்குகள், டெக்னாலஜி பங்குகள் தொடர்ந்து அதிக பி.இ விகிதத்தில் இருந்தாலும் பங்குகளின் விலையும் தொடர் ஏற்றத்திலே இருந்துவருகின்றன.

ரியல் எஸ்டேட்டை உதாரணத்துடன் சொன்னால், இன்னும் எளிதாகப் புரிந்துகொள்ள முடியும். ஒரு கிரவுன்ட் நிலம் வாங்கத் திட்டமிடுகிறீர்கள் என வைத்துக்கொள்வோம். தமிழகத்தின் சிறு நகரத்தில் இந்த இடத்தை வாங்கலாம், அல்லது எதேனும் ஒரு கிராமத்தில் வாங்கலாம் அல்லது சென்னை புறநகரில் வாங்கலாம் அல்லது அண்ணா சாலையில் வாங்கலாம். ஒரு கிரவுன்ட் என்பது பொதுவானது தான். ஆனால், எந்த இடத்தில் வாங்குகிறோம் என்பதைப் பொறுத்துதான் அதன் விலை மாறும். அந்த இடத்தில் எவ்வளவு வளர்ச்சி இருக்கும், எவ்வளவு வருமானம் இருக்கும் என்பதைப் பொறுத்துதான் விலை இருக்கும். அதேபோல, கோவிட்டுக்கு முன்பு இருந்த கமர்ஷியல் ரியல் எஸ்டேட் வாய்ப்புகள் அதிகமாக இருந்தன. ஆனால், தற்போது அதற்கான தேவை குறைந்திருக்கிறது.

பங்குகளிலும் ஏறக்குறைய இதே நிலைதான். தொழிலின் தற்போதைய மற்றும் எதிர்கால வருமானம் மட்டுமே முதலீட்டு முடிவுகளைத் தீர்மானிக்கின்றன. பி.இ விகிதம் என்பது கடந்த 12 மாத / 3 மாத கால வருமானத்தை அடிப்படையாக வைத்து கணக்கிடப்படுவது. ஆனால், எதிர்காலத்தில் கிடைக்கும் வருமானத்தை அடிப்படையாகக் கொண்டு முதலீட்டாளர்கள் முதலீடு செய்கின்றனர். இதனால் பி.இ விகித்தில் பெரும் விலகல் ஏற்படத் தொடங்கிவிட்டது எனலாம். இந்த நிலையில், பி.இ விகிதம் இயல்பாக இருக்காது.

பல ஆண்டுகளுக்கு முன்பு பி.இ விகிதம் என்பது முதலீட்டு முடிவை எடுப்பதில் முக்கியக் காரணியாக இருந்தது. ஆனால், புதுயுகத் தொழில்கள் மற்றும் டெக்னாலஜி தொழில்கள் வளரத் தொடங்கியபின் முதலீட்டு முடிவை எடுக்கும் பல காரணி களில் ஒன்றாக பி.இ விகிதமும் மாறிவிட்டது. இனியும் இந்த ஒன்றை மட்டும் முதலீட்டுக்கு எடுக்கத் தேவையில்லை. மற்ற விகிதங்களையும் பார்த்து முடிவு செய்ய வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism