Published:Updated:

அமெரிக்காவா - ஜப்பானா... இந்தியப் பங்குச் சந்தை இனி எப்படிச் செல்லும்?

ஷேர் மார்க்கெட் ஸ்ட்ராட்டஜி
பிரீமியம் ஸ்டோரி
ஷேர் மார்க்கெட் ஸ்ட்ராட்டஜி

ஷேர் மார்க்கெட் ஸ்ட்ராட்டஜி! - 2

அமெரிக்காவா - ஜப்பானா... இந்தியப் பங்குச் சந்தை இனி எப்படிச் செல்லும்?

ஷேர் மார்க்கெட் ஸ்ட்ராட்டஜி! - 2

Published:Updated:
ஷேர் மார்க்கெட் ஸ்ட்ராட்டஜி
பிரீமியம் ஸ்டோரி
ஷேர் மார்க்கெட் ஸ்ட்ராட்டஜி

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

இந்தியா இனி எது மாதிரியான சூழ்நிலையை எதிர்கொள்ளப்போகிறது? 1970-களில் ஜப்பான் எதிர்கொண்டதைப் போன்றதா அல்லது 1970-களில் அமெரிக்கா எதிர்கொண்டதைப் போன்றதா?

செளரப் முகர்ஜி
செளரப் முகர்ஜி

இன்றைக்கு அமெரிக்க ஃபெடரல் ரிசர்வ் வட்டி விகிதத்தை வேகமாக அதிகரிக்க வாய்ப் பிருப்பதால், இந்தியப் பங்குச் சந்தையின் போக்கு அமெரிக்க சந்தையின் போக்கை (இறங்குமுகமாக அல்லது லாபம் தராத நிலை) யொட்டியே இருக்கும் என்று சொல்லும் கருத்துகளை நாங்கள் ஏற்கவில்லை. மாறாக, 1970-களில் ஜப்பானிய சந்தைகள் எதிர்கொண்ட போக்கிலேயே இந்தியச் சந்தை செல்ல வாய்ப் பிருக்கிறது என்பதே எங்கள் கருத்து. எப்படி?

கோவிட்டுக்குப் பிறகு, உருவான புதிய சவால்கள்...

கோவிட்-19-ன் பாதிப்புகளில் இருந்து உலகம் வேகமாக மீள்வதற்காகப் பொருளா தாரத்துக்கு ஊக்கமளிக்கும் வகையில் (stimulus) கிட்டத்தட்ட 13 டிரில்லியன் அமெரிக்க டாலர் பணம் மிகக் குறைந்த வட்டி விகிதத்தில் புழக்கத்தில் விடப்பட்டது. இதனால் அதிகரித்த பணப்புழக்கத்தால் உலகப் பொருளாதாரத்தில் மிகவும் பலமான தேவை உருவானது. அதனால் உலகத்தின் பெரும் பாலான நாடுகளில் பொருளாதாரச் சக்கர மானது வேகமாகச் சுழல ஆரம்பித்தது. ஆனாலும், இரண்டு அலைகளாக வந்த கோவிட்-19 உலகத்தைப் புரட்டிப்போட்டது. ஊரடங்கு நடைமுறைகள் கொண்டுவரப் பட்டு, பொருள்களைக் கொண்டு செல்வதில் (logistics and supply chain) கடும் பாதிப்பு ஏற்பட்டது. இதன்பிறகு ரஷ்யா - உக்ரைன் போர் வந்தது. இதுவும் உலகப் பொருளாதார வளர்ச்சியை மட்டுப்படுத்தியது.

இதற்கிடையே சீனா, ஜீரோ-கோவிட் என்ற நோக்கத்தில் மீண்டும் கடுமையான ஊரடங்கைக் கொண்டு வர, அதிகரிக்கப்பட்ட பணப்புழக்கத்தால் பொருள்களுக்கான தேவை அதிகரித்தாலும், பொருள்கள் தேவைப்படும் இடத்துக்குச் சென்று சேராததாலும் அவற்றின் விலை உயர்ந்து, அமெரிக்காவில் பணவீக்கம் 7 சதவிகிதத்துக்கு மேல் உயர்ந்துள்ளது. இதனால் அமெரிக்க ஃபெட் உட்பட பல்வேறு நாடுகளின் ரிசர்வ் வங்கிகளும் வட்டி விகிதத்தை உயர்த்த ஆரம்பித்துள்ளன.

வட்டி விகிதம் உயர்ந்துவரும் நிலையில் அமெரிக்கப் பங்குச் சந்தை நீண்ட காலத்துக்குப் பெரிய லாபம் தராது என பலரும் கூற ஆரம்பித்துள்ளனர். 1970-ல் இதே மாதிரியான சூழலில் கச்சா எண்ணெய் விலை கடுமையாக அதிகரித்தபோது, அமெரிக்கப் பங்குச் சந்தை 15 ஆண்டுக் காலத்தில் கிட்டத்தட்ட 0 (ஜீரோ) என்ற அளவிலேயே வருமானத்தைத் தந்தது (பார்க்க, படம் 1). இது போன்ற சூழ்நிலையில், இந்திய பங்குச் சந்தையும் அமெரிக்கப் பங்குச் சந்தையைப் போன்ற வருமானத்தையே தரும் என்பது பலரின் வாதமாக இருக்கிறது.

அமெரிக்காவா  -  ஜப்பானா... இந்தியப்  பங்குச்  சந்தை இனி  எப்படிச்  செல்லும்?

1970-களில் ஜப்பானின் வளர்ச்சி...

1970-களில் நடந்த அரேபியா வுக்கும் இஸ்ரேலுக்குமான போரே அந்தக் காலகட்டத்தில் கச்சா எண்ணெய் விலை மும்மடங்கு அதிகரிக்கக் காரணம். 1979-ம் ஆண்டில் இரானின் ஷா மன்னரின் பதவி பறிக்கப்பட்டபோது கச்சா எண்ணெய் விலை அப்போது இருந்ததைவிட இரு மடங் கானது. இந்த இரண்டு நிகழ்வு களும் 1970-80-ம் ஆண்டு கால கட்டத்தில் கச்சா எண்ணெயின் விலையைக் கிட்டத்தட்ட 10 மடங்கு அதிகரிக்கச் செய்தது. அப்போது அமெரிக்காவை விட இரு மடங்கு அதிக விலை தந்து கச்சா எண்ணெயை ஜப்பான் வாங்கியது. அமெரிக்கா மற்றும் வளர்ந்த நாடுகள் பலவும் ஜப்பானை விடக் குறைந்த விலையில் கச்சா எண்ணெயை வாங்கிய போது, அந்த விலை ஏற்றத்தால் வந்த பொருளாதார சிக்கல் களைச் சமாளிக்க முடியாமல் திணறின. ஆனால், ஜப்பானோ தன் பங்குச் சந்தை மூன்று மடங்கு அதிகரிக்கும் அளவி லான செயல்பாட்டைக் கொண்டிருந்தது.

கச்சா எண்ணெய் விலை உயர்வு காரணமாக ஜப்பானில் 1973-74-ல் உயர்ந்த பணவீக்கம் மற்றும் வட்டி விகிதம் அதன் பின்னால் சீராகி, ஏனைய நாடுகளைவிட குறைவாகவே இருந்தது. இதன் காரணமாக ஜப்பானின் ஜி.டி.பி அந்தக் காலகட்டத்தில் 5% என்ற அளவில் சீராக வளர்ந்தது (பார்க்க, படம் - 2). இது 1960-களில் ஜப்பான் கண்ட வளர்ச்சியைவிடக் குறைவு என்றாலும், 1970-களில் உலகின் பல வளர்ந்த நாடுகள் அடைந்த பொருளாதார வளர்ச்சியைவிட மிக அதிகம்.

அமெரிக்காவா  -  ஜப்பானா... இந்தியப்  பங்குச்  சந்தை இனி  எப்படிச்  செல்லும்?

எப்படிச் சாத்தியமானது..?

1. ஜப்பானின் பெரிய தொழில் நிறுவனங்கள் கப்பல் கட்டுமானம் மற்றும் ஸ்டீல் உற்பத்தி போன்ற எரிசக்தி (மின்சாரம் மற்றும் எரி பொருள்) அதிகம் தேவைப் படும் துறைகளைத் தவிர்த்து, ஆட்டொமொபைல், எலெக்ட்ரானிக் மற்றும் எலெக்ட்ரிக்கல் அப்ளை யன்ஸ்கள் போன்ற குறைந்த அளவு மின்சாரம் செலவிடப் படும் தொழில் துறைக்கு மாற ஆரம்பித்தது. இந்த மாறுதல் களுக்குத் தேவைப்படும் ஆராய்ச்சி வசதிகளுக்கும் அதிகம் செலவு செய்தது.

இந்தக் காலகட்டத்தில் ஸ்டீல் உற்பத்தியானது ஜப்பானில் பெரிய அளவில் அதிகரிக்காமல் இருந்தது. 1975-ம் ஆண்டில் ஆண்டு ஒன்றுக்கு 102 மில்லியன் டன்னாக இருந்த ஸ்டீல் உற்பத்தி, 1985-ம் ஆண்டில் 105 மில்லியன் டன் என்ற அளவையே எட்டியிருந்தது. அதேசமயம், இந்தக் கால கட்டத்தில் எலெக்ட்ரிக் மெஷினரிகளின் உற்பத்தியின் 3.9 மடங்கு என்கிற அளவுக்கு அதிகரித்திருந்தது. இதனால் ஜப்பானின் கச்சா எண்ணெய் உபயோகம் வெகுவாக அதிகரிக்கவே இல்லை.

2. அது மட்டுமல்ல, கச்சா எண்ணெயை நம்பியிருப்ப தற்குப் பதிலாக, சூரிய ஒளி, எரிவாயு மற்றும் அணு மின்சாரம் போன்ற மாற்று எரிசக்திகளுக்கான வழிகளை ‘புராஜெக்ட் சன்ஷைன்’ மற்றும் ‘புராஜெக்ட் மூன்லைட்’ போன்ற திட்டங்கள் மூலம் நடைமுறைப்படுத்த ஆரம்பித்தது. இதனால் 1975-ம் ஆண்டில் மின் உற்பத்தியில் 62 சதவிகிதமாக இருந்துவந்த கச்சா எண்ணெயின் பங்களிப்பு, 1985-ம் ஆண்டில் 27 சதவிகிதமாகக் குறைந்தது.

3. இதனால் ஜப்பானியக் குடும்பங்களின் சேமிப்பு என்பது 20 சதவிகிதமாக அதிகரித்தது. இந்தச் சேமிப்பானது வங்கிகளில் வைப்பு நிதியாக மாறியது. ஜப்பானின் ரிசர்வ் வங்கியின் சரியான நடவடிக்கைகள் மூலம் கமர்ஷியல் வங்கிகளின் வாயிலாக இந்தச் சேமிப்பு நிறுவனங்களுக்குக் கடனாக வழங்கியதுடன், இந்தக் கடன்களுக்கு அரசாங்கம் உத்தரவாதத்தையும் தந்தது. இந்தக் கடன்களே டொயொட்டா, நிசான், ஹோண்டா, சோனி, பானாசோனிக், ஜேவிசி மற்றும் கேசியோ போன்ற பல நிறுவனங்கள் பெரியதாக வளரத் தேவையான மூலதனச் செலவினங்களுக்குப் பெருமளவில் உதவியது.

அமெரிக்காவா  -  ஜப்பானா... இந்தியப்  பங்குச்  சந்தை இனி  எப்படிச்  செல்லும்?

இந்தியா ஜப்பான் வழியில் செல்ல முடியுமா?

உலகத்தின் ஐந்தாவது பெரிய பொருளாதார நாடாகிய இந்தியா, 1970-களில் ஜப்பான் இருந்த நிலையில் இப்போது இருக்கிறது. 1970-களில் ஜப்பானின் பொருளாதாரம் கனரக தொழில் துறைகளைச் சார்ந்து எப்படி இருந்ததோ, அதேபோல் இந்தியாவின் பொருளாதாரம் இப்போது சேவைத் துறையைச் சார்ந்து இருக்கிறது. ஜப்பான் நிறுவனங்களின் திறனும் புத்தாக்க சிந்தனை யும் தொழில் துறை தலைசிறந்ததாக ஆக்கியது போல, இந்தியாவில் இன்று சேவைத்துறை சார்ந்த பல நிறுவனங்கள் சிறப்பாகச் செயல்படு கின்றன. எனவே, பின்வரும் நான்கு விஷயங்களுக்கும் முக்கியத்துவம் தந்து செயல்படும்போது அவை இந்தியப் பொருளாதாரத்தை மாற்றும் என்று நாங்கள் நம்புகிறோம்.

1. படிம எரிபொருள்களை (fossil fuels) பெருமளவில் பயன்படுத்துவதைத் தவிர்த்து, சூரிய ஒளியிலிருந்து மின்சக்தி உற்பத்தி செய்தல் மற்றும் மின்சார வாகனங்களின் உபயோகத்தை ஊக்குவிப்பதன் மூலம் மாற்றத்தைக் கொண்டு வர அரசாங்கம் முக்கியத்துவம் தருவதன்மூலம் இந்த மாறுதல் வேகமாக நடக்க உதவியாக இருக்கும். தற்போது சூரிய ஒளி மின்சக்தி உற்பத்தியானது மொத்த மின் உற்பத்தியில் 14 சதவிகிதமாக இருக்கிறது (Source: powermin.gov.in). மின் வாகன விற்பனை மொத்த விற்பனையில் 1.3 சதவிகிதமாக இருக்கிறது.

2. ஏற்றுமதிக்குத் தடை (கோதுமை, சர்க்கரை போன்றவை சமீபத்தில் ஏற்றுமதி செய்ய தடை விதிக்கப்பட்டது. குறைந்தபட்ச விலையை சரியாக நிர்வகித்தல் போன்ற நடவடிக்கைகளின் மூலம் சில்லறைப் பணவீக்க விகிதத்தைக் (CPI) கட்டுப்பாட்டில் வைக்கும் முயற்சிகள் அரசாங்கத்தால் எடுக்கப்பட்டு வருகிறது. மேலும், இந்திய அரசு எரிபொருள்கள், எரிவாயு போன்ற வற்றின்மீது விதிக்கும் தீர்வைகளைக் (duty) குறைத்தும், ஏற்றுமதி செய்யும் ஸ்டீலின் மீது வரியை உயர்த்தியும், உரங்களுக்கான மானியத்தை அதிகரித்தும் எடுத்த நடவடிக்கைகள் சில்லறைப் பணவீக்க விகிதத்தைக் கட்டுக்குள் வைக்கும் முயற்சிகளுக்குக் கைகொடுப்பதாக இருக்கும்.

3. பொருளாதார வளர்ச்சிக்குத் தேவையான கட்டமைப்புகளை சரியான அளவில் உருவாக்க வேண்டும். சாலைகள், துறைமுகங்கள், அணைகள் போன்றவற்றைக் கட்டுமானம் செய்தல், ஆராய்ச்சி வசதிகளை ஊக்குவித்தல் மற்றும் தொழில்நுட்பத்தை உருவாக்குதல் போன்றவற்றின் மூலம் இந்த நிலையை உருவாக்க முடியும். கடந்த 10 ஆண்டுக் காலத்தில் இந்தக் கட்டமைப்பு களில் நடந்த முன்னேற்றத்தின் பலனையே இன்று நாம் அனுபவிக்கிறோம்.

4. அமெரிக்க ஃபெடரல் வங்கி போல் வட்டி விகிதத்தை அதிகம் உயர்த்தாமல், அமெரிக்கா அதிகரிக்கும் வட்டி விகிதத்தில் பாதிக்கும் குறைவாக வட்டியை உயர்த்தினால் போதுமானதாக இருக்கும். எங்கள் எதிர்பார்ப் பில் இன்றைக்கு அமெரிக்கா வில் நிலவும் சூழ்நிலையை வைத்துப் பார்த்தால், அமெரிக்க ஃபெடரல் ரிசர்வ் வங்கி கிட்டத் தட்ட 3 - 4% வரை வட்டி விகிதத்தை அதிகரிக்க வேண்டி யிருக்கும். ஏனென்றால், அமெரிக்க ஃபெடரல் வங்கி எதிர்பார்க்கும் வட்டி விகித மானது 0.75% - 1% வரை இருக் கிறது. அதே சமயம், அமெரிக்கா வின் சில்லறைப் பணவீக்க விகிதமானது 8% என்ற அளவில் தற்போது இருக்கிறது.

இந்தியாவில் தற்போது சில்லறைப் பணவீக்கம் விகிதம் கிட்டத்தட்ட 8 சதவிகிதமாகவும், ரெப்போ வட்டி விகிதம் 4.9 சதவிகிதமாகவும் இருக்கிறது. இதனாலேயே இந்தியாவைப் பொறுத்தவரை, இப்போது இருக்கும் வட்டி விகிதத்தில் இருந்து 1.5 - 2% வரை வட்டியை அதிகரிப்பதே போதுமானதாக இருக்கும் என்றே நம்புகிறோம்.

(முதலீடு தொடரும்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism