Published:Updated:

வெளியேறும் எஃப்.ஐ.ஐ முதலீடு மீண்டும் திரும்பவர செய்ய வேண்டிய 3 விஷயங்கள்!

வெளியேறும்  எஃப்.ஐ.ஐ
பிரீமியம் ஸ்டோரி
வெளியேறும் எஃப்.ஐ.ஐ

ஷேர் மார்க்கெட் ஸ்ட்ராட்டஜி! - 4

வெளியேறும் எஃப்.ஐ.ஐ முதலீடு மீண்டும் திரும்பவர செய்ய வேண்டிய 3 விஷயங்கள்!

ஷேர் மார்க்கெட் ஸ்ட்ராட்டஜி! - 4

Published:Updated:
வெளியேறும்  எஃப்.ஐ.ஐ
பிரீமியம் ஸ்டோரி
வெளியேறும் எஃப்.ஐ.ஐ

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

கடந்த 12 மாதங்களில் எஃப்.ஐ.ஐ-கள் தங்களது மொத்த இந்திய பங்குச் சந்தை முதலீட்டின் மதிப்பில் 5% அளவிலான முதலீடு களை விற்றிருக்கின்றனர். இந்த வெளியேற்றம் என்பது குறித்து நாங்கள் விரிவாகச் சிந்தித்து வருகிறோம்.

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்
செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

ஆறு மாதங்களுக்கு முன் நாங்கள் சீனா குறித்து அலசியபோது சில விஷயங்களைக் கண்டறிந்தோம். சீனா, இந்தியாவுக்கு எதிரான நிலைப்பாட்டை அவ்வப்போது எடுப்பதுடன், அந்த நாட்டின் தொழில்நுட்பத்துறை சார்ந்த பில்லியனர்களை முடக்கியது, ரஷ்ய அதிபர் விளாடிமிர் புதினுடன் நட்பாகச் செயல்படுவது, அமெரிக்காவுக்கு எதிராக அறை கூவல்களை விடுப்பது போன்ற பலவற்றையும் செய்துகொண்டிருந்தது.

சீனாவின் இந்த நடவடிக்கைகளுக்கு எதிர் வினையாக அங்கே செய்யப்பட்டிருக்கும் அமெரிக்க முதலீடுகள் வெளியே எடுக்கப்பட்டு, அது வேறு நாடுகளுக்குச் செல்லும் என்பது எல்லோராலும் எளிதாக யூகிக்க முடிகிற விஷயம்தான்.

இதைக் கருத்தில்கொண்டு அமெரிக்காவில் இருந்து இந்தியாவை நோக்கி பங்குச் சந்தை முதலீடுகளை ஈர்க்கும் வகையில் எங்களுடைய தற்போதைய வாடிக்கையாளர்கள் மற்றும் வாடிக்கையாளர்களாக வாய்ப்பு இருப்பவர் களுடன் கடந்த மூன்று மாத காலமாக நாங்கள் பேச்சுவார்த்தை நடத்தி வருகிறோம்.

இந்தியாவில் ஏன் முதலீடு செய்ய வேண்டும் என்று அமெரிக்க எஃப்.ஐ.ஐ-களிடம் நாங்கள் விளக்கிச் சொன்னபோது, அவர்கள் மூன்று முக்கியமான பிரச்னைகள் இருப்பதை நம் கவனத்துக்குக் கொண்டு வந்தார்கள்.

வெளியேறும்  எஃப்.ஐ.ஐ  முதலீடு
மீண்டும்  திரும்பவர செய்ய வேண்டிய  3  விஷயங்கள்!

அனுமதிகளைத் தருவதில் ரெகுலேட்டர்கள் காட்டும் தயக்கம்...

இந்தியாவைப் பொறுத்தவரை, அதிக முதலீடு தேவைப்படும் கேப்பிடல் இன்டன் ஷிவ்வான துறைகளில் அந்தத் துறைக்கான கண்காணிப்பாளரின் (Regulator) தலையீடு தொன்றுதொட்டுப் பெருமளவுக்கு இருந்து கொண்டே இருக்கிறது. எல்லா நாடுகளிலிலும் இந்த பிரச்னை உண்டு என்றாலும், இந்தியாவைப் பொறுத்தவரை முக்கியமான விஷயமாக இருக்கிறது.

உதாரணமாக, ஹெச்.டி.எஃப்.சி வங்கியானது ஹெச்.டி.எஃப்.சி லிமிடெட்டுடன் இணைய அனுமதி கிடைக்க எவ்வளவு காலமாகும் என்கிற கேள்வியை எஃப்.ஐ.ஐ-கள் அவ்வப்போது எங்களிடம் கேட்டுக்கொண்டே இருக்கின்றனர். ஹெச்.டி.எஃப்.சி லிமிடெட் மற்றும் ஹெச்.டி.எஃப்.சி பேங்க் ஆகிய இரு நிறுவனங்களிலும் எஃப்.ஐ.ஐ-கள் கிட்டத்தட்ட 75 பில்லியன் அமெரிக்க டாலர்கள் அளவுக்கு முதலீடு செய்துள்ளனர். இது இந்தியாவில் ஒட்டுமொத்த எஃப்.ஐ.ஐ-கள் செய்துள்ள முதலீடுகளில் 13% ஆகும்.

இந்த இரண்டு நிறுவனங்களின் இணைப்பானது இந்திய ரிசர்வ் வங்கியில் ஆரம்பித்து, காம்பெட்டிஷன் கமிஷன் ஆஃப் இந்தியா, இன்ஷூரன்ஸ் ரெகுலேட்டரி அண்ட் டெவலப்மென்ட் அத்தாரிட்டி (IRDAI), செக்யூரிட்டீஸ் அண்ட் எக்ஸ் சேஞ்ச் போர்டு ஆஃப் (SEBI) மற்றும் பங்குச் சந்தைகள் போன்ற பல்வேறு வகை ரெகுலேட்டர்களால் அனுமதிக்கப்பட வேண்டும்.

ரிசர்வ் வங்கி இந்த இணைப்பில் கவனித்துச் சொல்ல வேண்டிய முக்கியமான அம்சங்கள் என்னென்ன என்று பார்த்தால், 1. இந்த இரண்டு நிறுவனங்களும் இணைந்த பிறகு, எந்த மாதிரியான நிறுவன அமைப்புரீதியான கட்டமைப்பாக இருக்கும்? 2. இணைக்கப்பட்ட பிறகு, இந்த நிறுவனத்துக்கு கேஷ் ரிசர்வ் ரேஷியோ (CRR) மற்றும் முன்னுரிமைத் துறை களுக்குக் கடன் தருவது ஆகிய இரு விஷயங்களிலும் ஏதாவது விலக்குகள் அளிக்கப்படுமா? 3. இந்த இரு நிறுவனங்களும் இணைக்கப்பட்டு உருவாகும் நிறுவனம் ஹெச்.டி.எஃப்.சி இன்ஷூரன்ஸ் நிறுவனத்தில் முதலீட்டை அதிகரிக்க முடியுமா என்பவற்றைப் பார்த்துச் சொல்ல வேண்டும்.

அதேபோல, இந்த இணைப்பு நடந்த பின் ஹெச்.டி.எஃப்.சி எர்கோ மற்றும் ஹெச்.டி.எஃப்.சி லைஃப் இன்ஷூரன்ஸ் எனும் இன்ஷூரன்ஸ் நிறுவனங்களில் இந்த இரண்டு நிறுவனங்களும் இணைக்கப்பட்டபின் கைவசம் இருக்கும் மெஜாரிட்டி பங்குகளை வைத்துக்கொள்ள முடியுமா என்று ஐ.ஆர்.டி.ஏ முடிவெடுத்துச் சொல்ல வேண்டும்.

மேலே சொன்ன விஷயங்களுக்கு முடிவு கண்டு, ரெகு லேட்டரி அப்ரூவல்கள் கிடைப்பதற்கு இணைப்பு குறித்து அறிவிக்கப்பட்ட தேதியான ஏப்ரல் 4, 2022-ல் இருந்து குறைந்த பட்சம் நான்கு மாத காலம் ஆகலாம் என்று எதிர்பார்க்கலாம். அதன்பின், தேசிய கம்பெனி சட்டத் தீர்ப்பாயம் (NCLT) இணைப்புக்கான அனுமதி கோரப்படும். என்.சி.எல்.டி மற்றும் நிறுவனத்துக்குக் கடன் தந்தவர்கள் என இருதரப்பு அனுமதியும் தர இன்னுமொரு 12 மாத காலம் ஆகலாம்.

வெளியேறும்  எஃப்.ஐ.ஐ  முதலீடு
மீண்டும்  திரும்பவர செய்ய வேண்டிய  3  விஷயங்கள்!

இந்திய ரிசர்வ் வங்கி இதுபோன்ற இணைப்புகளை அனுமதிக்கும்போது, எதிர்காலத்தில் எதிர்பாராத சூழ்நிலைகளில் தேவையான அளவுக்கான முதலீடு இருக் கிறது என்பதை உறுதி செய்து கொள்ள முயற்சி செய்யும். ஹெச்.டி.எஃப்.சி நிறுவனங் களைப் பொறுத்தவரை, ஏற்கெனவே இருக்கிற நல்ல தொரு ‘டிராக் ரெக்கார்டு’ காரணமாக (கவர்னென்ஸ் என்றழைக்கப்படும் நேர்மை யான நிர்வாகம், சொத்தின் தரம் (Asset quality), பேலன் ஷீட்டில் தேவையான அளவில் இருக்கும் முதலீடு) இதில் எந்தவொரு சிக்கலும் உருவாவதற்கான வாய்ப்புகள் மிக மிகக் குறைவு. இதனால் ரெகுலேட்டருக்கும் இது குறித்த கவலைகள் மிகவும் குறைவாகவே இருக்கும் என்று எதிர்பார்க்கலாம்.

ஹெச்.டி.எஃப்.சி நிறுவனங் கள் இணைப்புக்கு எந்த அளவுக்கு வேகமாக அனுமதி அளிக்கப்படுகிறதோ, அதை வைத்தே ரெகுலேட்டர்கள் உரிய அனுமதியைத் தருவதில் வெகுவாக மாறியிருக்கிறார் என்று எஃப்.ஐ.ஐ-கள் உணர்ந்துகொள்வார்கள். இதனால் ரெகுலேட்டர்கள் பற்றிய அவர்களது எண்ணம் வெகுவாக மாறும்.

எஃப்.ஐ.ஐ-கள் இரண்டா வதாகக் கவனத்தில் கொள்ளும் விஷயம், ஒரு எஃப்.ஐ.ஐ-ஆக (Foreign Institutional Investor) இந்தியாவில் பதிவு செய்யும் செலவு செய்யும் நேரத்தை. 2020-ம் ஆண்டு பிப்ரவரியில் செபி யானது எஃப்.ஐ.ஐ-கள் பதிவு செய்வதற்கான ‘பொதுவான விண்ணப்பப் படிவம்’ (Common Application Form)’ ஒன்றை வெளியிட்டது. இதன்மூலம் விண்ணப்பிக்கும் பட்சத்தில், ஒரே விண்ணப்பத் தின் மூலம் எஃப்.ஐ.ஐ-ஆகப் பதிவு செய்துகொள்ளுதல், வருமான வரிக்கணக்கு எண்ணைப் பெறுதல் மற்றும் வங்கி/ டெபாசிட்டரி கணக்குத் தொடங்குதல் என அனைத் தையும் செய்துகொள்ளலாம் என செபி கூறியது. ஆனால், நாங்கள் எஃப்.ஐ.ஐ-களுடன் பேசியபோது, இந்த விண்ணப் பம் வந்த பிறகும் நிலைமை எதுவும் சுலபமாகவில்லை. முன்புபோலவே, பலமாத காலம் காத்துக் கிடக்கத்தான் வேண்டியிருக்கிறது. என்ன காரணம்?

வெளியேறும்  எஃப்.ஐ.ஐ  முதலீடு
மீண்டும்  திரும்பவர செய்ய வேண்டிய  3  விஷயங்கள்!

அட்டஸ்ட்டேஷன்: எஃப்.ஐ. ஐ-கள் எந்த நாட்டில் இருந்து பதிவு செய்ய வரு கின்றனரோ, அந்த நாட்டில் நோட்டரி (Notarisation and apostille) கையெழுத்தைப் பெற்ற ஆவணங்களையே சமர்ப்பிக்க வேண்டும் என்கிற நிலை இருப்பதாலும், பல்வேறு வகை ஆவணங்களில் இந்த வகை கையெழுத்துக் களைப் பெற வேண்டி உள்ளாதாலும் கணிசமான காலவிரயம் இதில் நடக்கிறது. மாறாக, டிஜிட்டல் நோட்டரி அல்லது வக்கீல்களின் அத்தாட்சியே போதுமானது என்று செபி கூறினால், இந்தக் காலவிரயம் கணிசமாகக் குறையும்.

டிக்ளரேஷன் மற்றும் அண்டர்டேக்கிங்: இந்த விண்ணப்பத்தின் ஒவ்வொரு பக்கத்திலும் எஃப்.ஐ.ஐ-களின் அங்கீகரிக்கப்பட்ட அலுவலர் பேனாவால் கையெழுத்திட வேண்டியுள்ளது. உதாரணமாக, ஓர் அமைப்புக்கு அமெரிக்கா, சிங்கப்பூர் மற்றும் ஐரோப்பாவில் அங்கீகரிக்கப்பட்ட அலுவலர்கள் இருந்தால், ஒவ்வொரு நாட்டுக்கும் இந்த விண்ணப்பம் சென்று கையெழுத்தாகித் திரும்ப வேண்டியுள்ளது. இந்த நிலையை மாற்றி, டிஜிட்டல் கையெழுத்துகள் (docusign) அனுமதிக்கப்பட்டால், இதில் ஏற்படும் காலவிரயத்தைக் குறைக்க முடியும்.

பவர் ஆஃப் அட்டர்னி: எஃப்.ஐ.ஐ-கள் கஸ்டடியன்களுக்குக் கொடுக்க வேண்டிய பவர் ஆஃப் அட்டர்னிக்கான மாதிரி படிவம் செபியால் தரப்படவில்லை. இதற்குப் பதிலாக செபி ஒரு ‘ஸ்டாண்டர்டு பவர் ஆஃப் அட்டர்னி படிவ’த்தைத் தந்துவிட்டால் இந்த வேலை வெகு சுலபமாகும்.

கே.ஒய்.சி: எஃப்.ஐ.ஐ-களுக்கான கே.ஒய்.சி நடைமுறைகள் கடினமானவையாக இருக்கின்றன. மேலும், கே.ஒய்.சி நடைமுறைகள் நெகிழ்வுத்தன்மை அற்றதாக உள்ளது. மிகப்பெரிய நிறுனவங் களுக்குக்கூட ஒரு சில சலுகைகள் வழங்கப்படுவதில்லை. உதாரணமாக, பில் & மெலிண்டா கேட்ஸ் பவுண் டேஷன் எஃப்.ஐ.ஐ-ஆக கேட்டகிரி-II விண்ணப்பம் செய்தால், அனைத்து டைரக்டர்கள் குறித்த பர்சனல் தகவல்களையும் (பில் கேட்ஸையும் உள்ளடக்கி) கே.ஒய்.சி நடைமுறையின்கீழ் சமர்ப்பிக்க வேண்டி இருக்கும். எஃப்.ஐ.ஐ- களுக்கான கே.ஒய்.சி நடைமுறையை எளிமைப்படுத்தினால், பலரும் எளிதாக முதலீடு செய்ய முன்வருவார்கள்.

எஃப்.ஐ.ஐ-கள் பயப்படும் மூன்றாவது விஷயம், டாலருக்கு எதிரான இந்திய ரூபாயின் மதிப்பு ஏற்ற இறக்கம். வெற்றிகரமாகச் செயல்படும் எமர்ஜிங் மார்க்கெட்டுகளான சீனா மற்றும் ஜப்பான் தொடர்ந்து தங்களுடைய நாட்டின் கரன்சி டாலருக்கு எதிராக மதிப்பை இழக்கும்படி பார்த்துக்கொண்டன. இதன்மூலம் அந்த நாட்டின் உற்பத்திப் பொருள்கள் (போட்டி யிடும் மற்ற நாடுகளைவிட) அதிக அளவில் ஏற்றுமதியாக வாய்ப்புள்ளது. இந்த வித மதிப்பிழப்பு என்பது எஃப்.ஐ.ஐ-களின் வருமானத்தை மட்டுப்படுத்தவே செய்யும். இந்த மதிப்பிழப்பு என்பது சீராக ஆண்டொன்றுக்கு 2% - 4% என்ற அளவில் இருந்தால், எஃப்.ஐ.ஐ-களால் தங்கள் முதலீட்டுத் திட்டம் மற்றும் வருமானத்தை (மதிப்பிழப்பைக் கணக்கில் கொண்டு) அனுசரித்துத் திட்டமிட முடியும்.

ஆனால், இந்தியாவிலோ நிலைமை வேறாக இருக்கிறது. ரூபாயானது 4 - 5 ஆண்டுகளுக்கு சீரான மதிப்பில் இருக்கிறது. அதன் பின்னால் 15 - 20% அளவு மதிப்பிழப்பைச் சந்திக்கிறது. இந்தவித திடீர் மதிப்பிழப்பு நடைபெறுவது இந்தியாவுக்கு மிக அதிகமான அளவில் எஃப்.ஐ.ஐ- களின் முதலீடு தேவைப்படும் காலகட்டங்களில் (கரண்ட் அக்கவுன்ட் பற்றாக்குறை ஏற்படும் காலம், கச்சா எண்ணெய் விலை ஏற்றம் மற்றும் அமெரிக்க ஃபெடரல் ரிசர்வ் வட்டி விகிதத்தை வேகமாக அதிகரிக்கும் காலகட்டம்) அதைக் கிடைக்கவிடாமல் செய் கிறது. இதைத் தவிர்க்க, இந்திய ரிசர்வ் வங்கி எவ்வாறு ரூபாய் மதிப்பை நிர்வகிக்கப்போகிறது என்பது குறித்து உலகுக்கு முன்னரே தெளிவுபடுத்தினால், அது எஃப்.ஐ.ஐ-களின் இந்தியா சார்ந்த முதலீட்டுத் திட்டங் களுக்கு உதவியாக இருக்கும்.

மூன்றில் இரண்டை சரி செய்தாலே போதும்...

மேலே நாம் சொன்ன மூன்றில் ஏதாவது இரண்டு பிரச்னைகளை சரிசெய்தாலே அவை கடந்த 12 மாதங்களில் இந்தியாவை விட்டு வெளியேறிய எஃப்.ஐ.ஐ-களின் முதலீடுகள் மீண்டும் இந்தியாவை நோக்கி வருவதற் கான வாய்ப்பை வெகுவாக அதிகரிக்கச் செய்யும் என்று எதிர்பார்க்கலாம். இந்தியாவில் முதலீடு செய்திருப்பதைவிட சீனாவில் ஐந்து மடங்கு அதிக மாக எஃப்.ஐ.ஐ-கள் முதலீடு செய்திருக்கின்றனர். மறுபடியும் இந்தியாவை நோக்கி எஃப்.ஐ.ஐ-களின் முதலீடு வர ஆரம்பித்தால், அது நீண்ட நாள்களுக்கு இந்தியாவில் இருப்பதற்கான வாய்ப்பு அதிகம். ஏனென்றால், தொடர்ந்து சீனாவைவிட அதிகமான வருமானத்தை (compounding) இந்தியச் சந்தையில் பட்டியலிடப்பட்டுள்ள பங்குகள் பலவும் தந்துவருகின்றன.

குறிப்பு: மார்செல்லஸின் வாடிக்கையாளர்கள், பணி யாளர்கள் மற்றும் செளரப் முகர்ஜி (ஒரு தனிநபராக) போன் றோர் ஹெச்.டி.எஃப்.சி வங்கியின் பங்குகளில் மார்செல்லஸின் பி.எம்.எஸ் திட்டங்களின் வாயிலாக முதலீடு செய்துள்ளனர்.