Published:Updated:

ஷேர் மார்க்கெட் ஸ்ட்ராட்டஜி... சரியான ஸ்மால்கேப் பங்குகளைக் கண்டுபிடிப்பது எப்படி?

ஷேர் மார்க்கெட்
பிரீமியம் ஸ்டோரி
ஷேர் மார்க்கெட்

புதிய தொடர்

ஷேர் மார்க்கெட் ஸ்ட்ராட்டஜி... சரியான ஸ்மால்கேப் பங்குகளைக் கண்டுபிடிப்பது எப்படி?

புதிய தொடர்

Published:Updated:
ஷேர் மார்க்கெட்
பிரீமியம் ஸ்டோரி
ஷேர் மார்க்கெட்

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

முதலீட்டுக்கென்று ஒரு ஸ்மால்கேப் கம்பெனியை நாம் தேர்வு செய்கிறோம் எனில், அந்த கம்பெனியின் புரொமோட்டர் களை மட்டுமே நம்பி நாம் அதில் முதலீடு செய்கிறோம் என்பதைப் புரிந்துகொண்டு செயல்பட வேண்டும்.

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்
செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

ஒரு புரொமோட்டரை நாம் அளவீடு செய்ய முயலும்போது அவர் கையில் (நிறுவனத்தினுள்) இருக்கும் நிதியை எவ்வாறு தொழிலில் முதலீடு செய்கிறார், சிக்கல்கள் வரும்போது அதைக் கையாளுவதில் எந்த அளவுக்கு அனுபவமும் தேர்ச்சியும் பெற்றிருக்கிறார் என்று அளவீடு செய்ய வேண்டியிருக்கும்.

இந்த இரண்டையும் தாண்டி மூன்றாவதாக இருக்கும் முக்கியமானதொரு விஷயம், எந்த அளவுக்கு அந்த புரொமோட்டர் கம்பெனியில் நிதி முதலீட்டையும் (புரொமோட்டர் ஷேர் ஹோல்டிங் சதவிகிதம்), எமோஷனல் முதலீட் டையும் (மனரீதியான – இது என் நிறுவனம், என் அடையாளம், என் பெருமை என்ற அளவில்) செய்துள்ளார் என்பதையும் பார்க்க வேண்டியிருக்கும்.

ஒரு புரொமோட்டர் தனது கம்பெனியின் மொத்தப் பங்குகளில் எத்தனை சதவிகிதத்தை தன் கையில் வைத்துள்ளார், கம்பெனியின் நிதி சார்ந்த செயல்பாட்டுக்கும் (லாபம்/டேர்ன்ஓவர்) புரொமோட்டருக்குக் கொடுக்கப்படும் சம்பளத்துக்கும் உள்ள தொடர்பு எந்த அளவுக்கு நியாயமானதாக இருக்கிறது,

கம்பெனியையும் தாண்டி வெளியுலகில் புரொமோட்டருக்கு வேறெந்தெந்த தொழில் களில் ஈடுபாடு என்பது இருக்கிறது, கம்பெனி ஈட்டும் லாபத்தை டிவிடெண்டாக வெளியே எடுத்துச் செல்லாமல் எந்த அளவுக்கு அந்த நிறுவனத்துக்கு உள்ளேயே (ரிசர்வாக வைத்து) மறுமுதலீடு செய்ய முயல்கிறார் என்பது போன்ற அளவீடுகளை வைத்தே எங்களுடைய அலுவலகத்தில் நாங்கள் புரொமோட்டர்களின் குணாதிசயம் குறித்து எடைபோடுகிறோம்.

ஷேர் மார்க்கெட் ஸ்ட்ராட்டஜி... 
சரியான ஸ்மால்கேப் பங்குகளைக்     கண்டுபிடிப்பது எப்படி?

புரொமோட்டர்களை எடைபோட வேண்டியதன் அவசியம்..?

சிறிய நிறுவனங்களில் புரொமோட்டர்களை எடைபோட வேண்டியதன் அவசியம் என்ன?

ஸ்மால்கேப் கம்பெனிகள் என்பது, ஒரு தனிநபரோ, ஒரு குடும்பத்தைச் சார்ந்த நபர்களோ முதலீடு செய்து, கம்பெனியின் செயல்பாட்டு நிகழ்வுகள் குறித்த முடிவுகளை எடுத்து, நடத்தி வருகிற நிறுவனங்கள் ஆகும். இது போன்ற நிறுவனங்கள் போட்டியாளர்களின் மத்தியில் சிறந்து விளங்கும் தன்மை (Competative Advantage) என்பது புரொமோட்டர்களின் தொழில்நுட்ப, நிர்வாக மற்றும் விற்பனைத் திறனை அடிப்படை யாகக்கொண்டே அமைகிறது. இவை தவிர, புரொமோட்டர்கள் எந்த மாதிரியான நிறுவனம் சார்ந்த தொழில் முதலீட்டு முடிவுகளை எடுக்கின்றனர் என்பதே கம்பெனியின் தலைவிதியை நிர்ணயம் செய்வதாக இருக்கிறது. இதனாலேயே ஸ்மால்கேப் கம்பெனிகளில் முதலீட்டைச் செய்ய முடிவெடுப்பது, புரொமோட்டர்களின் மீது முதலீடு செய்வதற்கு ஒப்பானது என்று நாம் புரிந்துகொள்ள வேண்டும்.

குறிப்பாகச் சொன்னால், புரொமோட்டர்கள் எந்தளவுக்கு கம்பெனியில் முதலீடு செய்து கவனமாகத் தொழிலை நடத்தி வருகிறார்களோ, அந்த அளவுக்கு அவர்கள் சிறுமுதலீட்டாளர் களின் (Minority Share holders) நலனைப் பேண வாய்ப்புள்ளது. இது தொடர்பாக முதலீட்டாளர்கள் கவனிக்க வேண்டிய நான்கு விஷயங் களை இனி பார்ப்போம்.

1. புரொமோட்டர்கள் வசம் உள்ள பங்குகள்...

புரொமோட்டர்கள் தங்கள் நிறுவனத்தின் பங்குகளை எந்தளவுக்குத் தங்கள் வசம் வைத்துள்ளனர்..? (ஆங்கிலத்தில் இதை ‘Skin in the game’ என்பார்கள்)

புரொமோட்டர்கள் நிறுவனத்தின் பங்குகளை தங்கள் வசம் எந்தளவுக்கு அதிகமாக வைத்துள்ளனரோ, அந்த அளவுக்கு அதிகமாக சிறு முதலீட்டாளர்களின் நலனைப் பாதுகாக்க வாய்ப்பு உள்ளது. புரொமோட்டர்கள் தங்கள் கைவசம் இருக்கும் பங்குகளை எவ்விதம் அதிகரிக்கிறார்கள் அல்லது குறைக்கிறார்கள் என்பது கம்பெனியின் செயல் பாட்டின் போக்கை நமக்குக் குறிப்பால் உணர்த்துவதாக இருக்கும். முதலீட்டை அதிகரித்துக்கொண்டே போனால், செயல்பாடு நன்றாக இருக்கிறது என்றும், குறைத்துக்கொண்டே போனால், எதிர்காலம் நன்றாக இருக்க வாய்ப்பில்லை என்ற ரீதியிலுமாகப் புரிந்து கொள்ள உதவுகிற அளவு கோல் இதுவாகும்.

2. புரொமோட்டருக்கான சம்பளம்

புரொமோட்டருக்கான சம்பளம் நிலையானதாக (Fixed) இருப்பத்தைக் காட்டிலும் செயல்பாட்டுக் கேற்ப மாறுபடுகிற (variable) மாதிரி இருப்பது என்பது ஒரு புரொமோட்டரானவர் கம்பெனியை லாபநோக்கில் எடுத்துச் செல்வதற்கான வகையில் முழு ஈடுபாட்டுடன் அனைத்து முயற்சிகளையும் எடுப்பதற்கு வழிவகை செய்வதாகும். இதனால் சிறு முதலீட்டாளர்களின் நலன் பாதுகாக்கப்படுகிற மாதிரி இருக்கும்.

ஷேர் மார்க்கெட் ஸ்ட்ராட்டஜி... 
சரியான ஸ்மால்கேப் பங்குகளைக்     கண்டுபிடிப்பது எப்படி?

3. டிவிடெண்ட் vs மறுமுதலீடு...

புரொமோட்டர்கள் நிறுவனம் சம்பாதிக்கும் லாபத்தை டிவிடெண்டாக பெற்றுச் செல்லவும் முடியும் அல்லது டிவிடெண்ட் கொடுக்காமல் ஈட்டிய அந்த லாபத்தை நிறுவனத்துக்கு உள்ளேயே செயல்பாட்டுக்கு உதவும் வகையில் இருக்கு மாறும் செய்யலாம். டிவிடெண்ட் கொடுக்காமல் மறுமுதலீடு செய்வதைத் தேர்ந்தெடுக்கும் புரொமோட் டர்கள் குறுகியகால லாப நோக்குடன் செயல்படாமல் நீண்ட நாள் அடிப்படையில் சிந்தித்து நிறுவனம் செய்யும் தொழிலின் முழுமையான பலனை அடைய முயற்சி செய்யும் ரீதியில் செயல்படு கிறவர்களாக இருக்கின்றனர்.

இந்த அளவீட்டின்படி பார்க்கும்போது, பின்வருகிற இரண்டு விஷயங்களை நாம் அவசியம் கவனத்தில் கொள்ள வேண்டும்.

A. லாபம் டிவிடெண்டாக எடுத்துச் செல்லப்படாமல் நிறுவனத்தினுள்ளேயே நிறுத்தி வைக்கப்பட்டு மறுமுதலீடுகள் செய்யப்படும்போது அதிலிருந்து வரும் லாபம் குறைவானதாக (ஏற்கெனவே வரும் லாப சதவிகிதத்தைவிட) இருக்கக் கூடாது.

B. அதே போல, லாபமானது டிவிடெண்டாக பகிர்ந்து கொடுக்கப்பட்டு, அதை முதலீட்டாளர்கள் சொந்தமாக முதலீடு செய்யும்போது கிடைக்க வாய்ப்பிருக்கக்கூடிய லாப விகிதத்தைவிட குறைவான தாக இருந்துவிடக் கூடாது.

4. ஏனைய பிசினஸ் ஈடுபாடுகள்...

பங்குச் சந்தையில் பட்டியலிடப்பட்ட நிறுவனத் தைத் தாண்டி புரொமோட்டருக்கு இருக்கும் ஏனைய பிசினஸ் ஈடுபாடுகள். நிறுவனத்தில் அதிக அளவிலான பங்குகளைக் கைவசம் வைத்திருக்கும் புரமோட்டர் களில் ஒரு சிலர் பங்குச் சந்தையில் பட்டியலிடப்பட்ட அந்த நிறுவனத்தைத் தாண்டி எக்கச்சக்கமான பிசினஸ்களில் (ஈடுபாடுகள்) ஈடுபட்டிருப்பார்கள். அப்படி அவர்கள் வேறு தொழில்களில் ஈடுபட் டிருந்தால், பட்டியலிடப்பட்ட இந்த நிறுவனத்தின் செயல்பாடுகள் குறித்து எந்த அளவுக்குக் கவனம் செலுத்த முடியும், எந்த அளவுக்கு அவர்களால் இந்த நிறுவனத்துக்கு நேரம் செலவிட முடியும் என்ற இரண்டுமே கேள்விக்குறியான ஒன்றாகிவிடுகிறது.

மேலும், பல ஸ்மால்கேப் நிறுவனங்களில் புரொமோட்டர்கள் பட்டியலிடப்பட்ட நிறுவனத்தில் நிர்வாகப் பதவியையும் (பணி யாளருக்கு நிகராக சம்பளம் வாங்கும் வகையிலான பதவி) வைத்துள்ளனர். இது போன்ற பணியாளருக்கு நிகராக சம்பளம் பெறும் பதவியைக் கொண்டிருப்பது இன்னமும் இந்தச் சிக்கலின் (நேரம் ஒதுக்க முடியாமை என்ற) வீரியத்தை அதிகரிக்கவே செய்யும்.

ஷேர் மார்க்கெட் ஸ்ட்ராட்டஜி... 
சரியான ஸ்மால்கேப் பங்குகளைக்     கண்டுபிடிப்பது எப்படி?

நாங்கள் எப்படி அணுகுகிறோம்..?

எங்களது நிறுவனம் முதலீட்டு உத்திகளை வகுக்கும்போது ‘Skin in the game’ என்பதில் உள்ள இடர்ப்பாடுகளையும் மேலே சொன்ன வேறு விஷயங்களையும் எப்படிக் கையாள்கிறோம் என்பதைச் சொல்கிறேன்.

எக்கச்சக்கமான அளவில் புரொமோட்டர்கள் பங்கைக் கையில் வைத்திருப்பது நல்லது என்ற போதிலும், வேறு மாதிரியான ஒரு பிரச்னையை அது கொண்டு வர வாய்ப்புள்ளது. புரொமோட் டர்கள் எக்கச்சக்கமான அளவில் பங்குகளைக் கையில் வைத்திருப்பதாலேயே அந்த நிறுவன மானது பங்குச் சந்தையில் பட்டியலிடப்பட்டு, சிறு முதலீட்டாளர்களின் முதலீட்டுப் பங்களிப் புடன் செயல்பட்டு வருகிறது என்பதை மறந்து, ஏதோ தன்னுடைய சொந்த நிறுவனம் என்பது போல புரொமோட்டர்கள் அந்த நிறுவனத்தை நடத்த வாய்ப்புள்ளது. இந்த நிலை புரொமோட் டர்களின் ஷேர்ஹோல்டிங் குறைவாக இருந்தால் இருக்காது.

அதே போல, நிறுவனத்தின் லாபம் எந்த அளவுக்கு அதிகரிக்கிறதோ, அந்தளவுக்கு சம்பளம் விகிதாசார ரீதியாக அதிகரிக்கும் என்கிற பட்சத்தில், பொய்யான லாபத் தைக் காட்டிவிடுவதற்கும் வாய்ப்பு இருக்கவே செய்கிறது. இதனாலேயே அதிக அளவிலான புரொமோட்டர்களின் ஹோல் டிங் மற்றும் அதிக அளவிலான ‘வேரியபிள்’ சம்பளம் என்ற இரண்டும் நல்லதொரு அளவீடாக இருக்கிறபோதிலும் அதிலும் இதுபோன்ற ஒருசில குறைபாடுகள் இருக்கவே செய்கின்றன.

ஒரு ஸ்மால்கேப் நிறுவனத்தை முதலீட்டுக்காக நாங்கள் பரி சீலனை செய்யும்போது எங்க ளுடைய நிறுவனத்தில் இந்தவிதக் குறைபாடுகளைக் களைவதற்குப் பின்வரும் விஷயங்களை நாங்கள் கடைப்பிடிக்கிறோம்.

1.ஃபாரன்சிக் ஆடிட்டிங்...

ஃபாரன்சிக் ஃப்ரேம் வொர்க் (Forensic Frame Work) மற்றும் கணக்குவழக்குகளைச் சரி பார்த்தல் முதலாவதாகும்.

ஸ்மால்கேப் கம்பெனிகளைப் பொறுத்தவரை, அந்த நிறுவனத் தின் நிதிநிலை முடிவுகளின் தரம் குறித்த ஆராய்ச்சிகள் கட்டாய மாகிறது. இதைச் செய்ய 12 வகையான ரேஷியோக்களைப் பயன்படுத்த வேண்டும். இந்த ரேஷியோக்கள் என்னென்ன என்பது குறித்து ஹோவர்ட் எம் ஷில்ட் (Howard M. Schilit) என்பவர் ஃபாரன்சிக் அக்கவுன் டிங் குறித்து எழுதிய ‘ஃபைனான் ஷியல் ஷெனானிகன்ஸ்’ (‘Financial Shenanigans’) என்ற புத்த கத்தில் தெளிவாகத் தரப் பட்டுள்ளது.

இந்த 12 வகை ரேஷியோக்கள் கம்பெனியின் நிதிநிலை அறிக் கையின் உண்மைத் தன்மையை ஆராய உதவுகிறது. இன்கம் ஸ்டேட்மென்ட் (வருமானம் மற்றும் காண்பிக்கப்பட்டுள்ள லாபத்தில் உள்ள தந்திரச் சூழ்ச்சி கள்), பேலன்ஸ்ஷீட் (அஸெட் மற்றும் லியபிலிட்டி சரியாக வகைப் படுத்தப்பட்டுள்ளமை), பணம் வீணாகச் செலவழிக்கப் பட்டு இருத்தல் மற்றும் தணிக்கை செய்யப்பட்டுள்ளதில் உள்ள உண்மை மற்றும் வெளிப்படைத் தன்மை போன்றவற்றை இந்த நடைமுறை மூலம் அறிந்து கொள்ளலாம்.

2. வாரிசு குறித்த திட்டமிடுதல்...

முதலீடு செய்வதற்கான நல்ல நிறுவனங்களைக் கண்டறிய முயலும்போது புரொமோட்டர் களை அவர்களுடைய லட்சியம், திட்டமிட்டுத் தேர்ந்தெடுக்கும் திறன் போன்றவற்றைக்கொண்டு அளவீடு செய்ய வேண்டும். அதே சமயம், எதிர்காலத்தில் இதே அளவுக்கான வெற்றியை தொடர்ந்து பெறுவதற்கு வாரிசு குறித்த திட்டமிடல் அவசியமாகிறது.

வாரிசு குறித்த திட்டமிடுதல்களை ஆராய்ச்சி செய்யும்போது தற்போது முடிவுகள் எப்படி பல அடுக்கு நிலைகளில் (போர்டு உறுப்பினர்கள், நிறுவனத்தின் பல்வேறு பிரிவுகளின் தலைவர்கள் என்பது போன்ற படிநிலைகளில்) அதிகாரம் பகிரப்பட்டு எடுக்கப் படுகிறது? அடிமட்ட நிலையில், நடைமுறைகள் எப்படித் தெளிவாக கட்டமைக்கப்பட்டு முடிவுகள் எடுக்கப்பட்டு, தொழில் செவ்வனே நடத்தப்படுகிறது என்பதையும் பார்க்க வேண்டும்.

அந்த வகையில் நிறுவனத்தின் செயல்பாடுகள் முழுக்க முழுக்க அதிகாரப் பகிர்ந்தளிப்பு செய்யப் பட்டு பல்வேறு படிநிலைகளில் முடிவுகள் எடுக்கப்பட்டு அதன் மூலம் நிறுவனம் வெற்றிகரமாக செயல்படுகிறதா அல்லது ஒரு சிலரே முடிவுகளை எடுத்து அதன் மூலம் வெற்றி கிடைத்து வருகிறதா என்று ஆராய்ந்து பார்க்க வேண்டும்.

அதிகாரக் குவியல் இருந்து வெற்றி பெற்றாலும் சரி, பகிர்ந்தளிக்கப்பட்டு வெற்றி பெற்றாலும் சரி, இன்றைக்கு முடிவெடுக்கும் நபர் நாளை ஏதாவது ஒரு காரணத்தால் நிறுவனத்தில் இல்லை எனில், யார் அதே மாதிரியான முடிவுகளை எடுப்பார்கள் என்ற கேள்விக்கான விடையை நிறுவனங்கள் திட்டமிட்டிருக்க வேண்டும். இதையே வாரிசு குறித்த திட்டமிடுதல் என்கிறோம்.

ஒரு நிறுவனத்தில் அதிகாரப் பரவலானது முறையாகச் செய்யப்பட்டிருந்தால் அப்படி முடிவெடுக்கும் நபர்களுக்கு இ-சாப்கள் (ESOP - Employee Stock Ownership Plan) வழங்கப் படுகிறதா, எந்த விதத்தில் அவர்களுடைய முடிவெடுக்கும் திறன் ஊக்குவிக்கப்படுகிறது என்பதையும் பார்க்க வேண்டும். இறுதியாக, எந்த அளவுக்குத் தரமான மற்றும் தகுதி வாய்ந்த நபர்கள் சுயாதீனமான இயக்குநர்களாக (Independent Directors) தேர்தெடுக்கப்பட்டுள்ளனர் என்பதையும் கணக்கில் எடுத்துக்கொள்ள வேண்டும்.

இறுதி அளவுகோல்கள் இவைதான்...

ஸ்மால்கேப் கம்பெனிகளைப் பொறுத்தவரை,

1. நல்ல புரொமோட்டர் என்பவர் அதிக அளவிலான நிறுவனத்தின் பங்குகளை தன்வசத்தே வைத்துக் கொண்டிருக்க வேண்டும்.

2. பட்டியலிடப்பட்ட அந்த நிறுவனத்தைத் தவிர, வேறு எந்த சொந்தமான தொழில்களைக் கொண்டிராமலும், சரியான அளவுக்கு அதிகாரப்பரவலைச் செய்து தகுதி யான நபர்களை பணியில் நியமித்து முடிவுகளை எடுக்க வைக்கும் சூழலை உருவாக்கியிருக்க வேண்டும்.

3. ஏதாவது ஒரு சூழ்நிலையில் முடிவெடுக்கும் நபர்கள் நிறுவனத்தை விட்டு விலகினால், அவர்களுக்கு ஈடாக முடிவெடுக்கும் திறன்கொண்ட வாரிசுதாரர்களை திட்டமிட்ட கட்டமைப்பு ரீதியாக உருவாக்கி வைத்திருக்க வேண்டும். இவை தவிர, நிறுவனத்தின் புரொமோட்டர் மற்றும் அவருக்கு நேரிடையாக ரிப்போர்ட் செய்பவர் என்ற இரண்டு வகை நபர்களுக்கும் நிலையான சம்பளம் என்பது குறைவானதாகவும், செயல்பாட்டுக்கு ஏற்ப நிர்ணயிக்கப்படும் ஊதியம் அதிகமாகவும் இருக்க வேண்டும்.

இப்படிப்பட்ட பண்புகளைக் கொண்டிருக்கும் ஸ்மால் கேப் நிறுவனங்களே நம் முதலீட்டுக்குத் தகுதியான நிறுவனங்களாக இருக்கும். உங்கள் போர்ட்ஃபோலியோவில் உள்ள ஸ்மால்கேப் நிறுவனப் பங்குகளை இப்படி ஆய்வு செய்து தேர்ந்தெடுத்திருக்கிறீர்களா?

(முதலீடு தொடரும்)

செளரப் முகர்ஜி பற்றி...

இந்தக் கட்டுரைத் தொடரை எழுதும் செளரப் முகர்ஜி லண்டன் ஸ்கூல் ஆஃப் எக்னாமிக்ஸில் இளங்கலை மற்றும் முதுகலைப் பொருளாதாரம் படித்தவர். 2007-ம் ஆண்டு லண்டனில் ‘க்ளியர் கேப்பிடல்’ (Clear Capital) என்ற நிறுவனத்தைத் தொடங்கினார். ஸ்மால்கேப் நிறுவனங்களைக் கண்டறிவதில் மிகச் சிறப்பாக செயல்படுபவர் என்கிற பாராட்டை ‘எக்ஸ்டெல் சர்வே’ நிறுவனம் இவருக்கு அளித்திருக்கிறது. கடந்த 2015, 16, 17-ம் ஆண்டுகளில் ஏசியாமணி நடத்திய கருத்துக் கணிப்பில் செளரப் முகர்ஜி மிகச் சிறந்த ஈக்விட்டி ஸ்ட்ராட்டஜிஸ்ட் எனத் தெரியவந்துள்ளது. ஆம்பிட் கேப்பிடல் என்கிற நிறுவனத்தின் சி.இ.ஓ.வாக இருந்தவர், சில ஆண்டுகளுக்குமுன் அதிலிருந்து விலகி, மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட் என்னும் நிறுவனத்தைத் தொடங்கி, நடத்தி வருகிறார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism